作者: chengsteve0510 時間: 2023-12-27 23:54 標題: 華碩手提電腦保固十分差，Flow Z13(2022) 入廠5次，最後一去不返
事原
2022年4月份買左部ROG Flow Z13(2022) 連 3080外置顯示卡，本想取代屋企部Desktop
2022年7月份發現部Z13 連接3080外置顯示卡及電源打機時，會出現低電壓，電池會直接掉到得10%，每次都要熄機重新連接D先可以重新充電，嘗試問華碩(香港)客服，佢地稱要拎去維修中心檢查，因為屋企無其他電腦，只好繼續使用先，日後拎去維修。
2023年2月份，部Z13開始問題嚴重，由連接3080外置顯示卡及電源打機充唔到電，變成打高畫質遊戲其間直接變黑屏；起初以為係電腦無電引致，但發現電量100%時都會發生；於是只好拎去華碩(香港)皇家俱樂部檢查。去到華碩(香港)皇家俱樂部同客服講完個問題，佢話要放低檢查7-14日，都只好放低啦。過左7日拎返既時候，客服話檢查過後，無發現任何問題，叫我返去再試。
2023年3月份，之前出現既問題依然存在，但今次我發現3080外置顯示卡有奇怪雜聲，懷疑係外置顯示卡有問題，於是今次只帶外置顯示卡檢查，客服俾左一個驚奇答覆我，佢話唔可以只放低外置顯示卡，因為佢地無其他機器可以幫我檢查外置顯示卡，需要我自己帶埋部Z13去先可以檢查到。但因為我無帶，客服話可以嘗試放低俾維修部檢查，如果有需要會打電話俾我叫提供Z13一並檢查。過左又7日，客服通知可以拎返，客服表示測試過8小時運作，未出現問題，我嘗試問過係點樣8小時測試，客服無正面回覆，只係話維修部記錄，詳細不清楚，只好又拎返去自己試，點知又係一樣所有問題照舊出現。因為屋企無電腦用，只好唔打高畫質遊戲住。
2023年7月份，問題更嚴重，睇睇下YOUTUBE可以黑畫面，今次只好又拎哂所有野去檢查，又7日檢查，客服話今次換哂手提電腦內零件連底板，但外置顯示卡一樣零件都無換到；又一次拎返屋企試，問題繼續發生。
2023年8月份，今次我指明請維修檢查外置顯示卡，客服今次好客氣，話唔需要放低手提電腦，又過7日，今次話換左外置顯示卡接駁電腦既電源線，今次有驚喜終於充到電，睇YOUTUBE唔會黑屏，但打高畫質遊戲照舊會黑面，得只好忍耐一排再拎去檢查吧。
2023年11月份，因12月要出國，想帶埋手提電腦出去，所以安排11月拎去檢查維修，以最好狀況出國，點知係最後一次見到佢；今次我以最詳細描述電腦出現黑屏情況，遊玩(AOE4)戰役關不到畫質最低情況下，10分鐘內會出現黑屏，其他全屏幕遊戲30-60分鐘內出現黑屏；同客服描述後，今次檢查第10天仍未有任何消息，於是我自己電郵客服詢問情況，客服表示第8天及第9天更換了外置顯示卡電源及電子板，但問題仍然出現，需要待其他零件再作測試；我立即向客服反映可否延長保固及更換同款同型號新電腦加外置顯示卡，客服表示可以延長多3個月保固，但更換同款同型號新電腦加外置顯示卡需要更長時間安排，我只好委協，因要出國關係，只好無電腦情況下出國。當我12月歸國查詢電腦安排時，客服稱安排退款，但因產品曾使用過，只能安排折舊價7.6折回收。
請問咩係“ 產品曾使用過，只能安排折舊價回收”？
我係產品一直有問題需要到場維修，但華碩(香港)無法維修及無法提供其他替代品並要求退款，但不願意原價退款。
我向客服表示7.6折退款係不可能，我只能接收原價 或 替換 同款同型號新電腦加外置顯示卡方案。
客服表示要向總公司反映，又反映左一個星期，但仍未回覆。
華碩產品 不可一，不可再
作者: 暴走呆喵 時間: 2023-12-28 00:13
呢部機設計根本有問題
睇咗得啖笑梗係唔會買啦
Rog g14其實都差唔多
一用3060超級熱...
所以我都拿拿林放咗走
via HKEPC IR Pro 3.6.1 - Android(3.3.1)
作者: chengsteve0510 時間: 2023-12-28 11:40
今日回覆唔接受退款金額繼續整，只會延長保固，但無限期
所以之前話換部新既，宜家無左消息
作者: thenext 時間: 2023-12-28 11:51
The quality of the notebook is bad, but their services to get you a new replacement or refund at 76% is very good.
作者: 248617935 時間: 2023-12-28 12:25
前排見美森特價599有部i5 12500H, 有d心動買來做文書機tablet 睇戲, 睇好多review 都話部野電池廢, keyboard 易壞, 2合1得佢同surface pro 9, 但又好多bad review. 屋企部ipad pro 用網頁睇戲裝唔到adblock, 冇pc 咁方便
作者: abcjerry 時間: 2023-12-28 12:33
NB不適合打機的.華碩做法同其他牌子都差不多,除非新買無耐好難照價收
作者: 波風水門 時間: 2023-12-28 13:57
提示: 作者被禁止或刪除 內容自動屏蔽
作者: chengsteve0510 時間: 2023-12-28 14:12
回覆 7# 波風水門
其實係未用夠一年已經拎去整，一直都未解決，用左大半年時間都未解決到🥲
作者: thenext 時間: 2023-12-28 15:27
回覆 8# chengsteve0510
Only higher end business models such as Lenovo Thinkpad, Dell Latitude and HP Elitebook are reliable. These usually are made with military standard and brands can offer longer warranty period.
Consumer laptops, e.g. Lenovo Ideapad and Dell Inspiron and gaming laptops such as Asus Rog are not meant to be reliable. Even though you are willing to pay for a longer warranty period, the brands won't provide it because these notebooks will probably break very soon
作者: Miipp 時間: 2023-12-28 15:33
估唔到樓煮都有幸參與子龍任務
作者: Andysland 時間: 2023-12-28 15:55
76%用黎補貼新機啦...
繼續無限期整唔煩咩...
作者: melfigfu 時間: 2023-12-29 12:57
根本 有冇整過/有冇心整 /有冇能力整 全部唔知。refund 再買大陸機博大細好過。香港代理售後係好差，唔係壞到出曬面，佢地當冇事。暗病當正常測試唔到wor。
作者: darkfox 時間: 2023-12-30 00:24
當年美馬有特價，睇左好幾日，有心動過想買，準備買時突然話無貨
好彩無中伏
無得加ram，加ssd要用貴價2242 size
作者: 暴走呆喵 時間: 2023-12-30 02:58
76拆收返算巴 你放出二手市場50%都未必有人要
作者: kofz 時間: 2023-12-30 04:45
大陸大把翻修機賣緊
via HKEPC IRF 5.1.14 - Android(5.1.2)
作者: jk1399 時間: 2023-12-30 08:08
76折回收算係咁....
ASUS的"子龍任務"
係咁上下
作者: s84292 時間: 2023-12-30 09:13
本帖最後由 s84292 於 2023-12-30 01:18 編輯
事原
2022年4月份買左部ROG Flow Z13(2022) 連 3080外置顯示卡，本想取代屋企部Desktop
2022年7月份發現部 ...
chengsteve0510 發表於 2023-12-27 15:54
如果長打機，真係唔好買呢D電競NOTEBOOK，好快壞電或者脫焊
外置顯卡又係多問題，壞線壞PSU係經常，而間中黑屏有時係WINDOWS 問題，可以係無解
我身邊同事幾部DELL外星人 ASUS同MSI 電競機保養期都壞過1-2次，多數都係顯示卡
肯76折退返買部14代＋4系GPU好過，用6成電有一樣的性能，仲有DLSS3～依家又平過當時買唔少
都係咁講啦，除非MACBOOK PRO真係可以當大機＋NOTEBOOK咁用，
WINDOWS PC都係乖乖地分返兩部
作者: genius44x 時間: 2023-12-30 09:59
76折回收都唔肯，比我即刻答應，好過不斷浪費時間
作者: 觀星是答案 時間: 2023-12-30 10:52
76 折收返架機抵到爛啦 , 行左一年半都租機錢都抵
好過再跑十次子龍任務
不過我覺得 Asus 設計 notebook 仍然技術唔成熟 , 或者 cut cost cut 太盡
總之成日都有 d 小問題無其他做開 notebook 既外國牌子咁耐用
P.S. 公司買過一批 asus notebook , 但都已經壞晒 , 比之前買落既 D / H / L 牌更早退役
作者: 20030311 時間: 2023-12-30 11:08
傳統智慧就係石記有MON既野都免得過都唔好買,維修只會一肚氣
作者: java2 時間: 2023-12-30 12:28
本帖最後由 java2 於 2023-12-30 12:30 編輯
話晒致少用左成年仲要原價收返想食人隻車. 7.6折有賺啦, 放二手一半都未必有人接, 比我就收錢買過第二個牌子好過仲同佢糾纏.
就算佢換同款同型號新機都唔要, 一來隔咁耐未必仲有新機, 二來難保同款同型冇相同問題.
76 折收返架機抵到爛啦 , 行左一年半都租機錢都抵
好過再跑十次子龍任務
不過我覺得 Asus 設計 notebook ...
觀星是答案 發表於 2023-12-30 10:52
作者: ddb493 時間: 2023-12-30 13:43
notebook 打機都係過熱多
平平地砌部細ITX 都唔係好大部
, 同埋靜作者: Jim_Jim 時間: 2023-12-30 20:58
本帖最後由 Jim_Jim 於 2023-12-30 21:02 編輯
係京東評論區同bilibili度一 search就見到asus 無畏pro 有好大電流聲, 好似都是同顯卡有關
最後揀左lg gram 2合1，吾駛工作陣當16吋pad 用睇下片又幾方便
作者: pqrdownloader 時間: 2023-12-30 21:03
呆灣野係咁上下
作者: sallywong621 時間: 2023-12-30 22:16
回覆 19# 觀星是答案
其實佢地零QC
件產品出完，同一個問題有好多人Feedback先會跟進FIX返個別一兩個Case就唔會理你
買ASUS真係要睇足哂Review先好買作者: Freak 時間: 2023-12-31 03:31
傳統智慧就係石記有MON既野都免得過都唔好買,維修只會一肚氣
20030311 發表於 2023-12-30 11:08
無mon既都一樣, 我部PN53都搞左3個幾月先話整好, 成日話無件無件, 零件件件都話無, 每訂一件都要幾星期....
作者: WHITERICE 時間: 2023-12-31 20:20
七進七出.
7.6折拎錢走同再比翻部機比你. 我一定揀7.6折拎錢走.
作者: melfigfu 時間: 2023-12-31 22:08
無mon既都一樣, 我部PN53都搞左3個幾月先話整好, 成日話無件無件, 零件件件都話無, 每訂一件都要幾星期.. ...
Freak 發表於 2023-12-31 03:31
遲D整好就快D過保養，緊係要有排整啦！
作者: alexanderman 時間: 2023-12-31 22:36
本帖最後由 alexanderman 於 2023-12-31 23:03 編輯
事原
2022年4月份買左部ROG Flow Z13(2022) 連 3080外置顯示卡，本想取代屋企部Desktop
2022年7月份發現部 ...
chengsteve0510 發表於 2023/12/27 23:54
我覺得外置顯卡的兼容性一般般，容易出問題，像ASUS專有的XG Mobile因為裝置量少，量產前測試未必充分，出事機會更大。
我自己用緊ROG Flow X16 2023，同樣支援XG Mobile，但不打算用
除了兼容性、穩定度存疑，我覺得它溢價太高，不值，而且市場太細，很難放二手
只不過，電子野折舊是很快，原廠肯原價退款的機會渺茫
反倒是買京東自營的有機會 (不一定次次得，睇情況及彩數) 退到全款:
我在2022年3月在京東買了一部華碩無雙14 (Vivobook 14X OLED)，到手DOA，屏幕是陰陽屏 (OLED屏上10分之一是正常，下面10分之9非常暗)，拿去香港ASUS皇家維修，需要訂件，但適逢疫情，等了3到4個月先整好
我因為已經買了另一台notebook，所以拿回notebook後向京東申請退貨，最後退回全款
作者: administrator~ 時間: 2023-12-31 23:50
七六折收返
你有着數
其實樓主個腦諗緊咩
作者: chengsteve0510 時間: 2024-1-2 20:43
明白大家認為七六折方案係一唔錯的保償金額，我會嘗試與消委會聯絡先，有的是時間，最後無辦法才接受七六折方案吧
作者: java2 時間: 2024-1-2 20:55
銷毀會廢的, 入稟小額錢債啦
明白大家認為七六折方案係一唔錯的保償金額，我會嘗試與消委會聯絡先，有的是時間，最後無辦法才接受七六折 ...
chengsteve0510 發表於 2024-1-2 20:43