作者: stephenlau 時間: 2014-10-27 19:17 標題: 一個人在Akiba......(賽後報告補相同感想)
本帖最後由 stephenlau 於 2014-11-1 22:31 編輯
D maid cafe都進化了好似家電量販店咁有會說英文嘅maid招呼......
賽後報告:
話說要等凌晨羽田機回港, 可以成十點先出機場, 之前友人托辦的事情也完成了, 望望時間才不過六點還掂仲有時間磨, 啱啱企係呢間成日係露台嗌咪嘅maid cafe樓下 (去開嘅師兄應該知係邊度......都嗌咗好多年了
), 又有牌仔寫住有English Menu & free WiFi咪抱住獵奇嘅心態上去門一開基本已經對住maid cafe大門, 啲maid好留意有傻佬送上門咪大大聲嗌歡迎主人回來(小弟唔識日文, 純屬FF mode), 不過佢地都好醒見我無乜反應就即時轉做明珠台, 重點講明This is maid cafe怕你摸錯門口
店內呈正方形大約一千尺左右, 擺位類似香港茶記格局(除咗無卡位), 對住大門盡頭中央位置有個小stage, 人客不多只有兩三台, maid就keep住有3-4位(因為佢地要輪流落去企街拉客), 另加一位無着maid服嘅
坐低就有一位扣住寫住English金屬章嘅maid嚟招呼, 我表明係度係等出機場佢話仲有好多時間, 佢啲英文係日本人中算ok, 當然未足以全程英語對答但起碼有啲短句都講到, 例如介紹menu時會問Are you hungry? 基本有三個套餐: 1.蛋包飯 2. Piece of cake 3. Cocktail, 全部另包杯嘢飲, 當然價錢有高低
跟住入鄉隨俗比個兔耳我戴
, order咗個蛋包飯好快就送上, 好唔好食就......你懂的
[attach]1730374[/attach]
坐咗兩粒鐘見都係多咗三台客, 其中一台係外國人, 另一台係兩個女仔, 中間啲maid會輪流上stage表演唱歌(倒不如話播帶咪咀, 基本只係扭下跳下
), 不過見到佢地都好high即管買支螢光棒支持下, 最驚喜係嗰位經理級maid都上台表演, 仲同嗰兩位女仔勁interactive, 連廚工後生仔都走出嚟跳埋一份, 啲歌有隻係AKB, 唯一一隻我識嘅係田村嘅Fancy baby doll, 不過最奇嘅我問嗰位講英文嘅maid, 佢竟然唔識田村ゆかり係邊個......
不過佢都算主動,問我係邊度嚟, 又問我去過日本邊度, 我問佢嚟過香港未, 佢話未嚟過不過佢媽媽大約十年前嚟過仲話夜景好靚, 佢特別用上nightscape呢個字, 我估佢可能去到短大學歷返呢度只係part time (因為我見佢地求人都係週三日四時間)......, 我問佢點解咁少人客, 佢話因為星期一喎......
途中嗰位經理都有走埋嚟打招呼, 佢一聽到我來自香港就用普通話說「你姣」, 我只能苦笑回應......
, 佢問我想同邊位maid合照, 我話揾翻嗰位會英文嘅maid(嗰兩個女仔竟然揀咗同經理合照
), 經理好快召返佢上嚟同我映張即影即有
兩個鐘好快過, 我同maid講time to go佢就識得幫我埋單
[attach]1730376[/attach]
其實都唔平, 呢個價錢係當地出面可以食得好好, 亦都解釋到點解香港無一間開得成功, 當日本咁平租都收緊呢個價, 香港淨係租地方已經無得玩......
仲搏我幫襯多次?
利申: 玩過@home
作者: Toes 時間: 2014-10-27 20:53
D maid cafe都進化了好似家電量販店咁有會說英文嘅maid招呼......
stephenlau 發表於 2014-10-27 19:17
去左呢隻
http://m.gamer.com.tw/home/creationDetail.php?sn=2636555
[attach]1729934[/attach]
[attach]1729932[/attach]
作者: a886 時間: 2014-10-27 20:59
回覆 2# Toes
LINK 入面最尾張相,被萌到
作者: 冷酷雙子 時間: 2014-10-27 21:23
都係用日文親切D
作者: 0186 時間: 2014-10-28 17:28
上次係大阪王將(道頓堀店)....店員在旁用國語同另一店員吹水
即時
作者: ronald 時間: 2014-10-29 23:23
......D maid cafe都進化了好似家電量販店咁有會說英文嘅maid招呼......
坐咗兩粒鐘見都係多咗三台客, 其中一台係外國人, 另一台係兩個女仔, 中間啲maid會輪流上stage表演唱歌(倒不如話播帶咪咀, 基本只係扭下跳下 ), 不過見到佢地都好high即管買支螢光棒支持下, 最驚喜係嗰位經理級maid都上台表演, 仲同嗰兩位女仔勁interactive, 連廚工後生仔都走出嚟跳埋一份, 啲歌有隻係AKB, 唯一一隻我識嘅係田村嘅Fancy baby doll, 不過最奇嘅我問嗰位講英文嘅maid, 佢竟然唔識田村ゆかり係邊個......
stephenlau 發表於 2014-10-27 19:17
＿|￣|................................................................................................................○
作者: toylet 時間: 2014-10-30 20:05
提示: 作者被禁止或刪除 內容自動屏蔽
作者: stephenlau 時間: 2014-10-31 20:24
回覆 7# toylet
未至於難食但同好食沾唔上邊......
作者: rockyw 時間: 2014-11-1 12:44
回覆 toylet
未至於難食但同好食沾唔上邊......
stephenlau 發表於 2014-10-31 20:24
我岩岩星期二去, 去左食名代豬扒飯, 好上班族feel, 日本真係求其一間大碗飯都好好食
作者: toylet 時間: 2014-11-1 23:08
提示: 作者被禁止或刪除 內容自動屏蔽