標題: 養部Tesla 有乜洗費？ [打印本頁]

---

作者: 膠記牛奶    時間: 2024-9-2 00:01     標題: 養部Tesla 有乜洗費？

除泊車和充電費。

保險？
保養？
牌費？
重有無其它？

---

作者: hvs    時間: 2024-9-2 00:45

換電費

---

作者: n123    時間: 2024-9-2 08:18

抄牌、違例罰款

---

作者: C9_1    時間: 2024-9-2 16:25

2022年新車買,
到今日揸左2年多DD
暫時未比過錢差電
牌費1100左右
全保8千幾

---

作者: javacomhk    時間: 2024-9-2 16:47

本帖最後由 javacomhk 於 2024-9-2 08:51 編輯

排隊及充電嘅時間都係錢，除非你屋企有得充。
隧道費，洗車費
仲有車會利息支出，除非你 full paid。
港車北上充電轉插及橋費。

---

作者: wfcda    時間: 2024-9-2 18:36

其實係咪真係慳到錢

---

作者: blkbd5    時間: 2024-9-2 20:39

[youtube]GTSPmZ4EYtU[/youtube]

---

作者: shingzhk    時間: 2024-9-2 22:51

本帖最後由 shingzhk 於 2024-9-3 00:52 編輯

呢類新聞唔係重點, 重點我想知事後條數點計
車主全餐? 雖然話中石係車主責任, 但雞到感...

假如你係中國, 用Tesla著火,
煽風點火幾句, 加上一眾小粉紅援護, 本著愛國情懷我估Tesla會同你埋單(我估啦...)
香港呢?

---

作者: blkbd5    時間: 2024-9-3 02:35


依類消息，大六多的事，但一定話之你，如果BYD，立刻滅聲 + 要你下跪啦！
Tesla 就比較少同類事件，只知細撞都燒死個司機，今次，估都系司機食自己，全保賠囉！

---

作者: mo9394    時間: 2024-9-3 09:45

本帖最後由 mo9394 於 2024-9-3 09:50 編輯


三四年前買model 3 除非諗住自己渣到尾, 乜都唔理. 計賬面價就蝕到喊. 新車performance 版同當年新車普通版價錢相近.  三四年前model 3 的二手價勁低

幾年唔見左廿幾萬, 抵唔抵真係兩睇.  (當然有人話玩得新車就係咁, 咁就睇番, 當model 3 係一架代步車, 定係有紀念價錢, 特別的車喇)

---

作者: jacktsui    時間: 2024-9-3 09:57



走去Tesla總部噴下紅油, 呼籲罷買就應該會賠比你

---

作者: C9_1    時間: 2024-9-3 10:48




    除非你揸好多公里, 而差電又唔洗錢......

---

作者: peterking189    時間: 2024-9-3 11:56

現在買真係抵。RWD 2x 個.. 腳車一流. 我年頭買, 揸左10K.. 只係俾過千幾蚊充電. 冇得自已充先要買 tesla. 周圍都係 SC.. 打爆2舊幾。

---

作者: kanduki    時間: 2024-9-3 12:45




向兒登啲帖度睇
話事主搞過啲low低同啲狗肉改裝咁話

我揸屋企架高離地SUV
都試過向環保大道俾地下垃圾整穿咗條風油軚油壓喉

---

作者: mo9394    時間: 2024-9-3 12:51

本帖最後由 mo9394 於 2024-9-3 12:59 編輯

https://hk.finance.yahoo.com/new ... 8%90-214500929.html

一派意見認為，Tesla在全球大範圍「頂爛市」減價能提振銷量，尤其是讓更多車型得到美國政府的購置稅優惠，惟券商Bernstein擔心，電動車之間競爭愈來愈激烈，息口抽高又進一步削弱消費，市場很可能低估了Tesla所面對的挑戰。資本似乎亦是偏向審慎，Tesla股價周五早段又跌6.39%，低見115.66美元。

tesla 是否仲有跌價空間? 應該都仲有. 香港咁近大陸市場更不明朗.



油車抵就玩多幾年油車先

例如mazda CX-8 依家30 萬, 七人車計, 有駕駛感得夠, 空間都唔叫做最後座坐唔到人, 電車暫時七人車呢個位仲係貴.  玩多幾年油車仲可以.  
如果買電車幾年唔見廿萬,  夠出多部油車同入油錢.  (例如CX-5 22 萬)  油車, 幾年半新車, 點跌價都未至於 0 蚊.

假日車慳唔到幾多油錢, 就無必要睇電車呢D

普通細車仔, 就兩睇. 代步買部BYD 都可以, 呢一刻可能睇落唔特別平tesla 好多, 但價格戰呢D, 中國制(仲要歐美加關稅, 大批車賣唔到去)真係大把本錢玩

---

作者: jacktsui    時間: 2024-9-3 14:27



周圍都加稅, 好快國產車會傾銷去無加稅既國家(+HKG)
如果等得既話國產車肯定仲有得平

---

作者: hetzer    時間: 2024-9-4 07:51

正經答返樓主。Model 3揸咗八萬，一年牌保10xxx。有保養，整車未俾過錢。每四萬返廠做次檢查，三千幾一次。水撥風隔之類的消耗品原廠檢查包，未俾過錢。七萬幾换咗次胎，用返韓泰，6xxx。屋企差電，個半一度電，兩萬蚊左右。爆過兩次玻璃，claim全保跌咗4千loading。其他泊車牛肉乾路費無参考價值就唔提了。
當36萬車價得返一半，慳咗十萬蚊油錢，三年幾跌咗八萬蚊。不過我以前D車都係一手買揸到劏(上次部Lexus揸咗28萬)，真係腳車嚟，所以呢D嘢對我無乜意義。

via HKEPC Reader for Android

---

作者: jacktsui    時間: 2024-9-4 09:24



近年是否愈來愈難搵位叉電?

---

作者: mo9394    時間: 2024-9-4 09:39

本帖最後由 mo9394 於 2024-9-4 09:47 編輯


有呢個用量就抵, 三年八萬幾就慳到油錢. 不過車價應該唔係跌一半咁少

15 萬唔多似賣得出一架2020 年四萬幾公里的model 3, 八萬幾就要睇有無緣份喇, 基本上要放係要好長時間同幾難.  幾十部 28car 任揀

---

作者: mo9394    時間: 2024-9-4 09:45

本帖最後由 mo9394 於 2024-9-4 09:52 編輯


"屋企差電"  呢樣係大部份香港人做唔到


先要屋企有得差, 另外真係會日日渣車長途, 夾埋兩樣就可以諗lor.

其他情形, 特別係入油千零蚊一個月嗰D, 講真就揀乜都無大分別


tesla 俾錢唔會難叉

---

作者: hetzer    時間: 2024-9-4 10:16

其實我揸咗三十幾年五十萬k，除咗新牌果部錢七，我係未做過二手買賣，所以二手價果D嘢同我無乜關係。如果十皮買到部重有保養嘅M3，你又揸得多，三幾年油錢就慳到車價，無得輸wo，二手價唔可能係負數啩。

via HKEPC Reader for Android

---

作者: mo9394    時間: 2024-9-4 10:39

本帖最後由 mo9394 於 2024-9-4 10:45 編輯


其實你賣唔賣車, 同出面二手價市場無關.
你當自己架車 36 萬都一樣得. 例如你換左鈴,  成日打腊, 換左音響等等, 你覺得心機車, 話佢值 40 萬都得.

只係分析, "當36萬車價得返一半" 在 28car 睇落去唔係就唔係.

一世唔賣, 未計, 點扣Depreciation 都係"概念上""會計上"計法. 二手車, 香港 VS 英國, 都可以好大唔同. 香港好多車, 八萬樓下, 英國二手車, 殘好多, 仲賣緊十三四萬咁.  好睇不同市場供求同需要.



都係解釋番. 心理上, 36 萬車抵玩, 唔會負數掛. 你的用途, 叉電沒有麻煩, 又長途, 好啱.
不過, 同買減價油車的人睇法, 以前呢部油車要40 萬, 依家代理減到 30 萬, 新車價已經慳左 10 萬.   10 萬夠我幾年油錢喇之類. 再唔係, 二手市場, 兩三年廿幾萬的油車, 好多新車價都好高, 仲抵玩.

---

作者: billyyau    時間: 2024-9-4 14:51



正好相反，隨住以往免費充電開始收費後，愈來愈多私人公司於各區開設充電站，而且現在的充電站已不限於設置於停車場內。

反而揸汽油車嘅只會愈來愈難搵油站，登記出牌的汽油新車愈少，油站需求同時變得愈少，部分會結業，部分轉型做充電站，部分就修改營業時間不再提供廿四小時入油服務。
剛剛八月份Esso先有兩間油站結業，嚟緊應該陸續有嚟。當需求減少，競爭同時減少後，油公司提供的優惠亦會同樣減少，到時分分鐘正價入油不是夢。

---

作者: javacomhk    時間: 2024-9-4 18:25

依家買車真係要諗埋港車北上嘅需要，用電動車定或油車好，用7人車定5人車好。
你要考慮嘅係北上跑高速個里數係會少咗，而且去得遠要買充電轉換頭。

所以新個部C28 e-power 應該好啱香港賣，依家仲換埋8人座位。

---

作者: hetzer    時間: 2024-9-4 20:15

其實點計asset折舊，會計係有兩套方法。
機器，傢俬果D，折舊係會用買入價同Life span來計，唔會理二手價。我當部車8年life span(電同摩打保八年)，加上車身過咗保，3年幾當一半係好合理。
另一種係物業，舖位果種，Account要計當下價值，如果估值同租值有大變化，係要適時入賬。所以部車如果你打算揸一兩年賣，你就要用二手價去計折舊。
好同意各有所需。如果係第二類人，好在意二手價，唔介意買二手車有風險，無論油車電車都係應該買二手，車唔同樓，一手唔會保值D，只會輸多D。
如果揸返工但里數唔多，我會買部日本混能車。我係三十年Toyota鐵粉，多數係會買Pirus。
如果返工唔揸車又住近地鐵站，我唔會養車。
其實樓主無話要買新車，同埋依家新車廿幾萬一部，同級油車比(特别係歐州車)，折舊可以輸得幾多？

via HKEPC Reader for Android

---

作者: asian_xl    時間: 2024-9-4 20:58

43萬買，改裝改咗25萬，4年保險俾咗3萬5，壞VFRONT硬食9600
依家只值26萬

---

作者: kenken33    時間: 2024-9-5 02:30

換胎錢

---

作者: kenken33    時間: 2024-9-5 02:33

本帖最後由 kenken33 於 2024-9-5 02:34 編輯


賠就係賠不過係對家賠

2021年上海車展期間，張姓女車主身穿寫有「剎車失靈」的T恤跳上特斯拉（Tesla）車頂，不斷大喊「特斯拉剎車失靈」，並與保安對罵，引起場面一陣混亂，事後Tesla控告對方侵犯名譽權。據內媒報道，案件昨日（30日）於上海市青浦區人民法院一審宣判，張女士被判公開發表致歉聲明，並賠償Tesla各項損失合計172,275元（人民幣，下同）；另被質疑是事件策劃者的汽車博主封士明被判公開發表致歉聲明，並賠償Tesla各項損失25萬元。

綜合內媒報道，法院認為張女士未提供任何證據證明案涉車輛確實存在剎車失靈這一故障，其於庭審期間亦明確承認，實施涉案行為時主張的剎車失靈是其主觀判斷，Tesla一方從未承認該事實。審理過程中，張女士亦不申請對涉案車輛是否存在剎車失靈進行司法鑒定，因此根據「誰主張誰舉證原則」，理應由張女士承擔無法舉證的法律後果。

據公安機關認為，涉案交通事故成因，為案外人駕駛涉案車輛時，未與前車保持足以採取緊急制動措施的安全距離，故須負事故全責。因此，張女士在無任何客觀依據證明涉案車輛存在剎車失靈的情形下，貿然實施的案涉行為，構成誹謗行為。

法院又指，張女士刻意選擇上海車展特殊時間點維權，意圖吸引媒體關注，客觀上引起社會對Tesla產品品質的廣泛討論，不僅「擾亂公共秩序」，還導致Tesla社會評價明顯降低。張女士認為其行為不構成誹謗行為的抗辯意見，法院不予採納。

汽車博主被質疑是策劃者 同被判賠

另外，上海市青浦區人民法院同日審理汽車博主與Tesla的名譽權糾紛案，封士明被Tesla質疑為張女士事件的組織策劃者。對此，封士明否認，稱自己僅僅轉贈給了張女士一張媒體日通行證，並稱「給正常維權提供一些非必要協助，不等於組織策劃上車頂」。

封士明對Tesla提起訴訟，稱其在官方微博上公然污蔑他為車展事件的組織策劃者，令他遭受了大量網暴，相關的人身攻擊和謠言持續。至2022年初，Tesla提起反訴，向封士明索賠500萬，不過今年5月20日，封士明從律師處收到消息稱，Tesla撤回了對他的反訴。另外，2021年底，Tesla方面就封士明發表過的9條微博提起名譽權訴訟。

法院就封士明起訴Tesla名譽權糾紛一案，駁回其全部訴求；而Tesla起訴封士明名譽權糾紛一案，法院判決封士明公開發表致歉聲明並向Tesla賠償25萬元。

---

作者: jacktsui    時間: 2024-9-5 08:56

回覆 28# kenken33

咁幫TESLA, 少可

---

作者: marcochl    時間: 2024-9-5 09:24

回覆 29# jacktsui

大大間Giga Factory係上海邊有可能唔幫

---

作者: vagrantno13    時間: 2024-9-9 10:30

本帖最後由 vagrantno13 於 2024-9-9 10:33 編輯

回覆 23# billyyau

你講爛gap 或平行時空, 實際入油頂盡10 分鍾的事, 比電快充30 分鍾快3倍或以上, 未計算其他機會成本

---

作者: mycrack    時間: 2024-9-9 12:10

電車如果出去差其實唔慳得好多
而話一路無比錢差電既就無意見，即係要等錶位夠時間先返屋企咁
有好有唔好！~

電車最好就係唔使熄匙等人！

---

作者: billyyau    時間: 2024-9-9 17:25



你睇清楚人哋講咩先。

冇人講邊樣快啲，係講緊充電位愈來愈易搵，油站相反就愈來愈少。

---

作者: kanduki    時間: 2024-9-9 17:53     標題: 淘汰油站？問過啲26同捃食車未？




但始終都係唔易用果下慘呢...
而家快叉通常都要求司機唔準行開要叉完一堂即走
跟住就係輪到果位之後架車同支鎗能否成功連接仲有叉得足唔足火

---

作者: billyyau    時間: 2024-9-9 19:22



我明白人們對新事物會充滿懷疑。
但只要叉慣咗之後，你就大概知道自己電量要充幾耐，再因應自己嘅情況下選用快充定中充。
唔準行開呢啲只係都市傳聞，只要充滿時離開就可以，而且各快充apps都可以顯示充電狀態同車的電量，就算本身部車冇apps都可睇到。

---

作者: javacomhk    時間: 2024-9-9 19:41

每個月$18,300


圖片附件: 74C2FA90-A1C5-4C0A-8596-E6FDE10F3E58.jpg (2024-9-9 19:40, 133.82 KB) / 下載次數 77
https://h0.hkepc.com/forum/attachment.php?aid=2441761&k=4d2d45bb478f178f8ce892f520b4ecdf&t=1781420302&sid=A4dHgcybBu

---

作者: kanduki    時間: 2024-9-9 21:46




一聽你話叉到滿呢樣嘥自己同人哋時間嘅行為
我就覺得你根本無用過電池車又推人用嘅行為
簡直係對電池車搞低級紅高級黑

---

作者: billyyau    時間: 2024-9-10 05:28



車主如有需要充滿，自然就要充滿，雖然充電效率會降低，但每人有不同需要，甚至乎Tesla都建議部分車款每星期最少充滿電一次，總之車主只要於充滿時離開，使用上就沒有問題。
唔似得你乜都唔識咁講要坐喺車上等，要check住電力火數咁無稽的幻想。

---

作者: kanduki    時間: 2024-9-10 06:19     標題: 啲公家叉電場始終都係太多是非




要定期浪費時間叉滿電池做校正
係鋰鐵電池嘅缺點唻

至於啲快叉場要人留守
原因唔止為咗夠鐘趕走
更重要係萬一火燒連環船果陣都唔會無人知

---

作者: billyyau    時間: 2024-9-10 07:23

本帖最後由 billyyau 於 2024-9-10 07:33 編輯


無知真係最多幻想

首先快充站從未要求過人留守呢樣嘢。
第二就算真係車起火，留守喺度又可以做到啲咩？如果係驚隔離車起火嘅話，泊近充電器附近嘅汽油車咪都要人長期留守住？

---

作者: kanduki    時間: 2024-9-10 07:43




年頭九龍灣果單如果司機夜麻麻唔在場你覺得會燒成點？

大陸同韓國因為燒過幾鑊勁嘅
俾電池車嘅叉電位甚至泊車位都陸續要特別處置

---

作者: billyyau    時間: 2024-9-10 09:25



停車場有負責人，你駛驚冇人報警？
車主就算在場，都只能見證住佢燒，仲要保障自身安全而遠離部車添，車主在場根本乜都做唔到。

更何況，香港咁耐以嚟有幾多單充電起火燃燒事件？
雪櫃起火都有發生過，駛唔駛廿四小時留守屋企睇住部雪櫃驚火燒連環船？

---

作者: kanduki    時間: 2024-9-10 12:29




好彩你係講停車場
如果純粹係叉電位
靠啲叉電費應該養唔起有人睇場

---

作者: 野野夜孩子    時間: 2024-9-10 13:27

二手好低買，十幾就有部3

---

作者: Miipp    時間: 2024-9-10 13:58



舊三明顯差過新三

---

作者: 野野夜孩子    時間: 2024-9-10 15:04


都係既，睇餸食飯啦，2020幾年車跌50%車價好癲

---

作者: rhk101    時間: 2024-9-10 15:34


二手電車買唔過, 夠期換電, 除時貴過部車價。

via HKEPC Reader for Android

---

作者: Miipp    時間: 2024-9-10 16:02



屋企有叉位？公司免費叉？經常長途高里數？

適合的先最好，十幾個有好多選擇

---

作者: vagrantno13    時間: 2024-9-11 08:59

本帖最後由 vagrantno13 於 2024-9-11 09:08 編輯

回覆 43# kanduki

這會員硬性認為電動車取代汽油車是必然趨勢(氫能車/混能車的續航力比電動車優勝), 更指出2035年歐美/中國由於減排環保政策只有電動車取代汽油車, 完全無視電動車的任何缺點, 如香港的面積/車程公里, 3百至5百中相信足夠, 但如馬來西亞/台灣, 汽油的價價/穿州過省的距離電動車完敗於汽油車, 連基本的機會成本比較無視(充電時間(如家中無充電即要費時找地方等候充電)/充電樁數量/位置), 不用理會他的意見.

---

作者: mo9394    時間: 2024-9-11 09:47

本帖最後由 mo9394 於 2024-9-11 09:57 編輯

https://hk.on.cc/hk/bkn/cnt/fina ... 0729_00842_001.html
報告：全球近3成電動車車主想換回燃油車

https://unwire.hk/2024/01/13/her ... sed/life-tech/auto/
租車公司 Hertz 削減電動車止蝕　將重新購入燃油車
(2024)

https://auto.ltn.com.tw/news/22676/3
為何美國人不想買電動車？主因獲 6 成受訪者認同
(2023)


基本上就係, 要買的好多都買左, 屋企有叉電配合到, 或者路程上不用太擔心叉電問題.

用過的, 有部份都會諗番汽油車
未用的, 如果無特別稅務優惠, 其實得好少人會好想下一部係電動車. 除非政策好硬, 一定要幾年後劏晒汽油車之類.
商用車/租車公司, 考慮到買入同賣出價, 電動車根本計唔到數.


香港, 仲要, 好多人唔係一定要用車, 汽油錢平左的誘因, 部份人已經揀左, 其他人稍為假日車, 根本不在意每個月一兩千油錢.  香港大部份住宅有三四十年樓齡, 加裝充電比較多限制, 不太可能每一個車位都有充電, 俾錢都做唔到. 未來新盤有幾多..... 仲講未來.... 樓市寒冬黎緊


長遠, 電動車佔到市面三分一的車輛已經叫好勁了. 好多國家的政策都縮緊.



排廢低的車, 不等同"電動車"


所以, 面對
1. 充電有無方法解決
2. 自己生活出入路途長短, 慳唔慳到
3. 停車場泊車時間, 同家人相處時間的重要性定充電緊要 (有小朋友就唔同, 兩個人無小朋友又唔同咁)
4. 車價跌得幾勁
5. 未來無稅務優惠

自己睇自己用量
最簡單, 你用得超多的, 有一邊好易叉到電, 計到數.
普通假日, 或者短途出入油錢有限, 假日泊車未必下下入到停車場之類, 就為自己帶來麻煩. 差一千幾百油錢, 慳到時間反而有so

---

作者: billyyau    時間: 2024-9-11 10:13

其實啲人真心無聊
樓主開post問關於Tesla嘅問題，個個就喺度廢噏其他嘢。
咁鍾意汽油車，咪開個post圍爐吹捧汽油車囉。

---

作者: mo9394    時間: 2024-9-11 10:25



你自己拉開話題先



人地入油麻唔麻煩, 關tesla 乜事

圖片附件: 擷取1.JPG (2024-9-11 10:25, 52.39 KB) / 下載次數 85
https://h0.hkepc.com/forum/attachment.php?aid=2442115&k=f7c0d911f11509340ed825bd34bbdebe&t=1781420302&sid=A4dHgcybBu

---

作者: billyyau    時間: 2024-9-11 10:34



人哋問充電方唔方便，咪答愈來愈方便囉。
點知啲人就衝出嚟又話充電要幾長時間，又話要留守，又話會起火等等。

---

作者: mo9394    時間: 2024-9-11 10:35

本帖最後由 mo9394 於 2024-9-11 10:37 編輯


答電車方便左, 咪方便左LOR

但係講油車未來有幾麻煩, 篇幅仲長過個答案, 咪又係"廢噏其他嘢"

你有自由講其他野, 人地有自由講其他野.
你無廢噏過, 可以批評人廢噏
但自己廢噏緊, 就唔好話人廢噏喇

---

作者: billyyau    時間: 2024-9-11 11:11

本帖最後由 billyyau 於 2024-9-11 11:13 編輯


方便係講相對
⼀邊愈來愈多，另一邊相對愈來愈少，呢點很重要。


人哋講到明問電動車問題，就唔好又話外國電動車唔方便等等，人哋又唔係外國用。

---

作者: mo9394    時間: 2024-9-11 11:13

本帖最後由 mo9394 於 2024-9-11 11:18 編輯


人地無問兩邊喎


我無阻止你講其他野, 你有自由發表對油車, 入油等等意見.  你的reply 出左幾日, 我有睇到, 都完全無理你.  同你討論你的講法有幾搞笑都唔止一次, 唔會浪費我自己時間了.
不過你有講其他野就唔好評價人地講其他關於油車的野

我係見你話"樓主開post問關於Tesla嘅問題，個個就喺度廢噏其他嘢。" 先講呢句說話, 你留意番自己做緊乜先好話人喇.

---

作者: jazz2014    時間: 2024-9-11 12:16

屋企電費多左
其他冇咩



第一代model 3 英板 狗衝

換個一次細電 免費

via HKEPC IR 5.1.14 - iOS(5.1.1F)

---

作者: kanduki    時間: 2024-9-11 12:39

本帖最後由 kanduki 於 2024-9-11 12:41 編輯

回覆 49# vagrantno13

而家嘅電池科技
講求環保的話續航力其實最多應該得200公里左右
為咗續航力夠啲粗咪同嫌叉電未夠方便嘅人覺得抵揸嘅電池份量
就搞到電池車嘅噸位完全同環保脫節

---

作者: billyyau    時間: 2024-9-11 12:39



算啦，以你嘅邏輯唔會明。
充電站愈來愈多，油站改充電站等令到油站愈來愈少，咪顯得充電相對愈來愈方便囉，兩者點會冇關係？
正等如電動車愈來愈平，咪顯得油車愈來愈貴囉，明唔明白？

---

作者: mo9394    時間: 2024-9-11 12:42

本帖最後由 mo9394 於 2024-9-11 12:52 編輯


你的想法, 正常人唔明係正常


入油要等好耐, 格油價優惠要格好耐, 油站好難搵, 商用車都未轉電車, 佢地唔駛用油站

你活在自己幻想中喇. 廿年後先再講.


車係用幾年, 幾年內啱用緊要過睇廿年後點.  你啱用, 你揀左電車咪係, 油站嗰D 你理咁多做乜.

---

作者: kanduki    時間: 2024-9-11 12:45




叉電站有點多到法先
仲有啲油站改叉電站果啲 啲收費又接唔接受到先
眼見唔少啲叉電鎗 因為維唔到皮到最後壞咗又無整返

---

作者: mo9394    時間: 2024-9-11 12:47

本帖最後由 mo9394 於 2024-9-11 12:50 編輯


政府D 體育館, 一收錢, 就無人叉, 話佢收費不合理等等. 所謂的"多左", 係呀, 包括本身係唔駛計叉電錢只計泊位, 依家就多左好多傻仔位, 俾完泊車再俾叉電錢, 仲要叉得慢, 自己月租車位度又叉唔到, 額外駛左錢.

杏花村esso 改做充電站, 真係on 居居, 渣架車去叉半個鐘, 企埋一邊睇颱風/嗰度睇海咩

---

作者: kanduki    時間: 2024-9-11 12:53

本帖最後由 kanduki 於 2024-9-11 12:54 編輯



先排向第度睇到帖文話啲時租叉電鎗
收中叉錢但得慢叉火數咁話
裝鎗有幾難啫 但有冇放返條足火嘅電線俾堆鎗就另一回事

杏花邨間esso係我唯一幫襯過洗車嘅油站 唔繼續做真係太可惜

---

作者: mo9394    時間: 2024-9-11 12:53

本帖最後由 mo9394 於 2024-9-11 12:54 編輯


政府話, 加裝左幾百, 幾千支搶, 好夠架喇

原來要泊一晚都未入充得滿.  我去泊公屋場泊一晚做乜.

---

作者: billyyau    時間: 2024-9-11 12:56




你都識講，要考慮埋未來幾年吖嘛。
我就係講緊幾年後，油站會愈來愈多定愈來愈少？油價會愈來愈高定愈來愈平？充電時間會愈來愈快定愈來愈慢？充電站會愈來愈多定愈來愈少。
只要理性分析就知，從現實中俾錢嘅消費者的選擇就明白，唔係就咁post幾條link出嚟就可改變現實。

---

作者: mo9394    時間: 2024-9-11 13:00



我七日前已經決定左唔想同你講, 收線.

---

作者: kanduki    時間: 2024-9-11 13:00

回覆 65# billyyau


我而家睇到嘅就係
買電池車揸
隨時俾車廠同埋叉電供應商割韮菜
咁嘅答覆你滿意嗎？

---

作者: billyyau    時間: 2024-9-11 13:13



所有新落成嘅屋苑，停車場都可以充電。
你咪自己計未來十年多幾多囉。
再計埋公眾充電器，唔明白點解有人覺得增長率會低？

---

作者: billyyau    時間: 2024-9-11 13:17



隨時？即係靠估啦。
另外俾油魔割緊就ok？
所以呢刻應該選油車俾油魔割，咁樣會開心啲？

---

作者: billyyau    時間: 2024-9-11 13:20




都啱嘅
答唔到就唔好答喇，快啲post多幾條link出嚟唱衰電動車，俾啲信心自己，可能下個月新油車銷量會反超前。

---

作者: mo9394    時間: 2024-9-11 14:08

本帖最後由 mo9394 於 2024-9-11 14:26 編輯


https://udn.com/news/story/6811/7779578

去年在主要市場，油電混合車的銷售量增幅比電動車還要強勁，這是電動車成長減速的跡象之一。

日經新聞引述MarkLines的報告報導，在包含中國大陸、日本和美國的14個國家中，油電混合車的銷量去年成長30%至421萬輛；相較下，電動車和插電式車款銷量成長28%至1,196萬輛。


數字上就未必實際多, 但增幅上超過都已經出現左. 電動車唔會係唯一選擇, 有得揀, 仲有好多人揀緊非電動車.  現時仲要講緊政府補貼/免稅等等幫電動車, 都唔係一面倒win 晒.



廿年後, 配套足夠的話, 我都有機會轉電車. 呢一刻唔係, 在香港未來五年我未見到我方便叉電, 油站仲有商用車支持下唔會減到唔方便, 我唔需要轉, 就唔會轉, 就係咁簡單.
我搬離開香港, 屋企可以叉電, 泊車成本不高下, 兩架車, 一架電, 一架油/油電, 機會都幾大.  我明白電動車有好處, 但"慳油錢"對好多香港養車人, 唔係重點. 慳錢不如去搭公共交通工具.  
我地鐵站隔離住, 唔會有新樓起在附近, 我唔會為住有叉電的樓宇而搬離開地鐵站隔離, 人地新樓起到叉電, 真係唔關我事. 我又唔可以/就算可以唔會去隔離屋苑泊. 更何況, 步行十分鐘內都無位起新樓.

"商用車"好多未能用電車取代前, 油站我睇唔到會少到我唔方便. 我現時去入油, 見入緊油時, 有一半以上係商用車.  十年後可能開始多電動商用車, 油站真係開始少客先再講喇.
最簡單, 依家中國電動車賣唔出外國, 政府推香港人買國產電動車支持祖國, 亦無不可. 政策壓落黎, 有著數咪買lor

---

作者: billyyau    時間: 2024-9-11 14:24



外國還外國，香港還香港。
油價車價差距，令兩地選擇因素大大改變。

如果你認真答樓主條數，喺香港揸tesla十年嘅皮費，跟同級汽油車揸十年嘅皮費作比較嘅話，就知點解現今大部分新車都係電動車。

---

作者: mo9394    時間: 2024-9-11 14:29

本帖最後由 mo9394 於 2024-9-11 14:37 編輯


少左兩間油站就講到幾年內會少幾十個油站, 你有幾時認真過

單計錢分別不大, 但帶來唔到方便性就係無用.

好多香港人買車, 不是日常必要番工代步, 好多主要係買方便, 買慳到時間.   叉電問題不能帶來方便, 就不是每個星期慳一二百蚊個問題去比較.


講車輛數字比例, 你去講"新車", 不過講下實際比例? 點解電動車必定咁好, D 人唔賣左架舊油車換新電動車,  油車的實際比例仲係咁高?  依家電動車仲係得 10% 多少少?

---

作者: mo9394    時間: 2024-9-11 14:45

本帖最後由 mo9394 於 2024-9-11 14:53 編輯

現時買model 3 performance 抵買, 感覺上, 心理上買到靚車, 比起幾年前平左好多好多.

最緊要, 用得夠多. 車價就keep 住跌, 幾年後就係"感覺值錢", 而二手價麻麻咁, 唔用放在度都係成本.


叉電嗰D 就, 俾錢叉 lor, 唔好理平平貴貴. 車要用先抵.

model 3 價跌? 唔緊要, 我架performance
tesla 有新model 仲要平D ?  唔緊要, 我架performance
國產車補助仲多, 仲抵? 唔緊要, 我架performance

一上公路, 一腳過人幾個車位, 個滿足感就番黎喇.  三十幾四十萬買到滿足, 唔好買D 唔拖唔水的 (外國唔少地方, 無咁多政府減免, 政策傾斜, 講緊普通版都四十萬以上).

---

作者: jk1399    時間: 2024-9-11 14:56




    認真, 強帖留名

---

作者: billyyau    時間: 2024-9-11 15:43



唔計新車？你是來負責搞笑的嗎？
新車中的油車電車比例，已反映一切，即係代表咗啲人本身揸開油車就算換車，都係傾向買電動車。
唔好成日講假日車就唔介意買油車去入油，呢啲只不過係你一廂情願嘅想法，跟現實係嚴重脫節。

---

作者: billyyau    時間: 2024-9-11 15:48




汽油車，尤其係歐洲車，有幾多架係二手價企得硬？
咪又係幾年蝕一半，我唔明點解剩係話二手電動車唔值錢。
嗰啲就唔係成本嚟？

你究竟有冇計過條數㗎

---

作者: dominicyu    時間: 2024-9-11 16:24

電車百利而無一害如果我有錢都會用電車
第一唔好理2手價 買車就如倒左出去既水一樣 想保值麻煩買過第二樣
第二電車係天災殺手 見最近海南雞充電位爛晒 日本有條公路塞左4日 電車全收皮等等 但香港勝在基建好就算山竹打到林晒樹都冇乜邊度停過電所以香港用電車係好正確
第三Tesla都出左十幾年電車 好有經驗電車已經 經得起考驗
第四香港及中國產油不足 在地緣政治角度 跟國家用電車會比油車合理得多

---

作者: kanduki    時間: 2024-9-11 17:18




呢樣真
香港地環境貌似向電池車傾斜
實際上都係得Tesla係揸得過
單係原廠真係有叉電配套已經唔使睇第啲吹水代理嘅貨色

---

作者: kanduki    時間: 2024-9-11 17:24




咁我將‘隨時’改為‘方便’咁得唔得先？
我覺得啲油魔將叉電站叉電收費
亦都係按其風險同消防措施而訂成咁
最終能夠商業化嘅叉電收費亦要達到咁嘅水平

---

作者: mo9394    時間: 2024-9-11 17:31

本帖最後由 mo9394 於 2024-9-11 17:35 編輯


假日車好介意油錢, 係一件好on 居的事. 跟現實係嚴重脫節.

情感上計, 入油要錢當然唔會話無所謂.
但假日車用幾多油, 計下數.
你有朋友咁諗, 叫佢認真用下腦計數

無病呻吟, 格油價, 格盡每個月慳幾十蚊嗰D 朋友, 慳番啖氣同佢講野算喇

---

作者: mo9394    時間: 2024-9-11 17:34



總之市面上仲有九成係油車, 你吹到D 油站會俾人cut 到好唔方便, 過左十幾廿年先算喇.

10% 的車, 就話好快取替大部份油站, 你來負責搞笑的嗎


廿年換左三四次車喇

---

作者: mo9394    時間: 2024-9-11 17:37

本帖最後由 mo9394 於 2024-9-11 17:43 編輯

香港的大細, 要主流用電車係無問題. 問題係政府的"無為而治"


到時充電搞唔掂, 好似睇住D 鋪執, 口講, 執十間開十六間lor


不過 tesla 真係有買好買喇, 遲D 可能淨係收外國牌子車稅, 國產車就低稅.  支持國家, 人人有責

---

作者: mo9394    時間: 2024-9-11 17:46

本帖最後由 mo9394 於 2024-9-11 18:07 編輯


我咪話呢一刻M3P 抵買, 但如果早幾年買M3P 就蝕到喊 LOR, 我無話呢一刻買M3P 有乜問題, 我講到明"三十幾四十萬買到滿足, 唔好買D 唔拖唔水的", 真心推介, 抵

三十幾買緊早幾年五十的野, 仲要勁好多

同一model name, 新version 勁過舊version, 官方新車面價已經跌左十幾萬, 二手價舊version 跌得係唔係好勁?  咁都唔講得?  

早幾年三十幾買model 3 普通版, 買唔到較頂級較靚的野, 現時二手價跌得雖然無當年M3P 跌咁多, 但講緊大家都拎三十幾出黎, 就好似買電視, 你早幾年一萬用緊 27" 電視, 人地新買一萬用緊50" 電視咁.  

如果你反正都用電車, 無麻煩, 咪幾時買都得. 但諗住長渣, 諗住近幾年有D 叉電麻煩都接受, 想一車到尾,  似乎就要控制下期望, 同見人新version 勁左, 平左, 唔好眼紅咁lor.   是否要迫自己接受, 自己屋企附近未夠配套?  而車價跌得咁快, 未開始享受就跌左成部車價.

油車可以話, 幾十年乜都成熟, 無乜突然進步空間, engine 唔會突然勁一倍, 賣番一樣價咁.   高效能engine 唔會突然間減價一半賣, 有另一副勁一倍的 V8 engine 出黎咁


我會話, 如果預計到 M3P 依家賣 39 萬, 早幾年 36 萬買model 3 普通版的, 都其實幾蝕.  早幾年萬買 m3p 都蝕, 買車前要控制呢個心理okay.

---

作者: billyyau    時間: 2024-9-11 18:10




第一，充電服務唔係獨市，呢樣嘢已經構成你所講嘅情況冇可能發生，點解油公司可不停加價，因為佢哋係獨市，充電服務正好相反，任何人有本錢都可隨時加入。市場決定價格，政府停車場收費過高單嘢已係一個好例子，最終都係要減價。
第二，電動車充電費始終會跟家居用電同商用電掛鉤，剩係屋企自家充電嘅用戶已經割唔到啦。

---

作者: billyyau    時間: 2024-9-11 18:16




咁現實係唔係咁？
講過好多次，市場實際反應已說明一切，難道你想講咁啱呢一兩年嚟冇假日車主買車所以油車銷量咁差？

不過有一點你講得啱，就係假日車主唔想煩，買油車長期唔揸又傷車驚佢壞，明明少揸又要換五油一水嗰啲嘢，電動車長期唔揸都只會對電池有少量影響，反正間間廠嘅電池都保養八年或以上，更加令車主無後顧之憂。

---

作者: billyyau    時間: 2024-9-11 18:23



油站會愈來愈少，呢個係事實。
唔信嘅話五年後返嚟再講。

本身我平時經開大埔道嘅Shell係廿四小時營業，而家已改為限時服務，esso上個月就執兩間油站，情況發展落去會變成點，大家心中有數，如果要死拗對入油方便程度冇影響嘅話，請隨便。

---

作者: billyyau    時間: 2024-9-11 18:31




唔買高科技就係因為未來會有更高科技，所以情願用更高價錢去揀冇進步空間嘅低科技。
閣下嘅思維真令人佩服。

---

作者: mo9394    時間: 2024-9-11 18:38




車要買科技，買實用，每個用家不同睇法

新推五十幾，幾年後加强版，賣三十幾係現實

你夾硬話tesla 跌價唔多，okay, 交俾樓主自己分析

---

作者: mo9394    時間: 2024-9-11 18:41



你對其他人講香港入油好麻煩，好快入唔到油，你朋友無笑你真係俾面，好好珍惜

---

作者: billyyau    時間: 2024-9-11 19:30




冇人講過麻煩。
講嘅係愈來愈多限制同愈來愈貴，如果而家已經極力忍緊油魔，未來需要忍得更多。
不過無論點，我知道你都會咁愛佢哋，油魔有啲咁嘅fans真幸福。

---

作者: billyyau    時間: 2024-9-11 19:35


   


用幾年前嘅Tesla跟現今嘅Tesla比較冇意思，幾年前唔會買到今日嘅Tesla。
不如話幾年前Tesla對手係寶馬3系，今日Tesla嘅對手係賣得更貴嘅同一代3系，咁比較就有意思得多。

---

作者: mo9394    時間: 2024-9-11 21:14

本帖最後由 mo9394 於 2024-9-11 21:16 編輯

Tesla成最不保值的電動車　折舊率遠高於傳統車　年薪百萬高管︰「還款速度追不上貶值」

https://wealth.hket.com/article/ ... 6%E5%80%BC%E3%80%8D

電動車，尤其是Tesla，貶值速度更快。iSeeCars在2023年的調查數據顯示，所有汽車的5年内平均折舊率為39%，而電動車則高達49%。

Tesla是保值能力最差的電動車輛品牌之一，Sora的Model 3的5年内折舊率達43%，Tesla Model X為50%，Tesla Model S則高達55.5%。


iSeeCars的分析專員Karl Brauer表示，電動車的折舊率一直高於同類汽油車，這是因為電動車廠商之間的價格戰，導致新車型價格甚至低於舊型，電動車本身的出口激勵政策，以及電池損耗帶來的巨大更換成本。

當然，並非所有汽車都貶值嚴重。調查顯示，皮卡車以及混合動力車是最保值的兩類汽車，5年内的平均折舊率分別為35%以及37%。

---

作者: kanduki    時間: 2024-9-11 21:30




政府車場更新後嘅叉電費
如果支鎗足火的話其實並無減價
但若果因為支鎗跌watt而白白泊多幾個鐘先走得就會大失預算

一直用油定電
最大障礙都係自己車位有冇私家電源
捃電力公司或承包商提供嘅
佢哋都要賺錢之下計落其實都係無數維

---

作者: jazz2014    時間: 2024-9-12 08:17

其實 電車 油車
點解成日要串黎串去 十幾板鬧。

利申 買完電車 再買返油車 。完

via HKEPC IR 5.1.14 - iOS(5.1.1F)

---

作者: billyyau    時間: 2024-9-12 09:07



又post link
麻煩用返香港市場嚟講，上28 car睇吓啲三,四年二手汽油車跌價幾多先再講。

---

作者: billyyau    時間: 2024-9-12 09:09



政府停車場分兩間公司營運，其中一間收費模式已改為逐度電計收費。

---

作者: mo9394    時間: 2024-9-12 09:34

提示: 該帖被管理員或版主屏蔽

---

作者: rhk101    時間: 2024-9-12 10:11


揸咗 20年油車, 而家部 Camry 已經 13年, 曾經有一刻衝動想換  Tesla, 好彩無換到, 否則車價跌倒呀媽都唔認得, 又要頭痛去搵差電。  

就算換,只會考慮 hybrid 之類, BYD dmi 6.0 , 一江油跑 2000km, efficiency 46%, 平過電車, 使鬼咁 Q 麻煩買電車。

每日見到電車自燃和爆炸, 未話唔驚。


via HKEPC Reader for Android

---

作者: vagrantno13    時間: 2024-9-12 11:26

本帖最後由 vagrantno13 於 2024-9-12 11:46 編輯

回覆 97# billyyau

我真心問政府充電站那間營運商遂度電收費, 真的是2間營運及遂度計算 不知那個指shell 快充收費不合理