標題: [其他] 版主請幫del post [打印本頁]

---

作者: wowms12345    時間: 2023-7-7 00:24     標題: 版主請幫del post

本帖最後由 wowms12345 於 2023-7-8 12:58 編輯

問題已得到解答方向，後面交流有點偏離主題，亦懶得逐次解釋和說明。多謝各位師兄俾意見先。
麻煩版主幫刪POST。
=========================================================\


各位師兄師姐好，最近換電腦，換完先知ALC4080個災情，到家陣都未徹底解決。
試過上官網更新FW，有明顯改善，但始終解決唔到問題。
所以決定買張SOUND CARD認輸，希望各位師兄師姐俾少少意見，可以等小弟少交點學費。

目前線走法係 PC>SPDIF>馬蘭士HD-DAC1>RCA>漫步者DB880

其實部DAC係第一次出糧衝動買，HIFI真係現學現賣居多，完全唔算懂行。

主要想問三個問題

1. 如果我接部一體式DAC用，張SOUND CARD是否無必要買太靚，反正都係想繞過ALC4080出訊號。例如ASUS Xonar SE 呢種又平，又大牌子。

2. 宜家趨勢無可否認係傾向USB SOUND CARD，但我呢種走法，玩USB定係PCIE會比較好? 我係用ATX板，空間係夠位，同時都預留到一條M.2寬度俾張顯卡散熱。
其實本身HD-DAC1可以插USB，但實際上部野唔適合做USB-DAC(繼電器設計缺憾，用USB會瘋狂啪啪聲)

3. 我呢種走法，有無型號可以建議一下，預算1K前後，我希望可以KEEP住走SPDIF，或者同軸。
有望過Sound Blaster Z SE 同 Sound BlasterX AE-5 Plus 呢類老牌子PCIE居多，USB太多選擇，完全唔識搵岩自己用

---

作者: raylee    時間: 2023-7-7 00:56

本帖最後由 raylee 於 2023-7-7 11:33 編輯


could SPDIF>漫步者DB880 directly ?

https://www.reddit.com/r/ASUS/co ... s/?onetap_auto=true

---

作者: wowms12345    時間: 2023-7-7 08:01

本帖最後由 wowms12345 於 2023-7-7 09:40 編輯

可以插，
最初岩岩砌完機，未知有 FW之前，我以為係自己RCA有問題(本身都接觸不良，一碰就炸聲)，所以都直插SPDIF試左兩日。
比DAC好D，但解決唔哂。

後面更新完FW都有試過直插，頻率同爆音再有改善，但仍然都係解決唔到問題

加上有時都想插headphone聽歌，所以都係傾向買張sound card，但真係唔識挑選岩自己用。

---

作者: MirageKnight    時間: 2023-7-7 09:58

本帖最後由 MirageKnight 於 2023-7-7 10:08 編輯

買部好D的USB DAC+amp算啦. 依加所有底板的onboard sound其實都轉晒用USB.  唔佔用PCIE.
網上話依個種方法有機會解決alc4080/4082爆音問題.
1. 在device manager內找出 ALC4080 USB Hub connect. 在Power Management untick "save power".
2. 在bios disable fast boot.
3. 用板廠俾的driver. 唔好俾MS update install MS版本driver.

---

作者: antlee    時間: 2023-7-7 10:11

漫步者DB880 ?
定係S880DB? 本身可以USB直插電腦 (XMOS: USB audio 2.0, 要win10/11)

---

作者: antlee    時間: 2023-7-7 10:29

btw 有舊文
https://www.hkepc.com/forum/view ... 126&tid=2696373
電腦領域 HKEPC Hardware » 系統故障 » Realtek ALC4080/4082 + SPDIF optical out 無左頭半秒+雜音問題

---

作者: HKHarry    時間: 2023-7-7 16:29

我嘅仲搞笑,用Optical駁住個喇叭5至10分鐘會自己冇聲,要重開個喇叭先有返聲...
跟住又係會冇聲...重複又重複

---

作者: Kin_2012    時間: 2023-7-7 16:36

本帖最後由 Kin_2012 於 2023-7-7 16:38 編輯


喇叭好一般， 前置再改善都效用不大。

1> 一係直接買部有 USB 的 DAC, 不過唔換喇叭無咩需要

2> 如果一定要走 SPDIF, 買一個 USB -> SPDIF ， 當年 DAC 未有 USB 果時我買過

3> 唔建議再買 sound card

---

作者: wowms12345    時間: 2023-7-7 17:06

本帖最後由 wowms12345 於 2023-7-7 17:10 編輯


有同果位師兄再交流過，對方建議都係換放棄粒垃圾晶片，換SOUND CARD算



無計，因為部HD-DAC1仲好健康，喇叭等有錢再考慮換，如果一口氣換喇叭加USB-DAC，真係有D頂唔住。目前可能都聽你講傾向2。


多謝師兄俾意見先
其實網上好多偏方我都試過，但成果就好玄學

1. 可以返去試試
2. 部機BIOS 一直都禁用呢個
3. 唔太確定點SET，但我最近試都有不斷uninstall DRIVER再重裝，似乎就無咩用



師兄你呢個CASE反而更神奇，因為我目前望到主要都係話爆音居多

---

作者: jzllee    時間: 2023-7-7 17:30

本帖最後由 jzllee 於 2023-7-7 17:37 編輯

如果你有用GPU, 就買個HDMI to S/PDIF converter, 百幾蚊起，因為GPU 有內置音頻解碼，已經蹺過on board audio DAC. 而且播HD audio, 光織/同軸bandwidth 唔夠 (除咗雙聲度)，你最后都要用HDMI.

---

作者: 0011ss22    時間: 2023-7-7 17:44

直接PC用USB出馬蘭士HD-DAC1唔得咩？
佢自己有USB digital input

---

作者: wowms12345    時間: 2023-7-7 17:53



師兄你好，我其實提過原因的。
部野個繼電器設計得唔好 唔適合做USB input

---

作者: holyAS    時間: 2023-7-7 19:18

本帖最後由 holyAS 於 2023-7-7 19:36 編輯

sound card好多年前已經沒落, 你睇creative就知, 轉usb dac吧.

瘋狂啪啪聲會唔會係電腦訊號干擾, 我之前換完喇叭都有依個問題, 搞左好耐, 最後成套野重新插過線, 搞左d電 訊隔離( 我係巴哈覆過你 ), 最後發現除左電腦有超強干擾外 屋企電流干擾都好勁, 因為成屋電拖埋一齊用. 所以我已經整緊一個過路箱做專線俾hifi同電腦用( 自己有A牌讀B), 差少少材料就可以玩

圖片附件: [因為兩部都係日本機, 就算有雙回設計但部機都有漏電情況] PXL_20230705_112904172.jpg (2023-7-7 19:30, 130.85 KB) / 下載次數 80
https://h0.hkepc.com/forum/attachment.php?aid=2380006&k=8763740b67214c3505c43dc3d3bd8545&t=1780914721&sid=U1OfKhCPwG

---

作者: Dcup    時間: 2023-7-7 19:59




    gpu個解，都是JOKE

今時今日，請用USD DAC

唔好諗咁多多餘野，咩SPDIF黎D你搞黎都唔知笑定點，N年前老舊技術

你買獨立供電既DAC，好設計應有辦法唔用電腦電源的

---

作者: holyAS    時間: 2023-7-7 20:05

本帖最後由 holyAS 於 2023-7-7 20:13 編輯

順便毒下你先, 我自己都好想換
[youtube]tTMbDLkK2CE[/youtube]
此時不買待何時，絕對高性價比: 法國Revival Audio Atalante 5喇叭
[youtube]m8GSaI9oi4s[/youtube]
[youtube]ZcW_HBQ1258[/youtube]
https://revivalaudio.fr/atalante-5/

---

作者: 暴走呆喵    時間: 2023-7-7 20:42

本帖最後由 暴走呆喵 於 2023-7-7 20:53 編輯

回覆 1# wowms12345


無要求試下
T-amp+無源喇吧
(自己選太多JBL KEF...貴平都有 可以試下收90年代JBL CONTROL系列入門之選 完全KO 你現在你個喇吧 好多)
聴完你唔會再用漫步者尼d class...
我己好多年沒update... 自己要求不高 但有少少要求
S.M.S.L AD18 +JBL CONTROL X 電腦用夠哂班
有基本BASS 人声ok 有情感 以2.0 非常Good
但如果SOURCE音頻差 尼對SPEAKER 會完全SHOW 出來.....

---

作者: nelsonlee130    時間: 2023-7-7 21:04

預算1k 是但買隻淘仔usb dac駁s880db都會靚聲過你攪咁多層花臣
話說s880db最大賣點唔係內置usb input(?)點解玩到無源咁

唔好再咁傻豬信底版sound la
砌機第一件事就bios熄咗佢

---

作者: wowms12345    時間: 2023-7-7 21:39

本帖最後由 wowms12345 於 2023-7-7 21:56 編輯


師兄，我有見到你覆我，多謝你先。
其實我想講返我目的純粹係想搵個平靚正，岩岩好夠用，可以繞過ALC4080出聲的設備。

我都知我隻喇叭普普通通，點知大家個焦點都去左幫我睇配置換喇叭。
師兄你推介俾我果幾對喇叭確實係好正，但就算我肯俾5位數買喇叭都搞唔掂D剩低配套。anyway，多謝你咁熱心先。

但始終BUDGET真係有限，我都只能夠解決左個最大問題先(onboard 音效晶片)，點都好，再次多謝各位咁熱心先。 亦都奉勤各位挑選新底板之前，衡量下呢粒垃圾晶片會唔會帶黎咩潛在問題。

BTW，提返啪啪聲係件HD-DAC1本身設計繼電器問題。
呢個問題我當時都研究左一排，最後都幾肯定唔係我買左次品，而係呢隻產品的設計問題。
奇怪既係，明明部機一大賣點係USB-DAC，但我完全唔覺當時文宣果班人，有人提及過呢個咁大的問題。'


舉個例子，假設無入音訊情況。你如果速成打兩個Z，會有一下系統報錯音，我呢隻DAC，就會繼電器啪兩野，代表開關。youtube條片 跳後面睇，load果一下停左，會啪一野，load到條片又會再啪一野。
折衷解決方法係有，一係電腦長期後台發音訊俾部機，或者改用同軸/光纖。
所以我點解執著搵可以輸出同軸/光纖的訊號源。
當然啦，換哂成SET都係一個方法，但有個缺點，而且係我的缺點。
簡單D講，就係BUDGET唔夠，二黎唔捨得棄用/賣左隻HD-DAC1。

屋企電流干擾個問題我都遇過，成日都聽到D低頻電流聲，最後查明原來係廚房電制位成日潮濕瀕臨短路邊緣，搵師傅整整就解決左。

---

作者: XABI    時間: 2023-7-7 21:50

依款係內置USB DAC,用送果條USB線插老母板就用得
唔駛另外用dac呀

---

作者: wowms12345    時間: 2023-7-7 22:04

本帖最後由 wowms12345 於 2023-7-8 11:41 編輯


最初諗住onboard sound 出落部DAC度，再差都起碼用住先，點知果粒ALC4080直頭係災難。
爆音災情KEEP住發生左兩年，但班板廠都係好高興咁塞俾D用家。(仲要係特登挑俾D高端板用)
家陣我淘左隻DDC 用住先，好過間唔中聽爆音，搞到個人都燥。



前排都想考慮緊換喇叭，但微軟發佈果排一口氣又出星空、又出CITIES2 個發佈日期
望望配置就打柴我成部機。

所以最後D資金拎哂去換電腦，BTW 多謝師兄建議先

---

作者: 冰水半糖    時間: 2023-7-7 22:56

本帖最後由 冰水半糖 於 2023-7-7 22:58 編輯

試下





似乎係節能問題, 所以只好長期要張聲卡"工作"

圖片附件: 螢幕擷取畫面 2023-07-07 225410.png (2023-7-7 22:55, 10.49 KB) / 下載次數 98
https://h0.hkepc.com/forum/attachment.php?aid=2380036&k=0180cd7cc955f267120dab0f74802b2e&t=1780914721&sid=U1OfKhCPwG



圖片附件: 螢幕擷取畫面 2023-07-07 225420.png (2023-7-7 22:55, 24.78 KB) / 下載次數 85
https://h0.hkepc.com/forum/attachment.php?aid=2380037&k=6a899d9674109a8d46552687dc302a19&t=1780914721&sid=U1OfKhCPwG



圖片附件: 螢幕擷取畫面 2023-07-07 225424.png (2023-7-7 22:55, 14.63 KB) / 下載次數 93
https://h0.hkepc.com/forum/attachment.php?aid=2380038&k=bf3d606312853e9be1767442ee9c109c&t=1780914721&sid=U1OfKhCPwG

---

作者: HKHarry    時間: 2023-7-8 00:16



係呀我都覺得好神奇呀,開頭以為自己個喇叭有問題,直到換過底板都一樣...
最後改用咗Creative AE-5 Plus

---

作者: wowms12345    時間: 2023-7-8 00:22

本帖最後由 wowms12345 於 2023-7-8 00:36 編輯


前幾日有試過，果陣研究過呢篇 https://www.reddit.com/r/ASUS/co ... d_problems_on_asus/
前排見有一篇甚至提到降低電壓可以搞掂，但我就懶得再浪費時間了，索性換張sound card

多謝師兄你先

---

作者: kennyleunghk    時間: 2023-7-8 01:40

本帖最後由 kennyleunghk 於 2023-7-8 01:50 編輯

本黎唔想回...但見到樓主咁倒錢落海忍唔住...
其實我都唔明你攪乜
電腦S/PDIF 出DAC 咁有趣? 音源係電腦永遠最好係USB 出DAC, 完
你可以去post76見下有無hifi 友係用光纖出dac嘅? 永遠都係USB, 最多出數字界面加鐘再出去DAC...

個setup我真係唸唔明:
1. 有源+內置DAC 喇叭買部 DAC+AMP 嘅一體機HD-DAC1係為乜? 其實你知唔知你D 器材有乜功能....
2. 其實隻HD-DAC1 係for 耳機嘅, 佢跟本無界面出無源喇叭.... for 有源解碼部份又唔夠出色+自癈AMP(咁你買部一體機為乜?)....加埋你隻喇叭個弱雞AMP...老實講根本係負累....
3. 點解會有個唸法係都要SPDIF 去DAC...真係唔知你係邊聽返黎話佢USB唔得, 我當佢真係唔得, 都唔會差得過S/PDIF囉sorry
4. 其實你隻喇叭真係唔使攪咁多野, 除非你換喇叭, 唔係我建議你3.5mm 直接出喇叭就算
5. 我當你部HD-DAC1 解碼同功放都超級好聲, 你攞佢黎當前級...咁你買隻功放差過佢嘅有源喇叭係嫌錢腥? 定係你覺得隻edifier個amp + HD-DAC1 會神奇地負負得正?

---

作者: kennyleunghk    時間: 2023-7-8 01:49




    其實你明唔明
當你套喇叭一千蚊, 你後面放一百萬嘅器材, 套喇叭最多出到千五蚊聲
咁點解唔慳返果一百萬買套二千蚊嘅喇叭?

---

作者: jf127    時間: 2023-7-8 06:03

回覆 1# wowms12345
buy Sound BlasterX AE-5 Plus and skip your HD-DAC1.
The DAC of Sound BlasterX AE-5 Plus  is far better than your HD-DAC.

---

作者: powershing    時間: 2023-7-8 10:16

本帖最後由 powershing 於 2023-7-8 10:19 編輯


估師兄應該用USB有GROUND NOISE
早7,8年USB DAC唔多唔小都有咁問題

---

作者: wowms12345    時間: 2023-7-8 10:44

本帖最後由 wowms12345 於 2023-7-8 11:31 編輯


多謝師兄你俾意見先，
我想回應返，
首先，我本身買隻HD-DAC1 本身就係為左用耳機，我亦都無話過自己無玩耳機，當然我自問當初係錢多身痕，貪新鮮，論心態同知識，肯定比唔上好多師兄。

順手插電腦喇叭，一黎為方便用，二黎只係想用盡佢。

1. 其實真係唔熟行，正如我上面提過，最初都係為左玩耳機，插喇叭係用盡佢。
3. 點解唔用USB，要玩光纖出DAC? 其實我第一篇已經提左原因，我唔明師兄你點解未睇清楚就插人。
4. 我亦唔明點解會將個重點放係個喇叭，或者點推個喇叭上面，就算我換個上萬喇叭，假設推得掂都無用。請問師兄有無了解過ALC4080災情? 當然，我知道用呢粒晶片黎推任何貴野純熟搞笑，但我目的都只係想提返成件事個問題根源。
5. 喇叭的確係有換的諗法，因為本身換電腦之前，係打算換喇叭。如果師兄有價格千位級數的心水，方便都推薦一下。
   
我呢刻目的係買外置或者內置sound card，或者其他辦法，解決Onboard ALC4080個爆音問題先，而呢個爆音問題，同我其他設備，或者個組合差真係無關。網上有好多從軟件切入的方法，我大部份都試過，但頂多係有改善，做唔到解決問題。所以我最後決定從硬件入手。

或者我可能真係表達得好差，導致有D師兄真係誤解左成件事個重點。

ANYWAY，多謝各位師兄交流先，亦都歡迎各位師兄交流同推介下型號，同埋換邊件順序，因為我真係BUDGET同空間都有限，點都係一步一步換。

---

作者: powershing    時間: 2023-7-8 10:53

不如逃寶買條USB SPDIF

---

作者: wowms12345    時間: 2023-7-8 10:57

本帖最後由 wowms12345 於 2023-7-8 11:05 編輯

回覆 27# powershing

多謝師兄幫我兜一野，
我再講清楚少少啦，主要係個繼電器設計問題。
準確點黎講係只要由無聲到有音源輸入，就會啪啪兩野，準確點講係「滴答」，我有印象當時好似聽歌，切換到頻率都會。
如果部電腦無關系統音，就會瘋狂滴答，或者睇youtube跳黎睇都會。
所以如果放係windows度用，係會幾煩。

我見有人問過官方，都係叫你一係忍，一係改用光纖/同軸，再唔係就做提前靜音處理。事後亦都無任何修正DRIVER



目前其實都已經落左單咁去了，
我都知我個SETUP係有唔少問題，但問題我呢刻無錢換哂成SET野，所以我想解決左迫切的問題先。
當然前面幾位師兄建議我係虛心接受的，等日後有錢再諗諗點更新SET野

---

作者: powershing    時間: 2023-7-8 10:59



早期D USB DAC通病     
我換過幾部都係咁

---

作者: 010    時間: 2023-7-8 12:09

本帖最後由 010 於 2023-7-8 12:20 編輯

睇完我完全唔明
咁樣駁黎駁去, 係咁點解唔用usb dac
DB880 都有usb dac唔需要買sound card

---

作者: wowms12345    時間: 2023-7-8 12:25



咁如果接耳機呢

---

作者: holyAS    時間: 2023-7-8 13:53




    我手上兩部dac都可以按兩粒制直接bypass speaker, 換成headphone output

---

作者: holyAS    時間: 2023-7-8 14:05

會唔會係 無源喇叭就冇左依個題? 哇 哩部HD-DAC1我之前都有諗過出一部, 原來有d咁嘅問題, 不過現在唔洗諗了, 最多拎返部pma-a110出黎做dac

---

作者: Miipp    時間: 2023-7-8 14:09



脫褲子放屁？

我以前都有用 DB880 兩三年，插 usb 用喇叭內置 dac 效果好好

---

作者: kennyleunghk    時間: 2023-7-8 16:40

本帖最後由 kennyleunghk 於 2023-7-8 17:09 編輯



    其實呢, 睇黎你真係唔知我講緊乜
我咪已經有講到你隻喇叭係有DAC功能....你是但買條USB 插落喇叭咪解決晒囉咁....
係都要光纖去返部馬蘭士....

其實你知唔知點解個個叫你行USB...
USB出dac 係直接出data, 唔會經任何PC內音效晶片做訊號轉換...

同埋你要攪清楚, 正常黎講HIFI 你要出喇叭, 正正經經係咁嘅: 音源(PC/digital player) -> DAC -> AMP -> 耳機喇叭
重點係AMP果part 決定你係出耳機定喇叭, 因為功率決定佢電路設計, 如果你部amp 係for 喇叭(一般係大體積機), 你免強用佢係前端3.5mm 出耳機無問題, 只是D聲做唔到100%
如果隻amp 本身係for 耳機, 一般會當佢係前級, 買多隻後級amp變成 音源(PC/digital player) -> DAC -> AMP(前級) -> AMP後級 **其實某情度就你而家個配置
一般黎講後級一定要好過前級, 唔係嘅話你只係將佢D聲放大變差(exactly 你而家個情況)

好老實講, 你而家4part, 每一part 都係錯...
第一點係拎隻唔係for 聽歌用嘅一體機for pc
第二點係攞部一體機駁另部一體機
第三點係未端機(一體式喇叭)弱化返晒前面做過嘅聲音處理

---

作者: kennyleunghk    時間: 2023-7-8 16:52

本帖最後由 kennyleunghk 於 2023-7-8 16:53 編輯



    其實講到尾佢部一體機跟本唔係for PC 用, 問題應該唔係底燥
而係過歌時有滴噠一聲, 我以前部AV 一體機行USB落去解碼都會有
用係windows 非播歌時係會有問題, 但係個著眼點係點解佢係都要用部馬蘭士去隻主動式仲要有埋DAC嘅漫步者呢....
而家深水埗去太子係都要經元朗....

其實佢賣晒哩堆野, 正正經經買隻S3000 PRO電腦USB 去隻喇叭, 音質仲好仲少問題, 仲有錢袋返落袋.....

---

作者: wowms12345    時間: 2023-7-8 19:27

本帖最後由 wowms12345 於 2023-7-8 19:49 編輯


成件事我會覺得你認為自己睇得好透，當人地係傻仔。

一黎就插部HD-DAC1唔用USB插電腦，但一開始已經提左點解。
提s880DB usb接電腦，但有無諗過想插耳機，咪又係食返粒ALC4080。你自己都識講HD-DAC1係FOR耳機用，點解唔會假設我有時會用耳機...
同埋你一開始留言POINT 4 又叫人用返3.5MM直出喇叭算數，你搞到我估唔到，你一開始係咪真係諗到呢個POINT。

提意見友好交流係OK，重覆提POINT都無咩所謂。
但如果你係想順手插人或者嘈交，就請檢視下D POINT有幾獨到先，WORK唔WORK都其次。

我知我SET野有問題，所以我無稱我SETUP係正確，黎反駁你。
既然無，咁點解你會認為我唔知你講緊咩?

你提到的野我都虛心學習緊，諗緊之後更新可以往咩方向做，
如果你認為我係蠻不講理插返你轉頭，
SORRY 唔係我本意。

---

作者: kennyleunghk    時間: 2023-7-8 20:49

本帖最後由 kennyleunghk 於 2023-7-8 21:06 編輯



    其實知道自己傻仔左係個好開始黎
d point 獨唔獨到你睇其他師兄反應就知架啦, 唔使估估下嘅
我打咁長篇野係膠吹嘅一早俾人圍插到上天啦, 當然我必順承認我係無認真睇過個onboard 解碼有咩問題先叫你直出3.5, 我向你道歉囉, 唔好咁嬲豬

不過呢....同你講左咁耐叫你了解下自己D器材有乜功能你就好似無做到.....
你知唔知你隻喇叭有耳機out...我明架, 你實係想用返部DAC1 去插耳機, 但你有相對應嘅野俾你咁玩咩?
你係有部player / 隨身機嘅, 咁咪留返佢line out 玩耳機囉, 你咁用相信無人會反對架喎
十年前我都係用部隨身機line out 去一體機咁聽

我上面D留言教晒你架啦, 你當我串你膠吹又得, 你鐘意繼續倒錢落去得返負數嘅音質又好, 隨你架咋

玩音響再平都可以好有樂趣嘅, 不過真係要花時間研究同埋了解下自己D器材囉

---

作者: powershing    時間: 2023-7-8 21:04

本帖最後由 powershing 於 2023-7-8 21:08 編輯


用喇叭個headphone out玩headphone 好過用部 DAC Headphone Amplifier Combo就第一次聽

見師兄原用部幾千DAC Headphone Amplifier Combo插千幾喇叭
應該主力用headphone
叫佢番player是本沒倒置

---

作者: kennyleunghk    時間: 2023-7-8 21:08

本帖最後由 kennyleunghk 於 2023-7-8 21:13 編輯



    如果佢係正正常常用usb 出DAC 當然唔會叫佢咁做啦
同埋點解會本末倒置, 隨身player 唔加台amp 邊夠力推耳機/耳牛, 大食少少嘅入耳式都要D大力國磚先推得郁

---

作者: wowms12345    時間: 2023-7-8 21:09

回覆 40# kennyleunghk


https://www.hkepc.com/forum/view ... =2453865&page=1

---

作者: powershing    時間: 2023-7-8 21:19



佢部HD-DAC1就是Headphone AMP
算當年headfi 一部幾好入門機
部野專玩Headphone 無人買來主力插喇叭

---

作者: kennyleunghk    時間: 2023-7-8 21:20




    救命...
大哥你知唔知RCA 係咩黎...淘/出街個RCA 轉3.5 好難架咩...
咁如果你買隻喇叭返黎發現係大陸腳...咁你係咪話佢用唔到直接掉左佢...
有轉插同換線架嗎大哥....

我真係知錯...原來你真係乜都唔識就使左幾千蚊果左果2set野返黎.....

---

作者: kennyleunghk    時間: 2023-7-8 21:27




    根本上desktop 一體機無任何一部係for 喇叭架囉...無源就跟本無output, 有源又浪費amp 果part....
而家9成9用緊哩類一體嘅都係用隨身player, 包括我自己都係dx240 出SMSL m500 聽耳牛
貪方便, 可以廳,房, 晝房搬黎搬去
喇叭我用另一set, SMSL d1 + cxa81 出喇叭

---

作者: holyAS    時間: 2023-7-8 21:38

10k樓下喇叭選擇多的是, 天龍一體 藍芽都有, 差到個價錢唔係高級

圖片附件: スクリーンショット 2023-07-08 213432.png (2023-7-8 21:37, 121.25 KB) / 下載次數 80
https://h0.hkepc.com/forum/attachment.php?aid=2380134&k=581654c32c6cb4d2809fb449882c3c8e&t=1780914721&sid=U1OfKhCPwG

---

作者: powershing    時間: 2023-7-8 21:44




其實好多人都係直插電腦.

---

作者: wowms12345    時間: 2023-7-8 21:47

成件事上面有師兄一早建議左，買條USB SPDIF解決。我問題亦都一早解決左。

你叫人3.5MM插onboard，提醒返個onboad sound card問題。
又改口叫人喇叭USB插onboard，提醒返無得玩耳機。
叫人3.5插usb喇叭，提醒返無得直出，
又叫人rca轉3.5，自廢武功都算，好奇一問，咁樣算唔算深水埗去太子係都要經元朗，有私家車唔坐，改行路。

ANYWAY，你建議都幾有趣，但我就真係舉哂手投降。

---

作者: kennyleunghk    時間: 2023-7-8 21:55




    可能係啦
我識果D 插電腦都係分返開dac + amp
一體機插隨身/streamer

---

作者: kennyleunghk    時間: 2023-7-8 22:02

本帖最後由 kennyleunghk 於 2023-7-8 22:05 編輯



    唔緊要啦, 你永遠是對的, 我永遠是錯的
你覺得你已叻咪得, 追住捉其中一個錯處無意思嘅, 就音質黎講直插3.5 去你隻喇叭真係好聲過你而家咁架喎 , 不過你可以繼續光纖 DAC/AMP 再DAC/AMP 架, 你鐘意加多10部dac/AMP 都無問題, 你開心咪ok囉, 唔使理我點講架喎
不過好似唔只我一個叫你直接USB去隻喇叭喎
你估下rac 轉3.5 同一體機電駁一體機有乜分別? 建議真係花d 時間去了點下你d 器材先啦, 慳返好多不必要嘅學費

---

作者: powershing    時間: 2023-7-8 22:10



就係唔想再交學費
依家50蚊解決到既問題

---

作者: kennyleunghk    時間: 2023-7-8 22:12

本帖最後由 kennyleunghk 於 2023-7-8 22:15 編輯



    買條usb直插喇叭 20蚊
音質隨時仲會提升左
想用耳機, RAC轉3.5mm頭 廿蚊, 仲有10蚊落袋

不過佢有得夾硬用返部DAC1, 心態上升100%非金錢可比, 我輸

---

作者: wowms12345    時間: 2023-7-8 22:21

俾多10蚊可以用返部DAC Headphone Amplifier 駁電腦用headphone聽歌，何樂而不為?

---

作者: powershing    時間: 2023-7-8 22:23



sure 你 win好喇
音質隨_時仲會提升左

---

作者: powershing    時間: 2023-7-8 22:28



人地建議要插dap先最好聲
唔識人是直插電腦
明明你部機出果陣未有dap有usb mode插dac

---

作者: kennyleunghk    時間: 2023-7-8 22:48

本帖最後由 kennyleunghk 於 2023-7-8 22:49 編輯



    點解DAP 一定要用USB? 當然, 而家新嘅DAP 基本上都可以用type c去dac
早幾年個個都係用line out出一體機架喎? 點解佢唔可以行line out? 定係响你眼中DAP 去 DAC 得USB 一個方法?
同埋我講緊如果佢有DAP/ player 可以留黎聽歌咋喎
出光纖去一體機解碼放大再放落隻有源喇叭放大多次你真係覺得d 聲無損耗?

---

作者: kennyleunghk    時間: 2023-7-8 22:51




    無問題呀, 你玩得開心咪得
反正你對音質似乎都無乜要求

---

作者: powershing    時間: 2023-7-8 23:06



問題人地想睇youtube,唔插PC插DAP?
DAP type c咪又USB   
dap 都有同軸 spdif out
你明白下器材先啦
同唔知你講>想用耳機, RAC轉3.5mm頭 廿蚊<係插邊到

你又唔比隻DAC1解碼好聲過隻S880DB內置解碼

---

作者: Dcup    時間: 2023-7-8 23:12

DAC都是出靚聲，只係你想由邊到用咩出姐，無意思的，你想再推無源再加amp，黎個先係正路

我部DAC連AMP我都是DAC lineout去部THX789，咩年代仲以為一體機就一定焗AMP出 analog?同埋咩年代仲光纖？

如果理解技術就知光纖音頻技術out左好耐....

D廠都是老本，慘得過真係有人仲玩佢

---

作者: powershing    時間: 2023-7-8 23:16



有頭髮邊個想做癩痢
可惜樓主部機USB有問題

---

作者: Dcup    時間: 2023-7-8 23:21




    佢個問題似個人有問題

建義佢買張靚NEC晶片 USB 卡出USB DAC就是我的終極建義，pass曬成堆垃圾onboard唔好嗎？

直接CPU出PCIE出張靚USB卡出DAC都有問題的話，建義部機都掉左佢

粒U都九成九有問題先會咁

---

作者: kennyleunghk    時間: 2023-7-8 23:25




    你識啫, 人地唔識嘛
我講佢知佢覺得我串佢咁囉

---

作者: wowms12345    時間: 2023-7-8 23:31




師兄，唔係我個人問題，雖然成件事我前面repeat左幾次，

如果你係指alc4080 個問題，google 搜ACL4080 Problem 結果多到數唔哂。

如果你係指hd dac1，你search hd dac1 繼電器，應該都會搵到有人係forum提過。

---

作者: kennyleunghk    時間: 2023-7-8 23:35




    咁點解唔可以PC 直接USB 去喇叭? 隻DAC 留黎其他野用得唔得, 放二手留返個錢旁身得唔得? 係都教人揀個音質最差嘅方式去駁?
你講緊乜野呀? 係呀DAP仲有好多output 呀, 咁點?代表D乜? 同DAP lineout 去解DAC有乜關系呢請問
RAC 轉3.5mm 係乜你都唔識, 你不如google下, 你唔知有種RAC 另一邊頭係3.5mm 公頭黎, 同時有母頭你唔識?
我無唔俾隻DAC1 個解碼好過隻喇叭呀, 由始至終隻DAC1 解碼部份都真係好過隻喇叭呀, 咁係咪代表插落去就發揮到佢個解碼? 你插佢解完碼放大完插落個喇叭用喇叭個差D嘅AMP完全發揮唔到隻DAC1 嘅良好音質你知唔知? 加個個光纖輸出係嫌個效果未夠差係咪?
唔怪得, 唔怪得, 原來係另一個唔識嘅

---

作者: kennyleunghk    時間: 2023-7-8 23:42




    唔係部PC 個USB有問題
係佢部DAC 行USB 過歌有聲, 果個年頭好多DAC都係咁
雖然我唔覺得係個問題黎

---

作者: powershing    時間: 2023-7-8 23:46

本帖最後由 powershing 於 2023-7-8 23:49 編輯


就係問你RCA插落邊
大哥 隻S880DB無RCA OUT
成日叫人插喇叭

師兄根本唔認識部hd dac1 是一部點既機
https://forum.gamer.com.tw/C.php?bsn=60535&snA=15136
https://www.mobile01.com/topicdetail.php?f=180&t=4739961
用USB會爆音,點解唔行光纖呀大哥,
你從來都唔係解決問題呀
識唔識睇人地既問題再答呢
人地係想升級就唔會問光纖個問題

如果你係專家 真係得罪了

---

作者: Dcup    時間: 2023-7-9 00:14

本帖最後由 Dcup 於 2023-7-9 00:16 編輯

無得搞，換曬佢，睇見都頭痛


一部似樣既現代DAC解決既問題，跑翻去搞咁多野，又唔係咩神仙經典野....

仲煩過玩膽機又驚電腦都燒埋果班

個個幫唔到佢，因為佢個問題實在太多餘，無人想咁玩，自然無人想理解佢搞咩

就算俾佢搞得掂，都係兜左出公海翻翻黎叫到此一遊，個結果一定無好幾多，但錢一定洗得唔少

---

作者: kennyleunghk    時間: 2023-7-9 00:39




    你啱, 原來係rac in 黎, 咁恭樓主, GG了, 學DCUP兄講換晒佢把啦
點解唔行光纖? 因為光纖去解碼真係差到不得了囉
我唔係專家, 不過都知今時今日行光纖係笑話黎囉

---

作者: kennyleunghk    時間: 2023-7-9 00:41




    其實我都有叫佢賣晒佢換隻S3000 PRO架, 仲有錢袋返落袋tim
唔知點解佢地好執著一定要用返DAC1

---

作者: wowms12345    時間: 2023-7-9 00:46

本帖最後由 wowms12345 於 2023-7-9 00:49 編輯


唔認同，成件事一開始係第一頁8樓就已經俾到方向，俾幾廿蚊解決左，我亦都主張版主刪帖。

後面偏題偏到去換喇叭，點SETUP先岩，完全唔係我本意。(我都唔明我部DAC係為玩headphone為主，無啦啦叫我執執個喇叭同DAC做咩鬼，當然係我衰仔，個喇叭咁垃圾，提出黎俾人笑為咩)

---

作者: Dcup    時間: 2023-7-9 10:59




    你果20蚊無任何保證的，跟本你pat野都炒曬

---

作者: nelsonlee130    時間: 2023-7-9 14:14

如果連usb都咁唔乾淨
不如樓主講埋塊主板型號&火牛型號等大家唔好中伏？

---

作者: wowms12345    時間: 2023-7-9 15:07



SOR師兄，GET唔到你想講咩，
特別係 >如果連usb都咁唔乾淨 <
因為我無印象有提過有呢個問題

介唔介意講清楚少少，或者追返POST(睇返頭一頁就OK
後面偏題偏得好嚴重，其實我問題一早已經solve左