一個人在Akiba......(賽後報告補相同感想)

stephenlau

D maid cafe都進化了好似家電量販店咁有會說英文嘅maid招呼......


賽後報告:

話說要等凌晨羽田機回港, 可以成十點先出機場, 之前友人托辦的事情也完成了, 望望時間才不過六點還掂仲有時間磨, 啱啱企係呢間成日係露台嗌咪嘅maid cafe樓下 (去開嘅師兄應該知係邊度......都嗌咗好多年了 ), 又有牌仔寫住有English Menu & free WiFi咪抱住獵奇嘅心態上去㩒鐘仔

門一開基本已經對住maid cafe大門, 啲maid好留意有傻佬送上門咪大大聲嗌歡迎主人回來(小弟唔識日文, 純屬FF mode), 不過佢地都好醒見我無乜反應就即時轉做明珠台, 重點講明This is maid cafe怕你摸錯門口

店內呈正方形大約一千尺左右, 擺位類似香港茶記格局(除咗無卡位), 對住大門盡頭中央位置有個小stage, 人客不多只有兩三台, maid就keep住有3-4位(因為佢地要輪流落去企街拉客), 另加一位無着maid服嘅媽媽生(應該話可能係過氣maid, 年記大咗轉職做management), 廚房就得兩個後生仔下廚洗碗一腳踢

坐低就有一位扣住寫住English金屬章嘅maid嚟招呼, 我表明係度係等出機場佢話仲有好多時間, 佢啲英文係日本人中算ok, 當然未足以全程英語對答但起碼有啲短句都講到, 例如介紹menu時會問Are you hungry? 基本有三個套餐: 1.蛋包飯  2. Piece of cake  3. Cocktail, 全部另包杯嘢飲, 當然價錢有高低

跟住入鄉隨俗比個兔耳我戴 , order咗個蛋包飯好快就送上, 好唔好食就......你懂的



坐咗兩粒鐘見都係多咗三台客, 其中一台係外國人, 另一台係兩個女仔, 中間啲maid會輪流上stage表演唱歌(倒不如話播帶咪咀, 基本只係扭下跳下 ), 不過見到佢地都好high即管買支螢光棒支持下, 最驚喜係嗰位經理級maid都上台表演, 仲同嗰兩位女仔勁interactive,  連廚工後生仔都走出嚟跳埋一份, 啲歌有隻係AKB, 唯一一隻我識嘅係田村嘅Fancy baby doll, 不過最奇嘅我問嗰位講英文嘅maid, 佢竟然唔識田村ゆかり係邊個......


不過佢都算主動,問我係邊度嚟, 又問我去過日本邊度, 我問佢嚟過香港未, 佢話未嚟過不過佢媽媽大約十年前嚟過仲話夜景好靚, 佢特別用上nightscape呢個字, 我估佢可能去到短大學歷返呢度只係part time (因為我見佢地求人都係週三日四時間)......, 我問佢點解咁少人客, 佢話因為星期一喎......



途中嗰位經理都有走埋嚟打招呼, 佢一聽到我來自香港就用普通話說「你姣」, 我只能苦笑回應......, 佢問我想同邊位maid合照, 我話揾翻嗰位會英文嘅maid(嗰兩個女仔竟然揀咗同經理合照 ), 經理好快召返佢上嚟同我映張即影即有


兩個鐘好快過, 我同maid講time to go佢就識得幫我埋單




其實都唔平, 呢個價錢係當地出面可以食得好好, 亦都解釋到點解香港無一間開得成功, 當日本咁平租都收緊呢個價, 香港淨係租地方已經無得玩......

仲搏我幫襯多次?

利申: 玩過@home

Toes

D maid cafe都進化了好似家電量販店咁有會說英文嘅maid招呼......
stephenlau 發表於 2014-10-27 19:17

去左呢隻

http://m.gamer.com.tw/home/creationDetail.php?sn=2636555

a886

回覆 2# Toes


    LINK 入面最尾張相,被萌到

冷酷雙子

都係用日文親切D

0186

上次係大阪王將(道頓堀店)....店員在旁用國語同另一店員吹水
即時

ronald

......D maid cafe都進化了好似家電量販店咁有會說英文嘅maid招呼......
坐咗兩粒鐘見都係多咗三台客, 其中一台係外國人, 另一台係兩個女仔, 中間啲maid會輪流上stage表演唱歌(倒不如話播帶咪咀, 基本只係扭下跳下 ), 不過見到佢地都好high即管買支螢光棒支持下, 最驚喜係嗰位經理級maid都上台表演, 仲同嗰兩位女仔勁interactive,  連廚工後生仔都走出嚟跳埋一份, 啲歌有隻係AKB, 唯一一隻我識嘅係田村嘅Fancy baby doll, 不過最奇嘅我問嗰位講英文嘅maid, 佢竟然唔識田村ゆかり係邊個......
stephenlau 發表於 2014-10-27 19:17

＿|￣|................................................................................................................○

stephenlau

回覆 7# toylet

未至於難食但同好食沾唔上邊......

rockyw

回覆  toylet

未至於難食但同好食沾唔上邊......
stephenlau 發表於 2014-10-31 20:24

我岩岩星期二去, 去左食名代豬扒飯, 好上班族feel, 日本真係求其一間大碗飯都好好食