冷氣機安裝及聲音問題

tyc29

如果睇唔到全圖，請按上方「打印」

想請教熟冷氣嘅各位，以下安裝係咪有問題，同埋有幾種聲音係咪有問題，希望唔好介意下面有D長：

首先，新房署樓一房則，係廳近窗位置間多一間細房
大石屎窗台，左邊1部東芝RAS-13J2KV-HK去廳，右邊一部東芝RAS-10J2KV-HK去細房
窗台左邊係加建沙磚牆










1. 聲音同震動問題

1a.
喺廳即使閂埋房門，夜晚安靜時，間中可以聽到一層有節奏嘅低頻聲，係某D角度聽會更明顯
而且側睡喺廳嘅一張IKEA鐵架梳化床，竟然隔著床褥同枕頭，會聽得更明顯
冷氣窗台、窗玻璃、入到來嘅銅喉、近室外機嘅喉殼，仔細D可以感覺到輕微震動

當固定室內機風速做最低，轉fan mode，嗰層低頻聲會即時消失

天熱時起機有時會有明顯低頻聲，同窗台會明顯震
當30幾度時，開最低溫度、最大風速、Hi Power
冷氣窗台、沙磚牆、窗玻璃、入到來嘅銅喉、全條喉殼，全部可以感受到明顯震動，而且隔離冇開機嗰條銅喉都會一齊明顯震

低頻聲同震動係開當中任何一部分體機都會有

1b.
2部室內機個swing都有明顯摩打聲，廳嗰部似乎大D，成個廳都聽到

1c.
廳部13J2KV室內機左邊，間中會有「nick-nick」或「力-力」聲，fan mode都有

1d.
廳部13J2KV室內機喺相對低load時，但應該唔係最低時，有時會有類似「囉-囉」或「long-long」聲，呢隻聲以前都係唔覺有
因為當恒溫時，有新熱源，例如打開充滿水蒸汽嘅浴室門或熱嘅廚房門，呢種聲會容易出現，改風速冇影響，反而定左風速轉fan mode，會即刻冇左
奇怪嘅係，我發現同時間喺細房入面，耳仔近距離以特定角度向窗台過喉位，都有類似嘅聲音，似乎室外機都有呢隻聲
https://voca.ro/1iUMtXbNBXu0
呢段聲係近室外機錄：
https://voca.ro/16QXlVDtOeOh

1e.
廳部13J2KV室外機恒溫時，近窗台位呢排經常會聽到有「we-wu」聲，呢隻聲以前唔覺有
例如開23度恒溫時會有，遙控較21度會冇左，但再即刻較返23度又好快出現返
「we-wu」聲有時會同1d.講嘅聲同時出現
https://voca.ro/1jGfZFFAz2sm
https://voca.ro/1oKsxf6mlSor

2.
我仔細睇室外機安裝，有部分機腳並無上螺絲
仲見到有粒應該係鑽尾螺絲彈左上來，鋁架底嗰個位只係見到有窿，唔見螺絲


呢幅係我睇到收左幾多粒螺絲，O=有螺絲, X=冇螺絲, !=彈起, ?=豬腸遮著睇唔到


3. 玻璃膠空隙、過喉位漏風、大風雨時玻璃線入水





封玻璃膠問題？震動影響？

過喉位有風，唔肯定係咪上面玻璃膠空隙入風
過喉位睇落似係3條豬腸、電線拍埋後，外圍打玻璃膠，豬腸間唔似有玻璃膠，正常嗎？


同埋呢D應該係師傅撬玻璃線時撬彎，唔係應該拗直先？


4. 室外機去水喉拱起
冷暖機，室外機去水拱起，斜水係咪有問題，會容易塞？


5. 室內機去水連接有時有倒汗水
保溫不足？



另外，原先大房裝嘅Panasonic CW-HZ70ZA：


6. 玻璃線彈出
冇比窗口機壓住嘅2條玻璃線都彈左出來


左下塊玻璃，嘅右上角，比起上面塊玻璃，凹左出去


底條玻璃線，冇窗口機壓住嘅部分，似乎想彈起，玻璃線同窗框空隙較闊，開緊部窗口機時，仲有時會震出聲，要㩒著先冇


而且仲有D白色一按就碎嘅粉狀物


睇返部機安裝，見到部機真正固定應該係靠2個窗外鋁角碼，2個鋁角碼各自喺窗框內向外攻2粒鑽尾出來，再攻穿鋁角碼



咁樣裝有冇問題？

7. 鋁架螺絲生鏽
差唔多一年就生鏽，安全同正常？


唔該各位

powershing

有一樣野可以好肯定同你講
著緊fan mode,外機會休息,
靜係一定.

不過師傅手功真係好粗糙

raylee

有一樣野可以好肯定同你講
著緊fan mode,外機會休息,
靜係一定.

不過師傅手功真係好粗糙 ...
powershing 發表於 2023-7-6 09:33

X2
這師傅永不再用
下次裝修可再執過

teddybearhk

打開側邊隻窗，申隻手出去按壓機身，鋁架，玻璃等，感覺下係邊度出現震動，唔用膠腳做避震易出事。改用膠片封窗噪音會比較細小

wgpoon

1a.冷氣窗台、窗玻璃、入到來嘅銅喉、近室外機嘅喉殼，仔細D可以感覺到輕微震動

變頻機銅喉共震, 如果重有保搵原廠同你執下條喉走位, 有機會少D聲, 同埋師傅裝得哀, 正常行圓型走喉, 佢U字走喉屈得勁, D曲位雪種壓力大就響

外機車頭窗台有無落防震墊, 我睇圖唔太清楚

1b.
2部室內機個swing都有明顯摩打聲，廳嗰部似乎大D，成個廳都聽到
叫原廠執

3. 玻璃膠空隙、過喉位漏風、大風雨時玻璃線入水
師傅打膠差, 一係自己買支膠打過, 唔順氣就叫裝機師傅打番好(不過好少會理你)

豬腸間唔似有玻璃膠
- 普通1+1條過就少落, 但3條都唔執好就手工問題

4. 室外機去水喉拱起
手工問題, 不過室內機高過去水位就問題唔大

5. 室內機去水連接有時有倒汗水
又係手工問題, D 接口漏氣, 凍時咪出倒汗水


結論係呢個師傅好唔掂, 你一係報原廠執, 一係搵鋪頭叫佢搞番好
報原廠只要肯定裝工問題, 個裝機師傅一定要硬食

3K

嘩 .................玉皇大帝第九個孫

垃圾冷氣"屍苦"手工衰過DIY

tyc29

1a.冷氣窗台、窗玻璃、入到來嘅銅喉、近室外機嘅喉殼，仔細D可以感覺到輕微震動

變頻機銅喉共震, 如果重有 ...
wgpoon 發表於 2023-7-6 16:16

1a. U字位係指左邊室外機銅喉出來嘅倒U？
左邊機身上方頂著條銅喉有冇問題？

室外機係直接放落鋁角砌嘅架，下面就係石屎台拉爆固定

4.室內機去水同室外機去水係去到大廈去水先匯合，網喉嗰條係同室外機去水，燈喉嗰條先係室內機去水
主要講緊佢室外機去水，用條網喉臨到大廈去水前拱起

6. 想問窗口機安裝有冇唔合理嘅地方？
唔知D玻璃線會唔會係震出來
甚至最嚴重會唔會係部窗口機移左位？

唔該