揀電腦椅（長文）

mrmo

揀電腦椅，有如揀老婆同女朋友，明知坐緊嗰張最好，但假日總會想換一換位置。
而我嘅電腦椅，由一張木櫈開始。



無錯，第一張椅，又瘦又無肉，沒有高姿態，沒有昂貴收費，只要你能夠跟住佢嘅L型位置坐，仍然能夠板直背脊，不致於腰痛，只需間中主動，就知佢嘅優點，仍然有一個舒服嘅位置。
雖然明知木櫈已盡最大努力去滿足所需，但長時間以來，空間不足以盤腳，沒有扶手，沒有太多轉換姿勢，發生微妙舒適感只能出現喺同一個位置，日子久了實在難免會變得沉悶。

而當時我猶如行走中嘅輕鐵列車，從未出軌過，分不清電腦椅跟電莖椅之分別，就算腦場見到，只知電莖椅比木椅豐滿得多，但從未夠膽伸手摸過。但好奇心驅使下，我返家關上房門，從網路上搜尋thischair.com，有條綠色蛇叫我嚐一口禁果，我Click咗入去。



腦場上雖只敢遠觀，但網路卻可外買，只需數click，叮咚一聲，綠色蛇已經黎到屋企門口。
黎到嘅時候係需要組裝，擠扭搓揉，啪啪幾聲裝好，外觀靚，有肉地，但一坐上去，我腦中閃過方力申喺美女廚房講過嘅說話：「啲奶假咖！」，觸感好硬.........但俾左錢，都要頂硬上，本來想試一星期睇下點，試下係咪自己唔慣，但唔夠兩個鐘，我下背已痛得不得了。當時我先學識喺網上做多啲功課，初步了解電腦椅同電莖椅之分別，原來電莖椅，係為特別需要嘅人而設，佢所提供嘅服務，係滿足你嘅眼球，而非肉身。

知道一切都係自己選擇，選錯亦需自己付責，但脫軌嘅列車從不走回頭路，我係想搵一張滿足身心嘅椅。
關係未必每段都可以如童話般美滿，但經歷過挫敗嘅情感，定必更懂得珍惜，喺網路上我開始尋找二手市場，曾被拋棄嘅情感，我用真誠去填充。


Leap V2換上一件新衫，外觀仍然擁有當年最佳狀態之7-8成，但內裡所遺留嘅汗水與精，加啲滴露一抹一吸亦唔會明顯，誰沒有過去？
雖然leap v2外觀真係不如綠色蛇或者Aeron，但唔出眾嘅外表往往都帶住溫柔內心。你可能有時會嬲佢做乜唔花點時間打扮，小肥帶點笨拙，但相處之間佢從未令你為難，無論盤腳，側坐，挨低，佢個背板同坐板都係跟住你嘅座姿改變，好就得人。扶手上下左右亦簡單易明，喺你挨低後仍保留喺原本位置。
其間我亦擁有過Think, low低晒seat height比較高，較少包住嘅感覺，有點各行各路。
Rioli-M, 網布尤如仙人掌，無論佢講明可以任你調教，但就係有種佢做乜都錯嘅感覺。
曾考慮Aeron，網布好舒服，柔軟親膚，差少少淘左一張返黎。但了解多啲，知佢佢本身係名校第一名，同你相處時要求都嚴格，就係坐直，其他姿勢都會受到懲罰，最後都放棄咗。
試過錯過，走左一圈發覺本來的就是最好的，依家打算喺11.11入一張有頭枕全身嘅V2，頂，呢句實俾人話賣廣告。
集思廣益，希望大家一搵就搵到張最啱坐嘅老婆椅。

marcochl

拿唔好屈電競椅,有一張包冇錯既
Atlas headrest 已經公布左外加頭枕果part, 年內開賣

下載 (44.31 KB)

2022-11-3 18:37

雙11 有優惠, 詳情見下面條link
https://hkgaming.hermanmiller.co ... -gaming-chair-black

mrmo

回覆 2# marcochl

Embody最擔心係抽中一張識叫嘅 ，非電競版已經好好啦，顏值同坐感都唔洗懷疑，係個扶手就差少少，個價又唔太吸引
考慮HM Aeron都係因為淘寶價好有競爭力，呢度講唔講得咖？連埋國產版Atlas headrest都唔洗6K，但唔可以盤腳座又真係限死只可以喺office進攻模式用呀，買新放自己屋企但唔想將人地啲汗同精入屋。
除左leap，都有諗gesture with headrest，睇下11.11出黎個offer去到幾多，起碼30% off先諗，如果差太遠可能都會攻返淘寶，反正aeron放返出去market大啲。

marcochl

回覆 3# mrmo

我果張正常版embody托賴唔叫
反正有保養咪call 黎整整

風十三

我覺得Embody 如果本身唔係腰骨有事，基本上唔覺正。

via HKEPC IR Extreme 4.2.3 - Android(4.2.0)

marcochl

回覆 5# 風十三

要坐幾日慢慢調好自己既setting
呢張最好既地方係好平均受力，特別係坐墊位唔會有一個點特別深而攰

風十三

反而我較喜歡坐Cosm Chairs
因為我兩張都放係屋企，但我常坐的都係Cosm Chairs
我個人見解感受
娛樂選Cosm Chairs(打機睇片)，(最大缺點係需要枱下有位伸腳同背面要有空間)
工作選Embody由其是繪圖或剪片果類工作

mrmo

回覆 7# 風十三

你屋企有有養貓？我有養其實都有啲考慮????

gn01119056

每個人都唔一樣, 岩自己就係最好, 貴唔一定好或差

風十三

回覆  風十三

你屋企有有養貓？我有養其實都有啲考慮????
mrmo 發表於 4/11/2022 11:59

我無養，咁你真係要考慮下

via HKEPC IR Extreme 4.2.3 - Android(4.2.0)