廁所水箱塊"止水皮"升得唔夠高 [已解決]

soccerism

左面側按, 用福馬既水箱, 按掣時支桿升得唔夠高, 下面塊"止水皮"升得唔夠, 變左一放手佢就跌落黎, 要長按個掣 D水先可流得哂落去, 真係好煩.

上手似乎都有做過野, 響鐵鏈到加左舊發泡膠想令塊上水皮升得高D, 但唔多WORK

現時個難點我睇到係塊止水皮一彈高就俾果條防止過滿既水管頂番轉頭. 想請教下師有咩計仔可以令到塊止水皮豎起既時間可以耐D? 或者換左佢?

hon829

式樣/設計係死症
攪咁多心思/腦汁! 不如一次性換咗隻缸心佢

EW

發泡膠似係原裝，https://youtu.be/XFUXTV8lPic?si=dfYVXKF6sao6NvT8 睇下有無幫助。另外，福馬啲flapper,下面有個air pocket，幫佢浮起，如果你果個無，不如換過個。

soccerism

發泡膠似係原裝， 睇下有無幫助。另外，福馬啲flapper,下面有個air pocket，幫佢浮起，如果你果個無，不如 ...
EW 發表於 2024-11-9 10:11

個flapper係咩樣的?

我都係因為個福馬波曲壞左, 唔識上水所以已經換左佢, 想順便攪埋個去水問題. 馬桶係兩幅式既, 扭緊個上水條管螺絲好入, 伸唔到手入去扭鬆粒膠螺絲, 所以只換左"嗶佬"果節. 見唔到有咩flapper, set野都扔埋了.

而睇番師兄個youtube, 似乎好似仲有得調節下個發泡膠球救下個"止水皮", 今晚再試

至於換既問題, 間屋唔係我既, 要同業主溝通係一大問題, 兼且兩幅式馬桶以前曾經維修過另一隻, 師傅要拆上下兩節話要多好多工夫, 果次唔知有冇俾人水啦, 整個閘掣整左好耐, 拆好多野, 結果收費$2K. 呢手個業主冇咁好相遇, 好多說話要聽, 好煩.

EW

你黑色果舊就係flapper, 你首先較發泡膠落最底,另外較下條珠鏈到最盡.
如果吾得, 先至睇下你下面有無呢個位,. 無至考慮換.

Ian_Seabourne

左面側按, 用福馬既水箱, 按掣時支桿升得唔夠高, 下面塊"止水皮"升得唔夠, 變左一放手佢就跌落黎, 要長按個 ...
soccerism 發表於 2024-11-8 20:51

換塊 止水皮 試試
止水皮 下面應該有個倒轉向下嘅杯儲空氣。止水皮 一升起，無了水壓壓住，果團空氣會產生浮力令止水皮keep住打開，而唔係靠支竿提起佢。

pkf

我屋企都同款
我個做法係較短條鏈

via HKEPC Reader for Android

soccerism

我屋企都同款
我個做法係較短條鏈

via HKEPC Reader for Android
pkf 發表於 2024-11-9 17:44

    剛剛就係調較條鏈, 而且亦將個發泡膠降低左, 但都不能解決, 佢個問題係按掣能夠升起到塊膠皮個角度太細, 可能只係得30-40度, 變左一升起就向下跌,

以前間屋個廁所我記得支膠棍係曾經俾人用火機之類既野"談"彎左令佢向入面拗, 令佢可以提高D個膠皮. 後尾支野斷左, 我成set換, 冇呢個問題.

所以我可能會向著呢個方向試下攪, 例如將條鏈移入去支棍既較入既位置, 令按掣時可以扯高D個膠皮.

soccerism

換塊 止水皮 試試
止水皮 下面應該有個倒轉向下嘅杯儲空氣。止水皮 一升起，無了水壓壓住，果團空氣會產 ...
Ian_Seabourne 發表於 2024-11-9 12:02

有可能要換埋佢, 而家止水皮個凹位因為D水去唔盡, 佢就永遠儲唔到空氣產生浮力, 惡性循環

ken2004

印象中向上舉嗰支膠棒底部左邊有粒大螺絲，拆鏈後拎起支膠棒就見到，可微調舉高幾多。
另外，圖最左邊膠件可以左右移的，改變支點位置便可以改變動作放大倍數，要左右移就要再鬆膠帽