眼鏡鏡片: hoya vs 蔡司

好耐之前用太空鏡片，發覺睇近野好辛苦，同埋起唔夠光的情況下睇野又係好辛苦, 當時以為有老花，之後轉用hoya 鏡，情況改善好多。

之後轉用蔡司，發覺同太空鏡片一樣，睇近野好辛苦，睇近野直頭要除眼鏡先睇到，同埋睇野有時濛濛地，當時以為年紀大，眼水唔夠所以濛

最近配眼鏡，用返hoya 鏡片，鏡片的度數同蔡司一樣，睇近野無咁辛苦，至少唔會頭痛，同埋就算副眼鏡帶得唔實，睇野都會清，唔會好似蔡司鏡片睇野會濛濛地

比錢時先發覺原來蔡司鏡只係$1600, 而hoya 要$1700，玩過相機的人都知道hoya 同蔡司跟本無得比，唔通因為我配的蔡司鏡片只係入門級$1600，所以發揮唔到蔡司的功力?

暫時發覺蔡司鏡睇的成像色水較濃，成像較實，夜晚行街後面有街燈都唔會fog 鏡，而hoya 睇野較鬆散, 色彩較淡，但睇近野無咁辛苦，透光度同蔡司一樣

0

0

HighLamb

進階會員

Rank: 3 Rank: 3 Rank: 3

2^#

發表於 2023-6-12 22:31 | 只看該作者

蔡司係二次大戰前的玻璃/鏡頭/相機生產工場都在東德那邊，二戰後東德由蘇聯接管，蔡司的所有資產都落入蘇聯手中，東德蔡司工場變成以後的"東德 Praktica 相機"公司；只有光學工程師逃到西德再開新公司，但因為再無自己的生產工廠，西德蔡司只提供技術和設計，生產玻璃/鏡頭/相機的工作都會外判到外面的工廠代工生產。例如相機/鏡頭，早其就由日本Yashica(今日的京瓷Kyocera)代工生產。
認識呢個歷史，先至會了解蔡司產品的真實。