新手想問買電單車

shingzhk

報觀駕, 現時學牌
上年過左強制, 下個月開始上路試堂
本身plan跟幾個鐘自學, 基本上都預你自己加錢加鐘, 大約$250/h
一陣上完堂, 考期比肺炎delay 搞到空白期, 又係要科水補鐘, 倒不如一開始就用自己車

雖然聽過學牌出車保費係會貴D, 不過扣返補鐘錢, 其實都平返有突
加上而家肺炎期乜都冇得做, 好得閒想買黎玩下
但完全冇認識 / 亦冇fd識, 所以唔打算博2手

主用途都係中距離代步, 一星期預期都係揸2~3日, 預買黎哂太陽多過揸出去, 所以唔預買太貴
長遠目標第時偶爾接載老父去每月覆診(兩人各6x~5xkg)
本身target教院車Honda CB190R, 不過係做功課既過程中見到豪爵 dr160s
平1萬, 感覺差唔多仲多個CBS

但其他野真係完全唔識睇, 例如牌子口碑, 保養維修...etc
外行人點睇都係外行人, 伏位基本上又唔會有評測寫出黎
想問下識各位師兄點睇 , 麻煩比D意見 (唔好打臉)

s007479

街車唔知, 但綿羊新車好難買, 上年9月心儀某款，打去代理完全唔想做生意的語氣
只係講冇貨，要下年先可以訂，亦未知幾時有貨。
建議先打電話問(HONDA行就應該係燦基吧 ,豪爵代理就是我上述提及那間)

另外載人, 綿羊應該係對乘客舒服D, 但樓主應該係考棍波吧，應付考慮又冇乜理由出羊....

tunster

豪爵係內地牌子, 老實講好少聽有問題, 但亦可能只係少人用, 我自己就唔會揀啦, 唔係唔想支持國貨, 但電單車嚟講真係支持佢唔住

新手搵返 200cc 樓下車, 如果係操車嘅執部人哋揸開嘅二手, 起碼佢揸開架車有事都唔會係大問題, 如果長擺嗰啲就小心, 我唔建議買新車, 因為新車有問題都唔係新鮮事.

shingzhk

點解反而會買2手較好
我隨便Google搵過, 唔少人都係話電單車消耗品多
唔識check易中伏, 不如比貴少少買新車(而且2手個價...都唔見得平去邊)

基本上我預算黎講, 都只可以揀CB190R,
不過其實果部design一黎舊二黎其實都係全國產, 比貴一萬除左買個牌子又好似冇乜好處