標題: 俾部Canon供墨激死，整足全日！ [打印本頁]

---

作者: ntony    時間: 2024-12-22 01:08     標題: 俾部Canon供墨激死，整足全日！

本帖最後由 ntony 於 2024-12-22 01:47 編輯

https://youtu.be/tbhaGgop_hA?si=jkOKOOQoGrYihmZ3


Pixma G7050，香港同款可能係G7020　

用咗三年半，佢好似有自毀設計咁，個頭會自己撞甩某零件。

用用下無端端變成咁，整咗佢全日都係咁。都已經唔係低階機。而家攪到我都唔知買唔買返另一部高階機好，包括Epson。

via HKEPC IR 5.1.14 - iOS(5.1.1F)

---

作者: nwnqht    時間: 2024-12-22 11:46

Epson係幾㩒用，我屋企個部都用咗5年，一般print下文件係冇咩問題
缺點係個使用體驗好差，APP完全唔好用，好似十幾年前產物咁，print相質素比HP的差

---

作者: ntony    時間: 2024-12-24 02:12


咁試下入部Epson用下。始終係有需要成日用到printer同scanner。希望佢耐用少少。

via HKEPC IR 5.1.14 - iOS(5.1.1F)

---

作者: latali    時間: 2024-12-24 02:32

以前用canno，少用，用幾年就壞，唔識入紙，換左hp，少用，幾年到依家未壞，都係四百蚊貨式。感覺上功能canno好過HP。

---

作者: hkmand001    時間: 2024-12-24 08:17

碳粉始終好，起碼佢唔用都唔怕出事

---

作者: yammyymca    時間: 2024-12-24 09:51

三年半算唔算OK?

---

作者: patkm    時間: 2024-12-24 10:01

如果唔要求太高質素, 我推brother
https://www.brother.com.hk/zh-hk ... VRN3FvzJuq7snJtkrm4

---

作者: tkt1307    時間: 2024-12-24 15:37

Epson 塞墨頭塞都火都嚟

---

作者: ckyuen2    時間: 2024-12-24 17:40




其實呢部好多零件目測應該同低階一樣[base model 1字頭低到無scanner]
只係加呢樣果樣變咗攞你命三千

真係高階啲要GX10乜0起跳
商用果啲啲

---

作者: ntony    時間: 2024-12-24 19:29

本帖最後由 ntony 於 2024-12-24 19:45 編輯

回覆 5# hkmand001

我起香港時，我用開彩色鐳射打印。如果係香港嘅氣候，邊個話碳粉唔會出事？我盒碳粉唔夠一年就唔平均同印唔出。碳粉起香港都會受潮。但我而家起歐洲中北部，夏天好乾，估計會好少少。但我認為而家用長供噴墨更好，墨水平，只要肯定時洗頭，又有得自己換吸墨棉兼reset counter。個維護成本低好多。




我自己覺得唔㩒，但我認為係我呢次黑仔。我見好多人用Canon機，無乜見人同我呢個款出事。




我每星期都起碼印十張彩色左右，估計唔會咁易塞。但我似為Epson個設計唔係用加熱，應該會無咁易塞？兼且我會用返原廠墨同長開機。如果有得set個job俾佢自己每星期印一頁全彩test page，咁應該唔會咁易塞？如果咁都塞，就應該係佢嘅墨用料有問題。




我就係諗住呢個型號叫G7050，就以為係起碼有中階。點知入面個構造差到咁。條氣都幾唔順，攪到唔係咁想買返Canon。佢壞唔緊要，我搵拎出掉先麻煩。不過Amazon可能可以幫我起買新機時送走佢。
呢部機三年半前我買四舊幾歐羅，而家賣反而重要七百幾接近八百歐羅。


我家陣打算換部Epson EcoTank ET-8550，希望呢部真係中階型號、中階用料、中階構造。

---

作者: lyjhf2006    時間: 2024-12-24 19:51

用供墨的 用過epson（保養唔記得） ，2個上紙位置坏。幾臺brother 供墨（3年保養），基本都係上紙位置坏
宜家測試下canon(一年保養）
以上都係包傳真功能的

---

作者: uganda_martyr    時間: 2024-12-24 22:20



用Epson嘅最大得著係學識咗:
(1)洗墨頭,
(2)換廢墨棉,
(3) reset 廢墨 counter.

---

作者: ntony    時間: 2024-12-24 23:15



Thank you!
請問Brother機特別㩒用少嘢煩？

---

作者: ntony    時間: 2024-12-25 05:10



呢位前輩用過咁多款，心得似乎係個個牌子都係咁上下差……




Canon都要洗頭。我部重有個問題，佢入面供墨嘅管成日墨水倒流。我要用深層清潔去等佢泵返墨水上去個打印頭。
Espon現時嘅供墨機已經係有零件賣俾人自己換，設計上已經係預咗俾人自己攪。Reset counter好似係拆個棉盒出來時已經做咗。反而Canon換吸墨棉好似唔易攪，好多型號都未有自己替換吸墨棉嘅設計。

---

作者: uganda_martyr    時間: 2024-12-25 05:30



你就想!
換廢墨棉時, 廢墨 counter 不會自動 reset.

Epson 技師有官方 program 做此操作,
普通人就要自己想辨法

---

作者: ntony    時間: 2024-12-25 05:59




我諗你講緊嘅係舊款嘅機。

https://www.reddit.com/r/printer ... pads_counter_reset/

---

作者: uganda_martyr    時間: 2024-12-25 06:03

部Epson L350瓜咗後, 我都轉咗會, 但要講明, 我只印粗嘢(*),  平均每星期五張.


*粗嘢即係分得出紅,黃,藍,綠便算.
例如graph, map, text.  PHOTO 應該不太掂 , 但你可以叫店家示範睇睇,

Be patient, 行多幾間, 格下價, 計埋贈品, 可平過我個價不少.

圖片附件: INVOICE.jpg (2024-12-25 05:54, 138.89 KB) / 下載次數 49
https://h0.hkepc.com/forum/attachment.php?aid=2457830&k=d291459896ff3688fc7d39a5affa05f7&t=1780931179&sid=8yhmcZm5E

---

作者: ckyuen2    時間: 2024-12-25 09:32

話說齋印的話
無wireless無scanner果啲連供最抵
話唔埋夠你買多部黑白laser做fax
外國地方大唔怕擺多部
不過外國有無貨/咩價位唔知

---

作者: KinChungE    時間: 2024-12-25 14:32



只能講, Epson/Canon未有原裝連供機既時候, Brother細墨盒既機已經入面係連供設計, 有喉駁去print head
不過其實只要對質素有少少要求都唔會想要Brother, 完全唔合格

---

作者: ntony    時間: 2024-12-25 18:54

本帖最後由 ntony 於 2024-12-25 18:55 編輯


Merry Christmas!
請問你講緊要自己上網買software去reset counter嘅Epson機嘅型號係邊部？我見網上講新型號嘅機係已經設計咗俾用戶自己換棉同唔再需要靠Epson去reset個counter。




Merry Christmas!
無scanner真係唔得，好需要影印功能。本來想有feeder自己scan嘅機，但後來覺得呢幾年都無乜點用自動feeder，加上我部壞Canon個feeder入紙scan功能係永遠斜咗嘅，我永遠到頭來都係自己手動用flatbed去scan……所以都唔再追求feeder入紙scan。
無wireless真係唔方便乜都唔識嘅家人，不過我可以自己可以用RPi開個network print service。
我自己影相都成日要用scanner，都想買部有個唔好太差嘅連scanner機。
至於打印，我太太每星期都起碼印十頁左右彩色教學文件，用來教課。黑白絕對唔啱我屋企用。兼且我個女都開始會畫嘢印來返學校做project，佢似乎幾鍾意美術同設計，所以我都肯俾多少少錢買部印得靚，甚至可以印A3嘅機。
Fax重係有用，同政府機構聯絡成日都有機會用，但電話功能係起埋我上網個plan同部router入面。個router有埋Fax功能，我其實係用router去fax嘢出去。

但我諗唔到做乜要有兩部printer。我唔係需要成日印黑白文件。




Merry Christmas!
如果係好耐用嘅話，降低要求去用Brother都唔係唔得嘅。只係我自己都會想印下相紙。
但其實我懷疑緊係唔係我呢次黑，先遇著咁壞機啫。如果係下一部正正常常，我買部靚少少可以自己簡易維護嘅，用得十年八載，我鍾意投資一部好少少嘅。
但我唔知要買到邊個級別先做到囉。例如Canon同Epson呢兩個牌子嘅邊一個model級數。

---

作者: uganda_martyr    時間: 2024-12-25 19:41



各師各法喇, 如果唔使自己reset, 太好了!

圖片附件: epson.jpg (2024-12-25 19:41, 80.72 KB) / 下載次數 31
https://h0.hkepc.com/forum/attachment.php?aid=2457924&k=59949e179754a06aa640f9d9d67a7ee9&t=1780931179&sid=8yhmcZm5E

---

作者: KinChungE    時間: 2024-12-25 21:39



個人建議, 唔好諗一部機用十年八年, 始終係電器
就算商用幾萬既機, 用料已經好過哂家用
可能一下唔覺意放左有釘既紙入去, 即刻玩完

要耐用既成本會比你買過部高好多
何況每星期印十頁係超低用量
人地公司機, 普通一部黑白laser, 都閒閒地一個月印緊過千張

---

作者: ntony    時間: 2024-12-25 22:30




都明嘅。但我唔係因為佢係電器，所以唔期望佢用得耐。係因為呢堆電器係日本仔或臺灣產品。
我屋企嘅大部份電器，用咗幾年，都好似新機落地咁上下。

---

作者: KinChungE    時間: 2024-12-25 22:50



外觀好似新機落地, 唔代表功能會好
有D電器係可以用好耐, 尤其家電
但係基本上, 一同電腦有關既大部份都用唔長

尤其噴墨Printer, 唔係錫住用/少用就得, 少用係會仲快壞
唔理咩牌子咩產地, 一樣係咁

---

作者: ntony    時間: 2024-12-26 00:11



香港嘅貨源問題。
你試下去到外國，電器用兩三年就壞丫。我呢邊好多人買電器重要起買新機時買幾年原裝保養。
點似得香港，連冷氣機都預佢用三年就要換。要掉垃圾都唔係咁容易，兼要花唔少機㗎。成個心態係唔同，起香港或者大陸生活係無法理解嘅。
細個一部雪櫃、洗衣機，用十幾年都只係食多咗電同無新機時咁凍。（雖然我屋企無換雪種）但仍然係滿足到生活需要。以前電飯煲有乜聽過話會壞呢？
當然，可以話以前嘅電器無咁多精密電路。不過其實而家嘅科技，只要唔好好似國貨呢類cut cost cut到用一兩年保證爛，其實電腦都可以用好多年。
而家嘅電容等等嘢其實都係可以用好多年嘅，同以前嘅科技唔同。以前要名牌嘢用靚料先有靚電容。

---

作者: tompkyou    時間: 2024-12-26 16:02

人都隨時壞啦。電器電子零件咁多...壞一個電容/電阻，都可以出現問題。

我隻corsair AX1600i，話就話係最top PSU，咪又係打打下機爆電容壞咗...

---

作者: 六代火龍    時間: 2024-12-26 17:35

Canxn 墨頭機 真係有自毀機制架 我部MX927 就係咁死 迫人買過部新機的  

---

作者: ntony    時間: 2024-12-26 20:14



呢個係呢一代香港人同大陸人慣咗。唔係一向都咁，亦唔係全世界嘅人都係咁。
以前一部電視、雪櫃、洗衣機用廿年。但而家嘅人買返去只係想用兩三年，壞唔壞都想掉咗佢，買新機新款「更好用」。
電子零件唔係一直以來都咁快壞同咁易壞。現時嘅電子零件亦唔係事必咁易壞。
人易壞就有信史以來都係，不過現代嘅人無咁易壞，唔單止健康咗，亦長命咗。受嘅病痛少咗之餘，亦有得醫。

隻頂級Corsair火牛打兩打機就壞咗爆電容，始終有時都係撞彩買正隻QC唔夠過咗骨嘅。又或者係好多人好似閣下咁逆來順受「係咁㗎啦」俾商家質你食屎都好似好合理咁。

我住緊呢個地方，某家庭電器牌子出嘅嘢，保養係以10年起計。但不論商戶同用家都係講，至少用廿年都唔使整。我鄰居佢父母嘅電器全部都係呢個牌子，全部用咗30年以上，全部無修理過，包括吸塵機。
但我岳母六七十歲人，起香港買電器，佢都係預部洗衣機、雪櫃用五年以內。所以有錢買LG，無錢買美的。你問下父母以前個樂聲牌電飯煲有無用到壞丫。

我以前用部電腦，華碩底板算係最快出問題嗰件。我諗而家嘅人拎返部Apple II、x386、x486出來用電子版WD40抹下，一樣可以開返著來用。

---

作者: ntony    時間: 2024-12-26 20:15




我相信家陣好多牌子都做咗呢類手腳……

---

作者: shingzhk    時間: 2024-12-27 00:47

Cannon 同Epson機都買過, 大約千中既3合1連供機, 全部唔多print看門口用
前者2~3年收皮, 後者5年+用到而家

部Epson真係好少print野所以唔為意, 三幾個月拎出來用就塞墨頭, 一般簡單洗頭程序就可以解決
塞得最嚴重果次都係反覆深度清洗, 浪費唔少墨水但仍能解決

---

作者: tkt1307    時間: 2024-12-27 10:33



我洗咗幾次洗到煩，最後扔鬼咗佢算
舖頭叫我買 brother 唔洗再煩塞墨

---

作者: KING008    時間: 2024-12-27 17:59

我從墨機轉碳粉.

要穩定 一定碳粉

---

作者: ntony    時間: 2024-12-27 21:48

回覆 30# shingzhk

今朝起Amazon order咗Epson EcoTank ET-8550。係少少貴，但如果佢唔壞，我係用得著佢嘅各項功能。




請問大概係邊一個年期嘅機？都係EcoTank系列？塞咗唔係用佢機身嘅清洗功能就可以通返？




鐳射機，黑白同彩色我都擁有過。碳粉都會受潮。（當時我起香港）
個drum都會有問題一邊有色一邊無色。
印到咁上下張數，都係要幫部機入鐵粉。我已經係印得幾少下㗎喇。鐳射機無鐵粉係印唔到嘢嘅。

各有各優勢嘅啫。

---

作者: ntony    時間: 2024-12-27 21:49

多謝晒咁多位嘅建議同討論！

繼續討論，我覺得學到好多嘢。

---

作者: harryytm    時間: 2024-12-28 02:53

本帖最後由 harryytm 於 2024-12-28 03:02 編輯

Canon 墨水打印機我只會用嚟用原廠相紙印 A4 相
又或用 SELPHY 嘅熱昇華機印相機印 4R 相
打印灰階或黑白文件多數用只會鐳射打印機
有考慮過買 Canon PRO 系列嘅墨水相片打印機
而想仲想買埋色譜儀自製色彩校正嘅 ICC
但而家好少印相所以無買到

---

作者: shingzhk    時間: 2024-12-28 03:15

本帖最後由 shingzhk 於 2024-12-28 03:16 編輯

我用既係Epson EcoTank L4160
塞左通唔通得返呢D野, 我覺得都係睇運氣冇人話得埋
上面我提過塞得最勁果次, 應該大半年冇用過, 洗墨頭程序一次唔得兩次唔得
當時預左要換機感搞, 幾乎望住個ink tank消耗左3成墨來回好多次行深度清洗先通返
自此之後有自覺2~3個月唔用就是但印d 垃圾當保養

連供機墨水唔值錢, 但部機壞左就

---

作者: KING008    時間: 2024-12-28 18:40


碳粉受潮,我就未試過.
可能地區問題.

我部機都放左幾年 冇印野

---

作者: KING008    時間: 2024-12-29 00:35


我試過塞墨盒.

連供都咁易塞?

---

作者: KinChungE    時間: 2024-12-29 20:22



連供先易塞
耐冇用會墨水倒流, 條喉會入左空氣
一印空氣=塞

---

作者: KinChungE    時間: 2024-12-29 20:24



受潮聽過, 但係自己未試過

至於入鐵粉, 我只聽過兩類機要咁做:
1. 大大座影機
2. Fuji Xerox S-LED機再加代用碳粉
否則一般用家應該唔需要理呢樣野

---

作者: mickey1234    時間: 2024-12-29 23:28

本帖最後由 mickey1234 於 2024-12-29 23:33 編輯



    epson l4260 我長期用高質素打印冇塞過墨頭
如果用正常,一兩個月個墨頭就會塞一次

所以呢家部機set咗長期高質素,半年以上冇清洗個頭

---

作者: ntony    時間: 2024-12-29 23:58



呢個真係經常有。部壞Canon就真係無幾何試過塞，倒流就真係經常發生。癥狀好似塞咗印唔出某顏色，但一打開個蓋就會見到佢條管入面有空位斷咗墨。就好似學生時代用嘅啫喱走珠筆咁，中間係空氣寫唔出。部壞Canon就可以用深層清潔功能去要佢不斷泵返墨水上去個打印頭。

我諗呢個問題同技術都有關繫，唔知會唔會有其他牌子可以解決到呢個問題。





我起香港時，有部黑白HP鐳射，重有部唔記得乜牌子嘅彩色鐳射，好似係Brother。唔記得邊一部係特別容易受潮，好似係Brother。我換一支toner佢就受潮一次。我諗大概係開封咗半年左右就受潮。可能我放近窗邊。

要入鐵粉，好似係部Brother。我諗佢係同Fuji Xerox同款OEM。都唔係印過好多張，但佢印到差唔多張數，就會無色。換碳粉toner都無用。

---

作者: ntony    時間: 2024-12-30 00:00



見呢度都有其他版友講用高質打印就少好多塞，咁我唯有預設佢用高質。
但請問如果高質打印用返一般紙，會唔會好濕、反而效果更差？

---

作者: ntony    時間: 2024-12-30 00:25

本帖最後由 ntony 於 2024-12-30 00:31 編輯


就係貪佢每次打印成本低，可以用頻密打印去維持低成本保養。但墨水倒流呢個問題，即使我都算經常打印，部Canon都係會有。可能我之前多數用草稿模式打印。

我打算呢次用隻長開嘅Raspberry Pi 4做Print Server，用cron每星期印一張A5相。定期抄相入去個directory入面，印完咪用來寫信寄俾家人。去遊玩嘅相，近照，全照，總有嘅。




Brother鐳影還是噴墨？

---

作者: tongziv    時間: 2024-12-30 10:07

噴墨機一定比LASER機易壞
因為會塞墨,間間廠都係不停浪費墨水來保護墨頭,少用量既用家就會易塞墨
大用量既就會好快用晒墨水
無限LOOP,
仲有FEED紙輪會壞,FEED紙會唔準

而LASER FEED紙一樣會壞,印炭粉既FUSER一樣係消耗品
但當然少量用家的話LASER機整體來講就會比噴墨耐用

但噴墨機一般都比LASER機平, 買墨水一SET比 一套噴墨機加墨水仲貴
所以唔理環保問題
3舊幾水一套噴墨用一年半載再買套新係最化算

但我自己用EPSON ECO TANK機用左5-6年,換晒癈盒,RESET COUNTER,洗墨頭洗到救唔到,最近再換一部ECO TANK, 以上一部計,refill 三次墨水,印晒,算係抵用

用途:學校印試題,通告, 視藝印相

---

作者: ntony    時間: 2024-12-30 22:51

回覆 45# tongziv

Thank you!

我而家嘗試用十年低用量嘅方法去計邊個啱自己用。

如果以供墨機咁平嘅墨水成本，加上用來打印去防止塞墨嘅成本。似乎現今噴墨比鐳射更易打理。
我以前都鍾意用鐳射，尤其以前起香港印都係黑白文件倨多。

但而家比較返噴墨同鐳射。如果係印彩色的的話，維護同成本，似乎噴黑若非機件造功差，應該係噴黑更易攪。
- 墨盒式噴墨問題係易塞，每ml墨水好貴，唔能夠成日噴墨去減少塞頭情況，清一次相對成本高，又要好快換一盒墨。
- 供墨式噴墨問題係墨水倒流。我都唔知係因為地心引力倒流還是虹吸所致，總之就係每過一段時間就會墨水管有一段真空。解決方法係用深層清潔去令佢泵返墨水上去個打印頭。部壞Canon每遇呢種情況都要花唔少墨水。做得呢種深層清洗大概五六次左右，我估都用差不多每隻色去緊一支墨水嘅份量。但問題係可以解決嘅。不過又有另一個問題，吸廢墨嘅棉會好快吸滿，而且我部壞Canon似乎廢墨好多都唔係俾棉吸咗，係去咗其他位漏出來。估計呢個都有可能係令我部機嘅零件故障嘅原因。
- 鐳射打印有分有高溫同低溫，又有分支toner係跟碳粉盒還是跟機身。跟toner就變咗每支toner好貴。我以前部Samsung好似係toner跟碳粉盒，買支新toner都唔係印得好多張，但都要五百幾蚊一支墨白toner。部機好似都無咁貴。副廠toner好多時都係用回收toner去入碳份，又成日唔加夠載體，印兩嘢就無色。而toner跟機身嘅，就用到咁上下唔知點解即使只用原裝粉盒，都係會出現印耐咗會唔夠載體，色變淡嘅問題。
如果無碳粉缺載體問題嘅，印得就會因為支fuser老化而加熱唔到而印唔上色。不過唔知低溫鐳射會唔會無咗呢個問題。


捲紙嘅機件就大家都係同一個問題㗎喇，睇邊間廠造功良心問題嘅啫。


如果我每星期印，供墨機基本上應該唔會塞。我準備聽其他版友嘅方法，用高質打印。用來清墨頭嘅墨水都唔少，不如用多少少墨水去印高品質，可能到頭來重慳。

至於鐳射打印唔平均或者無色個問題，可能係我自己地方溫度問題啦。還是當時部機嘅問題。

至於耐用問題，同埋幾耐先叫耐嘅問題。似乎大家心目中個準則好似非常唔同。好似閣下講嘅一年半載，真係咁大部嘢年年換，都幾大問題，亦都好戇居。其實呢類器材，我覺得好似墨盒轉墨水缸呢類大進步，真係十年廿年先有一次。基本上個頭嘅打印質素同進步，同廿年前似乎都無乜大分別。我相信用返同樣嘅紙，呢個技術係無乜進步空間。可能進步嘅大概只能係換種「墨水」。相信唔用其他上色嘅物料（唔一定係液體），相信都無乜可能會有乜大改變。成日要換，對小弟來講真係浪費、麻煩、兼無聊。

我自己期望部機可以俾我用夠五年以上。用到八年的話，我都認為可以叫某程度上耐用。

---

作者: mickey1234    時間: 2024-12-31 00:35

本帖最後由 mickey1234 於 2024-12-31 00:44 編輯

回覆 43# ntony


    我用double a ，唔覺濕，雙面都無問題

其實inkjet仲可以print下相，手機影完即print，超方便，成本又低，部機都快兩年，仲有一半ink，我已經print過好多相，資料，同呀女工作紙，真係抵用

---

作者: tkt1307    時間: 2024-12-31 12:03



當時唔知佢咁鬼衰，連佢送多一套墨都未用過就扔咗部機
出面賣 printer 俾我個人講 Epson 係咁
佢話 brother 會定期自動清一清個墨頭，所以冇 epson 咁衰

---

作者: tongziv    時間: 2025-1-2 11:59



espon eco tank,基本上每印到第四,五張都會清一次墨頭
你長期駁電既話佢久唔久都會噴墨清墨頭
and 我用左5年未試過倒流
都係唔好聽方間講,聽用家講吧!

---

作者: tongziv    時間: 2025-1-2 12:07




噴墨另一樣可取是印相紙比LASER 平
LASER要專用相紙,打印機係高階MODEL先靚
噴墨是旦CHEAP 相紙,垃圾級幾百蚊既機所出來都可以接受

---

作者: ntony    時間: 2025-1-4 07:01



Thank you！其實我起香港時，覺得Double A紙都真係幾靚。價錢係比最平嘅紙貴少少，但佢厚度都有人哋賤價紙嘅一兩倍。紙質亦好好。
今日收到部機，手頭上有疊好耐之前買落嘅Afga低階光面相紙。印出來發覺質素好好，同以前起香港嘅一般沖印舖印出來嘅相有得fight。清晰度同埋顏色嘅色階都好好，唔差得過連鎖印相舖嘅相。
估唔到一部都唔算專業級嘅打印機都可以印到咁靚。相紙都係好平，打算起Amazon再買一疊100張嘅Premium級相紙，睇下會唔會更好。雖然我都應該唔太睇得出。除開每張都重平過當年香港嘅快圖美。
定期印兩張寄返去俾家人，又唔使浪費，又實用。




買咗Epson EcoTank ET8550。我學下其他師兄、師姐咁每星期高質打印兩張4R相。睇下會唔會玩返五、六年。




我設定咗佢如果無人用的話，隔半個鐘就自己熄機。咁係唔係即係我唔應該俾佢自動熄機？
我設定咗佢自動開機，但我發現只要佢只要自己自動熄咗機，我起電腦同電話係叫唔醒佢幫我印嘢嘅……



我買咗部中階EcoTank ET8550，但印相都覺得好過以前去香港嘅快圖美。相紙都係每張€0.4左右。如果一次過買包100張再靚一級嘅紙，更平每張€0.13。
咁我都唔使印落一般A4紙啦，相紙又唔係貴，又靚可以做實物相片自己睇或者俾家人。墨水都唔係貴，一套印相都夠我印幾千張。

---

作者: mickey1234    時間: 2025-1-6 01:10

本帖最後由 mickey1234 於 2025-1-6 01:15 編輯

回覆 51# ntony


    唔洗set佢熄機，我部機從來都無聽過佢會無啦啦自動洗頭

print多野有時會中途停下再print，唔知佢係咪好似某師兄講洗頭
你部6色 print相一定正

紙用80gsm都掂

---

作者: tongziv    時間: 2025-1-6 12:42

本帖最後由 tongziv 於 2025-1-6 12:44 編輯



所有epson機都會洗墨頭的, 長著就會,連印5張到都會,只係佢做左野時你冇留意
但熄左機係唔會著番架啦
我自己都會熄機,但每星期都會有野印下既,我就都唔慳墨用最高質打印
如果唔開機又少印野必會塞
如果勁少量印野長開係好過熄機
如果每星期必會印到一兩張4R相, 咁唔駛長著 (不過香港地區濕,如果你住既地方乾..可能三日要印一次)
and
淘寶買相紙平.

---

作者: joe_power    時間: 2025-1-9 15:38

墨水倒流可以試試用吸墨夾直接把空氣抽出來代替使用打印機的深層清潔功能

淘寶有不少工具可購買來DIY，好處是可以避免用深層清潔功能後增加機內的廢墨計數

---

作者: s84292    時間: 2025-1-13 11:52



你長著佢會自動定期洗頭，防止你塞

不過我都由佢洗，塞頭仲煩

---

作者: 國防部    時間: 2025-1-18 21:30

我在2020年用Epson L4160，我是低用量用家，平均一個月洗一次墨頭
去年DIY 更換過一次廢墨棉 和 Reset Counter，
最PK 係加哂墨之後最近出左 E-01， 自己檢查沒有Jam Paper
都唔知去深水埗檢查一下先，定係直接更換Printer  

連供墨機係要長開機，機器會自動洗墨頭
特別係印相用的墨水，更加易塞

---

作者: mickey1234    時間: 2025-1-19 02:18

本帖最後由 mickey1234 於 2025-1-19 02:19 編輯



    睇吓個入紙位，調較下啲紙大細，拆個duplex 出來用吹風機吹下佢等等

https://www.youtube.com/watch?v=3x3M47OJ7jk

---

作者: chpyeung    時間: 2025-1-21 10:15



阿女升中一時買部 Color Laser MFP, 用到佢現在升大一都仲用得, 算係咁.

---

作者: ntony    時間: 2025-1-24 06:48

我每星期都會最起碼印幾頁彩色，我都預咗自己會記住定期用高質素印幾張相。
如果咁樣都快壞嘅，咁就真係會好唔甘心。
我揀部印相質素有返咁上下嘅，至少我印完嘅相都叫做睇得下。感覺反而無咁浪費丫。

---

作者: lui3271709    時間: 2025-1-25 20:21

我自己最後選擇係所有功能分開，打印就打印一部，scan 就一部scan, 打印就用碳粉+打印鼓，碳粉我就未試過痴埋一齊，大致上ok, 萬一粉有問題就换碳，打印鼓有問題就换打印鼓，有時真係覺得打印機(噴墨) 好煩，用過canon 同epson, 耗材貴又易塞，每次用都要賭運氣。

即我經驗係咁。

我結論係laser 加粉/鼓分離設計，愈少功能愈好，代用品愈平愈好

---

作者: ntony    時間: 2025-1-26 01:51




碳粉同支鼓都係幾貴嘅。不過支豉唔係咁常要換。買代用碳粉，打印機生產商近十零年好賤格，會鎖你機。

---

作者: 國防部    時間: 2025-1-26 20:37

回覆 57# mickey1234


  己嘗清理紙屑仲仍出故障碼，最後出錢去深水埗維修紙盤和更換墨頭皮（皮帶見有損耗先主動要求更換）
希望可以用多2 年

---

作者: chpyeung    時間: 2025-1-27 11:34



咁一來慳唔到位, 二來又 copy 唔到.

---

作者: kenken33    時間: 2025-1-28 00:40

本帖最後由 kenken33 於 2025-1-28 00:44 編輯

Canon係垃圾來，除非你成日要印相唔係都唔駛理呢個牌子，最正路HP ，性價比高就brother，brother多合一機唔係後面入紙而係用儲紙倉節省好多空間。

---

作者: KinChungE    時間: 2025-2-9 15:33



HP?
淨係墨水/碳粉貴一截, 已經夠你買多幾部機
仲要update firmware認到代用碳粉會鎖機

---

作者: kenken33    時間: 2025-2-9 15:53

本帖最後由 kenken33 於 2025-2-9 15:59 編輯



用墨水式當然係講緊連供，邊有人仲用墨盒式咁蠢㗎，碳粉使用成本都係可以接受，碳粉盒晶片既野大陸代用有咩做唔到，常用既可以搵人來俾錢回收原裝碳粉盒回下血

我只係唔鐵意HP機大大部阻頂先用brother

---

作者: KinChungE    時間: 2025-2-9 22:18



連供一樣隨時一個update就bye bye
仲未計耐唔用會墨水倒流

HP本身即棄式墨盒既好處就係少塞頭, 用連供不如買其他牌子