細尺寸籃牙 Keyboard

C_Law

Windows 用，有無好介紹？

土地問題，又要用 Desktop，又要用部 Windows 的平板，結果要這樣擺放。

下載 (113.19 KB)

2024-4-27 23:15

(PS. 因為用 Wide angle 鏡頭打直影，幅相睇落好似左右㩒扁了)

大約年半前買了相中下方的 Keyboard(逃佬貨，福仁個雜貨場都見過)，尺寸大約 315*85 mm。

對我來講，尺寸剛剛好。不過，今晚開來用發現壞了！

最右邊的兩行始乎 Short 埋了！例如按最右的「\」會連埋旁邊的「]」一齊出變了做「]\」，同樣地按「]」都一樣變「]\」。

想搵返個近以尺寸的藍牙 Keyboard。

太大的話，Desktop 個 Keyboard 要進一步推入檯底，雖然我中英文都可盲打，但伸到入檯底打字，手指有時會撞檯底。

太細，又可能影響我盲打。

個手墊又不可拿走，有它的話，打幾耐都無所謂，但無手墊，打個零鐘就開始手碗痛。

ww9876

要同一時間2個keyboard?如果每次只係一部機，用kvm一個keyboard兩機用。唔用number pad就可以。

via HKEPC Reader for Android

C_Law

要同一時間2個keyboard?如果每次只係一部機，用kvm一個keyboard兩機用。唔用number pad就可以。

via HKEPC ...
ww9876 發表於 2024/4/27 23:35

有機會同時用，兩部機不同版本 Windows，有時自己寫的 Program，想試下係兩部不同版本 Windows 使用的反應，會不斷輪流地這部機用下、另一部機又用下。

無更好解方法就唯有買返個正常小小尺寸的藍牙 Keyboard，要係部平板打字就先將 Desktop 個 Keyboard 推到最入，放個藍牙 Keyboard 上去打，用完就拎走個藍牙 Keyboard 再將個 Desktop keyboard 拉返出來，但會煩小小，不及現在的擺放方式方便。

C_Law

想話死馬當活馬醫，拆開個藍牙 Keyboard 底蓋睇睇，發現應該係個面蓋有一條條膠柱穿過塊線路板再用熱熔方式整熔條柱去鎖死塊線路板，再進一步拆的話，就算整得好都不能再砌回原狀。可正式宣報這個細藍牙 Keyboard 無藥可救！

ww9876

點都係得一對手打keyborad，我會用kvm轉。

via HKEPC Reader for Android

C_Law

點都係得一對手打keyborad，我會用kvm轉。

via HKEPC Reader for Android
ww9876 發表於 2024/4/28 00:09

我對 KVM 的認識仍然保留係 PS/2 Mouse 年代，當時全部都係行有線。

現在的 KVM 可否 Desktop 駁 USB 但係平板就行藍牙？

因為部平板的 USB 得一個 A 一個 C，個 C 主要用來駁火牛，剩得一個 A 可用，而我又玩開 Arduino/ESP8266 之類電子玩意，要經個 A 去做 Upload，如果部平板要用有線 Keyboard 就要駁多個 USB Hub，又係多隻香爐多樣煩。

C_Law

上逃佬睇了一輪，左右長度窄過我剛壞了的就有好多，但我最主要睇的上下長度就 120~150mm，如果係我張電腦檯用，雖然係夠位放，不過就要將個 Desktop keyboard 推到好入。

一係買返個一模一樣的，但經過今次，心裡「形住」又係一年半載就變殘廢。不過，買其它的都不保證不會壞。

super_fatman

上逃佬睇了一輪，左右長度窄過我剛壞了的就有好多，但我最主要睇的上下長度就 120~150mm，如果係我張電腦檯 ...
C_Law 發表於 2024-4-28 02:05

有無咩原因唔用一個keyboard,  Desktop 用埋藍牙, 用 shortcut key 轉?
或者 有線/2.4G/藍牙 之間用掣轉?

C_Law

有無咩原因唔用一個keyboard,  Desktop 用埋藍牙, 用 shortcut key 轉?
或者 有線/2.4G/藍牙 之間用掣轉 ...
super_fatman 發表於 2024/4/28 04:05

部 Desktop 係古董的 32-bit Win7，本身無藍牙。

大約 201x 尾試過想用藍牙，自己買又好，問朋友借又好，大大話話試過 5~6 個 USB 的藍牙接收器，無個可以真正的正常用到！一係 Device manager 內認不到個接收器 or 裝不到 Driver，就算認到又裝到 Driver，去到做掃描藍牙裝置時就什麼都搵不到(當時手頭上有藍牙的 Mouse 和 Headphone，但無 Keyboard)，就算掃描時成功同藍牙裝置連到線，但快則去到下次 Reboot，慢側用十零廿日後，又會同 藍牙裝置連不到線，就算拔走個接收器再插過都係連不到線，要鏟走個藍牙接收器個 Driver 從頭裝過先至正常用得返，不過都係會用用下又會再死，又要鏟 Driver 再重裝，無限的輪迴！已放棄在這部古董用藍牙。

smoke_cheese

現在的 KVM 可否 Desktop 駁 USB 但係平板就行藍牙？
C_Law 發表於 2024-4-28 02:00

唔使 KVM，Logitech 及其他牌子有 keyboard 可以連接幾部裝置，用 USB 無綫 receiver 或藍牙接駁，按鍵轉換。Mouse 都有同樣產品。

例子 MK850