企缸排水口建造在牆上

夢中見1983

話說想改低浴室企缸, 於是搵公司搭棚, 將室內U型隔氣,改裝在外牆
工程做完後, 先至發覺師傅將個企缸排水口, 做在牆角,
而唔係採用一般做法, 將排水口做在企缸地台上,
即時問佢點解會咁做, 佢解釋話, 因為企缸跟我要求
盡量做得低, 同浴室地台高度貼近, 所以要咁樣
話雖如此, 但直覺上未見過人會咁做, 企缸排水口裝在牆上?
(原本企缸未改裝前, 排水口都在地台上)
思前想後, 睇返我自己影嘅相, 未鋪企缸地磚時,
企缸外露突出條喉, 其實都好低, 唔明個師傅點解要咁做
覺得個佢係貪方便, 做在牆上, 唔使咁多功夫?
不滿嘅地方:一嚟感覺牆上渠, 好肉酸唔雅觀, 二嚟沖涼啲頭髮好難去阻隔,
仲有唔知係咪過慮, 擔心渠口,會畀啲蛇蟲鼠蟻爬入
有冇人可以解釋下, 排水口裝在牆上和企缸地台上,去水有咩分別?
so far 暫時發覺沖涼去水係流暢嘅
我完全唔識泥水裝修, 其實企缸排水口裝在牆上,仲有冇其他要留意嘅弊端?
應否去追究, 要間公司做返個企缸地台去水位畀我?
抑或係小事一樁, 無需介懷?

liyee

當初點解唔同師傅溝通好？

你畀啲意見佢，要求做噉樣（排水溝）






via HKEPC IR 5.1.14 - Android(5.1.2F)

夢中見1983

回覆 2# liyee

原本企缸未改裝前, 排水口都在地台上
上網搜尋, 將企缸排水口做在牆上, 真係未見過,
起碼呢個絕對唔係一個傳統做法?
個師傅都唔話聲我知, 我覺得我係中咗伏
係咪個師傅貪方便, 做在牆上, 唔使咁多功夫,
真係要問佢至知
其實我對泥水工程係一竅不通, 好多嘢都唔識問,
間公司老細, 工程報價亦都好粗疏,
我嘅底線係, 求其佢合約承諾保五年防水,
其他嘢我都冇乜再去深究, 但估唔到個排水口
會搞成咁, 真係好唔開心, 屋企人亦都向我詐晒型

kanduki

你要個企缸面㩒到最低
咪再無厚度俾去水渠造向企缸地台底囉
一係你同樓下溝通好
俾你支喉篤穿落樓下天花度再向外牆橫陣吼窿穿出街做埋隔氣再叉入公渠

kanduki

你要個企缸面㩒到最低
咪再無厚度俾去水渠造向企缸地台底囉
一係你同樓下溝通好
俾你支喉篤穿落樓下天花度再向外牆橫陣吼窿穿出街做埋隔氣再叉入公渠

夢中見1983

回覆 5# kanduki

未鋪企缸地磚時,
企缸外露突出條喉,
其實都好低短
目測大約唔過半吋高 ( 見圖 )
是否做個地台去水位真係不能為?

dominicyu

有 公屋有咁做
壞處係如果去水喉頂污糟好難洗
好處係清頭髮方便D

你有搭棚理論可以做地台去水 你詳情問裝修大哥
如果你想地台去水咪叫佢造高少少地台

亞基拉

香港實在太多依啲裝修客.....

要求多多又吾講清楚，見識少未見過就覺得人地呃佢

powershing

你原本個地台升高左
打完都唔見有舊喉在地面上來
現在禁低左當然做不到地台去水

夢中見1983

回覆 7# dominicyu

間公司老細, 工程報價好粗疏,
求其佢合約承諾保五年防水,
其他嘢我其實都冇乜去深究,
你自己google一下,
究竟有幾多企缸排水口,
係建在牆上而唔係喺地台上?
要求多多? meh~~