作者: axeoil 時間: 2024-9-11 16:25 標題: 關機狀態 TYPE-C 充電一問
小弟部NB係牙石ExpertBook, 隱約記得用WIN10果陣如果TYPE-C連左充電器, 就算關機, 粒充電燈都係會著的, 會繼續充電, 但前幾日發現開唔到機, 原黎粒電完全冇哂電, 之後連左TYPE-C充電開機, 點知係完全冇反應, 最後用DC口充電先開得番部機, 開機之後又試TYPE-C充電, 呢個時候先食到TYPE-C D電, 有冇CHING知咩原因? 唔知關唔關升左WIN11事, 定我唔小心熄左NB某D功能?
作者: KinChungE 時間: 2024-9-17 08:58
部部機唔同, 好難答到你
不過我用過某D舊少少thinkpad, 如果電池冇哂電, 一定要用USB-C牛先可以叉翻起如果插USB-C Dock / USB-C Mon / 一開幾分插會唔肯叉
機既firmware先天係咁, 冇得搞
作者: C_Law 時間: 2024-9-17 16:52
本帖最後由 C_Law 於 2024-9-17 17:02 編輯
我今朝都遇到類似的事。
今朝帶部機上個客公司傾公事，無駁火牛的用過一陣，離開時 Hibernate 部機，落到 MTR 又 Wakeup 部機睇下戲，落車前再 Hibernate 然後返到自己公司，就 Wakeup 返部機，當時見到大約有剩低 7x% 尾電量，之後就一邊用部機一邊插返 PD 牛充電(牛同線都係一向用開，長插公司檯底有開關掣的拖板，要用先至開掣)。
因為趕住做嘢，都無再留意電量，直到做完手頭上一輪工作，先至發現部機的充電 LED 無著，電量跌到得返 6x% 頭。望下檯底拖板，確定係有開掣，試下拔走條兩頭 C 充電線再插過，結果充電燈都無著，但係拔走條線改插手機，手機係可以充電，所以牛同線都應該無事。
又試過將部機放落檯底，改用條短線駁 PD 牛，一樣係無著充電 LED，但係條短線駁手機又可以充電，即係條短線都無問題的。
跟住試埋用條兩頭 C 的短線將手機駁落部電腦，但手機同電腦都無反應(正常手機會出現選項，問只係充電定一話容許過 Data，但今次無問到，係完全無反應，而電腦一邊正常應該會係檔案總管見到部手機，但今次又係無)。
試下 Hibernate 部機再 Wakeup，但係駁 PD 牛或駁手機都同樣無反應。也試過 Hibernate 部機然後駁 PD 牛，都係無反應。
心諗莫非部機死了個 C Port？
係就大鑊啦，部機得一個 USB-A 和一個 USB-C port，要靠個 C port 去充電，雖然都有個 DC 火牛插位，但部機買返來之後，再買了 PD 牛，就將原裝 DC 牛收埋，都不記得放去哪！
之但係，忽然醒起還有一件事可做，就係關機(之前只係 Hibernate)，於是試下關機，等部機完全關閉(Power LED 都熄埋)，然後再開返部機，再駁返 PD 牛，就回復正常的見到充電 LED 開著。
試下兩頭 C 線將部電腦同手機駁埋，電腦同手機都有反應。
部機用了大約兩年，今次係第一次遇到這個問題。
之前係部機 Hang Hang 地搞到個 C port 傻了，要熄機重新 Boot 機先至回復正常？
定一話部機真係有問題？
BTW，部機係七月尾時電池發漲到谷開個面，拆機拎走成個電池組，平日駁住 PD 牛用了一排，去到大約八月中先至逃電池返來換。
https://www.hkepc.com/forum/viewthread.php?fid=19&tid=2728516
換電後至今大約用了一個月，用落都正常，係今朝先至出問題。不知係因為我換電池的後遺症還是個 C Port 傻傻地純綷是另一件獨立事件？
作者: jwong2k04 時間: 2024-9-24 12:25
用 Hibernate usb出問題一啲都唔出奇
若果 reboot 都唔得, 要放電/拆電池 嚟斷電
作者: chue 時間: 2024-9-27 00:30
要先關埋快速啟動先係真關機