求推介，$420 樓下 WiFi Router

C_Law

剩低約 $420 支付寶HK 燒肺券，要係月底前用埋。

屋企用緊 iCable 200Mb/s 共享(單棟舊樓已無更好選擇)。用緊兩個 300N 的 Router，一個放廳駁 iCable  Modem，已經用好多年，近年發覺係屋企尾房瞓落床玩手機會收得差(久不久斷下又 Reconnect 過)，撞正有朋友 Upgrade 屋企 Router 後剩低個 300N Router，我就拎返屋企放係我房門口做 Universal Repeater，手機駁去房門口的 Router，接收算係穩定，但慢一截。

值不值得用剩低的燒肺券買過個新 Router？

smartlam

https://www.price.com.hk/product.php?p=472809

wyhui5124

有話值唔值,假如真係頂唔順就要換,行5GHz就一定會快過2.4

用唔哂D錢可以去買超市禮券慢慢用

bbshing

smartlam 發表於 2021-12-18 23:50

新版 WS7206 會唔會好d

smartlam

新版 WS7206 會唔會好d
bbshing 發表於 2021-12-19 17:36

香港好似冇行貨，唔介意買水貨或淘囉 !

happychanbb

Repeater 覺得差
買MESH 囉,  200Mbps 無追求可以用返上代wifi5 ac

Linksys Velop  (AC2600) - WHW0102

C_Law

Thx all~~~

研究下先！

暫時最影響係房入面反應慢。用開手機經 WiFi 連線自己 DIY 的紅外線遙控發射器。拎部手機係近房門口位置可直接連線去廳個 Router 的 WiFi，遙控房入面的電器(iDTV、風扇、冷氣…etc)近乎即按即有反應。但拎部手機去到房較入的位置，手機就連不到廳個 Router，要改為連去房門口個 Router，不過遙控反應就明顯變慢，遲半秒有反應已算是好彩，但有時離譜到按掣後兩三秒先至有反應。係房熄了手機 WiFi 改用手機數據經 Internet 遙控房的電器，反應重快過手機駁房門口個 Router 的 WiFi。

cvguser

Thx all~~~

研究下先！

暫時最影響係房入面反應慢。用開手機經 WiFi 連線自己 DIY 的紅外線遙控發 ...
C_Law 發表於 2021-12-20 16:33

咁嘅情況,你換 mesh router 應該會好D

剋星

我都係ICABLE 200MB 全棟分享...呢排唔知係咪屋企樓上樓下多左劏房..慢左好多
咁樣你不如試下買張無限DATA卡 放落舊電話放WIFI用
例如SOSIM
同呢張
https://www.hkepc.com/forum/view ... &extra=page%3D2

隨時成本又平左又快左

C_Law

趁鎖 Post 前講講進展。

剛過去的星期一假期要入深井幫個親戚搞部電視機，下午搭巴士出九龍再轉 MTR 返屋企，中途醒起反正有時間，巴士又會路經 SSP，就去黃金睇睇。

結果係「剪★」買了部 TP-Link AX10，盛惠 $399。至今用了幾日，「蘇花」感覺 OK。

以往係我房瞓落床玩手機，如果用手機直接去接收廳個舊 Router 的 WiFi，七八成時間只收到 0~1 格(部手機顯示係 0~4，0 都無就會完全斷線要重新 Connect 過)，0~1 雖然叫做勉強收到，但實際用起來會斷下斷下，只有間中收到 2 格才叫做穩定。

如今將部 AX10 放係原本個廳部舊 Router 的位置，我係房瞓落床玩手機，大部份時間可收到 3 格，間中可以收滿 4 格，偶爾 2 格。已經無需要用放係房門口做 Universal repeater 的 Router。原本最受影響的 IR 遙控，現在係床無論經部 AX10 的 WiFi、用手機流動數據經 Internet 返屋企，又或者係廳經 AX10 的 WiFi，全部都係即時有反應。

揀 AX10 純綷因為價錢剛剛好！朝早要由屋企搭 MTR 去美孚轉巴士入深井，之後又由 SSP 搭 MTR 返屋企，兩程 MTR + Router，兼夾係 SSP 時去「些粉」買枝茶飲，夾埋用清剩低的燒肺券！


兒戲溫度測試 ：
聽講熱係死 Router 的其中一個原因，於是想試下這個 Router 有幾熱。我用 DHT11(相中藍色方格內的溫度/濕度組模)放係部機的機殼上，先等 5 分鐘讓讀數穩定下來，結果顯示係塊 LCD 右上角 25℃/53%(下面較大個字的 17℃/81% 係天文台公開數據的九龍城溫度/濕度)。


將 DHT11 移離其他熱源，又係先等 5 分鐘讓讀數穩定下來，用作量度環境溫度，結果是 22℃/58%。


結果是機殼溫度比環境溫度高 3℃，不過，我都重未撕走機殼上的保護膠膜，以上數值沒什麼實際參巧作用，所以話係兒戲測試，純綷無聊玩下。