大家買 TP-LINK IP Cam 或其他產品時要慎思

本身用緊近十個 TP-LINK NC450 IP CAM，用咗約兩年左右，部份屋企用部份公司用。官網及格價網冇耐之前顯示【停產】，但又並不是宣佈埋【停止後台 APP 服務】，而且格價網及坊間腦場，一樣有出售中，而且價格網更每日更新。

我聯絡 TP-LINK 香港官方，佢一句【停產】就關人了，之前仲叫我買新型號。反而我之前淘寶雜牌 IP CAM，用左約五年都仲冇問題。試問一個大品牌大企業，點可以產品一停止生產，就隨時同時停止後台 APP 支援 ? 係咪應該在官網公開公佈，何時何日正式停止、對 NC450 APP 支曝服務咩?!

咁即係以後買 TP-LINK 型號，該型號一停產，就係逼正在使用舊型號客人，逼於無奈再買新型號先用得? 咁如果真係咁樣，我都絕對唔會再買回 TP-LINK。

【停產】型號隨時停止服務，咁即係如果你用 IPhone13、 IPhone14 一推出市場，IPhone13 就會立即停止支援 IOS ... 而逼人買新機? 大家覺得既然該型號已【停產】多時，但城間商戶及腦場尚有出售，TP-LINK 又公開公佈勒令回收，繼續任意在坊間出售該型號產品，而購買回來客人又用不了退回，豈不令商戶及客人煩惱，及對 TP-LINK 失信心 ? TP-LINK 此不負責任行為，可否向消委會或海關投訴呢?