標題: [一般問題] 請問袋口位問題 [打印本頁]

---

作者: falcom4a33    時間: 2023-1-27 04:55     標題: 請問袋口位問題

新手問題,請問已經綠燈，入左袋口位等，準備轉右，對面線已經紅燈，但右邊行人過馬路線是綠燈，行人行緊，如果是沒行人行緊，但行人過馬路燈是綠燈，車可以繼續轉右嗎？謝謝

---

作者: mo9394    時間: 2023-1-27 09:23

本帖最後由 mo9394 於 2023-1-27 09:34 編輯

一般設計有足夠時間(預兩架車都得)俾你過行人燈唔會係轉綠燈

理論上唔駛理行人燈號 (唔係指唔理行人), 當然你手車慢到咁, 停低等綠公仔燈完埋會好D, 反正唔會有車跟你尾.  有乜意外, 綠公仔開車走唔甩, 可能好遠有行人衝緊過黎過馬路, 你無乜可能睇穿晒 . 停車手制N 波等


世界上唔少地方都有紅燈俾左轉/右轉時, 行人燈會係綠, 而車要讓人.

---

作者: blkbd5    時間: 2023-1-27 09:48

可以參考下面渾書處指引
https://www.td.gov.hk/tc/road_sa ... /index.html?print=1

---

作者: mo9394    時間: 2023-1-27 09:57

本帖最後由 mo9394 於 2023-1-27 10:08 編輯

理論上, 你衝紅燈的定義, 只係指上一個路口的白色實線, 你過左白線之後先轉燈, 你唔駛理會燈號 (但唔代表你有優先權).

十字路口就比較少袋口位 (靜的路直頭唔會劃線).
而相對多人行的路, 過路處會移入少少, 有一兩架車位俾你拉番直, 咁呢D 有少少直路就要睇燈唔好過實線 (咁我相信你問得唔係呢D)

而衝行人綠燈, 大部份路口, 過路處前無車位俾你停, 咁行人路口無白線無燈號 (就算有車睇的交通燈, 十字路口計, 都係指直線行車的第一部車睇, 而非俾轉彎車用多), 你越過唔會有明顯的"衝燈"罰則. 你撞到人只係會被告不小心駕駛, 危險駕駛之類. 未撞到人, 但執法人員見到你有一定危險性都一樣告得.


有少少睇唔穿, 有少少不確定, 應該停車唔郁.

---

作者: falcom4a33    時間: 2023-1-27 11:39

感謝ching們,運書署指引有睇過，但沒說明安全情況下，行人綠燈可唔可以行車，費時比人抄牌，扣分

---

作者: mo9394    時間: 2023-1-27 13:04



行人過路燈俾行人睇.
司機唔駛理會行人過路燈, 角度問題, 唔預你睇到

---

作者: blkbd5    時間: 2023-1-27 16:37

本帖最後由 blkbd5 於 2023-1-27 16:40 編輯

轉右（於設有右轉袋口位的交通燈控制路口）

在設有右轉袋口位的交通燈控制路口轉右時，應讓路給迎面而來的車輛。當綠色交通燈號亮着，你可從右轉線駛前，並於右轉袋口位等候，直到你與迎面而來的車輛之間有安全空間，才轉右。在右轉袋口位等候時，你無需理會交通燈號，但應自己衡量是否有足夠安全空間讓你通過，如情況安全，便可轉彎。
<轉自運輸處>

---

作者: mo9394    時間: 2023-1-27 17:06

本帖最後由 mo9394 於 2023-1-27 17:14 編輯

唔講袋口位, 其實任何路口(特別係好長, 轉彎, 甚至有黃格的路口), 行人過路燈的前面無一條實線+一支燈, 在安全情形下通過, 係不會做成"衝燈", 但如果有危險可以告你危險駕駛.

例如灣仔大有對出, 灣仔道轉入菲林明/莊士敦道, 行人過路的燈位無劃俾車用的實線(亦無車睇的燈).  你過到敏華個燈位之後, 你就不是衝燈. 但係可能有車會頂住你, 在黃格停會抄, 夾硬過撞到人會之類都會捉危駕之類.

---

作者: Dcup    時間: 2023-1-27 20:29




    撞左再講黎句，我想睇個管點插你

你可以唔睇，但你會知綠燈行人權大過車就ok了

---

作者: mo9394    時間: 2023-1-27 22:12



講左三四次風險自負, 你係唔識字定係乜呢

---

作者: Dcup    時間: 2023-1-28 23:51




    行人綠燈佢就大曬，你講黎句無意思的

人地響住警號都要收，你渣部咩車話行得？

---

作者: mo9394    時間: 2023-1-29 00:04

本帖最後由 mo9394 於 2023-1-29 00:35 編輯


我話有優先權嗎?  真係唔識字架喎


行人燈唔係俾車睇, 如果真係撞左, 你話你見到行人燈紅左, 所以無讓佢, 你話你啱嗎? 我又想聽下個官點鬧你

如果真係撞左, 我唔會去解釋, 亦相信個官"唔會問", "點解見到行人綠燈都照行". 因為無一條例話要停車. 個官會問, 即係俾個機會司機用黎話, 路面燈位設計有問題, 所以車內"睇唔到行人燈的燈號", 咁反而可以打得甩?  角度唔啱, 加晒燈罩側邊唔易睇到 (私家車車身低可能睇到, 貨車高身就難睇到)



邊條法例指明駕駛者要睇行人過路燈.  幾時都係, 見到有人就要留意同有需要就停. 就算行人紅燈, 佢行緊, 都一樣惡過渣車嗰嗰.

行人綠燈, 睇到, 你作為一個參考決定行唔行係一回事.
但法例無規定你唔可以在行人綠燈時 (假如無行人用緊時), 你部車在行人過路位移動係有犯法/定額罰款.
衝燈只係指衝過"停車線"

你見到有人企圖過馬路, 任何位置, 都應該控制到唔好有意外. 過路處明顯係要特別留意的一類, 不論有無燈的過路處, 有燈的話行人燈係乜燈, 車行燈無論係乜燈, 都要加倍小心.


https://www.td.gov.hk/filemanage ... s_code_2020_chi.pdf
自己去睇 P 106 - 109


圖片附件: 螢幕擷取畫面 2023-01-29 001658.png (2023-1-29 00:17, 89.34 KB) / 下載次數 159
https://h0.hkepc.com/forum/attachment.php?aid=2357662&k=eeb9fb4a7911276936df841d4f7bf4b2&t=1781433144&sid=18kKKnZ6sSa

---

作者: ckkong97    時間: 2023-1-29 11:18


我想問你呢個袋口位係邊

via HKEPC Reader for Android

---

作者: ckmakit    時間: 2023-1-29 11:29




唔好話紅綠燈 就算highway 有人行緊都係人大過車

---

作者: mo9394    時間: 2023-1-29 15:58

本帖最後由 mo9394 於 2023-1-29 18:47 編輯

捉衝紅燈係 18 條 "沒有遵從交通燈的指示"
https://www.elegislation.gov.hk/ ... D_1438403127283_002

交通燈的指示係16 條

請指出16 條內有提及行人過路燈的地方


而行人燈就睇番 33 條
行人過路處
33.交通燈控制的過路處
交通燈可用以向行人顯示可以或不可以橫過一條車路的時間。

無提及向駕駛者表示任何訊息, 沒有代表任何改變優先權的指示

"除非獲得穿著制服的警務人員或穿著制服的交通督導員指示，否則在交通燈控制的過路處的行人均須遵從第(4)(a)及(c)款所指的指示。"  只係行人紅燈可以罰行人, 無代表行人紅燈時車可以有優先權

法例上:
人唔好去睇車燈決定過唔過馬路
車唔好睇人燈去決定駛唔駛過過路處 .



沒有章節講解行人綠燈, 駕駛人士要遵守或者不能違反的法例, 因為
https://www.td.gov.hk/tc/road_sa ... rossing_/index.html
在「綠色人像」過路處的交通燈號，指示作用與路口前的交通燈相同。
(意思即係跟番"停車線", 以及車睇的"紅燈"去做判定)
所以 REFER 番去  18 條 "沒有遵從交通燈的指示"中提及 16 條的定義. 當中沒有指示駕駛人士要睇行人綠燈.

"如遇上交通燈號故障，應慢駛或甚至停車讓路給行人，並小心駛過路口。"
同樣意思, 放入一個你睇唔到有設車行燈/停車線的行人過路處, 就係 "慢駛或甚至停車讓路給行人，並小心駛過路"

沒有車行的紅燈及停車線, 你無必要去留意是否衝緊燈. 但係
1. "讓路給過路處上的行人"
2. "綠燈亮着時，如沒有行人在過路處上及前路無阻，你可向前駛"  (即使有車行綠燈, 車都可以話無優先權)
3. "如遇上交通燈號故障，應慢駛或甚至停車讓路給行人，並小心駛過路口。"
(沒有車睇的紅綠燈, 就可以假設不是紅燈的情形, 或者交通燈號故障, 安全合適時間可以自己決定開車, 唔駛等紅燈轉, 因為無紅燈)


https://www.td.gov.hk/tc/road_sa ... nctions_/index.html
當你轉入另一條道路時，應先讓路給正在橫過或留意等候橫過該條道路的行人。
如果交通燈失靈，你應該減低車速甚或在有需要時停車，把該路口當作非交通燈控制路口處理，格外小心，慢慢駛過路口。

無提過一句話, 駕駛人士請留意"行人過路處"的"行人綠燈", 幾時一定要停車, 只係"讓行人", 及提示"小心駛過"就可以

---

作者: nganshiu    時間: 2023-1-30 11:14

行人紅燈時, 行人沖出到後被車撞到.
司機都有機會衰... 不小心

---

作者: blkbd5    時間: 2023-1-30 21:01

只要你系腥講，揸車撞倒人，點都會先告你老不啦！
入唔入到就睇官點睇，除非個人錯晒，唔系都有排煩，可以好長手尾！

---

作者: jda    時間: 2023-2-1 09:40

交通法例係保護行人的, 就算行人係jaywalking, 都會被告不小心或危險駕駛的, 除非係完全無法避免, 唔係都幾難打得甩.

---

作者: mo9394    時間: 2023-2-1 14:45

本帖最後由 mo9394 於 2023-2-1 14:49 編輯

所以去到無車燈的位置, 唔好睇行人燈號去決定開唔開, 或者決定開快開慢
總之有人就讓, 對晒眼色佢真係唔行, 或者好confirm 無人, 就慢車過.

慢車都撞到人, 就抵死喇.

撞到人的結果同當時的行人燈號無關係. 只係一個"非交通燈控制路口"

地上有劃黃線,  代表不能停車. 意思係, 你要在進入黃線前, 決定是否能順利通過而不作停留.  唔肯定就不要進入.

---

作者: chpyeung    時間: 2023-2-1 15:04



去到行人綠燈前停, 轉返行人紅燈就開車繼續行.