作者: cleverandy 時間: 2014-7-26 22:31 標題: 2 號機系列 - ASUS ORION FOR CONSOLES 無噪開箱分享
本帖最後由 cleverandy 於 2014-7-28 19:09 編輯
終於搞掂曬大學聯招啲野，甘就繼續開埋尼隻耳機同大家分享一下先。尼隻野叫 ASUS ORION For Consoles，買這個版本是因為考慮到遲D就會買的 PS4，都可以照用。
ASUS 這隻耳機最強的功能係佢張外置 Sound Card 可以將 90% 的環境雜訊噪音過濾，有幾勁係後面再講。其他特色就大至上係兼容唔同的遊戲機平台：PS3/4、XBOX和MAC等等。另外採用的釹磁鐵驅動單元直徑足足有 50mm，耳置亦達到 100mm，肯定包得住成隻耳仔，除非你係豬八戒
連接唔同平台果時的線材接駁方式。
盒內的主要硬件有耳機同一張外置 Sound Card。
線材方面就有連接Sound Card 的USB線，同埋用黎連接 Game Consoles 的線材、立體聲RCA連接線、2.5mm麥克風傳輸線(適用於Xbox LIVE)、USB連接線、快速使用說明。
頭帶可以較長短，而耳罩夠大又超級軟屬，對戴眼鏡的人都應該無影響。另外整個耳機的單體不是完全固定的，有一點活動空間，更易配貼合不同的頭型。
耳咪係可收納式，不用時可以縮番入去，能屈能伸。我見佢咪外面有個孔，其實可能都係降噪用，不過真係要降噪就一定要配上佢個外置 Sound Card。
尼張 ASUS外置 Sound Card係耳機的第二個靈魂。
左面個制係設定唔同的使用平台，而右面就用來開啟耳機的 AMP (開左之後中間會著紅燈)，開左之後感覺大聲左，應該係叫驅動能力加強左，各種聲音的力量強左。
鍍金的 Tybe B 接口係用黎連接電腦的，條線另一端係正常的 USB；右邊就用黎插 Game Consoles 的接線。
底部有 4 粒防滑墊，中間果粒制係用黎開啟 ENC語音降噪功能。尼個 ENC 超級強勁，完全達到所標的 90% 消除噪音效果，達至「無噪」。平時我玩 LOL、AVA、FSF 果類遊戲就一定同一開咪傾，但細佬成日係旁邊話我 D 朋友應該點打點走位，搞到我 D 朋友火曬
，仲話要同佢挑機
，用左尼個之後就完全消除左我講野之外的聲音，打字聲、風扇聲果D。原理係佢張 Sound Card 有一個收音咪，佢同耳咪同步錄音，不過兩者同時錄到的聲音將會被消除 (一般主要為環境聲)，而只有係耳咪收到的聲音 (自己把聲) 將會被保留，所以聊天通話果時超級清楚無雜音。
在線材方面，耳機的線材全條都以編織線包裹，約兩米半長，另外接頭有鍍金，接頭上同絕緣位上都有以顏色標示，好易就分到音訊輸出同錄音的接頭。另一部份就係，未必時時都會插咪，而如果唔插條線就會條條FING，而廠商就加左個位比咪線泊車
。感想：
耳機整體來說十分唔錯，特別係個聲卡的功能。用黎打機果時，用朋友通訊，個聲卡的降噪功能可以將絕大部份的環境雜音消除，包括我細佬係我旁邊指揮的聲音。另外係聽歌果時，只要開啟左聲卡的 AMP 功能，把聲都強左。
至於耳機的舒服程度，我認為頭帶長度調整同耳罩都不是固定，可以教到完全 Fit 曬我頭型
。另外頂帶同耳罩的軟墊都超級軟屬，帶住幾耐都完全無壓頭壓耳，只係耳罩始終唔算太透氣，開冷氣打機無問題，但我習慣唔係太熱都只係開風扇，所以耳罩覺得有D焗
。作者: Kentyu 時間: 2014-7-27 22:21
首先多謝師兄分享先
但如果講多元化,呢隻就咁睇,好似無咁好
而且有線,好似無咁方便
不過反而想知呢隻既surround 7.1個效果係點
作者: kiting110 時間: 2014-7-28 03:50
師兄想問下呢隻幾錢呀?
作者: cleverandy 時間: 2014-7-28 14:38
首先多謝師兄分享先
但如果講多元化,呢隻就咁睇,好似無咁好
而且有線,好似無咁方便
不過反而想知呢隻既surr ...
Kentyu 發表於 2014-7-27 22:21
尼個要遲D先答到你,近排玩開LOL同FSF
不過我尼隻好似無寫到有surround 7.1的功能喎
作者: cleverandy 時間: 2014-7-28 14:39
本帖最後由 cleverandy 於 2014-7-28 14:41 編輯
師兄想問下呢隻幾錢呀?
kiting110 發表於 2014-7-28 03:50
八百尾，可以話近九百
不過你如果唔係要用係PS4/XBOX果類,其實買低一個版本 ORION PRO 就夠曬,平幾舊,非PRO版好似再平D
作者: raisin 時間: 2014-7-28 18:24
咁高質素既開箱 (認真), 版主應該即刻加分啦 (非認真
)個ENC好似好好用
樓主細佬係咪搏打 
作者: cleverandy 時間: 2014-7-28 18:40
咁高質素既開箱 (認真), 版主應該即刻加分啦 (非認真 )
個ENC好似好好用 樓主細佬係咪搏打 :x ...
raisin 發表於 2014-7-28 18:24
一定博打，成日係隔離指揮
雖然旁觀姐係清啲，但冇理由白金聽銅一指揮架
作者: kiting110 時間: 2014-7-29 02:44
回覆 5# cleverandy
差幾舊,但係好似預埋第時會方便D
見個性價比都唔錯作者: cleverandy 時間: 2014-7-29 15:46
回覆 cleverandy
差幾舊,但係好似預埋第時會方便D見個性價比都唔錯 ...
kiting110 發表於 2014-7-29 02:44
EPC尋日都有介紹迷彩版，外型仲型D
係上次ASUS活動用過，果日仲有一樣係迷彩版的滑鼠同MOUSEPAD
作者: cleverandy 時間: 2014-8-4 01:15
首先多謝師兄分享先
但如果講多元化,呢隻就咁睇,好似無咁好
而且有線,好似無咁方便
不過反而想知呢隻既surr ...
Kentyu 發表於 2014-7-27 22:21
我真係揾唔到尼隻的surround 7.1功能，不過最近玩番幾場AVA，分唔同位置的聲音能力都好OK
作者: Advanced Ivan 時間: 2014-8-7 11:50
我真係揾唔到尼隻的surround 7.1功能，不過最近玩番幾場AVA，分唔同位置的聲音能力都好OK ...
cleverandy 發表於 2014-8-4 01:15
係音效果度設定喇叭, 會有得揀7.1
作者: hirodo 時間: 2014-8-7 12:05
等你出過PS4試用報告~
作者: ~你好嗎~ 時間: 2014-8-7 12:30
ps3 用唔用到?
想買隻俾個fd做禮物~
作者: cleverandy 時間: 2014-8-7 12:59
係音效果度設定喇叭, 會有得揀7.1
Advanced Ivan 發表於 2014-8-7 11:50
等我再睇睇先
ps3 用唔用到?
想買隻俾個fd做禮物~
~你好嗎~ 發表於 2014-8-7 12:30
佢有寫ps3可以用
作者: m1ming 時間: 2014-8-7 17:59
最近都想換耳機
請問Vulcan PRO 火神 專業版定係樓主隻ROG Orion for Consoles 獵戶座TV Game版 會比較好？
Orion係Spitfire II，而Vulcan只係Spitfire I
但係Vulcan之前個售價亦係asus中旗艦級
大家有咩意見？
作者: cleverandy 時間: 2014-8-8 20:02
最近都想換耳機
請問Vulcan PRO 火神 專業版定係樓主隻ROG Orion for Consoles 獵戶座TV Game版 會比較好？ ...
m1ming 發表於 2014-8-7 17:59
剛剛睇過 VULCAN 個價錢係貴過 ORION 果堆
而其實 2 者最大分別我諗係降噪功能，ORION 隻聲卡係幫你支咪消除環境噪音，而 VULCAN 就係開左自動降噪係令你帶左耳機後，消除外面的環境聲，即係冷氣聲果堆，你帶左後應該會覺得靜左音
音質就要試過先知，你去 SSP 睇下有無鋪頭有 DEMO 試
作者: m1ming 時間: 2014-8-8 21:09
剛剛睇過 VULCAN 個價錢係貴過 ORION 果堆
而其實 2 者最大分別我諗係降噪功能，ORION 隻聲卡係幫你支咪消 ...
cleverandy 發表於 2014-8-8 20:02
明白
我星期日試試,你建議推介比我嗎?