標題: 想請教一下手提電腦有無啲唔太貴又叫打到下機既選擇 [打印本頁]

---

作者: ranger352    時間: 7 天前 09:13     標題: 想請教一下手提電腦有無啲唔太貴又叫打到下機既選擇

如題
最多玩下helldiver之類 都會拎出街用
雖然自己睇時比較鐘意TUF Gaming A14
但想睇下仲有無啲更好/更平既選擇
先感謝各位

---

作者: ckyuen2    時間: 7 天前 11:32

唔太貴大約想咩價位
係咪都係a14咁上下

部機有無其他用途
多唔多拎出去定好間唔中
目標幾多fps
係咪要港行

---

作者: hkmand001    時間: 7 天前 12:39

一玩射擊，平野馬上收工唔需要推薦。因為平野本身就係犧牲延遲換便宜

無論屏幕反應定鍵盤。記憶體速度。全部都只要運作到就得。無做任何優化。一打射擊。延遲一上去馬上byebye

---

作者: ckyuen2    時間: 7 天前 13:11

本帖最後由 ckyuen2 於 2026-6-30 13:13 編輯

速度可以靠調低畫質達成
睇樓主要求/budget

以下deepseek料[helldiver 2]
關於加上 DLSS 超解析度（不插幀） 後的表現，目前公開的評測中，幾乎沒有針對《絕地潛兵 2》的單獨控制變數測試（同時開啟 DLSS 超解析度與幀生成是常見做法，數據難以分離）。

不過，根據 RTX 5060 Laptop 在相近規格遊戲中的表現，以及你之前提到的數據，我整理了開啟 DLSS 超解析度（不插幀）後的 1080p 預估幀數：

· RTX 5050 Laptop：高畫質約 105-115+ FPS；極高畫質約 85-95+ FPS。
· RTX 5060 Laptop：高畫質約 130-140+ FPS；極高畫質約 110-120+ FPS。
· RTX 5070 Laptop：高畫質約 155+ FPS；極高畫質約 130+ FPS。
· RTX 5080 Laptop：高畫質約 180+ FPS；極高畫質約 150+ FPS。
· RTX 5090 Laptop：高畫質約 190+ FPS；極高畫質約 175+ FPS。
· RTX 4050 Laptop：高畫質約 100-110+ FPS；極高畫質約 80-90+ FPS。
· RTX 4060 Laptop：高畫質約 100+ FPS；極高畫質約 80+ FPS。
· RTX 4070 Laptop：高畫質約 140+ FPS；極高畫質約 115+ FPS。
· RTX 4080 Laptop：高畫質約 180+ FPS；極高畫質約 155+ FPS。
· RTX 4090 Laptop：高畫質約 190+ FPS；極高畫質約 170+ FPS。

📝 幾點提醒

· CPU 依然是關鍵瓶頸：此遊戲極度吃重 CPU，若處理器不夠強或過熱降頻，以上幀數預估可能無法達成。
· DLSS 模式影響：上述預估基於「DLSS 品質」模式，若改為「平衡」或「效能」模式，幀數會更高，但畫質會略有犧牲。
· 數據為合理推估：因缺乏《絕地潛兵 2》的單一變數測試，實際幀數可能因驅動、遊戲版本而異。

希望這份估算能幫助你評估，如果想針對特定型號再深入了解，隨時可以再問～

---

作者: hkmand001    時間: 7 天前 13:55

打遊戲就唔係只睇FPS咁膚淺。
特別係射擊遊戲。佢哋最緊要係睇延遲。

一講到延遲，鍵盤有延遲。滑鼠有延遲。屏幕都有延遲。

全部都要進行優化先可以獲得最好嘅環境

你唔玩射擊遊戲嘅，隨便一個平嘅都搞掂。只要顯卡核心夠勁。

當你一玩射擊遊戲。一係你就唔好用筆記本。一係你就要用有優化嘅筆記本。

所以唔會有平嘢噶。大品牌都未必幫你做優化。你要查清楚，睇下佢有冇幫你搞過先得。

---

作者: ckyuen2    時間: 7 天前 15:14




樓主只係要「又叫打到下機」
所以如果樓主要求係膚淺嘅
深入又有乜用
PS5/XBox X打呢隻都係60FPS啫

當然唔介意你又介紹吓點又再減啲延遲
只係提吓上面DLSS已經無加幀生成

---

作者: hkmand001    時間: 7 天前 17:41



所以咪話你膚淺咯。當你普通打機。你任何嘢都係睇fps
硬件打不到，上去就搞掂。

但當你一涉到射擊遊戲。馬上個性質就唔一樣。你以為一套射擊遊戲嘅裝備配置咁容易可以搞掂？只要佢哋其中一項延遲唔掂。互相影響

你馬上就會感應得到。不斷係咁輸。比賽選手來都搞唔掂。

所以佢哋啲比賽選手全部都係均一配置。高度優化。為遊戲而生。
   
射擊遊戲呢啲嘢。本來就唔應該用筆記本玩。因為從屏幕。滑鼠，鍵盤，甚至網線。網路公司嘅需求。
全部都係非常之嚴謹。並唔係隨便砌一部機就可以搞掂。

除非你根本就唔介意輸。
但我相信玩得射擊遊戲，冇人想不斷俾人打爆。

---

作者: ckyuen2    時間: 7 天前 18:07




吹呢啲有鬼用
嘥時間睇完你成段
無介紹過點減少延遲喎
原來比膚淺更空洞更無內容
識就答啦
唔識你可以唔回我唔會笑你

同埋搞清楚樓主想要咩先啦
人人要電競嘅咩

---

作者: ranger352    時間: 6 天前 09:30

係 都係a14咁上下 10000~12000左右
其他用途可能做下文書野剪下片咁
會多拎出去
唔電競 , fps120/低啲我諗應該都幾夠用? 有唔妥既希望各位賜教
主要預玩下pve(如helldiver)/單機game 唔多玩pvp game
想盡量港行 但唔係港行都ok
因為唔太熟電腦野 個人要求可能比較膚淺 希望各位唔好介意 多多指教

---

作者: ckyuen2    時間: 6 天前 09:47

本帖最後由 ckyuen2 於 2026-7-1 09:52 編輯

唔熟電腦嘢：識唔識自己裝windows
唔識的話只建議港行
頂多加埋美水[英文windows]
因為呢個價位差價有限
唔好煩自己

其他晏啲再望

---

作者: ckyuen2    時間: 6 天前 11:45

[假設唔識裝windows先]

四圍拎呢樣
好多15-16吋都即刻唔使諗
Z13又貴啲
美水睇完amazon呢個範圍唔特別平
港行要輕又呢個價位暫時望就都係A14 5060
但price.com.hk啲賣家有時無貨照報
要問多幾間睇係咪真係有
萬四果啲5060就點都有
不過無意思啦

有得揀的話
多拎出去就揀AI 7 350
單核快過AI 7 260又慳電啲
多核其實350有c核弱少少
但都係剪片有影響
同埋無得揀就唔使揀
又唔係大差別嚟

AI就有水份嘅
不過參考4060數據
https://www.youtube.com/watch?v=HtHfjVJirGY
唔會差太遠咁囉
目標掟咗去120fps
個別game有得鎖120fps就試吓鎖死佢
記得開DLSS同埋啲無乜所謂嘅環境特效要熄或者set低至中

既然helldivers 2放XBox X/PS5都係60fps
即係大把人係咁玩緊
如果鎖低啲fps自己打落唔覺有乜分別[不限呢隻game]
出街就鎖低啲FPS and/or 再降畫質/熄光追玩
又再慳電啲

---

作者: hkmand001    時間: 6 天前 13:00

本帖最後由 hkmand001 於 2026-7-1 13:16 編輯


你一唔介意，
直接推爆用機械革命蒼龍搞定
5070ti 去大陸買，搞哂退稅都只不過13000$港元

11240人仔*1.17=13150.8港元

你唔會搵得到任何一個可以超越佢的東西。只有佢可以用13000港元買到5070ti 。買到頂級cpu 9955hx 。

蒼龍16xpro的屏幕，散熱模具。硬件配置。全部都S級。只有二三款大品牌可以追上，但貴好多

重點係我自己都有買
有維修過的經驗。去深圳南山維修。換主板用8日就搞定
維修國行唔屈人為，二次大件事維修馬上換一台全新機。新買有事15日內可換新，e個待遇垃圾行貨做唔到的，唔屈你人為都偷笑，國行仲補番維修日比你，維修8日加8日保修期，🌝🌝行貨？等到你一個月二個月，唔好意思啊生

https://www.hkepc.com/forum/view ... page%3D3&page=3

自己買自己用，並唔係純粹用Ai，純粹用fps理論計算咁膚淺的東西去做推薦，而係有親自用過，知道咩情況先推薦人

要買蒼龍16xpro 國行就快手，佢地宜家停售，想逼人用蒼龍16ultra，貴4000人仔
只有少量存貨，無哂就無

我當初2月買，新年抖音。一到手就壞左，抽中大獎，同一批的人全部都無事，只有我一個出事。搞到新年之後過左15日，結果無得換新要維修，無獨有偶，今年5月買榮耀358h，又瓜左，去換左一台新機，今次更快，15日內換新。3日搞定
https://www.hkepc.com/forum/view ... ;extra=&page=13

我講出來只係想話比大家知道。大陸維修根本無任何問題，就算手臭插中坑貨，維修大件事換主板只要8日搞定。根本唔駛諗咁多古靈精怪野

---

作者: ckyuen2    時間: 6 天前 13:15

本帖最後由 ckyuen2 於 2026-7-1 13:17 編輯

係囉
如果唔係睇fps
你又講吓點再減延遲囉
又講唔出
国行邊度買點樣買又講唔出
自high啲乜呢
呢啲空泛吹水一啲實用性都都無

尤其人哋如果連裝windows都唔識
就咪鬼玩人啦
搞清楚技術水平先

---

作者: hkmand001    時間: 6 天前 13:21



延遲？快啲問你個AI咪得咯。
我點解要教你咧？
如果樓主叫我教我就教。
你？🌝🌝

---

作者: ckyuen2    時間: 6 天前 13:24

蒼龍16xpro 仲講緊2.xkg 離晒題
已經唔係介唔介意国行問題

---

作者: hkmand001    時間: 6 天前 14:12



推薦輕薄本，仲要玩ai 9炒車之作。我就推薦唔出來啦

係人都知道asus輕薄本用的液金超級容易壞，Ai9又係最容易壞的一個amd系列。一個新人出一台疊二個buff的野。哈哈哈

唔推薦輕薄本。就因為輕薄本炒車炒得太過嚴重。但唔炒車的輕薄本雷神退稅國補都超過哂13000。

所以根本無野可以推薦得到
只能去推薦蒼龍
如果要去Asus ai 9 安全，一定要加哂D延保意外險，就會超額13000以上。唔加？壞左准備去私人維修搞啦，ai9液金仲要帶出去。哈哈哈

老手都唔敢落手的野
竟然推薦新人用
果然係只睇數據，
只知道計fps的膚淺人士

---

作者: hkmand001    時間: 6 天前 14:19

本帖最後由 hkmand001 於 2026-7-1 14:21 編輯

真係當其他人花大錢買356 386h的2026新一代asus係傻仔咁話

ai9的水深唔係普通人可以觸摸的。去私人維修站的ai9係榜一大客仔。名譽維修機

唔好意思啦
13000出唔到安全的輕薄本，所以我唔會推薦的。

我推薦人用唔係用數據計硬件，只睇硬件搞定，係一個全方位分析，要佢維修無坑，散熱掂硬件安全可靠先推薦。

如果你需要一個只睇數據推薦的
唔好意思，我推薦唔出

---

作者: ckyuen2    時間: 6 天前 14:42

本帖最後由 ckyuen2 於 2026-7-1 15:10 編輯



樓主就係睇A14
唔係「我推」輕薄本
樓主要求就係要「打到下機」咁簡單
要求簡單啫唔係膚淺囉

何況咁低FPS仲無插幀仲想吹輸入延遲
仲要唔識吹
300FPS就話啫
120FPS咋
邊個唔識，邊個膚淺呢？

係人都知asus係大牌子
但機革連國內大牌子都唔係
你唔係呢樣都好意思吹吓

最重要嘅係
樓主真係要拎部機四圍用
隨時俾完智商稅
仲要夾硬拎重咁多
我係樓主我就一定覺得你擺明老點啦

---

作者: hkmand001    時間: 6 天前 15:14

本帖最後由 hkmand001 於 2026-7-1 15:25 編輯


又來玩(只不過純提出唔係推薦)
人家樓主新手
識得邊到有坑仲駛問人？🌝🌝

你每次都推坑貨仇人機
一個月來二個貼，
二次比我捉到正。
上個貼吵左12頁，拍個屁股話自己只不過(提出)唔係推薦

咁不負責任的行為都可以做得出
如果樓主買左炒車
你就一定會話，我提出姐，你信你買你自己負責
🌚🌚′

asus大品牌，機械革命唔係？
你真心搞笑。
機械革命係軟通動力子公司。上市的。大陸有9萬個員工。市佔10%
ASUS只佔8%

ASUS係全球大公司，但機械革命絕對唔係二缐品牌，除非你覺得二線市佔比一缐高係正常
🤙🤙🤙

---

作者: ckyuen2    時間: 6 天前 22:13

本帖最後由 ckyuen2 於 2026-7-1 22:44 編輯

講開輕薄本,我而家用緊部10代配GTX嘅輕薄本覆緊你呀
咁多年都未壞,仲想點呢

我咪就推薦返樓主用返自己揀嘅輕薄本
同埋俾咗cpu意見囉
有咩等樓主補充再講
仲有咪屈我推AI9
兩部都係AI7咁都唔識

又講個12頁post?
一睇6頁都出咗結論啦
有晒紀錄響度
剩低都係你自己死撐,認錯機,無限loop,無限中回力鏢
同埋自爆機革問題果啲

你又想屈話我推機革5050?
係好過你推果部咁嘅
但下半個post段而唔係下一個post已經踩緊
叫人返大牌啦喎
另一部機革5070ti都係合適過你果部
咁啫
唔信你睇返

你係要唔識睇你係要睇漏我教你唔到
你睇錯一次我都提咗你
但心地唔好夾硬嚟
就唔好怪我打多幾粒字
同埋果啲你咪返去繼續兜
你自己唔認有推薦
你自己走咗咋
個post未閂喎

---

作者: AhRay    時間: 6 天前 22:38

以前細個，有咩電腦就玩咩遊戲。最後都係自己需求再升級。買部唔太差比佢，唔使太精準，佢玩玩下有雖要就會知道以後要買咩電腦。讓這小朋友學習下電腦知識更好。

via HKEPC IR 5.1.14 - Android(5.1.2F)

---

作者: hkmand001    時間: 6 天前 23:40

本帖最後由 hkmand001 於 2026-7-1 23:42 編輯


講埋一堆廢話。
上次嗰筆數我都未同你計。
無端端推個機械革命故障率極高的極光糸列
懶完醒之後唔忿氣又推個蛟龍5070ti

被我打咗兩巴掌之後，就話我唔係推薦。我係提出。

你咁中意問AI去查下呢兩個啊嘛。
成日講埋一堆廢話。
12頁同你再拖落去都傻嘅。

今次又係咁樣。一早就已經話咗俾你聽，AI9有問題噶啦。嘈左十二頁，好似當廢紙一樣。睇都唔睇。

你咁中意問AI，
咪去查下AI9死成點咯。   

反正你除咗AI理論分析之外。
你已經冇任何真實嘅板斧。
只會喺度計硬件。
咩糸列有咩坑，你鬼知咩？
呢啲咪就係深層次嘅嘢咯。

上次叫你攞張單出嚟。
你一都發唔出嚟。
隨便攞個拍照就算有一台筆記本？

咁我行過豐澤，
上個網登入搞掂一台，
🌝🌝

我有單，
你有冇先大家一齊大公開。

---

作者: abyss    時間: 5 天前 01:46



你打得最多掌咪自己個嘴，只不過腫到冇晒感覺不自知

---

作者: ckyuen2    時間: 5 天前 07:35

本帖最後由 ckyuen2 於 2026-7-2 07:38 編輯



機革個牌子唔係最細
但就係賣低價嘢
對得住價錢咁
加埋港行平價得佢同啲三線牌子有100% sRGB mon咁囉
市場定位就係咁

「寫過個型號出嚟」就當推薦咗
哦唔睇前文後理嘅
或者好似上面咁寫到明AI 7唔止寫一次一火遮眼就睇唔到咁
本身就非常小學雞
但而家提完呢度仲屈我推薦AI9
呢啲係明屈
就係心地唔好

你咁小學雞以為我推機革5050m
之後自爆機革問題果啲
包括埋你第11頁我一拎第部機革5070m你就自爆機革得兩款係用得嘅
呢啲我一直都係樂見其成嘅
好多陰濕細節你唔提大家都唔知
所以有諗過想買機革嘅
直頭真係建議「必睇」
使乜驚你「大公開」
睇完買唔買都起碼係informed decision
做咗革命烈士唔好話人無提
想屈我有推薦？
你咪試吓寫個post no. 出嚟囉
大家中文程度無咁差

另一個post都有ching提機革保養收多人錢問題
https://www.hkepc.com/forum/redi ... 29&pid=43015881
唔係你話無事就無事
更唔係你明明無用緊asus
(樓下單asus又係個人操作失誤）
你明明無用緊輕薄機
你無啦啦話有事就要信你
呢部份都仲係有關

上次果筆？
返果邊第12頁繼續啦唔好響度嘥位
你都唔係第一次縮完又死撐過嘅啦
慣啦

果邊都提過
拎十幾核嘅多核性能嚟自high
係真心唔識喎

絕大部份遊戲其實都係睇頭幾個核嘅單核性能
絕大部份遊戲用9800x3D打唔會慢過9950X3D
甚至唔係明嘅就明而係知嘅就知
就係咁簡單直接
多出嚟果啲繼續嘥電繼續不必要地積熱
放落laptop的話
咁電池咪唔㩒
機咪易壞[AI 9果啲呀]
一係夾硬堆散熱大力出奇跡
咪變咗desktop replacement咁重囉
仲要都未必救得晒

輕薄本點都有取捨
但A14取捨完全唔過份
而家講緊同你部358H差唔多咁輕喎
打機想FPS高可能要校低兩三個特效
轉片唔係最快但完全夠力
而同大部份獨顯機比
大大減低負擔差唔多係贏晒
而圖像性能亦係全面輾壓B390嘅
本身用手提電腦已經係要唔同因素取捨
而唔係齋睇邊件硬件咩咩理論性能多少少
FPS固然唔係絕對
但唔識貨嘅情況之下吹硬件性能
比FPS更不值一晒

拎嚟拎去又重又易撞爛果啲
其實想人點用呢
電池唔夠力搞到要多隻火牛
就已經係TUF A14雙倍重量啦
你自己拎來拎去果部都係話買1kg
改變主意之後都係買1.4kg
我部15.6"輕薄本去到1.7kg已經唔係好想拎
當然亦唔係經常要拎先無所謂
再重的話拎得多唔傷都攰啦

2.x kg呢啲16xpro之流都掟出嚟
個龍門就實在搬得太核突啦
核突到令人有理由懷疑你到底係咪低級紅高級黑果啲

所以踩機革方面我都係減吓力度先
其實第度都提過
港行要平又要100% sRGB mon而家基本上係無得揀得佢同啲三流牌子
咁佢點都好過三流牌子
識揀機識整機又知網購有乜坑的話閒魚二手国行[無保]更加係非常抵用
「只不過」樓主個目標範圍完全唔係呢啲位啫

---

作者: ckyuen2    時間: 5 天前 08:02

諗諗吓
如果你係A14 睇錯咗AI9
咁我只能深表同情

---

作者: hkmand001    時間: 5 天前 14:48

本帖最後由 hkmand001 於 2026-7-2 15:03 編輯

膠都廢事比
amd 系列整個Ai都有問題
係私人維修常客仔
咁的資訊都唔知道
我已經多次提示過你，完全無睇
就以為我真係只指一粒cpu有災情
你真心搞笑

廢話真多，
去查下你自己推薦的
1。機械革命極光
2。機械革命蛟龍
3。amd ai糸列

三大雷包本來一個平常人唔容易中，你偏偏全部都拋出來推薦。因為咩？
因為你就係一個隔空只睇數據0調查。只睇硬件得，價錢得，上馬

中間佢偷工減料左D咩，你鬼知道

佢地平係因為咩原因，你鬼知道

粒膠只見到價錢硬件

就好似機械革命蛟龍，蒼龍
二個硬件完全可以一樣
9955hx 5070 ti
但故障率一個天，一個地
粒膠知屁
佢只見到一樣就上馬
全個大陸就係有一堆自作聰明，以為自己撿漏。天下無敵，自己最叻仔。

自己玩都算啦。自己炒車自己受。
自己唔玩，推薦人哋玩仇人機
真係真心打爆你

輕薄本要避開AI糸列。就絕對會超過13000。所以我冇推薦嘅原因就係咁簡單。

因為根本係零符合。除非將個錢增加上去，否則根本冇可能。

咁你係咪以為有保修就冇問題？
你知唔知液金滲漏腐蝕主板。
係會俾人判人為嘅？
唔係你以為意外保點解要買？

買Asus輕薄本嘅人。每隔一段時間都要去換一次液金。就係要睇住唔好比佢滲漏出來腐蝕。

冇得私人維修換液金
因為Asus係唔俾人哋換走
佢官方係唔會幫你換散熱膏
標配液金。
一拆開私換即刻失去保養。

所以今年先會有一間公司，雷神。
佢唔同你用液金。佢淨係用散熱膏。但佢只可以跑5070。
上唔到ti。
而且個價錢係一萬六千人仔。

本來液金已經坑
再加上粒易壞AI糸列核心
一個新手出機帶雙重buff。
你真係好仇人見面啊你。

我提醒你一句啊。
如果液金腐蝕咗個主板。
塊主板價值筆記本超過一半錢。
到時候你就只能夠去私下維修度搏下。睇下救唔救得翻。
一個新手俾你咁樣推薦上去。
玩多兩三下真係變老手。
真係多謝你嘅，

---

作者: ckyuen2    時間: 5 天前 18:05

本帖最後由 ckyuen2 於 2026-7-2 18:06 編輯



哇多謝晒喎
我一直有睇晒呀
係你又又又睇漏咋

A14行5060「咋」
你自己都話5070都夠頂嘅散熱
真係仲有咩要驚呢？

另外嗱又見你搬龍門嘞
原本話AI9 而家話AI
350都叫做有c核雖然無事但我都費事同你拗
查實基本上係8845HS REBRAND 嘅AI 7 260點會又有事呀
完全係唔好笑嘅笑話嚟
打咁多字都完全打唔入AI 7 260
即係認證AI 7 260款A14無問題啦
呢樣又真係多謝晒

其實唔睇或者唔識注意範圍嘅
結果咪都係踩坑and/or俾坑人踩
specfic嘅建議就梗唔適合所有人
而次次都係得果幾部萬能key嘅
就成日都唔specific甚至錯晒
明明樓主係睇A14呢類輕薄本要拎來拎去
重到唔使拎嘅你就繼續搬龍門照擺出嚟
咁砌部desktop可以仲平仲勁啦好無？

開頭你習慣性睇漏後面幾句都算
好心放大啲字俾你睇你又反應咁大
copy多次你又當睇唔到
而家A14睇錯字睇咗做AI9
甚至係錯出新境界
又對住個偽命題吹咗幾個posts嘞
話離題都唔夠精確而係慣性脫離現實喎
篤爆咗之後又死撐到由AI9 搬龍門到AI咁難睇啦
其實為啖氣吓吓搞到咁又有乜謂呢？

但又咁講
之前當你個人係咁吖
但而家你都去到A14同AI9都分唔清
又空閒到得閒上去睇完又睇
夜晚又慣性瞓唔著
綜合咁睇：仲細咩
勸你睇forum放返大啲字同睇慢啲啦
或者唔用desktop機都用返16x pro嚟睇字啦
14吋或者手機就唔係咁好啦
同埋唔通你想自己為咗睇錯字睇漏嘢激到爆血管咩
無意義喎唔顧自己都顧吓屋企人啦

大家文明人
你識嘅嘢尤其是機革嘅內幕
同埋要返修同慢慢搵到有国补+退稅為止嘅經驗
幫大家踩過坑咁偉大
正面咁睇事實上大家真係獲益良多喎
[不過同樣嘅事實大家唔同演繹咁啫]
都係果句
你唔熟你唔識或者其他原因而唔覆
唔會拎返嚟笑你喎
尤其你又講過吓可能係學佛嘅
你咪熟果啲先恰如其份咁寫囉

---

補多少少俾樓主
唔識裝windows的話
唔係咁趕嘅asus有時有大學機
當然未必撞得啱款

其餘我都係等吓樓主會唔會返嚟先算

---

作者: kcthomlau    時間: 5 天前 20:18

睇多啲新機比較
其實intel能耗贏amd既只有PTL低使用度場景
HX370 HX470 HX9955能耗溫度係大勝intel HX同級
【祖宗之法，变了！HyperX 暗影精灵 PRO 16 锐龙版评测-哔哩哔哩】 https://b23.tv/f2XM9mt

---

作者: hkmand001    時間: 5 天前 21:49

本帖最後由 hkmand001 於 2026-7-2 22:05 編輯


根本就唔係性能問題
而係整個ai糸列都故障率極高
所以先會咁平，
比起18A差價超級大

而我唔推薦，就因為
1 asus輕薄本用液金，液金非一般麻煩，一旦側漏腐蝕，係會被當作人為不保
2 用的係ai 系列amd核心。故障率高，再加上1。一個新手疊加2重不利

所以從來同性能毫無關係
而係日後非常麻煩
今日貪平，日後維修費就知味道

所以我絕對唔會因為貪平，合適，就去推薦一個有坑的野比任何人

暫時上，無坑的只有極度低性價比的雷神zero 15air 。
佢使用散熱膏。有延保。18A
但頂配只有5070
而且非常貴 16999人仔

咁貴。根本連我自己都抗拒。何況推薦其他人用。所以e個題目本來就無答案

如果貪平用ai系列就要冒險炒車
如果唔貪平就貴到hihi超額

我選擇的係直接分開二個功能

可能你地唔知道。
我2月蒼龍 5月358H。其實就係分開功能的示範

早就調查過。asus幻14air 2025 有5080。當初只需要18000$人仔
1.5kg。5080。頂級配置。
但點解最後2026會選擇分開。就正因為我深入調查之後。發現asus液金問題責任分唔清。液金唔可以換成散熱膏。同時amd ai糸列故障率高。2年保修期之後。粒U死左需要極多錢維修。仲有屏幕比熱風吹到壞左唔保之類

所以我主動放棄。直接換成蒼龍16xpro 。再係之後一度想上雷神。但京東門市無。冷靜之後再打算重上幻14 2025。但最後理性思維冷靜之後。就重回選擇358H


所以我係有調查過有坑。唔會亂七八糟推薦人用。老手都怕。更何況新手

---

作者: ranger352    時間: 4 天前 08:48

首先感謝各位回覆先
呢幾日因為唔熟 睇到好多野都要另外再search惡補返
所以而家先回post 真係唔好意思
裝windows既話雖然以前故且有照辦煮碗跟啲教學裝過 但都係先當我唔熟啦

追完post而家想先顧掂兩樣野
1.預拎出街用所以唔會考慮太重既
2.都驚買完週圍走易出問題/維修麻煩之類

係呢種情況下我諗緊會唔會進一步放棄性能退求其次比較好
另外唔介意我問下358h係咩嚟嘛

---

作者: theblueyard    時間: 4 天前 10:11

可考慮 cpu 用amd 8745hs 或8845hs , 佢內顯 係780M , 一般文書 加打吓少少game, 可ok, 價平, 重量輕, 行貨$5xxx, 拼多多國行平DD

via HKEPC Reader for Android

---

作者: javacomhk    時間: 4 天前 10:44

掌機
https://www.hkepc.com/forum/view ... 317&tid=2737170

---

作者: hkmand001    時間: 4 天前 13:12

本帖最後由 hkmand001 於 2026-7-3 13:14 編輯


358H係一粒新lntel 核心
主打輕薄。只有1kg重量
係比一D打遊戲需求好低
但會帶出街的人用

核顯的配置下。打遊戲唔算勁唔算廢。但5050係佢2倍。
更唔好講5060 5070

所以唔適合打遊戲需求的人用

我當初分開配置就係用一台5070ti蒼龍係屋企用。重量2.8Kg
太重帶唔出去   
我再用358H。1Kg帶出去用
直接將功能分開。當初我8000人仔358h。9200人仔蒼龍。9200+8000=17200人仔。

但宜家如果你想玩。太貴，大加價
成本會比雷神16999人仔更貴

雷神係一台重1.5Kg的筆記本
用新一代386h。核顯廢。
但用上5070。
平常出門斷電會用核顯
插電就會用5070
勝在因為用386所以無坑。用散熱膏唔係液金又有延保可以買。

輕薄本真係無咩可以選擇
我都係選唔落手。先勉強分開2台

---

作者: ckyuen2    時間: 4 天前 13:22

梳理吓某人龍門前嘅情況：

龍門: 有人話AI9 有災情
A14: 無建議過上AI9 甚至港行本身唔覺有AI9/5060款 只係有人眼殘 cleared
搬龍門：整個AI都有問題
A14: 就算AI都有問題[雖然無俾証據], AI 7 260 邊鬼係AI, 名嚟之嘛本身咪係7840HS/8845HS 寫咗又唔睇

龍門: 唔知邊度有人話gpu好熱，ASUS料唔得，最多推5070喎，否則要趁早換散熱膏/液金之類云云，5080無信心買云云
A14: 一來部機行5060咋，壓力完全唔同級別，二來一睇無上權威嘅hkepc官方評測GPU 74-79度，ssd級溫度咋，仲已經係「燒機」唔係打機溫度[未計manual] 有權威數字睇，又唔係咁大食，使乜理啲吹水灌水嘢，一睇就知夠晒力cleared

樓主要求: A14咁上下 打到下機 間中剪片 要拎出街
A14: 本身就係A14 打機剪片輾壓同價核顯機 1.46kg 有軍規
cleared
16xpro: 打機性能夠推多兩三個無謂特效 剪片快少少 初步睇夠膽死去到2.53kg 食電勁再拎埋火牛連電線可能2.8-2.9kg 無軍規有咩都係對住廠仔得個信字，又momentum 大，可能出街一揩就bye 人為損壞海鮮價
根本係滿盤皆落索 EPIC FAILURE
A14個mon都100% sRGB 165Hz 3ms 目標仲只係120FPS 完全無問題[如果300Hz就真係接受唔到3ms, 有數得計]

所以A14係唔錯嘅

俾性能思維牽制住嘅
睇漏睇錯嘢之餘某程度亦「真心」好pure好true咁爆咗好多料
連自己都無留意啲料其實代表乜
睇穿咗其實係非常有資訊性但樓主既然返咗就唔補充啦

---

又針對返輕薄本[或者輕啲嘅重薄本]講吓
我用緊部10代配GTX 15.6" 1.7kg咪等同A14再加大個mon咁上吓
其實就係明知9代款過熱
所以先揀i5嘅
去到而家touchwood仲好正常
上網咪又咁上打機咪又打得郁
當然要光追嘅新games亦無謂放落去打[雖然有啲都仲打得郁]
用咗咁多年就算追咗i7行大食嘢咪又係俾而家啲機拋離

之前講輕薄本要取捨
個精神就係咁
呢啲機上R9/AI9/i9/U9再加獨顯就真係大錯特錯
性能釋放受限
本身都快唔得幾多
但問題多一大堆
一旦壞機幾快都無用

呢啲機仔
睇慣desktop replacement嘅話
貪埋啲無謂性能就好易出事

A14本身已經有「放棄性能」
唔貪得嚟
cpu夠力推5060有餘
5060圖像性能又係輾壓358H嘅
重量只係358H機嘅範圍上限
連價錢都只係358H範圍[港行358H就仲貴三四千]
要帶出街用
都已經拎到好盡了
https://www.hkepc.com/24558/%E8% ... 0%E9%9B%BB%E8%85%A6
「可滿足中/高畫質 2.5K 120FPS+ 3A大作遊戲需求。」
hkepc官方評測就有FG但講緊3A同預設presets
咁學似邊個咁用到5070ti咪又要FG或者校低先得
之前都提咗要手動郁走啲無謂特效
一係咪大力出奇跡囉

樓主唔知係識貨定咁啱睇過hkepc定撞啱啦
而家5050款A14港行今朝睇都仲係九千幾price網購有貨
出到post呢一刻就唔知
樓主價格範圍內5060仲係合理期望
當然一旦問完無貨/有都太貴
又仲係睇呢個範圍
咁先要再研究

既然諗到「放棄性能」
要求更低[80-100Hz, 中畫質再手動減啲，或者插幀加畫質反正唔係pvp]
5050明顯唔及5060但對比358H圖像效能native仲係遙遙領先
打機考慮埋DLSS先去得到輾壓級
買機就好個人嘅
但呢度有人會反應好大
買就保持低調啦

---

358H 係乜？

CPU intel計最新最快果代
有12Xe核
非AI計核顯佢最勁
遊戲支援較差
FH6不能插幀
過幾年啲新games可能唔俾行不過到時求其一部都好過佢
性能釋放夠果啲就話輕唔輕（1.2-1.4kg)
輕嘅（1kg)就性能釋放唔夠
同埋港行暫時好貴，差唔多追到AI Max+ 但後者圖像及AI性能更好

有A14 在前
358H想睇都淨係睇最輕嘅就夠
耐用性嘅嘢新嘢無人用得耐
睇FH6片就見過有玩幾分鐘彈game
同埋插唔到幀問題

AI 9 以外嘅所謂災情暫時就無証無據嘅
都唔知係咪有人見有打手寫咗就當係
而家多咗ching們來
如果有ching補充吓都好
無論如何AI 7 260本身都唔係果堆就肯定唔受影響

要求夠低打到下就得
本身真係8845HS/AI 7 260甚至8745HS個780M核顯
或者想intel 就225H/226V(7Xe)都夠做
加少少就255H/258V(8Xe)核顯有358H 六成功力
單核亦相差無幾但平超過一半
行核顯唔好預120FPS 啫
畫質set 得夠低60FPS通常點都有
不過helldivers 2 特別大食先係問題
可能720p 都係得30fps左右
打舊版又唔同
https://m.youtube.com/watch?v=zs8vsipExD8
真係睇個人接受程度
同埋款一多就自己睇吓網上實測videos
不過本身youtube咪又得60fps

港行mon好多都無100% sRGB
睇片有分別但用開laptop打機就可能唔覺
行cheap又要100% sRGB mon 一係又機革講過唔補充

講開358H都講埋有粒338H
都有10Xe其實同358H 唔係差好遠
不過暫時都唔係平，無乜特色

---

裝windows都係睇吓教學再睇有無信心
但裝得又其實可以諗返A14嘅国行版天选air 14
不過就咁買又唔係平好多
嘥大半日上去玩国补[+退稅]都仲要驚無貨白行
所以真係諗清楚要求
又想要A14港行而無貨先諗啦

---

作者: DMAN    時間: 4 天前 13:40



睇中TUF A14就去馬啦,我自己係A14 2024版用家 AI 9 HX370,14寸1.4kg,32G,2xSSD,內顯接近滿血選擇唔多,我自己就冇投訴, 至於AI 9係咪有鑊我唔知亦未聽過,我部機係office7x24咁用都接近兩年,效能比公司部14600爽好多另外唔好聽人亂講話係液金,我自己拆過嚟換ptm7950佢只係普通散熱膏.華碩要ROG先用液金
[attach]2531980[/attach]

---

作者: hkmand001    時間: 4 天前 13:56

好似盲咗咁。
話咗係AMD AI糸列。
全部字面上寫著Ai的
全部都有問題。已經講過好多次
閱讀理解有問題？？？
中文字好難理解咩？

---

作者: hkmand001    時間: 4 天前 13:58



幸存者概率咯。人哋喺大陸度爆大鑊爆到出曬名。其中有啲冇死嘅，咪話自己冇事

就好似吸煙咁，
有人有事有人冇事。
咁你係咪會話佢冇害啊？？
純屬虛構？嚇你嘅啫？

---

作者: DMAN    時間: 4 天前 14:16



我係真實用家,有事我會話有事冇收佢錢唔雖要幫佢辯護, 2.我唔信大陸網,forum等等,唔會好似你咁睇幾個大陸網就當自己係專家連人地用散熱膏都唔知.

---

作者: ckyuen2    時間: 4 天前 17:30

本帖最後由 ckyuen2 於 2026-7-3 17:31 編輯


字就識嘅
但咁即係你話7840HS打後都出事啦
咁係你唔識嘢啫

可以直接無視
都唔使補充啲乜

---

作者: ckyuen2    時間: 4 天前 17:30

去到1.0kg
唔止性能釋放要考慮
個keyboard亦通常會唔好打
睇樓主有無要求

A14 就hkepc官方評測提過個鍵盤
起碼1.7mm 鍵程唔失禮
買得的話睇有無大舖實機可以試手感
或者睇有2024實機嘅ching有無意見

樓上叫你買1kg 358H果個自己都買咗1.4kg出街用
所以1.46kg拎唔拎得到呢樣樓主自行衡量吓
特別又睇吓youtube有無人用358H/B390[或其他想睇嘅核顯機]打你可能用部機打嘅games
當然不限helldivers (2)
無嘅就小心
始終intel核顯打機有啲撞手神
唔似Nvidia RTX或者AMD核顯咁普及
而1kg款要預咗再跌少少FPS
如果放棄打機用
亦完全唔使睇呢部

去到想分兩部嘅
其實執部平laptop
甚至走去樓下二手區執部二手11-12代或者6-8核R5/R7
再砌部desktop/升級舊desktop打機轉片好過
desktop硬件可以逐樣換[不過唔識都要要叫人換]
可以逐樣二手出
又無laptop嘢咁易壞
同價又表現更好
5070ti mobile只係同desktop 5060ti互有勝負
唔好俾個名呃咗
堆完散熱又重到根本唔會想拎
兩部同一代嘅新laptop咁去
之後兩部一齊過時其實亦唔係咁理想

又唔會話唔得嘅
呢期啲舊電子嘢夠膽死會升值
錢係你嘅
唔借錢之下想點使又阻你咩
講緊隨時平過你部手機
不過手機就話細
電腦唔係

---

作者: abyss    時間: 4 天前 17:31

回覆 38# DMAN

佢咪就係睇得多之餘仲學埋人哋當自己係權威講親都嘢一錘定音

---

作者: kcthomlau    時間: 4 天前 19:18

呢個係notebook區
但有啲人係當desktop replacement
如果係呢類需求我會睇埋依家啲mini pc
將keyboard mon分返開彈性就好好多

---

作者: ckyuen2    時間: 3 天前 06:50

個人意見
其實樓主直接唔使睇358H
暫時唔見有人拎嚟打helldivers 2
樓主用途上表現又唔及A14
那怕是5050款
輕到一個點其實都易爛仲要價格範圍內買唔到港行

要諗嘅只係A14有無港行現貨/係咪真係買機/會唔會買部平嘅唔打機算

---

作者: hkmand001    時間: 3 天前 10:08

本帖最後由 hkmand001 於 2026-7-4 10:22 編輯

好呀，死唔去的就走出來話我嚇人
無所謂
以後你地自己玩飽佢
唔好以為打咁多字勸人好爽
反正又唔係我用
你地班人死左自己去維修邊會走出來承認自己有錯，😂屁都唔信你地會

話我講親都嘢一錘定音
笑死
我一直都係話如果用就要冒險
唔用就非常之貴
所以無選擇之下，我自己決定分開2部
但宜家加價之後，分開好貴，唔推薦分開

老美一班文盲色盲閱讀理解0分

話我唔知道A14 Tuf用散熱膏
係唔知道。因為我用國行。查的係國行。
我承認我唔知道
但都改變唔到Aⅰ糸列有問題的反映事實
只不過2個炸彈拆左1個，仲有一個
如果用家先可以反映，大陸咁多Ai糸列維修的視而不見。要走來相信你一個幸存者，你又係一捶定音

你話無事就無事，大陸千人反映唔及你一個人，你好大官威
何只一捶定音，一捶打爆全世界

上面一直寫用就冒險，唔用就貴
我無叫過任何人一句要跟足我做法
你班老屈人士，好
我離開。反正垃圾區。只有我將資訊去提人
，無任何對我有利資訊獲得

每次過來用愛發電，提人仇人機要打12 頁過百個留言，哂我時間
你地班港行人士咁反對我，估計一早就杯葛想我走啦掛。

我去其他地方，係我吸人地資訊，我去學人地野，係e到我比人吸，仲要嘈

嘈你命，以後再見👋🏻

---

作者: ckyuen2    時間: 3 天前 10:20




成日都係話走唔走
而家拆穿你西洋鏡
連AI 7 260明明係rebrand嘢
都夠膽死當正同其他AI系一樣喎
笑死

除咗開頭話AI9少少問題之外
四圍都無話AI系有事喎
大家閱讀能力完全無問題
係想像唔到你咁無電腦常識啫
識嘅就知你錯到簡直係信用破產級別嘅嘢
但你好似而家都未知咁款
咁基本基本常識都無
而家無人會信你話AI系有事嘅啦

你真金白銀踩過嘅坑都算
你自己都唔識嘅
你自己都未用過嘅
睇完啲打手文之後不求甚解嘅
勸乜鬼人呢？

---

作者: hkmand001    時間: 3 天前 10:24

本帖最後由 hkmand001 於 2026-7-4 10:36 編輯


膠人一樣。Ai糸列包括全部帶Aⅰ的Amd核心，我已經講過四五回
文盲又好，老美又好，你自己洗版洗夠

反正最後一次回應，文盲閱讀理解0分人士
。終於明白點解hkepc最後會無哂人。
如果係大陸，你提出有問題，大家係用研究角度去分析問題，係e到係嘈交角度，我無事你有事你垃圾

呸呸呸。狗也不來。
我去神洲大陸做人地學生吸人資訊舒舒服服
，反正每個人學的都係自己的，實際上我又真係無必要去勸任何人前面陷阱

---

作者: abyss    時間: 3 天前 11:41

你去揾塊鏡照下望真自己先啦，同一樣嘢你做就好地地但係見到人做就識話人，乜都要拗到贏結果講嚟講去三谷屁，到冇得講就玩選擇性失明，一係直頭開口鬧人

次次論文咁長講極咪又係總之你買得嘅都係好嘢跟你買就冇錯，唔跟就話人傻仔垃圾

epc越來越少人咪因為你個回力鏢神囉，連對自己嘅發言負責任都做唔到仲好意思話幫人教人

---

作者: ckyuen2    時間: 3 天前 11:42

本帖最後由 ckyuen2 於 2026-7-5 08:22 編輯

唔好當咗大家反對你
大家係反對假資訊

你話AI核心講過四五回？
搬過龍門不只四五回就有
之前邊度有post話係AI核心呀
你咪「研究角度」睇搵唔搵到四五個

就算跟你新搬嘅龍門
有AI核心嘅AMD CPU/APU
由Zen 4開始
又係大把ching用咗咁多年
全部都係倖存者呀呵？
吖講開反而得你部部機要返修係你做唔到倖存者咋喎
係咪恃自己已經信用破產
又響度侮辱大家智慧呀

吸人資訊一件事
放晒落錯嘅地方
唔同級別嘅嘢又當正一樣
假資訊又唔識過濾
龍門無限搬舊料無限loop
離晒題對題目無「研究」價值嘅嘢自然亦不存在「研究角度」
選擇性失明［及實質眼科問題，例如無啦啦出咗個AI9］果個又都係你自己
第篇本來6頁結咗案都係咁夾硬拖到11-12頁
唔係仲好意思覺得你幫到人啩？
仲有記住，回力鏢你唔出鏢係唔會中返嘅

見暫時潛咗水
費事開新post:
Laptop區本身人少
對你已經好客氣
所謂AMD「AI 核心」全部出事呢啲地圖炮式天方夜譚
係講緊質疑埋樓上系統區、故障區同砌機區等等咁多年嘅專業知識
咁有信心就自己去「研究角度」發表吓，或者「勸人/幫人」囉

---

作者: DMAN    時間: 3 天前 17:45



笑死，俾我踢爆完你連散熱膏規格都唔知之後，仲好意思搬龍門死撐話用國行
我作為天選Air實機用家話你聽國行一樣係用散熱膏呀！ 你到底查咗啲咩？連自己拎嚟做遮羞布嘅國行規格都可以查錯、講錯，仲有面喺度長篇大論、鬧人哋盲讀 0 分？

人哋開帖係問輕便出街機，你竟然推介一部成 2.4kg 重嘅機械革命搬磚機，仲要調轉頭踩人哋？你平時出街當練舉重係你嘅事，唔好拎出嚟害人。

你口口聲聲話 Ryzen AI 全系列都會爆鑊、要去維修，結果由頭到尾一個證據都拎唔到出嚟，完全係靠自己上網通靈、倒大陸網啲二手口水。你機又冇，Ryzen AI 又未用過；我部實機就擺喺度日日用緊，啲人唔信我呢個真實用家，唔通信你條靠上網執口水尾嘅鍵盤戰士呀？ 我講事實，你駁唔到就搬龍門話一個人唔代表全部

需求睇錯、規格查錯、連翻查資料嘅能力都無，俾人拆穿咗就發脾氣、精神勝利話呢度係垃圾區然後扮瀟灑走人。好行夾唔送啦！

---

作者: ckyuen2    時間: 前天 08:32

本帖最後由 ckyuen2 於 2026-7-5 08:44 編輯

上面比較長
整個簡化版俾樓主：

如果AMD真係「AI 核心」有事
你連砌機都避唔到
本身果位仁兄都有叫人可以砌多部機
自相矛盾到咁都唔知
所以呢啲假資訊係直接唔使理

另外如果仲諗緊「放棄效能」
A14就算5060都已經唔係食盡電
唔取捨嘅5060
拍埋睇就可以比較到食電係多啲
咁啱見hkepc又有新review又貼吓
https://www.hkepc.com/26050/%E5% ... 2%E7%AD%86%E9%9B%BB

---

作者: hkmand001    時間: 前天 09:32

上邊嗰兩個垃圾。
自己去查下大陸啲維修記錄先。
我係搬龍門定係真實有數據？
維修站已經講咗。
AI糸列係特別容易出事要避開嘅

我都知你香港冇任何數據啦。
人哋大陸有，你冇噶嘛。
你鬼知咩垃圾。
你又唔好抹黑人哋，
人哋有曬影片嘅。

你覺得我會信一個幸存者啊？
但是我會相信人哋所有人講嘅嘢呢。

包括人哋評論，
包括人哋維修站講嘅。

唔通相信你兩只老狗咩。

---

作者: hkmand001    時間: 前天 09:36

越抹越黑。
冇用過就冇資格批評係嘛？
咁第一個，CY嗰個冇資格講嘢。
因為佢連筆記本又冇，
佢都提唔出證據。
叫佢攞張單出嚟，佢都攞唔出。
側側膊唔多覺收皮啦。

你話你有。我信你有啊。
但你覺得我相信大陸嘅人呀，
定係相信你呀？
得你一個話冇事咋。
但係人哋大陸成堆人都話有事呀。隨便都查到一堆維修嘅記錄啊。你冇能力去查，你冇去查。冇人會怪你。
麻煩你收聲，唔好喺度講埋啲廢話。隨便去大陸揾下都揾得到呢啲數據。

你手機死咗啊。
去搵下嘛，搬咩龍門啊。

---

作者: hkmand001    時間: 前天 09:38

本帖最後由 hkmand001 於 2026-7-5 09:49 編輯

所以咪話呢度根本上就係劣幣驅逐良幣。所有嘅數據全部都可以喺大陸度隨便就可以揾得到嘅。但一堆行貨仔喺度扮曬嘢，死都唔肯揾。

不停係咁話，係我冇事你有事。
超。講多都嘥氣。
搬龍門扮曬嘢。

邊個幫搬龍門，
邊個唔夠膽去查數據？

兩只老狗喺度嘈生曬。
你地繼續抹黑啦
清者自清數據啊，
可以喺大陸度睇到嘅。

麻煩樓主自己上去大陸度望下影片。唔冇睇到嗰個老狗喺度講話冇事就走出去衝。
衝死嗰兩只老狗係唔會負責嘅。

你見到嗰兩個已經係講到明。
佢冇事，你有事。
佢大不了叫你去維修站嘅。

如果冇事嘅話，你覺得人哋點解要加錢換成386h 356h輕薄本。
明明AI糸列2025年最低用

你當人哋大陸人係傻仔？
定係當自己好聰明？

都唔緊要噶啦，兩個老狗就好似人哋食煙咁，死唔去就話食煙冇害噶啦。老狗最中意咁樣嘅
我係搬龍門的話
佢就係搬弄是非。′

老狗果然特別自戀
我係陳述事實。就變咗扮專家。

我唔係專家啊。我係將我睇到嘅影片全部講出嚟話俾人聽嗰個係列有問題。

如果你話唔專業嘅話，我諗呢。就只有維修站先可以講俾你聽啊。
你兩只老狗都最識搬龍門。
能夠質疑你嘅只有維修師傅，
係咪啊？
睇咗影片嘅，就冇得質疑係嘛。

咁我信你兩只老狗定信維修站啊？
就好像我相信醫生說吸煙有害？
定相信你個老狗話自己吸煙冇死到。

邊個先係搬龍門。
邊個唔夠膽查數據？
兩個垃圾。抹黑你就最叻
查數據啦垃圾。

真係越講越勞氣。不過垃圾地區反正都唔使喺度噶啦。
喺度就好似嘈交咁。
老狗就係識得抹黑人哋。
清者自清，查數據自然會查到邊個啱邊個錯。

---

作者: hkmand001    時間: 前天 09:52

本帖最後由 hkmand001 於 2026-7-5 10:00 編輯

人哋大陸嘅討論。全部都係圍繞住專業去討論。
人哋唔會質疑到底你有冇壞
而係去研究點解會壞。

就好似液金偏移。佢哋會研究點解液金會偏移。而唔係會不停係質疑人哋係做錯嘢先會偏移。

討論嘅風氣真係完全差天共地。
垃圾地區留來都哂氣。
每日嚟到就好似嘈交咁。
真係黐孖筋。


兩只老狗。
如果冇機就唔可以講嘅話。

你哋有兩部機噶咋。
其他嗰啲筆記本，
你哋冇資格批評。
除非你好似人哋咁部部機都有。
否則你就係雙重標准。
當你有嗰陣，
你就可以批評人哋。
當你冇嗰陣，你就扮曬狗。

兩只老狗話的。只有專家用家可以質疑。睇咗專家影片，
質疑嘅係唔得嘅。係扮曬嘢嘅。
咁我就放長雙眼睇下你地二個有幾多部機。我就唔信你部部都有，
下次有人問嗰陣麻煩你地收聲。
因為以你們嘅邏輯，你們沒有資格推薦，亦都冇資格批評扮專家。

---

作者: abyss    時間: 前天 09:55

話走又返嚟繼續拋人地個書包重覆舊話

你信人係你嘅事唔好迫其他人跟你一齊信, 話人盲信你咪仲盲信
話緊人嘅嘢根本全部可以套返落你自己度, 你做就得人地做就唔得? 呢啲咪叫一錘定音囉

講到冇嘢講就開始鬧人係狗咁冇品你都冇資格"教人"

---

作者: hkmand001    時間: 前天 10:01

本帖最後由 hkmand001 於 2026-7-5 10:04 編輯


從來冇需要教人。
我只不過叫人哋去查下維修站影片。喺你哋口中就變咗做搬龍門扮專家。
    我唔忿氣比人抹黑。同你地吵。
就變咗做一槌定音。

真係一班抹黑專家。

我相信維修站講嘅嘢。
因為用家死唔去就叫幸存者概率。
但維修站嘅數據係呃唔到嘅。

但喺呢度叫人哋睇維修站嘅數據，行貨仔死都唔肯睇。
真係黐線嘅地區真係黐孖筋。
好似嘈交咁。
就好像一個食煙嘅話食煙無害。
同一個醫生話食煙有害宣傳片。

你覺得我信個醫生定相信你只老狗？

---

作者: hkmand001    時間: 前天 10:06

本帖最後由 hkmand001 於 2026-7-5 10:12 編輯

沒有必要叫任何人相信，
亦都冇必要扮曬嘢叫專家。
維修站嘅數據係真真實實有影片嘅。你要質疑嘅可以衝上去質疑佢。

我只係會將我睇到嘅嘢，就好似喺電視機睇到吸煙有害，我會提醒人哋吸煙有害。

老狗就話，邊有事啊，我食咗10年都冇事。

咁唔通我就唔講俾人聽吸煙有害咩？唔通我講出嚟就叫扮專家一槌定音？
所以話係黐線嘅地區真係黐孖筋。
分享自己睇到嘅嘢，就變咗做扮專家。咁怪不得冇人分享啦。
你覺得個個人都會同你嘈交咩？
直接走人咪得咯。

最後就只會得翻啲淨係識得揾AI嘅扮專業。同埋剛好撞到擁有嘅用戶。然後就冇人會回應噶啦。

一個地區討論區淪落到咁樣。連分享擁有嘅資訊都會被不停批評。真係黐孖筋。自己受罪。
怪不得個個都走曬。

你冇發現喺呢個筆記本地區就只有得幾幾個人去回應啫。
單純我一個人就已經可以回應幾個帖。差不多百個留言。

這個地區的活人本身已經少啦。
仲要有行貨老狗喺度趕人。
我都走埋啦，得翻行貨老狗。
同埋扮專業嘅用AI。

咁不如問人哋嘅，全部用AI啦。
使乜問你啫。

---

作者: abyss    時間: 前天 10:10

本帖最後由 abyss 於 2026-7-5 10:14 編輯


唔好越扯越遠分散注意力, 樓主表明唔熟電腦所以想買行貨你就係咁推人買國行
上次都問過你係咪負責埋部機有時事幫人拎上去整?

打幾隻字好簡單因為做嘅唔係你, 講句嘢都冇責任心到底邊個先係扮緊專家?

---

作者: hkmand001    時間: 前天 10:13

本帖最後由 hkmand001 於 2026-7-5 10:16 編輯


ranger352發表於 5 天前 09:13 | 只看該作者
想請教一下手提電腦有無啲唔太貴又叫打到下機既選擇

我諗我唔會盲到連個名都分唔出啊。我就扮專家，
你就扮樓主係嘛？
你係咪搞笑出身嘅咧？咁似小丑🤡嘅。

我忍唔住，
呢度啲人真係太搞笑啦。
忍唔住笑咗幾聲。傻仔傻仔傻仔傻仔傻仔。真係 sorry.

---

作者: hkmand001    時間: 前天 10:19

本帖最後由 hkmand001 於 2026-7-5 10:21 編輯


我去咗兩次國行維修。
夠唔夠專業？夠唔夠用家
我去咗兩次國行維修，
我認為冇問題。可以推薦國行省錢
你憑咩質疑我啊？
你扮專家？？？

呢啲咪叫一錘定音囉
雙重標準

---

作者: abyss    時間: 前天 10:21

講講下突然將自己講過嘅嘢全部抹晒當冇事仲要話翻係人哋講, 真係當其他人冇腦盲架咩

不過典型小學雞的確係會諗住自己覺得點就應該係點

---

作者: abyss    時間: 前天 10:27



講嘢0邏輯

你係咪會幫樓主上去搞退稅國補加埋有事拎機上去做保養啊?
答咗先啦唔該

推薦當然冇問題, 但係人地受唔受係人地嘅事, 唔受就要俾你話係狗係傻仔係垃圾?
到底邊個扮緊專家一錘定音?

---

作者: hkmand001    時間: 前天 10:31

本帖最後由 hkmand001 於 2026-7-5 10:34 編輯


咁佢行貨爛咗，
係咪你幫佢去維修部啊。

唔好搬龍門。回答我的問題
你要求我去做
麻煩你同一樣做相同條件的野
雙重標准人士

---

作者: abyss    時間: 前天 10:43



樓主表明要港行又會我搬龍門?
你覺得自己講嘢好有邏? 小朋友學咗新詞語係唔係都用咗先?

宜家係你提議另類選擇, 如果淨係識玩回力鏢你自己喺屋企慢慢玩咪出嚟搞人

---

作者: hkmand001    時間: 前天 10:49

本帖最後由 hkmand001 於 2026-7-5 10:59 編輯


你雙重標准？棒棒👍🏻
妖魔鬼怪化國行
講到國補退稅好困難一樣
事實上全部網上有教。輕鬆搞定
退稅9%更加係坐定定等就得

係呀。行貨正。國行麻煩
鄉巴佬出城。思維二十年前

我去國行維修。換新三日搞定
換主板8日搞定
仲要補番維修日子比我
無屈人為。
你行貨做到先講

邏輯就係大陸比香港平
大陸退稅9%。
大陸有國補15%
大陸維修快。態度好。
句句屬實。妖魔鬼怪快離開。國行唔適合水魚塘的魚粉用
我都怕比香港人搞臭

我用筆記本二台都國行。二台都維修過。按照上面二個老狗邏輯。你無質疑我的資格。你唔好扮哂專家。一捶定音

---

作者: abyss    時間: 前天 11:04



我有講過國行壞話?
一直講緊被提議嘅人想唔想/願唔願意做, 你提議完人地話都係想揀港行你仲係咁講國行做乜?

打到論文咁長冇用嘅, 唔中point又冇邏輯正一9唔搭8

---

作者: ckyuen2    時間: 前天 11:17

本帖最後由 ckyuen2 於 2026-7-5 11:24 編輯

哦
知道吹牛吹大咗終於又自爆
原來淨係求其睇過国行AI款維修多
就一口咬定關「AI核心」事
拎住呢啲三四手料當令箭
瞓醒未？

AMD無AI果啲款sample咁細
本身就完全不值一晒
一係咪zen 3唔係睇性能果啲
你係咪同Intel 比？
咁有商業款一溝
Intel 嘢就梗係無咁易壞啦
Zen 4唔係叫AI果啲款都有AI喎
數據呢？
唔係話有就得喎
圖又無字又無
又唔知講緊咩價位範圍
基本分析都做唔好
出嚟咪即係流料囉

「AI核心」？
係咁叫開就唔使加引號俾你啦

---

作者: hkmand001    時間: 前天 11:19

本帖最後由 hkmand001 於 2026-7-5 11:27 編輯


搬龍門？要我負責國行
你自己又唔負責行貨
一直妖魔鬼怪化國行
我唔知道你點解要扮專家
但我維修過。以上面老狗邏輯之下。只有用家同專家可以質疑
，無用過只睇的。麻煩唔好走出來扮專家

所以宜家我國行退稅過。國補過
維修過2次
你地班彈出來扮演專家的人無質疑我的資格。唔好一捶定音扮哂野妖魔鬼怪化國行

我推薦國行就推薦。想質疑我用過再講。維修過先有資格

唔好話我搬龍門
當我上面提出我睇到維修站講Aⅰ系列有問題。係你地話我無用過扮專家。所以係你將討論區限死只可以用戶加專家說話。其他人講就一捶定音拐專家

宜家輪到自己。又雙重標準否定
垃圾一個無承擔
你就真正搬龍門

搬龍門」源自英文「moving the goalposts」，是形容一方為了遷就不準繩的射球，而私下移動足球場上的龍門。在廣東話中，這用來諷刺人或機構隨意更改規則、雙重標準或朝令夕改，永遠讓自己佔優或處於不敗之地。

---

作者: abyss    時間: 前天 11:29



係都要畫公仔畫出腸?
你主動買國行自己負責咗ok, 樓主一開始表明想買港行tuf不過想問下仲有冇其他提議, 唔通你覺得人地特登嚟揾人幫佢負責港行保養?

所以話你毫無邏輯可言仲同人拗? 慳啲啦"專家"

---

作者: ckyuen2    時間: 前天 11:33

兩部都「要維修」
然後話国行保養好喎

大家買咗唔知幾多部港行唔使維修
就變咗倖存者無資格講

差唔多係斯德哥爾摩症候群嚟喎

---

作者: hkmand001    時間: 前天 12:01

本帖最後由 hkmand001 於 2026-7-5 12:16 編輯


係都要畫公仔畫出腸?
我推薦國行要負責
你推薦行貨一樣麻煩負責
唔好搬龍門。雙重標准。
世界公平的。你要求我做。麻煩自己先做㇏

要你負責就話自己行過路過
你老馬。走佬你就叻
要求人做鬼正咁叻。自己做就馬上走佬。垃圾

科普多你一次咩叫搬龍門

搬龍門」源自英文「moving the goalposts」，是形容一方為了遷就不準繩的射球，而私下移動足球場上的龍門。在廣東話中，這用來諷刺人或機構隨意更改規則、雙重標準或朝令夕改，永遠讓自己佔優或處於不敗之地。

你就真正搬緊啦
係呀。我行過路過。提出唔係推薦

你老馬咁大個人。承擔都無
咁大個人玩捉字虱。
罵人地叫人地承擔責任
自己走佬
我睇唔起你二個垃圾
一個只用Ai分析。一個純吹水狗
要承擔就馬上我行過路過。提出唔係推薦。西瓜兩兄弟一個餅印

要求人負責就叻。要你自己一樣負責就我行過路過。提出唔係推薦。
縮到死狗一樣

樓主都未買。你已經六親不認。生死自負。仲叫人相信你？？

不斷搬龍門逃避責任。反過來話人地搬。天下大笑話

---

作者: abyss    時間: 前天 12:28



回力鏢你自己用臉接啦, 鸚鵡學舌+小學生思維

搬龍門我講架咩? 我有推薦過機俾樓主買?

既無邏輯亦無道理, 你講就係架啦? 你咪繼續惱羞發嗡瘋, 睇嘅人自有定論

---

作者: hkmand001    時間: 前天 14:21

本帖最後由 hkmand001 於 2026-7-5 14:31 編輯



    唔好搬龍門啦，
唔好回避問題啦。
要我負責國行，
你自己都負責行貨。

講到咁鬼把炮，兩三下走佬。
廢柴一個。

邏輯就係你不停回避問題，
不停係咁樣搬龍門
叫人做就要人負責任
自己做就路過行過提出唔關自己事

係呀。你只係路過啊ma
無關緊要的人士。係到eeyy

呸呸呸。無承擔的一個老狗
雙重標准怪
討論區有你真可悲

---

作者: abyss    時間: 前天 14:58




唔好齋講廢話你咪quote翻我話你搬龍門同推薦機嘅post出嚟囉, 除咗一個打錯字改過之外唔存在edit post架你唔好諗住屈我呢樣嘢

講唔掂就鬧人究竟邊個可悲呢

---

作者: DMAN    時間: 前天 15:36



睇你依家崩潰跳掣到連發十幾條帖，其實大家都心照：你現實生活到底係有多失敗冇朋友，先至可以將所有時間精力放晒喺網上，靠瘋狂洗版、同人鬧交嚟搵存在感？

你機又冇，Ryzen AI 又未用過，一味淨係識縮喺鍵盤後面，喺討論區倒垃圾。你除咗上網執口水尾之外，根本完全無人理你。硬件規格你唔識，網絡常識你無，連最基本嘅邏輯都冇埋，除咗死頂之外，你人生仲剩返啲咩？

呢度係香港討論區，你嗰套無數據、無真機、純靠網上二手口水，呢度根本無人會信你。一被拆穿就老羞成怒，成個小丑咁喺度精神勝利，真係可憐。既然你咁鍾意搬大陸網資訊出嚟打飛機，不如早啲返去大陸同人圍爐啦。

---

作者: hkmand001    時間: 前天 15:49

本帖最後由 hkmand001 於 2026-7-5 15:59 編輯


麻煩去查下維修站先
我唔想同啲查都冇查過嘅人講嘢。
   

嘥我時間冇建設性

你講得啱啊，係唔應該淨係睇一個人講啊，所以唔應該相信你，唔應該相信我。係應該要睇維修站維修嘅故障。次數記錄。

你係唔敢查，定係你查唔到？
我唔怪你啊，講出嚟啦，
研究下個問題。
烏龜王老一二三？縮頭？
我嗌你地查都已經3頁啦。
你三個人做咗一次未？
三個老烏龜搬龍門已經搬左三頁啦

我再睇多陣你再唔敢查。
我就真係懶得理你啊。
同你講多曬時間

好似吸煙咁。
我會相信個醫生講有毒？
定係會相信一個吸煙人士話無毒？
原因就係佢自己死唔去？

我梗係睇有幾多人死於吸煙啦！
唔通睇你一個人喺度講嘢咩？
你係咪以為自己好勁？
代表著全部人一捶定音？
話無事就無事？

---

作者: DMAN    時間: 前天 15:58



佢可能想我呢啲用家，每日拍條打卡片匯報佢知部機今日行得走得，重未壞喎 放心慢慢等電腦實有壞既一日

---

作者: hkmand001    時間: 前天 15:59

本帖最後由 hkmand001 於 2026-7-5 16:02 編輯


全香港有咁多吸煙人士。
個個都死唔去，係咪冇毒啊。
我諗以你嘅邏輯就係啦。

咩叫幸存者概率？
使唔使我去Google教你？

你覺得我會相信醫院個記錄啊？
定係相信你班吸煙人士講嘢嘅咧？
快用你嘅邏輯講出嚟啦。
我想知道啊。

---

作者: DMAN    時間: 前天 16:17



你係咪有病呀？話我部機有問題嗰個係你，依家做乜要我去查？要證明有問題嗰個人係你，唔係我。再講，我做乜要你信呀？我部機用唔用到、好唔好用，關你叉事呀？

---

作者: hkmand001    時間: 前天 16:40



得啦，行過路過啊嘛。
老烏龜知你諗嘢啦。

---

作者: ckyuen2    時間: 前天 17:43



兩部機兩部都倖存唔到果位
AI9搬到變AI再變「AI 核心」單嘢
技術上錯到一塌胡塗就選擇性失明
數據俾唔到又選擇性失明
所謂「研究角度」自己永遠唔用嘅
邊個ching覆過乜又記到亂晒
洗板諗住人哋唔知

去咗百度搜狗查「斯德哥爾摩症候群」未呀

---

作者: ckyuen2    時間: 前天 19:20

嗱都唔緊要
「研究角度」吖嘛
咩維修站国行維修數據
百度頭兩頁都無喎
個站有幾細呢? link呢?
唔存在/完全無代表性嘅嘢轉頭話人搵唔到?

同埋講咩倖存者偏差吖
如果個站係做三四流牌子搞唔掂要非原廠維修果啲
粒數唔止偏差
直頭廢嘅喎

---

作者: hkmand001    時間: 前天 19:30

本帖最後由 hkmand001 於 2026-7-5 19:32 編輯


老烏龜查咗個維修站記錄先講啦。
一二三個王八全部都唔敢喐手。
嘈到第四頁啦。

係咪驚查落去會發現真有其事
自打嘴巴爆炸？

所以淨係得把嘴係咁喺度嘈嘈嘈。😂

已經有一個烏龜宿咗啦。
話自己行過路過。關自己春事？
哎，好廢一

所以話呢度啲質素就係咁。
一企硬個烏龜即縮
打飛機就叻。放上台即刻烏龜。

---

作者: ckyuen2    時間: 前天 19:43




    查咗「有」咩咩維修站紀錄先講啦，寫到明話百度唔見呀，link呢？

---

作者: abyss    時間: 前天 19:49



回力鏢神咪得把聲你自己做咗先再講啦, 真係當所有人盲嘅冇腦嘅齋睇你依幾句嘢唔識追post睇咩

---

作者: ckyuen2    時間: 昨天 07:47

本帖最後由 ckyuen2 於 2026-7-6 07:51 編輯

回覆 78# hkmand001


大陸網頁我日日睇唔少，唔好當呢度得你有睇先得，講真有幾多水份大家心照。但水份都算，所謂「維修站」統計而家仲未俾得出喎，就算講緊號稱內部流出果啲，睇咗好多都無分到部機cpu款或者有AI無AI咁細喎。

講到咁易搵，而家都拎唔出，憑乜要人信你？定係又係連你自己都知啲料唔得嘅機革果啲嘅所謂數據？都算，機革都殺啦，有先算啦。夠睇到AI款同無AI款嘅分別係最低最低要求。

講就講到啲數字天下無敵，係威係勢，做呢？而家都未有。越灌水就即係越怯，越老羞成怒，幾版幾版咁洗，叫你俾資料來源就縮到隻龜咁，搏人睇唔到。

事不過三，由AI9搬AI再搬「AI」核心地圖炮，到而家話「維修站」數據喎，龍門大搬咗三次，而家叫你俾link亦合理時間叫咗三次。本身你已經信用破產，而家姑且係「研究角度」俾埋呢次機會你咋。仲當自己好醒？

無link嘅話，情況就簡單梳理成咁：
港行：ching部A14唔使整，其他港行都好少要整[可能有倖存者偏差云云]
国行：你自己兩部都要翻修[唔存在倖存者，所以無倖存者偏差]+「維修部」所謂AMD AI數據根本不存在[無數據就梗係無資格有偏差]

一拼便知龍與鳳。
結案。

唔使趕，而家俾多24小時你。但俾唔到講到「AI核心」數據嘅link就咪鬼響度惡意灌水。你有份嘅頁數亦頂多計到呢度就到此為止，留返位俾樓主。咪鬼再恬不知恥咁吹話其他人整到幾多頁。一早都話無人反對你，係反對假資料。

阻住晒個post係咪因為樓主部A14太正，1.46kg圖像性能可以拋離你部358H咁多，打得機仲只係重多0.06kg仲要港行都咁平就有，呢啲我就唔猜測啦。俾到你聲稱嘅「維修站」資料嘅link 而真係有講果啲料之後，呢個post先有機會關你事囉。

(講埋Stockholm Syndrome斯德哥爾摩症候群/綜合症。打落百度第一個search result 就有呢個症。當然google/搜狗都一定有。大致就係綁匪唔殺佢俾飯佢食。佢就當咗綁匪係自己人。咪似十足有人俾国行連續陰咗兩次，仲覺得国行保養好好果啲咁囉。係唔係病呢，呢啲醫學問題我就唔判斷了。）

---

作者: DMAN    時間: 昨天 11:57



咪聽佢喺度亂 up 啦！Ryzen AI 都出咗兩年有多，如果真係有事，各大廠仲會繼續出新機咩？仲喺度死撐咩私人維修站數據、大陸千人反映，不如直接叫Gamers Nexus耶穌哥出條片去踢爆，到時我就可能會信嘅。

---

作者: hkmand001    時間: 昨天 12:56



人哋普通人一堆反映你唔信
維修站反映你唔信

你就喺度堅持話，
哦
廠家繼續出就等於冇事。
冇大牌明星申報就叫無事。

講埋啲咁嘅歪理都得嘅
果然人係冇辦法同豬牛講道理。

盲撐呢兩個字你真係當之無愧。

---

作者: hkmand001    時間: 昨天 13:01

本帖最後由 hkmand001 於 2026-7-6 13:11 編輯

既然你都喺度盲撐咯，
繼續傾落去冇乜意思啊。
死咗一堆人話冇事。
真係笑死我呢度啲質數。
雖然都唔期望噶啦。
行貨牛羊習慣俾人當韭菜收割。
無爛到自己身上就叫正常
習慣歪理得多啊，變咗做合理。

唔緊要啦，反正我都冇諗過勸任何一個人。最好班牛羊唔好走過嚟去玩我啲國行。

整臭曬個地方就唔好啦。
韭菜應該翻翻去農田度的

上面嗰三位垃圾。
你地啲歪理真係令到我震驚。
令到我知道人嘅面皮有幾厚？
維修站反映。普通人反映
現實擺在眼前，咁都唔夠
全部都可以當無發生
繼續話人哋係亂咁噏。繼續抹黑。繼續堅持。成條狗一樣為左贏一口氣死纏爛打。

三個輪流喺度吠。吠足9頁
好睇過小醜劇。

---

作者: abyss    時間: 昨天 14:17

成日話走又返嚟掟回力鏢攰唔攰啊你，話緊人嘅嘢都係你自己做先嘅，叫人做嘅嘢你又係自己做唔到一味大聲叫諗住嚇到人？

同你本來就冇嘢好傾，傾係雙向互動但係你永遠一錘定音要拗到贏，拗唔掂就鬧人耍無賴傾條鐵咩

---

作者: abyss    時間: 昨天 14:28

諗咗成日都係講返之前啲廢話幾時quote翻我話你搬龍門同推薦機俾樓主嘅post出嚟打我臉啊，唔好淨係識話人齋吹你都俾啲料睇下好冇

---

作者: ckyuen2    時間: 昨天 17:36

回覆 89# hkmand001

嗱我就仲有超個半日用「研究角度」嚟睇嘅
夠晒你搵啦，仁至義盡啦，前提係真係有咁嘅料存在嘅話

而家係咪唔識中文唔知「百度」係乜？
定又選擇性失明呀
話到明百度咗，搵唔到喎
擺明所謂話AMD AI唔得果啲「維修站」統計，係完全搵唔到喎[包括可能因為內容同你所指嘅出入太大] ，而本身大廠果少少統計又顯然完全唔係咁分類嘅
普通人？人呢？

死撐話有嘅，起碼貼咗出嚟先囉，講到咁easy job吖嘛
放條啱嘅link出嚟就可以重拾尊嚴一陣啦喎，咁簡單咁吸引都唔做？
定其實係有心無力呀
而家拎唔出，響度不斷惡意灌水自欺欺人，縮緊逃避緊咋喎
咁就一早睇穿咗你越無料到就越潑婦罵街
越縮就越懶多字嘅啦

醜婦終須見家翁
連最基本嘅數字都無貼出嚟
都話機革嘅數都照收貨咯，咩牌子都得，拎到出嚟先講啦。
條link呢？無link唔通通靈返嚟嘅？定睇返啲資料同你講嘅唔同，所以唔敢貼出嚟？

吹埋啲根本不存在嘅嘢
叫人信？有粒數都話信唔信粒數，而家係無Data即係無嘢拎過出嚟喎。原來沒有從來都沒有，妄想嚟嘅，叫人信，首先信乜先？Nothing. Nil. None.
信空氣？定信玻璃？

完全都無opposing data之下，咁正常人… 做乜唔信返大廠同AMD呢

---

作者: DMAN    時間: 昨天 19:57



喂，我信你㗎！你有私人維修站數據同埋大陸千人反映咁把炮，快啲貼條 link 出嚟俾大家開吓眼界啦！快快手手一槍秒殺我哋啦