標題: mazda 6 2.0 core 呢口價 [打印本頁]

---

作者: kypywk    時間: 2022-11-6 14:13     標題: mazda 6 2.0 core 呢口價

減到200000樓下，呢口價真係算喺咁，可惜聽朋友講路躁高隔音一般，如果唔係真係心郁郁想出架試吓。

---

作者: soccerism    時間: 2022-11-6 17:02

呢排買新車, 如果仲係油車, 就會俾親朋戚友笑.............

---

作者: asian_xl    時間: 2022-11-6 19:01

本帖最後由 asian_xl 於 2022-11-6 19:02 編輯

路躁可以自己買隔音棉貼，即刻變BEN屎





    揸油車先喺有錢人，你應該笑你啲親朋戚友窮

---

作者: blkbd5    時間: 2022-11-6 20:22


只有無車同無知既先會笑，我見到無家差而買電車既傻 X 就會笑！

---

作者: billyyau    時間: 2022-11-6 22:28




短視嘅咪會笑囉，買車唔係剩係睇呢一刻。
買得新車，點都有一段時間揸，過得五六年，到時油站只會愈來愈少同愈來愈貴，相反充電站就會愈來愈多，部油車就算放二手，都未必咁易甩到手。

---

作者: kypywk    時間: 2022-11-6 23:03

求其一架電車都三十幾萬起跳(入門版)。廿萬架新油車平左十幾萬用來入油都有排入，當然高咪人士我這講法不適用。我自家上班用公司車，自己車真係假日車，一年行唔到10000km,呢一刻真係仍未有覺得非電車不可的覺悟，尤其是聽到電車車主(無自已充電位)講充電辛酸的故事。

---

作者: kypywk    時間: 2022-11-6 23:09



買架廿個樓下車仔，用得七,八年咩都歸本，仲講咩二手價XD

---

作者: ckkong97    時間: 2022-11-6 23:31


買架jazz 都18萬九，mazda 2.0抵到爛，轉款前減價？
同埋淨汽油既房車真係無人買 買汽油suv 都唔買房車，或者個個走晒去買電車

via HKEPC Reader for Android

---

作者: billyyau    時間: 2022-11-6 23:37




網上齋噏實兇狠㗎。
但到真金白銀攞出嚟嘅時候咪又係要諗呢樣諗嗰樣，點會唔諗油價二手價呢啲吖！

---

作者: PPLd    時間: 2022-11-7 00:00

本帖最後由 PPLd 於 2022-11-7 00:03 編輯



    I dont know what your friend drive.
I have 3 Benz and 2 Mazda.
Gf said my Mazda is quieter than my Benz.
P.S.: I think Mazda 6 is quieter than Cheap class Benz but noisier than Executive Class Benz.

---

作者: dominicyu    時間: 2022-11-7 09:53

心動不如試坐下 我試過Cx30同5係靜 SUV可能會好D 又可能平版偷少落左D隔音料

---

作者: rockie577    時間: 2022-11-7 10:27



咁樣更加應該買油車, 棍波更好
過多10年想玩都冇得玩

---

作者: mo9394    時間: 2022-11-7 12:15



睇下有無下一代, 如果有新一代mx-5 (油為主要動力), 會在油車停產前想買. 如果下一代轉做電, 就買番架二手MX-5 油車.

---

作者: mo9394    時間: 2022-11-7 12:19

本帖最後由 mo9394 於 2022-11-7 12:29 編輯

mazda 6 上年講左唔出新款 (已經設計好晒), 因為市場上真係唔太接受房車.

不過今年有消息話MAZDA 6 呢個名下一代升級做豪華型 (即係 BMW 7 系嗰類再大型D 房車, 唔係 5 系呢D 中型房車)

簡單D 講, 不論市場需求, 或者實際未來MAZDA ROADMAP, MAZDA 6 都係最後一款中型房車. 輸左俾個時代.

賣到廿個, 但市場上未必認為比買架廿幾三十左右的SUV 抵玩.

現時仲好想只要房車, 多數係行政人員, 而佢地揀 BENZ / BMW / LEXUS 之類相對機會大好多
其他車廠的房車都唔多出了. MAZDA 3/6 算係好堅持嗰間.

mazda 3/6 可能在歐美台灣還可以, 香港就真係未必好選擇

(我之前都渣開 MAZDA 6)

---

作者: mo9394    時間: 2022-11-7 12:22

本帖最後由 mo9394 於 2022-11-7 12:29 編輯


本身MAZDA 6 二手就唔會好價.
七年車, 預五六萬左右.

廿萬完全唔理, 都係無廿萬.  七年車當你一年燒三萬, 現價計, 如果啱用就係無乜得輸.

但依家去買架三十幾萬的SUV, 其實二手俾你放到八萬, 一樣唔見廿幾萬. 無大分別.  俾多十萬出黎為左放二手時可以拎多五六萬, 好視乎自己使用期間是否享受到. 如果唔鍾意SUV 就即係白俾.  所以, 好睇車主想要SUV 定唔鍾意SUV.

到時通街電車, 而電車的進化比較快, 電池老化, 貶值率其實一樣好高. 你依家買架二手MODEL S  D 硬件都舊左, 唔少新功能都用唔到, 其實二手電車唔抵玩, 唔計佢免費SC, 二手價應該好差.
電車 = iphone, 過幾代二手就唔值錢.  你自己用, 當然舊iphone 都仲係幾好用, 但唔會有人買二手.

---

作者: kypywk    時間: 2022-11-7 13:03

本帖最後由 kypywk 於 2022-11-7 13:28 編輯

吓，車價廿個用八年，二千蚊一個月，租車都唔得，使唔使又咩網上look L咩兇狠咁誇張啊師兄。油價你緊唔緊張真係先決條件是否非粗咪，我一年真係行唔到10000公里，油換電入油使费平左一項對我誘因真不是很大，況且肯定電费也只會加，同自已無私人充電椿基礎下，要用車方便一講充電什麼也枉然。

---

作者: kypywk    時間: 2022-11-7 13:10

本帖最後由 kypywk 於 2022-11-7 13:28 編輯


你講中我唸法，當我落伍仍買油車仔。A選廿萬mazda 6 ,B選三十萬凌志UX，八年後，mazda 6雖不值錢，但賣得幾多就幾多當跌打茶XD。八年後UX點保值都好也不可能賣到十萬。既然兩架車operation cost咁上下，揸UX同揸萬6在class上又分別不大，我自已又不是特別喜愛suv(反而老人家我老舊派仍鍾情三箱房車)，咁前者真係無得輸。

---

作者: jazz2014    時間: 2022-11-7 13:59

本帖最後由 jazz2014 於 2022-11-7 14:04 編輯


以為電車唔會比人笑？ 我怕冇錢比人笑既機會多

利申買完電車先買既油車

圖片附件: Uploaded_via_HKEPC_IR_Pro_iOS(D6BB0).jpg (2022-11-7 14:00, 124.12 KB) / 下載次數 98
https://h0.hkepc.com/forum/attachment.php?aid=2347096&k=1047ec6c3d19204e61bd26b6a196451a&t=1781411421&sid=SHj1kkGZ4N

---

作者: billyyau    時間: 2022-11-7 14:15



就當七年
Mazda 6用七年嘅總使用成本係幾多
Model 3用七年嘅總使用成本又係幾多
真正逐樣逐樣計嘅話，你就知道Model 3輸車價後，其他方面係追得返條數。

仲未計本身兩部車各方面係咪完全同級數。

當然話唔鍾意電車另計，我只係説明就算Mazda 6呢啲油車點平都好，好難比較電車抵用，所以買電車真係傻？

---

作者: jazz2014    時間: 2022-11-7 14:28




岩呀 油車 同電車  2個世界  
model 3 / y 同 M6 做工... 一定係後者好....

---

作者: billyyau    時間: 2022-11-7 14:33



就算用返現今油價計
每公里電費跟油價相差超過$1，八年每年10000公里，都相差八萬，愈高里數差距愈大。

電費會加，但我好肯定油價一定加得更勁，而且五六年後，你又睇吓油站會cut剩幾多，相反充電設施又會加幾多？
到時入油未必方便得過充電

---

作者: jazz2014    時間: 2022-11-7 14:36




就算加電費唔會加太多...因為全香港....都係要用....實比返台都似

---

作者: mo9394    時間: 2022-11-7 14:45

本帖最後由 mo9394 於 2022-11-7 15:05 編輯


要時間充電, 人人的時間成本唔同. 我係一個假日車主, 平日要同小朋友做功課, 叫我平日出去擺低部車叉電(當我俾錢 SC 都要抽時間去充, 我筲箕灣最近似乎就去到太古鰂魚涌之類, 遠唔遠近唔近咁喇, 來回最少大半個鐘)就唔係咁適合我喇. 星期六日是否可以霸到充電位?  帶住小朋友, 我無時間排隊等充電. 充半個鐘充好又要番轉頭移走部車, 我帶住細路真係唔係好WORK.

我個車位未有自己的充電前, 我就真係無乜興趣轉電動車.  (但依家D 業委會同管理公司都未有落到實的方案)

我無講到買電車係傻.  係你笑人買非電動車係傻. 我會覺得只係一個個人選擇, 無所謂傻唔傻.  mazda 6 我都唔係話一定個個啱, 我講到明mazda 6 係mazda 末代的中型房車, 選擇唔係人人覺得平就一定好.


我自己轉左七八人MPV, 呢一樣, 電動車選擇真係細. 我見唔到有啱用的車型. 咁我呢D 油車過五六年後係唔係好慘?

---

作者: mo9394    時間: 2022-11-7 14:46

本帖最後由 mo9394 於 2022-11-7 15:07 編輯


做乜養車養到要咁計數.

你講到商用車都轉晒電, 商用車唔駛入油, 油站一定會執咁

五六年後, 睇唔到加充電設施的速度會快過油站減的速度, 但電車的數量就肯定多好多, 唔見到可以用今日充電的方便程度去講未來五六年無問題.


model 3 一開始可以落一千蚊訂訂車時我都有落訂, 睇下政府/屋苑搞到充電就confirm 買. 但係退訂, model y 話出, model y 出埋,  都係無乜進展咁.

---

作者: 得得地    時間: 2022-11-7 15:06

本帖最後由 得得地 於 2024-3-17 11:35 編輯

提示: 作者被禁止或刪除 內容自動屏蔽

---

作者: mo9394    時間: 2022-11-7 15:09



唔少人都計劃緊 2035 年前買定架乜油車好, 有咁耐留咁耐, 男人的浪漫.

電車可以用黎做代步工具. 油車就係一件藝術品, 玩具.

---

作者: 得得地    時間: 2022-11-7 15:10

本帖最後由 得得地 於 2024-3-17 11:35 編輯

提示: 作者被禁止或刪除 內容自動屏蔽

---

作者: mo9394    時間: 2022-11-7 15:12



我小朋友大到唔跟我車時就可能好多時間等充電了 (依家小學)

但我到時可能玩MX-5 喇

---

作者: 得得地    時間: 2022-11-7 15:19

本帖最後由 得得地 於 2024-3-17 11:35 編輯

提示: 作者被禁止或刪除 內容自動屏蔽

---

作者: mo9394    時間: 2022-11-7 15:25



我model 3 都落過訂, 就車黎講, 唔係話非常反感. 不過真係唔係個個啱.

當年我附近公屋停車場有幾個位叉, 平日見唔FULL, 天真咁以為我如果買左電車, 半夜幾分鐘渣過去叉下就得. 好彩無買到, 依家未見過有位LOR, 咁耐都無加多到

---

作者: 得得地    時間: 2022-11-7 15:25

本帖最後由 得得地 於 2024-3-17 11:34 編輯

提示: 作者被禁止或刪除 內容自動屏蔽

---

作者: mo9394    時間: 2022-11-7 15:26

本帖最後由 mo9394 於 2022-11-7 15:30 編輯


Subaru 要識養, 多野壞, 西方國家就未必啱養 (可能入埋車group 就唔同玩法, 同一車款一次訂一批零件咁計)

86 就唔係個個啱, 價錢okay, 但講勁唔算好勁, 講駕駛感又唔及mx-5 咁fun

當然, 都係抵玩之選 (香港打稅後就另計)

---

作者: billyyau    時間: 2022-11-7 16:25



我只係回應之前樓上有人說買電車嘅係傻X
每個人選擇都唔同，無話邊個係傻仔，只係講到Mazda 6係唔係抵，其實計數就知未必抵得過電動車，當然唔考慮到電動車的話，呢架Mazda 6真係抵到爛，仲平過Mazda 3。

---

作者: billyyau    時間: 2022-11-7 16:42



老實講，如果係買車唔計數嗰啲，根本就唔會考慮Mazda 6呢個價位嘅車，買得呢個價位嘅車，一定會計數，牌費一年俾一次啲人都會計較要1500cc樓下。

講真，油站跟充電站嘅數量，對比返五年前都有出入，五年後點會一樣吖，電車愈多，對充電需求愈大，商人點會放棄呢啲賺錢機會，起充電站又唔好似起油站，而家個個月都有新落成充電站。

油站幾多錢租，做生意嘅明知油車下跌仲會keep住租？油公司都公佈會將部分油站轉型到充電站，油站只會愈來愈少，呢啲都係考慮因素。

---

作者: C9_1    時間: 2022-11-7 17:06

講真呢D車有買冇賣, 2手冇價.......
一係渣到湯,唔好諗渣幾年要賣

---

作者: wct    時間: 2022-11-7 17:07

問一個無知問題，我手機用兩三年就要換電池，咁電車用幾多年需要換電池？

---

作者: C9_1    時間: 2022-11-7 17:08




    TESLA保用8年OR 19萬幾公里,達者為先

---

作者: mo9394    時間: 2022-11-7 18:16

本帖最後由 mo9394 於 2022-11-7 18:55 編輯


油站大部份唔係油公司俾錢將商用地改為油站.
大部份係政府規劃, 之後出tender 俾油公司bid.

如果整體需求下降, 間間公司bid 個價都會低D, 咁其實租金又無咁貴

https://www.info.gov.hk/gia/general/201912/10/P2019121000826.htm

而投標係廿年廿年咁, 睇唔到會五六年內估到生意會差少少而好急速咁關門.  租金差唔多係一開始俾晒, 而違反租約協議唔去經營可能仲有一定賠償金額, 唔係太明你講五六年內會有好多油站關門的講法.

政府帶頭將完約的地方, 改terms 迫油站改做充電站係可以, 但係有無人去bid 就兩睇喇. 市區地, 泊十架車可以賺到幾多錢? 你捨得額外俾幾多錢去充電而唔去商場泊車充電? 咁搶貴左, 你又會否覺得電車入充車站充電係"抵"?

https://www1.hkej.com/dailynews/ ... 7%E5%A5%A7%E7%A7%98
以下，梁美寶會跟大家解構油站操作，如油公司向港府投地後要一炮過付清21年租金、油站地底布滿油缸、便利店後是電腦系統區域、因安全問題油站永遠不能成為電動車入電站、何以內地街頭有股獨特的汽油味而香港沒有、何以世界各地油站永遠十級光猛、新加坡車主才是真正富有階級……



我附近數到六七個油站都唔算遠 (起碼我搵地方洗車仲遠過入油), 佢縮到淨番一個都影響唔到我...  要話"到時入油未必方便得過充電", 我睇2035 年前都無乜可能.  商用車要入油D 油站CUT 唔到幾多


起充電站會賺到乜錢?  你入電俾緊幾多錢?
出面收得貴時, D 人就在屋企裝電唔出街充. 而你計同油價每公里相差一蚊, 又是否仲可以咁計?
出面收得平D, 就無乜錢賺. 又點會有人bid 個地黎俾人泊低叉電?

香港同外地最大分別就係地價. 人地去市郊充電, 油站好, 食肆好, 便利店好, 平房一層過都得, 地方大到地價平到計到數, 唔夠電, 預早幾公里搵定一個大充電站, 佢地覺得無問題. 人地outlet 幾百個車位, 泊車任泊免幾個鐘, 叉電就額外收錢, 停車位差唔多係"0 成本", 加充電樁差唔多係賺你10% 都叫多左回報. 香港?  賺 30% 都未必賺得番地租.
香港真係收番 30/50 一個鐘都無乜錢賺, 計租都蝕緊, 用黎開間便利店仲好. 起親都幾十層的樓, 樓上三四層可以做生意, 地下最值錢, 唔會俾到你泊車.  下下要上落一層咁計, 斜路要空間, 搭車lift 要時間要維修等等.  同現時油站, 六個車位左右都做得好多生意, 相差好遠.


純商業計無SO, 政府出招, 免地價另計.

---

作者: kypywk    時間: 2022-11-7 18:40



不能同意更多。如果能隨街也可easy充電(例如咪錶位都得)，咁就真係先叫配套充足，到時就真係再無懸念(實買電車)。

---

作者: mo9394    時間: 2022-11-7 18:47



市區我不知幾多年無泊過錶位

---

作者: billyyau    時間: 2022-11-7 19:31




事實係：政府真係會帶頭做喎，油站改充電站，你當係政府逼又好，為賺錢又好，事在必行。
當然租金方面政府會同油公司作商量，每改一個就代表油站少一個，五年後油站一定會愈來愈少，係爭在少幾多咁解。

收費方面Shell已經做緊，大概價錢跟Tesla SC相若，如果只做快充的話，十零二十分鐘收六七十元，真係會冇錢賺？

---

作者: mo9394    時間: 2022-11-7 19:40

本帖最後由 mo9394 於 2022-11-7 19:44 編輯


你之前講商家搵商機就唔係講政府補貼喇

政府講句唔俾買tesla 都得，最安全應該買中國品牌

---

作者: billyyau    時間: 2022-11-7 19:46




我指油站以外嗰啲
例如而家又有充電公司跟領展合作喺領展旗下停車場大量興建充電位，2024年會合共提供3000個充電位。呢類成本低，唔駛自己管理嘅，已成為一條新財路。

---

作者: mo9394    時間: 2022-11-7 19:52

本帖最後由 mo9394 於 2022-11-7 19:59 編輯


我17 年訂model 3 年代都講緊喇，五六年都黎緊，我附近嗰d 都無多到

要泊車錢加充電錢加時間，我自己有車位唔係好理解做乜要出去俾錢泊為左叉電
如果話順路泊，行街購物，除左黃大仙其他地方唔係好諗到啱行

好多公屋商場泊位窄，唔夠時租易full 之類

---

作者: billyyau    時間: 2022-11-7 20:17



當然，人人情況不同。
只係想帶出呢一刻充電站不足，並不代表未來一樣，兩年後剩係領展停車場都有3000個充電位，仲未計其他停車場陸續加裝的充電位。
所以買車冇可能只睇當下呢一刻。

---

作者: mo9394    時間: 2022-11-7 20:20

本帖最後由 mo9394 於 2022-11-7 20:34 編輯



八年後都換車，要捱五年先開始有改善，有乜好？


我都話 17 年我有訂model 3，觀察左四五年係無改善，上年換車都係揀番油車

假日車係用黎方便自己, 慳唔慳錢係買電動車的人先計咁盡.  假日車本身就係燒錢無乜必要, 要帶來麻煩就係唔啱channel, 差嗰一千幾百油錢, 要浪費自己額外時間(同埋無必要泊車都走去泊車叉)就係唔值.

自己位有得叉就唔同. 但係我屋苑就唔成功喇.

我出車, 直上公路, 無乜停燈位入商場, 港島東去屯門大埔, 去周圍郊外玩沙灘玩大公園玩, 嗰D 位都無叉電.  
去商場我通常搭 MTR 仲方便.  入商場叉電, 唔係必定做到的野.

唯一入商場, 可能係郊外玩完, 好累, 入商場食飯, 屋企人就去食, 我就排隊等餵車食電, 食食下充足又要移走架車咁...  食餐飯, 好似同屋企人分開食飯咁, 咁渣車出街黎做乜.

---

作者: kypywk    時間: 2022-11-7 20:51



師兄完全講出我哋呢類無自己差電位的假日司機心聲。

---

作者: billyyau    時間: 2022-11-7 21:02




所以我一開始已經講如果諗住而家買架油車揸幾年等充電設施成熟再賣出去換電車，唔係咁易放到，到時可能真係焗住揸到劏。

到頭來，只可以講電動車不適合你，而非電動車本身有缺陷。

另外唔係剩係買電動車嘅人先諗慳錢，所有買hybird買細cc車嘅都一樣，你覺得燒油錢唔緊要，唔代表所有汽油車主有同一想法。

---

作者: mo9394    時間: 2022-11-7 21:03

本帖最後由 mo9394 於 2022-11-7 21:21 編輯


幾時有人講過MAZDA 渣幾年賣番出去會好值錢. 一般到驗車期, 大CC MAZDA, 預五六萬左右, 五六萬賣唔出, 去到四萬大把人接, 同劏車仲有一段距離.  再低D, 減多一萬, 三萬點都賣到喇.
20 萬車賣 4 萬無大蝕. 30-40 萬油車到時賣七萬八萬就蝕得甘D.

亦無講過電動車有缺憾, 我第三四次講, 我當年有訂model 3.

上年六月我都差D 訂左model y, 不過諗諗下七人車較靈活先好confirm 唔買, 唔車外父外母 (一年可能唔多, 幾次咁), 自用model y 得唔得呢, 諗左幾日.
我講的問題係我上年認真研究過周圍的差電位得出黎.
充電呢個問題真心, 呢一刻仲係幾麻煩. 我如果上年買左, 我起碼要煩多三四年.

假日車一向都話個別車款如果同時有純油版 hybrid 版, 係唔駛加幾萬買 hybrid 版, 好耐都慳唔番
細CC 亦同慳油未必拉得上關係, 好睇載人量同路程

假日車, 多數車滿人, 上山下海咁, 幾細CC 都唔會慳油. 唔識車唔了解自己用車習慣先盲目追求細CC

---

作者: blkbd5    時間: 2022-11-7 21:34


師兄，唔洗咁認真既，每人有自己諗法，聽到就聽到，聽唔到咪算囉！

---

作者: mo9394    時間: 2022-11-7 21:36

本帖最後由 mo9394 於 2022-11-7 21:40 編輯


早幾年已經認真問緊屋苑點裝充電設施, 屋苑幾時入紙申請個津貼, 幾時政府初步批左, 全部都知有跟住. 出左幾個方案, 每個方案好好壞壞都知, 一睇就睇得出, 無可能一致共識, 依家直頭死心

有車位業主, 未換電車, 你話要整體呢一年決定夾唔夾錢做到全部車位裝晒? 難D.
用月費計劃, 用的先申請, 但俾番千幾蚊管理費街外公司? 假日車車主難D

屋苑裝唔到之下買唔買電車?  結論係, 我單身一個人成日在街遊蕩, 或者仲係拍緊拖同女友出街送佢番屋企之類, 就啱.  有小朋友, 養車係為屋企人多D 時間一齊享受, 就唔啱.

---

作者: blkbd5    時間: 2022-11-7 21:40


電車系將來，但今天未系時候，屋企或公司有得叉電就話啫，正苦唔改善充電設施就無得搞！

---

作者: mo9394    時間: 2022-11-7 21:41



政府津貼晒, 唔駛由業主投票去搞唔搞基建, 用家只要自己花兩三萬就拉到線落自己車位, 以後唔駛月費管理費就 OKAY

依家淨係夠整大牛, 引部份線引到各層, 已經唔夠錢要業主夾, 真係睇唔到點會一致

---

作者: billyyau    時間: 2022-11-7 21:42



我都講三四次
買車唔止諗呢刻，要諗埋未來幾年，如果齋睇呢一刻，Mazda 6係抵買嘅，但一旦諗多幾年，二手價值同油費等問題可能比現在完全兩個世界，油價升到幾多冇人知，幾年前大家都諗唔到汽油會升到現在個價，到時如果嫌油費貴或者到時自己車位有得充電想換電車時，二手又會唔會冇人接呢。
呢啲都係今時今日買汽油車會碰到的問題。

---

作者: jazz2014    時間: 2022-11-7 22:08

如果必須要車 /準備買車....用20萬諗值唔值既新萬6.....都要諗未來2手價點點點既....都係睇返28車好了

因為買左都太多野諗.

---

作者: soccerism    時間: 2022-11-7 22:16



如我亂UP都中, 好快路邊錶位會有全天候叉電位, 叉電額外收多少少,
各大商場又因為電車愈來愈多, 積極裝電樁,
電車唔係MPV, SUV果D車型既潮流, 係個大勢所趨, 快者2030慢者2035呢個世界就冇新既油車出, 仲有幾多年剩? 油車末日都係到2030先出現, 就到前幾年就已經會變成垃圾, 到時政府唔安裝電樁, 私人都仆住去狂安裝.

不出幾年, 搵食車都全部行電

唔好用經典JDM, 超跑, 老爺車去睇油車有幾重要

利申: 我都係油車人士.

---

作者: wct    時間: 2022-11-7 22:44


今時今日買油車，到2030大限，剛剛好夠鐘換車。

---

作者: billyyau    時間: 2022-11-8 00:04



有時唔係單純為錢
而係好多人只能keep一架車，當有新又吸引就會諗換，但前提係舊車合理價錢甩到手，太賤價會打消念頭

---

作者: Andysland    時間: 2022-11-8 11:36



Ching唔使太認真，有啲人就係包拗頸～～～
我贊同你講法，20萬買架萬6真係冇得輸，而家話2030/2035唔出油車姐，冇話一揸到2030架油車會自爆嘛！就算冇2手，比曬咪20萬，咁緊張做乜姐！
話咩油站會消失喔，入一缸油都行幾百啦～～～ 啲cheap電車都做唔到，咪又係咁賣！
假日車真係唔使點擔心油價！

利申：油車/電車 都有

---

作者: mo9394    時間: 2022-11-8 11:48

本帖最後由 mo9394 於 2022-11-8 11:58 編輯


其實好多人明知有死期要劏車都一樣照買柴油 Sorento , 排兩年都排之類, 無乜好擔心. 廿幾萬架韓仔車/MAZDA, 十年車計, 劏或唔劏, 由於本身個價平左十萬八萬, 執唔執得番三四萬真係無乜所謂. mazda 6 同級一向都三十幾萬, 呢部core cut 的野主要係天窗一樣差少少, 其實真係唔太覺, 佢賣 26 萬都合理. 平多6 萬賣 20 萬, 根本唔駛諗二手車價.
(我印象中同2018 呢架個SPEC 相近 https://orientaldaily.on.cc/cnt/lifestyle/20180108/00302_001.html
Mazda6 GVC 2.0話雖是平價版，但身處車廂卻沒有將貨就價感，前排一雙座椅都有電動調校，駕駛席更另設記憶功能，還有定速巡航、MZD CONNECT多媒體系統、前後泊車警示器、倒車視像系統及附設自動水平調校的LED頭燈等，如果咁都叫齋，都唔知講咩好
早幾年賣到23 萬都叫好抵買, 依家真係唔多駛計咁多, 用夠佢七八年先算.)

就電車問題, 我就覺得歐盟都會縮沙, 2030 / 2035 個期就會改. 電費佢地不停咁加, 電池生產又太偏重中國, 當中國一搞打仗時, 電車電池都唔知同邊個買.  香港會唔會改就唔知喇, 政治因素可能仲禁得快. 依家買外國品牌電動車亦未必係好事, 可能日後維修都走晒呢. 到時電動車二手價, 無人估到乜世界, 無原廠保養的電動車, 車房無得整.

睇下呢排 twitter, meta 搞乜

---

作者: gn01119056    時間: 2022-11-8 12:01

有乜好笑? 鍾意買乜就買乜, 買電又得, 買油又得, 關人乜事

---

作者: chpyeung    時間: 2022-11-8 12:12




    買電車就自己攞來衰...

---

作者: chpyeung    時間: 2022-11-8 12:13



唔好講芺啦, 過得十五六年香港D油站數目都唔會少啦.

---

作者: mo9394    時間: 2022-11-8 12:14



純計數, 11/12 萬買架四五年左右 mazda 6 都著數.  但俾多八九萬有新車, 部份人prefer 新車.

---

作者: chpyeung    時間: 2022-11-8 12:28



十五六年就唔敢講, 五六年計揸油車一定方便過電車啦. 私家停車場充電位一定唔會多得去邊啦. 油站 cut? 難道全港油站租約五六年內到期?

---

作者: chpyeung    時間: 2022-11-8 12:40



事實係, 你睇我地呢個政府的辦事效率, 過多廿五六年電車都重係要排隊等充電. 私人停車場要加充電位, 除非全幢大廈拆咗佢重建啦.  油站加充電位市區一定冇可能, 除非電車舊電拆得出換電就有得諗.

---

作者: Andysland    時間: 2022-11-8 13:46



講得冇錯呀！
之前有FRD要買新車，又要平，我一向推XV。
而家萬6呢個價，都冇理由推XV，除非你要非4驅不可！
韓仔KIA之前都抵玩，但而家都加曬價啦！得部KIA印度個部，醜樣都一個點！
個啲Sienta就更加離譜，又齋又無力！

---

作者: billyyau    時間: 2022-11-8 13:51




唔駛拗，自己睇

香港蜆殼有限公司零售業務總經理梁淑敏表示，希望未來在香港的41個油站當中3成的油站增設電動車充電位，建立超過300個充電設施，覆蓋香港島、九龍及新界。

---

作者: billyyau    時間: 2022-11-8 14:06




重點係：咪睇吓Model 3賣得多定Mazda 6賣得多囉，柴油Sorento多人買，咪又係因為油價問題，得你先話冇人在乎油價。

歐盟會縮沙？而家車廠一早已全力開發電動車，唔通走回頭開發返汽油車？人哋一早已放棄發展汽油車啦，有啲人真係睇唔到全球發展趨勢。

---

作者: mo9394    時間: 2022-11-8 14:07



講野飄下飄下, 無厘頭講鬥多做乜?

---

作者: billyyau    時間: 2022-11-8 14:23




不嬲都話，今時今日買新車，會計算好多嘢，所以先咁多人睇淡汽油車而買電動車，明唔明？

我一直都話油價會愈來愈貴，油站亦會愈來愈少，充電站只會愈來愈多，呢個係事實，只係你避而不談。我知你屋企冇充電位，又唔介意油價，但你可以代表所有人嗎？
做人最忌太過自我

---

作者: billyyau    時間: 2022-11-8 14:33



身為電動車用家，你使用上有碰到好大難題嗎？有後悔到想賣掉電動車嗎？
冇嘅話咪即係佢講嘅point完全冇重點囉。

btw而家終於理解電動車充電未？

---

作者: ne7    時間: 2022-11-8 14:49

樓主想 20萬買部新車, 其實 20萬買唔買到新嘅電車?

我以前以為揸車係用錢買時間, 近年先知原來香港人咁多時間排隊等叉電

---

作者: billyyau    時間: 2022-11-8 15:07

本帖最後由 billyyau 於 2022-11-8 15:09 編輯



充電一定要排隊？
唔怪之得咁多人唔識之餘又衝出嚟説三道四。

另外廿萬買新車，往後成本唔駛計？
使用成本電車低好多，幾年之後就打和甚至更低。

---

作者: mo9394    時間: 2022-11-8 15:45

本帖最後由 mo9394 於 2022-11-8 15:56 編輯


多人買toyota, 少人買 mazda, 根本就唔駛討論. 直接話買mazda 係傻仔?

買車係睇自己用途同需要, 比較數字代表什麼?  跟風就無錯? 跟風就一定啱自己?

我唔係第一次講 "我一直都無話所有人都適合" (油車 / mazda 6) 我直頭話mazda 6 係末代中房, 要諗下, 可能suv 仲啱用.



我話
"就電車問題, 我就覺得歐盟都會縮沙, 2030 / 2035 個期就會改."
我講條線會移後, 唔係回頭路做番油車. 而係"禁新登記油車"呢個決定可能改後5 年 10 年咁.


其實你無認真睇人地答你乜就自己吹到非黑即白咁, 再講都無意思.  

我地只係話"油車唔會咁快會入油好麻煩", "油費對假日車司機影響比較細", "生活習慣去商場叉電唔係個個年紀, 個個家庭適合", "假日車係買方便, 不是買麻煩", "慳到錢但要花時間, 個個人睇自己同家人相處比較貴定錢比較重要", "二手車價三四萬同湯車的決定是否咁重要"

全部係選擇, 全部係無強迫其他人接受

"做人最忌太過自我" 你留番俾自己算

---

作者: mo9394    時間: 2022-11-8 16:15

本帖最後由 mo9394 於 2022-11-8 16:19 編輯

重點係：咪睇吓Model 3賣得多定Mazda 6賣得多囉
重點係：咪睇吓Model 3賣得多定Model Y賣得多囉
重點係：咪睇吓Model 3賣得多定Model S賣得多囉
重點係：咪睇吓Model 3賣得多定Model S Performance賣得多囉
重點係：咪睇吓Model 3賣得多定BMW EQA 賣得多囉
重點係：咪睇吓Model 3賣得多定Hyundai IONIQ 5 賣得多囉
重點係：咪睇吓Model 3賣得多定Porsche 911 賣得多囉

自high



https://autos.udn.com/autos/story/7826/6419774
根據來自於fiatgroupworld.com的統計，他們收集了來自於全球106個國家的銷售資料(其中包括台灣)，Tesla Model 3在2021年一共售出50.8萬輛，為排行榜中第9名，其後則為Honda Accord(48.1萬輛)以及Honda Civic(46.7萬輛)。雖說如此，Model 3的銷量仍未超過像是Ford F-150、以及Toyota Hilux等多功能車款(前者為56.2萬輛、後者為54.9萬輛)。
不過真正的大魔王還是Toyota家族車款，排行榜第一名車款便是家喻戶曉的Toyota RAV4，第二名則是同場的Corolla四門轎車，兩者年度全球銷售輛均超過110萬輛，幾乎是Model 3的兩倍。


睇銷量買, 點解唔係買RAV4

---

作者: ne7    時間: 2022-11-8 16:16



我當然知啦, 屋企有得叉嘛, 我屋企留下時租長期有位叉電架
我見到嘅排隊叉電果班, 肯定係揸電車慳咗好多年, 而家上岸唔使撈啦

---

作者: billyyau    時間: 2022-11-8 16:28




你仲唔明
Deadline對於大衆嚟講唔重要，重要係車廠取態，當車廠新車有九成係電動車時，就算deadline 取消，都冇影響。

另外你所講嘅選擇，只係你閣下嘅選擇，無端端攞假日司機出嚟講做乜，好有代表性？定還是只係自己係假日司機就攞出嚟講？去商場叉電生活習慣又係，只係你嘅生活習慣，另外邊個話充電一定要去商場？樣樣所謂嘅選擇都只係從自己角度出發，咁真係咩都唔駛討論。

---

作者: billyyau    時間: 2022-11-8 16:30



要排隊嘅係免費充電，付費充電係唔駛排隊。
如果有油站可以免費入油，一樣會排長龍，唔通又代表入油要排隊？
搞清楚基本概念先。

---

作者: Andysland    時間: 2022-11-8 16:31



唔該唔使回我嘅貼！本人唔想與你討論！

---

作者: billyyau    時間: 2022-11-8 16:35

本帖最後由 billyyau 於 2022-11-8 16:39 編輯



其實唔駛講咁多
齋睇今年新車登記就知，電動車已多過汽油車，繼續落去會變成一個咩環境？就係愈來愈少人需要入油，愈來愈多人要充電。
基於供求原則，你估油站充電站比例會變成點？其實用腦都知，只係啲人唔肯面對現實，一味用自己嚟做標準，用自己生活習慣嚟做標準。

---

作者: billyyau    時間: 2022-11-8 16:37




想要抽水呢，唔該就攞point出嚟講。
完

---

作者: Andysland    時間: 2022-11-8 16:39



Ching真係唔使太認真，check下啲往績就知，某人買左啲低階電動車，成日逼人認同佢個套歪理，一路鬧人地啲叉電站唔公平，一路又去用～～～
好過癮架，計計埋埋好多縮數，又夾硬要人地認同佢啲縮數！
佢個世界真係好可憐架～～～你唔好再同佢“計較”喇！

---

作者: billyyau    時間: 2022-11-8 16:42

提示: 該帖被管理員或版主屏蔽

---

作者: ne7    時間: 2022-11-8 16:52



唔洗免費入油, 有時油站特價都會排長龍, 例如太子道東果個
如果你有係市區揸車(或者搭車) 應該會見過

---

作者: billyyau    時間: 2022-11-8 16:57




所以正確嚟講，係著數令人排隊
而唔係充電就要排隊，肯俾充電費一樣可以俾錢買方便。

---

作者: ne7    時間: 2022-11-8 17:01



Btw, 言歸正傳, 樓主都話自己係假日車啦, 咁係咪畀個地方佢討論下油車都唔得呢

---

作者: mo9394    時間: 2022-11-8 17:09



"另外你所講嘅選擇，只係你閣下嘅選擇，無端端攞假日司機出嚟講做乜，好有代表性？定還是只係自己係假日司機就攞出嚟講？"  

https://www.hkepc.com/forum/redi ... 72&pid=41406845
樓主講左自己係要買架假日車, 係你九唔搭八衝入黎呢個講油車的POST 反人地買油車

"求其一架電車都三十幾萬起跳(入門版)。廿萬架新油車平左十幾萬用來入油都有排入，當然高咪人士我這講法不適用。我自家上班用公司車，自己車真係假日車，一年行唔到10000km,呢一刻真係仍未有覺得非電車不可的覺悟，尤其是聽到電車車主(無自已充電位)講充電辛酸的故事。
"


"樣樣所謂嘅選擇都只係從自己角度出發，咁真係咩都唔駛討論。"你講緊你自己?

---

作者: billyyau    時間: 2022-11-8 17:10



其實我一開始唔係覆佢，係覆話買電動車傻X嗰個。
不過係樓主覆話買廿萬車唔駛諗咁多(雖然我唔理解唔駛諗的話點解又要開post問)，跟住講講下就變成咁。

---

作者: billyyau    時間: 2022-11-8 17:14



再講一次，我係覆話買電車傻X嗰個，然後係你哋衝出嚟覆我

我由頭到尾都只係講買車要諗長遠。
第時油站會減少，油價會貴。
所有嘢係基於事實去講，冇從自己角度去講過(如有請指出)

---

作者: kypywk    時間: 2022-11-8 17:15



好鬼死正師兄，你一句就是道出重點XD
我只係假日司機，只想好方便用到車(如果電車同油車同樣咁方便又咁上下價錢就梗係電車，可惜香港暫時唔係好方便充電)。
大家唔好浪費宝貴光陰和比利哥拗了，我個人應對比利哥只有一句:你啱，電車好L抵 XD。
得閒我寧願多D陪吓仔女，坐喺樹不停咁計左計右，真係會浪費我人生的下半生 XD

---

作者: mo9394    時間: 2022-11-8 17:19

本帖最後由 mo9394 於 2022-11-8 17:28 編輯


事乜實呀, 開頭又話油站做唔到掂, 唔續租轉電站, 我講完 D 約廿年廿年咁租, 就去講商場加充電樁咁, 飄黎飄去咁.

商場加充電樁唔會減少油站架喎. 點解要講要多左電車D 油站會五六年內執晒咁?  大家講左八年十年內買方便,  三分一油站加少少充電位你講到好好, 好夠用.
加充電位又唔代表少左油站, 即使真係少左三分一油站, 以香港油站密度, 仲有三分二油站, 油車入油又點解會唔方便. 三分一又叫多, 三分二又叫少喎, 真奇怪.


買油電長遠要考慮的地方完全明白, 但好多用家係明白自己做緊乜所以仲係買緊油車.  呢一次買, 可能係最後一部買的油車, 預計八年十年後換電車, that's all
五十萬買架油車, 預八年後放到十幾萬, 呢個可能係不合理預期.
廿萬買架油車, 預八年後放幾萬, 大不了湯車, 好合理預期, 最高風險都預埋都唔得?
預左一買一賣, 要蝕車價, 搵到架蝕得最少又最高享受, 配合自己生活, 一年駛三四萬停車場牌費, 三四萬車價, 萬零蚊油錢, 全部知道.

一年駛八萬蚊養架車, 出五六十至一百次車, 就係買個方便. 你唔理解"買個方便"的道理.   
要慳錢假日車係直頭唔駛養. 幾十次車CALL 車都解決到.

---

作者: billyyau    時間: 2022-11-8 17:22




其實呢
你睇返我從冇覆過你個主post，只係你衝出嚟覆我話買架廿萬車都要諗咁多做乜。
唔諗咪衝去落單訂車囉，冇人阻你喎。

---

作者: mo9394    時間: 2022-11-8 17:30



佢講到明"可惜聽朋友講路躁高隔音一般，如果唔係真係心郁郁想出架試吓。"  佢唔係對車價有意見

---

作者: billyyau    時間: 2022-11-8 17:30




你唔駛兜咁大個圈喎
我係話油站會愈來愈少，連政府及油公司都會將油站改充電站，呢個係事實，你點拗都冇用，簽咗約就唔改得？而家係雙方同意下改喎。
呢樣係我解釋點解會話油站會愈來愈少。

停車場加充電，係解釋我話充電設施會愈來愈多

兩點根本冇抵觸，點解你會拉埋一齊嚟講？

另外你話就算cut油站，對你冇影響，只係你嘅感覺，正如我話領展加3000個充電站，你都話充電唔方便一樣，所有嘢你都係從自己角度出發。

---

作者: ne7    時間: 2022-11-8 17:31



我諗你都係想上黎問下架車有無伏
(OT: 成日見到人地問android d 人話 iphone 好d, 問 iphone 又話 android 抵d 咁, 真係黑人問號)

師兄到時買咗記得開心 share 下

---

作者: mo9394    時間: 2022-11-8 17:32

本帖最後由 mo9394 於 2022-11-8 17:33 編輯


你平日有渣部車去領展場泊車?  佢加左3000 個但係我唔係行佢個商場, 我就淨係泊入去叉電, 跟住專登行下百佳惠康? 咁會方便左? 我屋企附近有惠康做乜要渣車去另一個商場泊車買?

我一年只會泊黃大仙兩次左右.

---

作者: billyyau    時間: 2022-11-8 17:33




咁你應該要教下佢，呢個世界有得試車㗎。

---

作者: billyyau    時間: 2022-11-8 17:34




所以咪話你完全從自己角度出發囉。
冇人在乎你一年只會泊兩次黃大仙，世界唔係圍住你轉㗎。

---

作者: mo9394    時間: 2022-11-8 17:35



你泊開邊個領展場, 又share 一下呀唔該. 有乜特色鋪頭我地可以去見識下