標題: [操作疑難] 新買Aspire 5 515 顯示設定問題 [打印本頁]

---

作者: westleung    時間: 2021-1-30 10:53     標題: 新買Aspire 5 515 顯示設定問題

本帖最後由 westleung 於 2021-3-23 22:47 編輯

小弟幫屋企人買新電腦如下
用途性質 - 微打機 剪片 長期睇片

i5 1035G1
20gb ram
mx350
256SSD 2TBHD

操作上發現，獨顯既運作好低，乜都交哂比CＰＵ做
上網睇好多教學，強行要獨顯做野，但發覺工作分配好好麻煩
ＣＰＵ處理器長期高運算，好似好多野做咁，風扇都都發發聲係咁響
心諗普通睇緊野都咁樣，都未打機。。。
有NＢ托架，但無風扇的，是否散熱問題？

另外前幾日屋企人發現，佢ＳＥＴ大左顯示百分比後
例如１３０％ １４０％ ，電腦操作一段時間，畫面會蒙，而且震盪
ＳＥＴ返預設就無事，個MＯＮ有問題呀？

同埋剛剛睇顯示器>顯示卡內容>內容
只係得IＮＴＥＬ選擇，佢張獨顯呢?？個MＯＮ只有６０整理率
咁係正常嗎?點解會無獨顯果個內容望架?

原來有獨顯既機係麻煩咁多。。。。求指點

最後結果
更新在2021年 3月23晚上

---

作者: mankowk    時間: 2021-1-30 23:12

本帖最後由 mankowk 於 2021-1-30 23:30 編輯

[attach]2246556[/attach]

咁樣 set 既話, 唔知有無幫助,
樓主可以試下....

---

作者: 暴走呆喵    時間: 2021-1-31 17:17

回復 1 #westleung
見冇人答你問題我答你啦

嘈 係因為你個風扇壓唔住cpu 呢個冇辦法幫你㗎啦唯有自己諗辦法搞掂個散熱
而且你個獨顯係輔助性的 呢啲叫做hybrid
主要係intel mx350係輔助3d運算 不能硬解不能做其他嘢
除非有人破解你bios直接行獨立顯卡 不過以我記憶
上次有人破解已經十年前 sony vaio Z系列...所以你當我冇講過

如果你要散熱勁唔應該買呢啲輕薄本嘅
你要買返正常厚度size嘅會比較好

Btw
不過你又要靜又要勁嘅 又要純獨顯 起碼要工作站級
我自己用緊zbook17 i76700hq 32gb ram  gpu係m5000m..
我平時做野30-40度 fulload大約55度到
基本上嗰個風扇好小轉
魚與熊掌不能兼得
我部機買的時候 大約係你部機四倍價錢 ...

via HKEPC Reader for Android

---

作者: westleung    時間: 2021-2-2 20:40




多謝你先，呢個我有跟住做呀，我以家先知道ＮＢ係咁樣行，主力係CＰＵ
大型野佢先用顯卡

---

作者: westleung    時間: 2021-2-2 20:48



我經驗唔夠囉對NＢ，以家聽落，薄機行獨顯+中上CＰＵ運算
散熱方面天生就馬馬地，所以風扇就高轉，死症咁
剛剛買左個金屬架比佢，可以較角度座起部機，但無風扇。
可能要幫佢加把機箱風扇仔了
到時溫度應該差好遠，因為我自己就係咁樣，常溫４０—５０
開大型野６０—７０，一開風扇就降５—８度左右

同埋佢以家個MＯＮ，唔知點解有時會閃囉
究竟係咪又要SＥＴ野呀
我上網睇到有其他人都遇到咁既情況，唔一定係MＯＮ壞
新買左一個月就咁多野，以家先知道有獨顯既NＢ咁煩

---

作者: 暴走呆喵    時間: 2021-2-2 21:16

本帖最後由 暴走呆喵 於 2021-2-2 21:20 編輯

回復 5 #westleung

呢個應該係個屏本身問題
應該你要問返acer
如果cpu你冇你唔想咁熱嘅
喺電源管理 限cpu 最大為99% 即是 non turbo boost
我唔知你粒i5 non tubro是多少 我估1.8G左右
我自己嗰部超小型本都係咁做 i7 non tubro 是 2.1G
但係溫度比未做之前降咗十幾度 風扇好少轉的

金屬架就算有風扇都冇用 只係加強吹啲風入去如果個散熱架構唔掂嘅話
完全冇影響的
我之前買過呢啲嘢太多
托高就好啦 畀啲空氣容易入去
如果你搵到吸風機嘅話咁就有用
但係呢啲輕薄本個吸風機係用唔到嘅
因為個口太細完全唔啱位吸唔到
好似淘寶都冇呢一類咁細嘅口既吸風機

via HKEPC Reader for Android

---

作者: westleung    時間: 2021-2-2 22:38

本帖最後由 westleung 於 2021-2-2 22:39 編輯


粒1035g1
常態1G
turbo 3.6G

你個方法如果SET 99% , 係咪部機永遠行4X 1G ?
有風扇係比較涼既,至少我以家部NB仔都會降溫5-8度,我有實測

另外個MON,我都唔知真係撞死左顯示卡問題,定係個屏有事啦
如果有事,又要拎去保養,好煩........
新買1個月多D

吸風機係咪好似個盒仔,插係USB位?
我淘寶見過話會降溫

---

作者: Miipp    時間: 2021-2-2 22:55

樓煮咁的應用係要揀一部 heavy-duty 的 notebook; 改用到配上 ~150W 級數 CPU 散熱器的 8/12 核的 desktop 就更好, 咁就可以魚與熊掌兼得 (夠勁又靜), e.g. NH-D15S.

o個部 ultrabook 只係設計比間歇性幾秒高強度運算的文書上網應用, 咁先有靜/涼的應用體驗. 一個 ultrabook 散熱器仔, 風扇要勁高 rpm 先可以散到 ~20W 廢熱

---

作者: 暴走呆喵    時間: 2021-2-2 23:23

本帖最後由 暴走呆喵 於 2021-2-3 01:27 編輯

回復 7 #westleung

應該係行1.5至1.6
新嘅turbo Boost 不設限制是不會行1.0g

好似我粒i7 1160G7 寫就1.2g 實際行2.1G
有2.1G 基本上做任何野都唔會LAG....
我自己正常 workstation i7 6700Hq 也是keep住行2.5G
就算fulload 粒 2.5@100% 都係55度左右(不過我部zbook 散熱勁就OK得)
我之前Omen17 用8代i7 fulload @2.5% 100% 係80度以上
所以不是同架構雙風扇就得 好多因素
我2016 buy zbook17 i7 6700hq 32gb ram m5000m 1080pIPS60hz  HKD 25000左右
之後 2018 Buy Omen17 i7 8700H 1070 32GBram 1080P 144hz ips 18000HKD
點解zbook 比omen 更貴原因係唒度
Omen 我一早放左 頂唔順...
但zbook 用到現家!!!!


via HKEPC Reader for Android

---

作者: mankowk    時間: 2021-2-2 23:27

本帖最後由 mankowk 於 2021-2-2 23:28 編輯

其實 laptop intel cpu內顯 + nvidia獨顯、都已經出左好多年、
包括 intel cpu + amd獨顯、
個人認為、唔存在 (獨顯既NB咁煩)既問題..

樓主部notebook既問題、
可能係windows / display driver問題..
或者 部機有不良常駐program問題、
或 acer Aspire 5 515 既設計問題...
或 機件有問題...

可以試下 delete 買機時附送既防毒軟件/防火牆軟件...
只用上 windows內置既 防毒軟件/防火牆軟件...

另外我想問下樓主部機好似買左一個月多、
i5-1035G1 既 laptop,
基本上都係貨尾....
唔排除係d 退貨機 等等...
或者真係拎去保養check下 hardware係咪有問題..

---

作者: 暴走呆喵    時間: 2021-2-3 01:37

回復 10 #mankowk

Hybrid就係咁煩
唔識用就唔知點搞
Nvidia仲好少少可以全域set強制行 nvidiaGpu
但是amd就唔得 driver太廢 要逐個逐個set
所以點解咁多廠都唔配Amd hybrid
Amd就適合行獨顯 好似 Apu
Nv二邊都可以 但是 hybrid性能只有純獨顯的70%或更低
(我Zbook17 可以bios行 intel加nv gpu 即hybrid或直接用Nvgpu)
比較過之下 就有這個答案
而且hybrid仲有2d問題 某些遊戲下.....
所以唔係話hybrid唔好 只是比正常更加麻煩
不過有一些一定要用nv gpu既遊戲就可以發揮出這個好處了

via HKEPC Reader for Android

---

作者: usei    時間: 2021-2-3 11:41

回覆 7# westleung

2 代 notebook 情況 set 99% 會長行 base clock

行 base clock 這個方法 用 AMD 較好
4 系 U base clock 高

---

作者: westleung    時間: 2021-2-3 22:29



剛剛用落，佢經常熱到60-80度咁跳。。。。。
同埋部機好似開引擎咁。。。。
我自己部ａｖｉｔａ　３５００Ｕ靜過鬼
乜１０３５Ｇ１ 咁架咩？
定係學各位咁講，ａｃｅｒ散熱機構根本唔好做得

---

作者: westleung    時間: 2021-2-3 22:30



你個價錢，我無得比較。。。

---

作者: westleung    時間: 2021-2-3 22:32



我都知道１０系機已經算係舊左
但都唔係咁樣掛。。。。
有邊部機全新丫，你話退貨機的話真係嚇一嚇。。。
其實大家買機呢，會唔會信佢地狂推介果部？
因為我硬係覺得，狂推介果批機一係超貨尾
一係就賣唔出

---

作者: westleung    時間: 2021-2-3 22:34



我頭先唔止sｅｔ９９％ ， ｓｅｔ到去９０％
但部機好似都仲係熱到乜咁
記住呢。。。。以家係涼涼的冬天，夏天咪？．．．．．．
學樓上話，出事既退貨機黎?。。。。

---

作者: 暴走呆喵    時間: 2021-2-4 03:20

本帖最後由 暴走呆喵 於 2021-2-4 03:28 編輯

Ultrabook就係咁樣
如果淨係 intelgpu會冇咁熱 因為多咗mx350
你試下裝置管理員 停用mx350 睇下會唔會涼啲
如果唔得真係搵返acer...
而家個個就係貪notebook佢又薄又要靚
其實犧牲好多野 特別最重要嘅散熱 唉
其實而家啲  Ultrabook真係衰過 x230個時好多....
就算 hp820G2 i5版 散熱都唔會咁差 打3d game可以壓到60度以下...
其實99%都唔得嘅話
基本上返廠搵佢整仲好

我個人意見你望下就好..
其實intel爆熱係由8代開始到而家
Y系好D 低功耗即是我1160g7 也是Y系列的最強cpu..


via HKEPC Reader for Android

---

作者: westleung    時間: 2021-2-4 23:01

本帖最後由 westleung 於 2021-2-4 23:13 編輯


我真係要出聲
我自己果部玩具
avita 3500U 8GB DDR4 2400 512SSD

屋企人果部
ACER 1035G1 20GB 2666 MX350 2GB

頭先開YOUTUBE 4K 日本以家最興果堆街頭片
發覺我部電腦只需要用cpu10-20%, 工作管理員睇到行緊1.3G- 1.8G
溫度 50度多
V8 Display 行65%

但acer 就95-100% cpu
溫度係70幾游走, 我用 core temp, 見佢會跳到90-92
intel display 同mx350 大家各佔20-25%
神經病囉

而且噪音方面,acer嘈到不得了, 我部機係用d垃圾好細部既風扇
都無佢咁熱囉,我覺得部野係有問題
cpu點會咁樣飄呀? 散熱膏無哂呀?

同埋我發覺AMD電腦,佢顯卡一開,CPU工作量就大減
但係intel機, INTEL 內顯+ MX350 都分工50%加埋
粒CPU都仲要行90-100%, 乜料呢?

玩以家最熱門既3d mark
條女係高山飛落去再入山洞果個
我部機得7000幾分多D
而ACER就11000幾分, 基本上運算係2回事黎
但部機運算能力同溫度,我部機行4K咁輕鬆
ACER行到就爆咁,果4000分究竟係咪真係存在的

---

作者: 暴走呆喵    時間: 2021-2-5 01:44

回復 18 #westleung

Intel4k硬解唔到
用左cpu解
你試下用firefox. 不要用 chrome
好簡單唔好睇4k 片
你試下看啲  1080p h264 /hevc片 睇下用幾多percent

如果開到硬解嘅話

H264正常5-10%之間
Hevc就大約10-20之間

via HKEPC Reader for Android

---

作者: 暴走呆喵    時間: 2021-2-5 01:50

[attach]2247500[/attach]

1080p hevc
cpu i7 6700hq @2.5G
nvenc

---

作者: 暴走呆喵    時間: 2021-2-5 02:02



11000証明3d 時是用緊mx350
intel10th gpu 一定沒甘強
一定比你3500U慢多50%
試下DDU uninstall driver再裝過
有時跟機系統係衰過自己裝既win10
以前 omen17领過野 hp 跟既win10 idea 長期fullspeed +溫度高 >80度以上
自己 install win10 識行 speedstep +idea 溫度48-55 C

---

作者: 暴走呆喵    時間: 2021-2-5 05:27

剛剛拿我的 onemix gx1pro
I7 1160G7@2.1G 99%cpu
片係 sword art online alicization hevc1080P
[attach]2247510[/attach]
Hevc硬解.... Cpu係1%左右.....

---

作者: westleung    時間: 2021-2-5 21:03



我知道原廠好多副加野會行,好煩
10系既GPU能力,點都比唔上3500U
所以我先覺得好煩囉部野

另外你上面話INTEL無硬解?所以行4K好大獲?所以推盡CPU?
咁我3500U有?就咁行4K輕鬆到爆..........................

如果睇片各樣都要攪咁多野,以後唔買INTRL 機

---

作者: westleung    時間: 2021-2-5 21:07



係10幾年前,我都曾經為左張顯卡係到玩破解
又話要佢行到高清定什麼
我印象中,上網睇片同實質有條片係電腦開係2回事
INTEL係咁煩既原來?

---

作者: 暴走呆喵    時間: 2021-2-5 21:12

回復 23 #westleung

不是
可能個driver硬解唔知點解用唔到
所以我叫你搵啲片試 唔好試youtube
可能你個瀏覽器撞driver

試下用 firefox. Chorme
或者重裝一次intel driver
先用 ddu uninstall 所有vga driver
仲有sound driver...用返ms原裝就好 < 有陣時問題出自這個....
Vga driver
先裝intel 再裝 nvidia
正常來說 硬解到嘅話 cpu唔會多過20%

如果正常嘅話好似我1160G7甘 食好少資源

via HKEPC Reader for Android

---

作者: 暴走呆喵    時間: 2021-2-5 21:20


其實唔係好麻煩
可能acer 原配系統垃圾
衍生好多問題出嚟
正常嘅一定del咗原裝系統
自己裝一個 咁就可以否定好多問題
我呢部機都係del過系統來 原本配的20h2大陸版不是太好用
Del完就正好多 起碼係我心目中嘅嘢

電腦有問題就係咁煩
唔好咁懒
先del過系統再裝過
否定曬所有問題先
Driver呢
只裝 chipset vga driver
Sound card盡量唔好裝
因為裝作會食好多資源 太多垃圾特效
兼且正常聽落去仲有啲怪聲 因為預設開左D sfx特效
食資源又高
用 windows的 sound driver就ok

via HKEPC Reader for Android

---

作者: 暴走呆喵    時間: 2021-2-5 21:28


十幾年前的確好麻煩
特別 inteldriver 看 h264
Atom....n530 真係搞一大輪都未必睇得到 係winxp..
之後win7 driver就修正咗好多問題 main profile h264終於可以硬解到
High就唔得 o.o

via HKEPC Reader for Android

---

作者: 暴走呆喵    時間: 2021-2-5 21:41

仲有10th intel gpu 硬解4k 有限制的...
所以叫你唔好看4k  吃力不討好 有必要嗎?
看main steam 1080p 都有問題先講出來

---

作者: westleung    時間: 2021-2-8 21:58



我覺得好奇囉，１０３５Ｇ１，行到咁辛苦
２０ＧＢ ＲＡＭ
ＭＸ３５０
咁都行到８０—１００％，部野仲洗做其他?

---

作者: westleung    時間: 2021-2-8 22:01



頭先果個人問我
洗完機重裝，你想要咩ＷＩＮ
其實佢地最終會比咩野WＩＮ我?係另一款?
定係我果部ＡＣＥＲ型號相關的?
佢頭先幫我記錄問題係咁樣寫

閃屏/黑屏/長期高運算/over heat
我都想知道,如果真係過熱令到個屏有問題，咁樣部機壽命唔長。。。。

---

作者: westleung    時間: 2021-2-8 22:03



我有印象Ｈ２６４呢樣野
都真係十幾年了
以前我果張係FＸ５２００

---

作者: 暴走呆喵    時間: 2021-2-8 22:19

回復 30 #westleung

自己上microsoft 下載win10 ISO 自己用手指裝喇

via HKEPC Reader for Android

---

作者: westleung    時間: 2021-2-20 13:50

本帖最後由 westleung 於 2021-2-20 14:01 編輯


我之前拎公司唔要NOTEBOOK返屋企
I3 第3代既，自己要配返系統入去都幾煩
因為唔知隻隻WＩＮ都適合

部電腦最後拎左返去維修啦
話以家CＨＥＣＫ哂機，等零件返，唔洗補錢
心諗唔知邊一忽有事啦

其實我自己咁樣諗
買電腦，ＣＰＵ單核要高頻丫，定係低頻?
１０２１Ｕ　好似係1.6GHZ
1035 G1 就係1GHZ
運算起黎應該1035辛苦D?因為每粒都係得1GHZ
我自己部3500U好輕鬆,又唔會有顯卡問題
又唔洗SET咁多野,打機可以玩最普通
果陣比多700蚊可以用3700U,但我唔要啦,都唔係提升好多

希望部機真係維修好返黎啦
如果一返到屋企,下下都係熱到70-80度跳
夠膽死上埋90度的話,真係死証囉
我有時諗,會唔會係無散熱膏XD
我個心咁樣諗,打普通機 同睇HD 2K 就50-60度
重型GAME就65-70
CPU係中等用量應該係40-60%使用度
無可能睇條4K片要去到90-100%
佢明明有張MX350,唔通廢架?

---

作者: 暴走呆喵    時間: 2021-2-20 21:07

回復 33 #westleung

好簡單咋喎
我裝個超過20部notebook
都係下一步下一步咁樣
驅動程式 都係差唔多 特別Intel 超簡單

via HKEPC Reader for Android

---

作者: westleung    時間: 2021-2-20 22:47



你隻WIN係上NOTEBOOK牌子官網?
我之前上網搵,一隻隻咁裝返驅動程式,想死

---

作者: 暴走呆喵    時間: 2021-2-20 23:43

回復 35 #westleung
驅動程式都係差唔多通用
如果wi-fi係 Intel 更加容易

via HKEPC Reader for Android

---

作者: westleung    時間: 2021-2-25 20:19

佢地覺得係個散熱模組有問題，以家要等零件喎。。。。整一整又一個月。。。。

---

作者: 暴走呆喵    時間: 2021-2-25 23:39

回復 37 #westleung

唔係啩新機嚟㗎喎
真係咁化學Acer.

咁樣似入面嗰啲 散熱管液體乾化咗

via HKEPC Reader for Android

---

作者: westleung    時間: 2021-2-28 20:31



平時買開靚佬
今次第一部ACER就出事............
平時我就唔鐘意聽SALES講推介，因為大多數係舊貨要清，一係就落重廣告
今次呢部野食正我想要既，而且價錢又比其他鋪平少少，點知咁鬼樣。。。。
１０３５都係一年姐，一年就乜都乾哂啦?。。。。
ＣＰＵ運算一向無聲，但把風扇嘈到火車咁樣真係頂佢唔順
大家明架啦，ＮＢ放自己身邊，唔係放地架嘛，放地都話無咁應
聽住佢係咁運轉真係頭痛囉

---

作者: 暴走呆喵    時間: 2021-2-28 20:50

回復 39 #westleung

我有 一部用acer
11年買的 5950G 用咗幾日個mon有烙印了 或者叫做光印
拎上咗代理整都係冇整過 畀返原本個mon你
用咗一個禮拜赔咗二千蚊 放返出去
從此之後對呢個牌子已經好驚 基本上唔會用佢

我玩過咁多部notebook 都冇試過咁樣情形
我介紹人玩都唔敢介紹呢個牌子畀人
太多鑊氣了


via HKEPC Reader for Android

---

作者: jcg    時間: 2021-2-28 21:12

價錢平過人就預咗將貨就價。當年買過桌面機已經知道質量有幾差，永不錄用

---

作者: InterSonic    時間: 2021-3-1 09:59

Aspire系列的質素好差 因為太平
幫親戚買過部 $2500 水貨15.6吋 Acer Aspire
一年未夠 壞touch pad

---

作者: westleung    時間: 2021-3-1 20:22




靚佬
DELL
HP
?

---

作者: westleung    時間: 2021-3-1 20:22



水貨？係咩鋪頭？會唔會二手機呀
翻新機

---

作者: 暴走呆喵    時間: 2021-3-1 20:49

就算係二手機都唔會咁差
明顯是縮水
Acer嘅品質唔係一朝一夕咁差㗎啦

只怪師兄你中招
有陣時大陸嘅品牌One mix都好過佢

via HKEPC Reader for Android

---

作者: westleung    時間: 2021-3-3 21:06



咁大獲。。。。
如果要再買電腦，係咪靚佬呢?
我反而見得多人係靚佬 ＨＰ 同ＡＣＥＲ

---

作者: 暴走呆喵    時間: 2021-3-4 00:51

回復 46 #westleung

Business级買 hp/Dell
如果Gaming我真係唔識 你要問下其他師兄
不過我有個牌子可以介紹你 Clevo 藍天電腦
機就比較厚身 不過 散熱 有番咁上下
唔會太快壞的


via HKEPC Reader for Android

---

作者: westleung    時間: 2021-3-4 20:16



其他牌子。。。。我真係唔係太信
我以家聽得多都係ａｖｉｔａ呢部野

---

作者: 暴走呆喵    時間: 2021-3-4 21:54

回復 48 #westleung

Avita.... 呢啲先叫做不知名品牌

Clevo好出名架 台灣品牌
都有成十幾年歷史
係 diy notebook。
內地叫做準系統
Msi 有用過佢嘅design
仲有未來人類 Hasse 都用佢嘅oem
我以前都用過好鬼穩定
佢仲要佢可以第一家開發 用檯式Cpu的 notebook

via HKEPC Reader for Android

---

作者: westleung    時間: 2021-3-6 00:10



....我真係唔識野XD
次次買筆電來來去去果幾間
將DESK放入NOTEBOOK?.....
盒仔電腦下化
有時都諗，其實花４０００買盒仔電腦好唔好
ＭＯＮ要另買當然

---

作者: 暴走呆喵    時間: 2021-3-6 00:19


是啊
amd 3700X 放入notebook
intel 10700 放入notebook
amd好似得15.6寸
intel有17.3 寸
base給gtx1660ti
max config GTX2080
我上年看既資料

btw...

notebook 都甘..
你敢唔敢玩盒仔先....

---

作者: westleung    時間: 2021-3-6 14:20



盒仔大約5-6隻VCD大小
散熱呢下好成問題

呢個牌子咁利害?將D零件放哂入NOTEBOOK?
3700X 既NOTEBOOK聽落都吸引啦
不過散熱,重量,型態係點先

---

作者: 暴走呆喵    時間: 2021-3-6 16:41

回復 52 #westleung

重量 厚度一定係以前Notebook嘅size啦

其實你仲想諗輕薄 基本上冇一部notebook做得好㗎喇散熱

via HKEPC Reader for Android

---

作者: 暴走呆喵    時間: 2021-3-6 22:19

4年前玩過
clevo p751dm
個時好少有tb3 機
spec: i7 6700T(desktop cpu)
16GB ram? 忘了
15.6寸 4k sharp igzo panel(自己diy...)
965m MXM gpu 純獨顯 沒有iGPU

link..(個時仲有hp zbook14比較!)
https://www.hkepc.com/forum/viewthread.php?tid=2357318

---

作者: westleung    時間: 2021-3-13 22:56



其實又要薄又要輕都得
部野慢囉,唔好咁大馬力XD

---

作者: westleung    時間: 2021-3-13 22:59



自制NOTEBOOK
其實姐係買個殼
跟住買料放埋1齊?......

---

作者: westleung    時間: 2021-3-23 23:05

本帖最後由 westleung 於 2021-3-23 23:15 編輯

各位你地好，以下係自己經過２個月後既感想同埋設定值
以上手法並不是代表所有NＢ用家既真理或反映現實的全部

小弟買既電腦散熱一般
1035G1 基本上開任何網頁都會短暫啟動渦輪功能幾秒，噪音就係咁樣黎
(是否得1G運算所致?如基頻有2G是否不常開渦輪?我Avita 3500U又唔見咁嘈?)

第一致命是唔好懶醒開G記版面再設定佢高效能
開完的話就死得了，中央處理器經常開盡唔知做乜，又熱得個嘈字

第二致命係唔好去設定用顯卡行程式
因為咁樣真係衰多幾錢重，一條銅管駁兩個發熱裝置但只係得把爛鬼風扇
全開之下，溫度去到91-93，根本死硬啦，我只用流空鋁製散熱座無風扇

第三我唔知道將處理器同獨顯放去其他品牌上是否有散熱分別
因為部玩具3500U又唔見行到咁盡，咁鬼嘈？睇４Ｋ溫度只係45-55游走

以家我既設定係電量果邊，將最高運算行99%
姐係部電腦係唔會再行渦輪模式，係3D mark 既 sky diver入面
99%運算下得分10300
turbo下 11400分，對我黎講分別唔係差好遠
但明顯turbo下load野係快1倍啦，而圖像流暢度明顯係快D
以家設定99%後，絕對靜音，睇4k片溫度各樣正常
唔知有冇師兄買過其他品牌既1035G1+ MX 200~350系列？
是否嘈到不得了?定只係ACER問題?買左部電腦，但係CPU唔行得盡
咁不如買部平D而條RAM有12gb算啦，以家都唔開tubro
條RAM慢慢等人發號司令．．．．
小弟極希望有1035G1+MX獨顯既用家分享係咪成日開渦輪，部機一樣熱爆？

謝謝

---

作者: 暴走呆喵    時間: 2021-3-24 07:41

回復 57 #westleung

又話拎去整
最後 點樣呀

via HKEPC Reader for Android

---

作者: edwardfcy    時間: 2021-3-24 09:47

回覆 56# westleung

係呢師兄，最後結果點呢?？

---

作者: westleung    時間: 2021-3-24 21:36

本帖最後由 westleung 於 2021-3-24 21:47 編輯


拎左去整幾星期，最後話換左散熱模組
我一返屋企即開４Ｋ，勁有驚喜，無聲，唔熱
但一改設定又係咁，姐係哂氣。。。。。。。。。。

最重要獨顯果到唔好SＥＴ野，用建議就算數
另外最高行９９％，永久唔開turbo．．．．
因為根本部機係傻既，一開盡左行到上９０幾度，乜都死啦
所以我先極度希望，任何人用緊１０３５Ｇ１＋mx３系既人士
可否回報一下係咪acer散熱模組有問題，定係１０３５ｇ１呢粒野發熱係死症
因為cpu turbo＋獨顯開盡之下,個散熱模組根本就攪唔掂個熱能
獲獲都上90幾度，風扇嘈到拆天都係咁熱

我試左好多次，開雅虎網頁睇野，佢每次運作都開turbo幾秒
你睇另一頁，佢又再開，煩到乜咁，所以我先想問
係咪要基頻高少少，唔洗要佢開turbo？
我部3500U 基頻有2.1G , 1035G1 先得1G.............
如果係咁，以後真係唔買基頻咁低既CPU囉

---

作者: 暴走呆喵    時間: 2021-3-24 23:19

回復 60 #westleung

因為G系 ulv cpu 超低電壓cpu
U係低電壓
H系正常
11代 冇咗超低電
所以1160G7栄升低電壓U 所以 basecolock升左

via HKEPC Reader for Android

---

作者: 暴走呆喵    時間: 2021-3-25 00:52

回復 60 #westleung

我畀個Software
你自己食Set
看 Pm

via HKEPC Reader for Android

---

作者: 暴走呆喵    時間: 2021-3-25 05:58

應該咁樣講
Intel 個新 turbo boost 個計法有啲唔同
我記得 M3 8100y base好似1.3g max 3.2g
99%係 Base 1.3g再 trubo boost 所以係1.6G
100%係最盡行3.2g fulload all core 3G

你可以用我個程式 強制 閂咗Base turbo Boost
行1.3g non trubo boost狀態

亦以我I7 1160G7為例
99%係 1.2G basecolck再 trubo boost 即是2.0～2.1g
如果強制刪咗Turbo boost狀態行 1.2G 只係低3～5度
因為已經冇得再低
第一風扇嘅問題 第二 超小型本會積熱
不過2G對我嚟講已經超級夠用 因為iris Xe加持下
連GTA 4 任何版本 都可以行60fps在低畫質 1280*800下
喺街玩呢啲超大咗以前係夢想 而家已經實現到
你見過有人喺街拎住部手提機玩gta4或5嗎

via HKEPC Reader for Android

---

作者: westleung    時間: 2021-3-25 08:42

我現在最高處理99％，佢已經唔開turbo，靜好多好多！
每次開多幾個網頁，跟住慢慢再click下一頁
佢都係要行3_4秒 turbo，如果放其他品牌
呢粒CPU就唔會咁？？
我終於明白AMD有乜咁抵玩了。。。
2G基頻 4C8T，做野都輕鬆D
下下靠turbo去做野。。。。
溫度好大問題囉，現在買部電腦要限速
咁不如買I3算

---

作者: 暴走呆喵    時間: 2021-3-25 19:43

回復 64 #westleung

我都講咗
你要輕薄就係咁樣
可能Amd好D
如果你部Amd 玩具加左 Mx350
一樣甘情況 因為個散熱頂唔順
好似我個umpc 畀你部機咁加细
一樣壓的住 我仲要係 I7 base行2.0G
佢天生設計問題 你冇辦法 當係教訓囉
基本上 一萬元底下 港行加輕薄 没好野 ( 你仲要加獨顯)
我以前 Dell e6400 i5 4200m+amd gpu 都唔會咁
所以 不要再買呢啲垃圾牌子

你唔介意重 玩二手工作站筆電
你比7000～8000買尼部
6000有部 17寸
72%色域 ips
6 代 I7 Hq
M5000m mxm gpu
強過你部機好多 如果 Gpu計快你4倍
Cpu又快過你少少 大家行全速計
散熱系統又好過你
呢啲機如你長時間用嘅 基本上冇乜點會壞
我以前都有幾部二手工作站 玩左2～3年才賣比人
我玩過 Hp2670w 3570w zbook15 zbook17 以上全用D  C屏 二手
而家全部 生龍活虎 仲運作緊
有個呢啲經驗我先投資呢部機
Hp zbook17g3 2017年買 果時

via HKEPC Reader for Android

---

作者: westleung    時間: 2021-3-25 20:26



我上網見到佢個散熱模組，獨顯同ＣＰＵ都係連接同一條銅管
心諗一粒行緊無問題，兩粒行哂就爆煲
另外我真實體驗獲獲開３ＤＭＡＲＫ都上９０—９３左右
佢功效上行到，但點學人打機呀？咁熱乜ＧＡＭＥ都熄啦
我唔係死讚AＭＤ，而係實戰２部機
我AＭＤ明顯圖像唔夠佢打係真，但佢基頻上，渦輪上
靜音上已經係滿意，另外打機佢都係去到７０—８０左右
同９０—９３係差好遠。。。。。。。記住AＶＩＴＡ ３５００Ｕ係１４寸機仔
散熱系統好弱，我仲要貼左D專門散熱既膠去銅管到，唔知幫唔幫到手。。。。
機殼內面，又貼滿哂石墨希。。。

我唯一一樣想知道既野
係咪因為ＡＣＥＲ既散熱模組令到１０３５＋ＭＸ３５０攪成咁
如果係其他機種，係咪會優化少少唔會出事？
因為我有疑問，ＩＮＴＥＬ花咁多錢研發，粒CＰＵ行到過熱的話，仲賣黎做乜？
架車唔好行咁快呀，又嘈又熱架。。。。

所以我借呢個PＯＳＴ，想知道其他品牌既電腦用呢組硬件係會點樣？
亦都想問下，基頻去返1.6-2.4G，係咪運算上唔洗下下渦輪，就算開左
都係輕鬆開一下，而非好似呢粒野咁博哂老命

---

作者: 暴走呆喵    時間: 2021-3-25 20:55

本帖最後由 暴走呆喵 於 2021-3-26 03:33 編輯

回復 66 #westleung

唔係Intel唔得
如果唔係Intel唔係點樣我部機仔可以用到i7呀？
Intel係 流動装置花左好多心機
我係7寸機仔 你係15寸機 你部機大我4~5部
你個散熱能力仲弱過我
明顯就係你散熱系統唔得
呢樣嘢你唔可以賴落Intel 係 acer
睇嘢唔該客觀啲
我都講咗好多畀你聽你係聽唔入耳我都冇辦法


via HKEPC Reader for Android

---

作者: westleung    時間: 2021-3-25 21:01

回覆 67# 暴走呆喵

所以我意思咪話，堂堂一粒ＣＰＵ
點會攪到個散熱咁樣
同埋求真心態，想知道其他人用相同硬件，不同品牌
究竟係咪有好大分別
如果真係一個天一個地，咁我以後唔會再望AＣＥＲ任何野

---

作者: 暴走呆喵    時間: 2021-3-25 21:32

回復 68 #westleung

Acer垃圾唔係第一日既事
第二 你呢部係輕薄機 再死多幾錢重
第三 你仲有Gpu 死上加死
最後 你都講咗佢個 散熱器 好薄 加上一條導管
就證明你部機冇得翻生
正常設計點樣Cheap都好
cpu同 gpu 應該各有兩條 幼嘅
或者各有一條正常嘅 導熱管( 以前啲機就係咁樣設計 所以 唔係某啲情形下基本上唔會咁誇張)
記住一樣嘢唔好再信sales 唔好再信廣告
特別電子產品
筆電來說三星都係差唔多 只係畀你個牌子好啲
又貴 又唔好用 接口又少 都唔知買部筆電來做乜嘢

via HKEPC Reader for Android

---

作者: westleung    時間: 2021-3-25 22:30



咁姐係買電腦係要有個思維囉
第一 超薄的話要AＭＤ，一係唔好要獨顯
第二 如果唔係拎出街用，買返咁上下體型，散熱都好
第三 買前要望下型號介紹，順便睇埋品牌（老老實實我部avita垃圾又好咩都好,3780咁既料無投訴)
第四 文書就文書,打機就打機,溝埋預左熱,如果想低溫,拎萬幾或以上出黎,否則都係燒雞

---

作者: 暴走呆喵    時間: 2021-3-25 22:59

回復 70 #westleung

係呀
輕薄嘅話 除左 Amd intel 11代 i7 1160G7内顯都好強
只係你陰差陽錯買咗第十代......
其實你買個時間 已經可以買11代...唉
可能你為咗個顯示卡 但係11代 IrisXe 同Mx350差不多....
我部Umpc機仲可以玩 Gta4 ..... 風扇開最大嘅喎62～65度 穩定長行... 風扇 設定自動 就七十度左右

如果你為咗看片 唔玩大作 11代絕對勝任

如果你又要打機又要萬用嘅話
首先上嚟呢度問下啲師兄
因為我自己個標準同人哋唔同我介紹唔到畀你
因為我要求 同人唔同
3D要求一般就可以
Cpu我因為用太多野 所以要求有
除咗打機 合成片 上網  Wm Android模擬器
有時Build啲嘢
Server software
數據庫都用到
所以手提工作站好適合我

via HKEPC Reader for Android

---

作者: 暴走呆喵    時間: 2021-3-25 23:07


你話3780..

我Zbook15 +dc2 廣色域 10億色 ips屏(hp專用屏 其他筆記本係沒有的)
Cpu 4702mq+k1100m+16g ram 512gb add
當年都係差唔多價 16年二手買 自己玩左2年 賣左比朋友
而家佢仲玩得好開心
Cpu到現在仲唔 out
Gpu弱D 但正常上網 小數3d應用 絕對勝任
起碼有 H264 h265(hevc)一部分硬解 4k唔知道
冇必要去試

via HKEPC Reader for Android

---

作者: 暴走呆喵    時間: 2021-3-25 23:14

仲有個兩年
每日 開12個鐘
基本上長時間3D運算
唔係靜態上網
如果我個friend都係咁樣用
所以你話 用料爭幾多
仲有一樣嘢 貴嘢唔係等於好野
遊戲本 未必等於工作站咁好用
如果用下基本上都過90度嘅
啲人仲話正常你自己諗

via HKEPC Reader for Android

---

作者: westleung    時間: 2021-3-25 23:48

回覆 73# 暴走呆喵

我自己買電腦，係希望配合自己需要
散熱同噪音要控制得好
有陣時洗５０００蚊買部細機好過notebook
只係無個MON咁解

所以買筆電又要輕巧,又要散熱好,功能好
根本係多餘,一係就買萬幾蚊以上
有時倒返轉諗,萬幾蚊買部細機駁個MON仲化算
哈哈 , 針無兩頭利

---

作者: 暴走呆喵    時間: 2021-3-25 23:59

回復 74 #westleung

細機都有你嘅問題呀
Itx還好 可以配 好嘅風扇
如果你講嗰啲電腦盒仔 仲衰過Ultrabook....
係咁煩㗎喇電腦 識玩就好好玩
我講畀你聽嗰啲係自己經驗 我都花咗好多錢喺電腦度

via HKEPC Reader for Android

---

作者: westleung    時間: 2021-3-26 06:50

回覆 75# 暴走呆喵

其實成部電腦點砌出黎大家都明
只係究竟散熱果到有幾耐心
之前見到有部標榜雙風扇,又話點樣輕巧點點點
佢開箱測試,行盡都要85-88度
無講到有用散熱底盤
可能咁樣已經叫做涼...........
我就覺得,加返個電壓上去行快D好過啦
有幾多人真係完全依賴出外工作?

---

作者: 暴走呆喵    時間: 2021-3-26 18:04


筆電就係甘
你 Desktop用 10700 +32g ram +2060(唔講甘勁) 一般。ssd十好散熱 8000-10000
但係相同既 Config 又要散熱好
即是工作站级
起碼3萬以上...

Price 係 Desktop3倍或以上....
你想 魚與熊掌不可能！

via HKEPC Reader for Android

---

作者: usei    時間: 2021-3-26 18:10

回覆 77# 暴走呆喵

現在 desktop 獨顯炒價
要獨顯好貴

---

作者: 暴走呆喵    時間: 2021-3-26 19:01

本帖最後由 暴走呆喵 於 2021-3-26 19:02 編輯

如果呢個有貨真係好抵喎
[attach]2255151[/attach]

---

作者: westleung    時間: 2021-3-27 12:12

本帖最後由 westleung 於 2021-3-27 12:14 編輯

所以又要薄又要勁係矛盾黎，將矛盾化解就係錢
小弟已經唔係打機一群，久唔久有舊ＧＡＭＥ重新包裝推出
係手機到玩，有時就模擬器開
無試過AＣＥＲ，亦都無睇好個設計而去買，奶左野

以家反思，根本就唔應該上２０ＧＢ
上１２ＧＢ算鬼數，多餘錢拎去上５１２ ＳＳＤ
我見到條１６ＧＢ好似係７００蚊?
買條８Ｇ插入去算鬼數啦

多媒體電腦，屋企人諗住攪少少製作剪接
以家都OＦＦ左渦輪，長期９９％
姐係最多都係1.2G X 4C8T？
咁條rａｍ更加無用，寧願要５１２ｓｓｄ啦頂

以家裝完wｉｎ，仲有１５０ｇｂ＋１.8T
基本上150GB攪剪接就唔夠位的
算啦第時要升上去，再插啦，但咁樣前前入入就浪費哂ｄ錢

---

作者: Miipp    時間: 2021-3-27 12:23

部入門機唔係預樓煮呢類用家咁折騰法，so sad

---

作者: usei    時間: 2021-3-27 12:25

回覆 79# 暴走呆喵

K 系 PL1 會用盡 150W 個散熱頂唔頂到 ?

10700 無解 TDP ~3.5G all core
解可以去 4.xG 但 PL2

---

作者: westleung    時間: 2021-3-27 13:01

本帖最後由 westleung 於 2021-3-27 13:05 編輯


買粒ｉ５　１０３５ｇ１
ＭＸ３３０
無諗過個散熱係咁
又或者太美化呢２粒野放埋一齊。。。
以家知死啦，要行９９％，弱智
咁條rａｍ就唔需要打咁大，因為已經行唔到渦輪
錢拎黎上５１２ｓｓｄ仲實際

比多次機會，又要平平地
我真係寧願買ＡＭＤ　4500-4800U
其實又唔一定要99%，只係想靜音少少
但每次開網頁，做下野，佢渦輪都起一起，心諗基頻太低，令佢事無大小都要開一開
大家買核心，會唔會留意佢基頻多，定係核數多?

---

作者: Miipp    時間: 2021-3-27 15:26



mx___ 的機不嬲雞肋都不如，ching 做功課唔足又期望太高罷鳥

講到剪片，我見呢樹 ching 們都係 5900x 起步，人地個散熱器係 200W+ TDP 級，laptop 仔一般係 ~20W 級, 算把啦

---

作者: westleung    時間: 2021-3-27 17:17

回覆 84# Miipp

$5700 攪下youtube小effect
打下機都得既,但我資源錯配哂
唔係話渦輪以後唔開,只係話開個網頁都要起一起機
裝下野又起一起機
開左GAME就長開,之後行到90幾度何苦呢
壓得住75-80度最理想啦
但到時部機可能型體同散熱系統又係錢
$5700可能用台機還好

---

作者: 暴走呆喵    時間: 2021-3-27 18:01

回復 82 #usei
佢個 Config可以有10核 10导管4出風口 唔少野播
尼個係 Clevo旗艦 唔會弱
仲係少有 Mxm顯卡....

via HKEPC Reader for Android

---

作者: 暴走呆喵    時間: 2021-3-27 18:03

回復 85 #westleung

Mm..我玩 game要求最好50度 最盡70
你同我差好多
...我以前 Ultrabook也盡量壓到70以下...
零件都長命D

via HKEPC Reader for Android

---

作者: ja6901    時間: 2021-3-27 23:07

樓主部機似乎係其它問題

i5-1035G1 UHD Graphics應該可以decode 到youtube vp9 (硬解)
正常唔會lag

同埋唔需要追求獨顯+cpu同時full load
好多notebook都唔得

---

作者: westleung    時間: 2021-3-28 10:40

本帖最後由 westleung 於 2021-3-28 10:47 編輯


電腦合理常溫，基本上５０—６０度係最穩定
而４０幾大多數係網頁睇下之類
打機要係７０—８０內唔係高要求
係部機咁樣熱落去，以家未到夏天呀，溫度咁樣會跳GＡＭＥ啦
部機亦都唔會行到落去

另外當初出PＯＳＴ，係講埋部機畫面黑屏同閃
拎左去維修，只係換左散熱模組，而維修員講過無黑屏
咁你諗下，當初高熱令到部機根本連個屏都壞埋
個屏曾經出現咁既情況，條命亦都唔會長

所以買AＣＥＲ中左伏啦，根本１０３５Ｇ１呢個級數
你最少要有雙風扇同埋雙銅管，而唔係獨顯+ＣＰＵ銅管連埋一齊
我估全開盡，招呼一樣野去到７０—８０度應該可以
但以家係２粒野丫嘛，下下９０—９３度，周圍既零件都唔長命啦

經一事長一智

---

作者: westleung    時間: 2021-3-28 10:46

本帖最後由 westleung 於 2021-3-28 10:51 編輯

回覆 88# ja6901

其實呢粒野根本行唔得盡
我相信２粒野開到８成
程式就會叫佢地降頻
２邊獨立散熱都應該係咁做
何況１把風扇 １組銅管連接２粒野?

雖然我係呢個PＯＳＴ提左好多次AＶＩＴＡ
但我真係想讚下呢部玩具
無記錯入門果D係無散熱風扇
而３５００Ｕ開始係有風扇
人地CＰＵ同內顯加埋，行到盡大約８０頭左右啦，我有試過
之後我係散熱座下面再放塊紫銅薄板係到，有效果喎
塊野一直涼涼地，每次抽風入去都係比較涼D， 大家都知啦
你放係木台，同放係銅板上，氣溫都會唔同

人地行到盡都係８０度左右，而且係完全發揮哂性能
姐係人地有計算過囉，ＡＣＥＲ呢部野
一開盡就出事，如果部機唔放係散熱座上面的話
直接放係木台上，長久部野一定燒

---

作者: mlyu    時間: 2021-3-28 18:11

https://shop.price.com.hk/kinger ... B%E9%9B%BB%E8%85%A6

用 11 代都係 $5600

---

作者: ???    時間: 2021-3-28 18:33

回覆 91# mlyu


    1.9kg ultrabook 配置但接近gaming nb重量,四不像咁

---

作者: mlyu    時間: 2021-3-28 19:54




樓主嗰部都係差唔多重, 都係 Aspire 5 系列
其實嗰部都唔算 ultrabook 啦, 成 15" mon

---

作者: 暴走呆喵    時間: 2021-3-28 20:06

回復 93 #mlyu

我覺得你堤嗰部
好似樓主嘅翻版咁樣

而家人的喜好鍾意出呢啲嘢囉
就要薄又要靚仔搞到四不像咁

via HKEPC Reader for Android

---

作者: mlyu    時間: 2021-3-28 20:34



應該係同一 series upgrade 做 11 代, 但係冇 upgrade 去 MX450

---

作者: Miipp    時間: 2021-3-29 13:48



周身刀無張利

---

作者: usei    時間: 2021-3-29 13:52

回覆 91# mlyu

MX350 唔等洗

好似 HP 個隻無咁重

---

作者: mlyu    時間: 2021-3-29 15:31




你有試過要搞 AI 就知 MX350 有用啦, 行 Tensorflow GPU 得 NV support 最好, 有啲焗住要用

---

作者: usei    時間: 2021-3-29 15:36

回覆 98# mlyu

MX450 有好大提升

下代 Xe 如果追得貼 MX450 就有好戲睇 , 不過要轉 DDR5 至得

---

作者: 暴走呆喵    時間: 2021-3-29 18:56


Driver支持唔好
幾快都冇用
Dx9之前遊戲 api支持差 (反而 Xe之前個D没事)
好多怪問題
Umpc用 dx9api有機會只有半個畫面....


via HKEPC Reader for Android