標題: [私家車] 新手買二手車一問, 成功買到車了, 感謝哩度嘅師兄們 [打印本頁]

---

作者: kennyleunghk    時間: 2021-8-19 15:22     標題: 新手買二手車一問, 成功買到車了, 感謝哩度嘅師兄們

本帖最後由 kennyleunghk 於 2021-8-22 00:57 編輯

最近女友公司轉到去寶琳, 需要架車返工放工
同佢睇緊D 二手車, budget 3-4.5萬, 但實在係花多眼亂唔識睇
佢本來睇中架kia morning 36K, 睇完車我覺得麻麻地
我地睇緊二手車網有幾個model 都幾鐘意, eg,

- MARCH 3萬零到4萬頭, 大約12/13 年嘅車
- Mazda 2 3萬至4萬中 12/14年都有
- 現代i20, 16年車先4萬??
- 一堆褔士??

因為我地都唔識, 身邊朋友都係買新車居多
想問下有咩要注意? 因網上好多人話唔好買褔仕? 因為歐洲車維修貴?
現代i20點解咁平? 係咪二手難賣返出去?

唔該晒大家

---

作者: wongja    時間: 2021-8-19 16:04

買車一定要買自己鐘意的
march 太舊﹐i20 成個 28car 得一架
你個budget 可以諗下 Jazz GE6
起碼leg room 正正常常﹐march / mazda 2 後面坐唔到人的

---

作者: kennyleunghk    時間: 2021-8-19 16:19

本帖最後由 kennyleunghk 於 2021-8-22 01:00 編輯



    28car 得一架jazz 啱我地budget,
其實後坐無乜所謂, 佢應該無乜機會載人
見好多人都介紹新手買jazz, 有咩優點? 我見好多都係50K up

---

作者: arrychiu    時間: 2021-8-19 17:20



唔好介意，如果你女友揸，真係唔建議係車網買幾萬蚊嘅二手車，
一架10年車好彩就有小問題，唔好彩就有大問題，你好似又唔多熟車，
如果真係要買就俾多小小預算，揾年份新D，手數小D，睇下有無朋友賣車。

---

作者: kennyleunghk    時間: 2021-8-19 18:20

佢第一架車就係唔想咁貴
預左會刮花， 超過4萬佢唔會買

---

作者: ChingTszHong    時間: 2021-8-19 21:05

提示: 作者被禁止或刪除 內容自動屏蔽

---

作者: wgpoon    時間: 2021-8-19 21:53



如果女仔第一部車, 我會介紹4米長左右既細車先 起碼易泊車先

日本車我會介紹porte(2010前) / ractis(13年後)
歐洲車就118i(2011年後)/MK6

porte 就平買, 留1/3錢做執修, 玩1-2年就放
ractis 就家庭車多, 上手有做開保養既問題唔大, 不過13年後貴少少facelift 有大天窗
118i, 2010 年前期係N43偈加ZF6速, 只要無大漏油(睇上手有無執)同慢停波箱無chok 都可以玩1-2年
118i 2011年後用N20偈加ZF8速, 咪數唔高同慢停波箱無chok 都可以諗
MK6, 留定1/4錢換波腦就無乜其他問題

以上係幫朋友買過既分享, 有時遇到部靚盤又未必係心水, 最好叫女女睇樣行先你再慢慢搵

---

作者: killer_queen    時間: 2021-8-19 22:03

Morning 有乜問題咁？車手嫌佢唔夠砌

---

作者: mo9394    時間: 2021-8-19 22:13

四萬蚊買細CC 好難買. 你買大CC 反而易買.

---

作者: kennyleunghk    時間: 2021-8-20 09:07




    坐上morning同坐上mazda2
完全覺得部morning cheap到一個地步= =
其實唔係問題, 但疫前架車只係二萬零, 家陣三萬6
三萬零個個都話買日本車好過

---

作者: kennyleunghk    時間: 2021-8-20 09:09




    買架法拉利一樣會撞到公物吧.....
問題係撞起上黎邊樣肉痛D

---

作者: kennyleunghk    時間: 2021-8-20 09:13




    唔該晒師兄
可惜你介紹果D全部out晒budget
我女友係極慳, 本黎佢預2-3萬內, 我資助埋佢仲要氹左好耐佢先肯提高到4萬5內

---

作者: mo9394    時間: 2021-8-20 09:40

本帖最後由 mo9394 於 2021-8-20 09:42 編輯


好少total loss, 車價唔會跌到零.  你預每年整車或者跌價萬零蚊咁計. 你買一架六七萬的車少野整, 玩三四年放番出去, 都會有兩三萬收番, 同你依家兩三萬的車勁多野整, 可能每年整幾千一萬, 對新手黎講, 前者會好好多, 起碼少D 機會俾車房呃

手緊就唔好養車, 特別係舊車.  你好難預計邊一個月要整車

---

作者: killer_queen    時間: 2021-8-20 09:59




    Cheap 入指車價？外觀？定設備呢？查實

---

作者: kennyleunghk    時間: 2021-8-20 10:01




    唔手緊, 講真佢要買部三四十萬嘅新車都無問題
只是第一架車佢用黎練練先, 玩壞左直接劏架啦

---

作者: kennyleunghk    時間: 2021-8-20 10:07

本帖最後由 kennyleunghk 於 2021-8-22 01:02 編輯



    唔識點講, 可能我凝住kia cheap d 掛
坐椅, 設備感覺都响廉價車黎講都更加廉價
身邊個個都話差唔多價情願買舊2年嘅日本車

---

作者: mo9394    時間: 2021-8-20 10:44

本帖最後由 mo9394 於 2021-8-20 10:53 編輯


養舊車可能要好花心機時間


四年後埋單, 你整四五次車, 每次幾千一萬, 又係駛四五萬. 買架新少少, 唔多駛整, 只係計折舊三四萬左右, 又係一樣.
但渣緊部車舊款肉酸, 公路上著燈新手會嚇死, 或者直接處理不當出意外.  
七年至十年車未必太差, 有 D 直頭同新車接近同款 (facelift, 無大改), 好睇好多

你搵架八年至十年左右車, 2010-2014 左右嗰D 日本車, 保養得好的反而唔多駛整. 如果有 D 大CC 唔太受歡迎車款, 車價真係平靚正. (當然每年油錢同牌貴D)  你揀嗰D 車, 新車十零萬, 你接四五萬, 差價得嗰八九萬但好多麻煩野.  你搵架大CC 的三十萬車款, 樣樣配套都齊好多, 但因為年檢同牌費費, 二手價低, 去到七八萬左右, 同新車比較你平左廿萬入手.

sedan 近年唔受歡迎, 你買部大CC sedan 其實都幾多靚野揀到

例如你接受MAZDA, 可以睇下MAZDA 6.   2014 年的, 七萬左右大把. 如果俾到十萬左右, 有 D 年份新, 咪數低的選擇.

---

作者: mo9394    時間: 2021-8-20 10:59

近年比較多電子野, 最抵買的二手車, 大約係四五年, 你用半價左右接番黎. 去到八九年左右, 放出去, 中間要整的野有限錢.

十年車, 你好熟車就可以接下, 好睇使用率, 保養, 個別車型用料設計.  同年份同一款車, 新舊水平都可以相差好遠.


如果唔係泊街, 通常泊停車場, 而個停無特別細的話, 無必要買細車. 大大地反而係好的學習工具.

---

作者: kennyleunghk    時間: 2021-8-20 11:00

本帖最後由 kennyleunghk 於 2021-8-20 11:01 編輯



    頭先問左佢啦, 唔肯買千5CC以上.....
望住果2千蚊牌費, 佢唔捨得俾....
D女人

如果我用嘅話, 4萬零買部寶馬118i 無煩惱

---

作者: mo9394    時間: 2021-8-20 11:01

本帖最後由 mo9394 於 2021-8-20 11:06 編輯


其實就係有唔少人想慳少少牌費先令大CC 的二手車咁抵買.  有咁的諗法唔奇, 睇你自己揀車的配置定嗰二千蚊, 本身D option 你新車要加, MAZDA 2 VS MAZDA 6, 加成四五萬都未追到, 每年俾兩千蚊抵唔抵? 用到配置就抵.

MAZDA 3 / 6 我覺得係基本喇. 地盤車工程車粗用就MAZDA 2,  女仔用家用等等, 唔駛咁齋.

嗰個年代的 MAZDA 2 係廿年前三十年前技術, 乜電子野都唔用, 簡單, 唔壞. 同年代的MAZDA 3 / 6 係MAZDA 招牌產品, 靚用料, 靚設計.

---

作者: kennyleunghk    時間: 2021-8-20 11:06




    D 女人買野同男人好大分別
佢地係睇平唔平, 唔係睇好好用
心很累

---

作者: mo9394    時間: 2021-8-20 11:09

本帖最後由 mo9394 於 2021-8-20 11:11 編輯


MAZDA 6 我近排有睇過, 超抵買.   
如果唔係有必要用七人車所以揀另一D 車所以無乜再深入睇.

如果自用四五人內, 一係舊款 SUV (貴少少, 但日後二手放易放), 一係稍舊年份的第三代MAZDA 6. 不過SEDAN 大CC, 唔係BMW/BENZ, 幾年後要放, 可能要等好耐/價唔好. 自用到湯就超抵玩, 七萬八萬左右, 幾頂級的裝備, 你渣四年都回晒本.

---

作者: mo9394    時間: 2021-8-20 11:12

本帖最後由 mo9394 於 2021-8-20 11:18 編輯


新少少款的車有晒後泊鏡頭, 泊車易好多.

mazda 2.... em.... 應該要2015 打後先有, 唔同價喇

2014 前青蛙樣, 2015 係豹樣. 稍為識車, 一望就知勁舊款 (MAZDA 6 2011/12 已經轉左唔係青蛙款, 即十幾年前車款)
平嗰一兩萬, 其實寒酸好多.

---

作者: petitsang    時間: 2021-8-20 11:17

香港油價又貴，停車埸又貴，養車都唔平貴

想慳一定係的士

---

作者: petitsang    時間: 2021-8-20 11:23

新手買車，考慮左泊邊先，
新牌同年輕保險又會貴D
選啱車種，入翻嗰個車group睇睇架車一般有咩問題

---

作者: arrychiu    時間: 2021-8-20 11:25



建議如果可以唔買最好就唔好買，
買架幾萬蚊嘅車好有可能只係煩惱嘅起點，
如果你女友係慳慣真係唔適合買車，
養車真係咩都係錢，入油泊車保養維修牌費保險。

---

作者: wgpoon    時間: 2021-8-20 11:35



咁我會叫佢選porte/ ractis, 因為歐洲車已經唔係佢杯茶

再睇埋價錢, 真係得porte 可以諗

---

作者: kennyleunghk    時間: 2021-8-20 11:45




    我就會考慮哩D
佢就唔會理舊唔舊款.......
一開頭佢係想買D 2萬零蚊零幾年車.......

---

作者: kennyleunghk    時間: 2021-8-20 11:46




    其實佢都唔想買, 但佢而家返工個位無車到......
我成日話佢係貼錢返工.....升經理加得雞屎咁多仲要買架車..........

---

作者: kennyleunghk    時間: 2021-8-20 11:46




    佢公司同樓下都有位泊, 唔使錢

---

作者: kennyleunghk    時間: 2021-8-20 11:53

其實部16年現代i20 7萬公里4萬蚊買唔買得過?
二手市場完全無, 無得參考

---

作者: kennyleunghk    時間: 2021-8-20 11:55




    幾經辛苦先由2-3萬氹佢加到4.5
哩2款我覺得係mission impossible

---

作者: wgpoon    時間: 2021-8-20 12:12



咁你都有排煩, 我就咁以一年支出唔計油錢泊車

1. 45K 你都係要留番10K做整/保養
2. 5K 做3保連過戶加少量牌費(睇上手送幾多個月啦)

30K budget, 全部2010年之前, IS250/mazda 6/ractis/note
我建議你搵部私放, 搵間車房比$500-800搵人check, 無大撞/大漏油/波箱chok 就算啦

如果3-5萬既車行車, 我怕你行一轉就係直入車房

---

作者: musicmatch    時間: 2021-8-20 12:30

個人建議，買架剛驗車連剛續1年牌費嘅1.5日本車。新牌買車年份唔係重點

---

作者: mo9394    時間: 2021-8-20 12:45

本帖最後由 mo9394 於 2021-8-20 12:57 編輯


以下我亂吹, 非H 用家經驗之談:

如果再早期少少無乜電子野嗰D 可能可靠D.
16 年有 D 唔三唔四, 多左電子野, 但又唔係大路車, 街外車房可能覺得難整.  不過, 買得近幾年的車非大牌子都預左, 唔會話非常差, 只係你覺得值唔值.
(頭先睇過下 https://www.car1.hk/news/hyundai-i20-2016-review/, 2016 仲用緊4AT, 咁照計無問題, 幾十年技術, 無乜電子野, 都真係幾難壞. 不過就真係舊D LOR.  用油以及力度噪音等等都唔係呢個年代的車. 我上部2004 車用4AT 都舊喇, 2005/06 款都改左5AT)

你擺低部車, 佢地問零件價, 裝拆唔熟手, 預要用多左時間. 整一整就擺低兩三日有手先同你搞.


五年車, 新車十六七萬, 比例上都叫平. 要留意下車的新舊, 係唔係有野整先甩手.   

頭七年唔駛驗車, 佢係唔係知道D 野, 怕驗唔到車, 儲埋儲埋, 你之後一驗車可能要大執下先過到.

---

作者: kennyleunghk    時間: 2021-8-20 12:51

本帖最後由 kennyleunghk 於 2021-8-20 12:54 編輯



    預左有排煩架啦, 我幫佢揀一陣有乜事又係嘈我, 鬼叫我係佢男友咩
    架i20 就係私人放, 我同左車主講今晚睇左初步ok的話會搵車行check 架車, 唔記得邊間公司有提供, $1500
其他都是車行車, 我同事都同我講車行果D車新淨程度同里數唔可靠
其實車行車係咪都可以搵師傳去check 車?

---

作者: mo9394    時間: 2021-8-20 12:53



如果七八年車, 起碼證明驗過車過到關, 下次唔駛預錢整都可以自己渣去驗. 都叫有好處.

---

作者: arrychiu    時間: 2021-8-20 13:05



咁就真係煩，不過好在有你呢個男友頂住。
俾個數字參考你，之前買過架二手車俾同事揸，
車價7.5萬，返嚟攞架車去車房換晒水油Check車，
要換迫力皮裝車Cam換四條胎連牌費燕梳已經萬幾兩萬蚊，
當然你可以換D平D嘅胎，裝D平D嘅車Cam，
不過最緊要安全，養車有D嘢真係無得慳。

---

作者: mo9394    時間: 2021-8-20 13:06

平車換零件有時會考慮副廠件/水貨, 而部份品牌香港好少副廠件/水貨, 例如 nissan 以前都話唔好, 下下番去訂原廠件, 已經唔見幾千.
hyundai 以前都係咁, 要原廠訂件, 依家有無好左唔知.

---

作者: ChingTszHong    時間: 2021-8-20 13:19

提示: 作者被禁止或刪除 內容自動屏蔽

---

作者: GUILDWARS    時間: 2021-8-20 13:55

係咪一定要養車?
CALL車會唔會好D?
唔使煩咁多野就住就住
女友手車又點呢?
我覺得呢個先係重點
慳埋慳埋一炮嘔突
最怕係冇後悔藥食
有D野係冇得返轉頭

---

作者: wgpoon    時間: 2021-8-20 14:03



等下PM 你睇車留意既細節, 不過一千零一部, 你都係要搵熟手車房去睇

---

作者: kennyleunghk    時間: 2021-8-20 14:11




    唔該晒師兄

---

作者: mo9394    時間: 2021-8-20 14:23

本帖最後由 mo9394 於 2021-8-20 14:28 編輯

7 萬公里但假日車都幾奇, 佢都幾多假期下  

無乜特別意思的

保養得好不成問題的. 里數少但唔保養可能仲大鑊

唔計個engine 波箱等設計舊D, 其他野都算係咁. 代步用OKAY. 兩邊泊車唔駛成本就OKAY. 如果要俾錢泊車之類, 計下一年成本要幾萬, 買好少少先值.

---

作者: wgpoon    時間: 2021-8-20 14:34



車行車係咪都可以搵師傳去check 車?

有錢一定可以既 不過掉轉諗, 3-5萬既車, 車行收番來我當3萬,
人工, 地租, 油錢, 都係成本, 你係車主如果部車值5萬會唔會放3萬先?
就算到你手就賣到5萬蚊, 你都係要比錢再細執

另外係車行通常唔會咁易比你上架, 一來油錢/人工都係成本, 你上完唔買佢就白做
但上得架就屈你比訂, 比得訂就算有撞都可以話小撞唔比退, 叫你選"同公司其他車"

當然, 有D車我會買車行既, 新年份同有行保就諗得過
一來新車唔多野整, 二來有廠照住唔怕有事

---

作者: kennyleunghk    時間: 2021-8-20 14:37




    多謝師兄
學到好多野

---

作者: mo9394    時間: 2021-8-20 14:38

本帖最後由 mo9394 於 2021-8-20 14:44 編輯

大昌嗰D 信得過, 不過貴LOR. 十幾廿萬, 新年份二手可以考慮, 幾萬蚊就難D.

其實睇下乜車款, 0 手 1 手咁喇.

有一批人只買新車, 用四五年後就換車, 唔想保養. 佢地直接trade in 架車俾sales, 所以你識車行sales 都可能接到 1 手的trade-in 靚車. 好多時上手車主跟足原廠保, 錫唔錫車, 渣車叻唔叻就難講, 但唔會撞到好勁之類.

例如我 2011 左右接左架 2004 mazda 6, 係同一個vw sales 買. mazda 當年轉代理, 前車主本身英之傑有 D 關係保養平, 見佢轉代理無得平所以換車. 架車保養得好好.

trade in car 通常sales 會去代個客私人放售先, 好價就自己袋多少少差價.  放唔出, 又無車位養咁多架, 最後先經公司搵車行去接. 個價差好多.

---

作者: kennyleunghk    時間: 2021-8-20 14:38




    我覺得D車行車13年車3萬幾仲奇
車主住寶琳, 佢話聽日睇車嘅話要去到港島南
佢應該一放假就成日跑好遠

---

作者: kennyleunghk    時間: 2021-8-20 14:44




    聽你咁講部i20應該都ok
咁冷門應該好難唔去原廠保?

---

作者: ChingTszHong    時間: 2021-8-20 14:45

提示: 作者被禁止或刪除 內容自動屏蔽

---

作者: kennyleunghk    時間: 2021-8-20 14:51

本帖最後由 kennyleunghk 於 2021-8-20 14:53 編輯



    我都知, 但哩個budget真係無乜好選擇
我其實同佢講過好多次1500至2500CC 多好多選揀, 佢一句no 塞埋黎
13年audi a4  都係4萬零, 話晒都歐洲車呀

暫時鎖定左部i20, MARCH, NOTE同萬事得2
今個星期會盡量睇多幾架, 不過除左架i20 其餘好似都係車行車, 好似危危地

---

作者: mo9394    時間: 2021-8-20 14:56

本帖最後由 mo9394 於 2021-8-20 14:57 編輯


番原廠郁下手就萬幾兩萬.
所以話買舊D 的二手車, 車價都係幾萬, 日本雙田睇車價看似貴一兩萬但可以平D 出街整, 韓國車一計要維修時無咁方便就唔係咁抵.

韓國車新車, 廿零萬買到人地四十萬左右裝備, 同樣原廠保養維修咁去比較就抵. 抵唔抵係跟車價同設備去比例.


睇年份睇里數我覺得合理價. 佢保養無大問題, 求其搵個CF 睇下無大撞過的, 我覺得代步可以接受. (但我自己唔會買佢, 買韓國車會諗下買新車)

---

作者: kennyleunghk    時間: 2021-8-20 15:03




    明白, 唔該晒

---

作者: mo9394    時間: 2021-8-20 15:05



例如早十年八年前聽人講, 撞爛左車頭燈個燈罩, 好似NISSAN, 原廠QUOTE 淨料三四千, 搵唔到副廠.
雙田之類, 副廠件就平好多, 再唔係劏車場都搵到二手件, 呢D 唔影響安全的, 可以平整.

---

作者: ChingTszHong    時間: 2021-8-20 15:09

提示: 作者被禁止或刪除 內容自動屏蔽

---

作者: kennyleunghk    時間: 2021-8-20 15:14




    07年車黎講好靚仔喎
但成十四年車有無伏?

---

作者: ChingTszHong    時間: 2021-8-20 15:19

提示: 作者被禁止或刪除 內容自動屏蔽

---

作者: kennyleunghk    時間: 2021-8-20 15:27




   其實講到尾都係自己鐘意邊架? 年份反而唔太重要? 應該車主點保養先係問題? 因為我成日覺得架車年份新D應該好D
唔同牌子型號分別就响日後維修嘅難度?

---

作者: mo9394    時間: 2021-8-20 15:29

本帖最後由 mo9394 於 2021-8-20 15:39 編輯


正常唔多會買

SUZUKI 本身唔貴, 二手性價比唔高.

---

作者: ChingTszHong    時間: 2021-8-20 15:31

提示: 作者被禁止或刪除 內容自動屏蔽

---

作者: mo9394    時間: 2021-8-20 15:35

本帖最後由 mo9394 於 2021-8-20 15:37 編輯


唔強調假日車其實幾萬公里好正常. 我都係講下笑, 佢話假日車但都用得幾足下


特別係行公路多, 個個星期走兩三轉大西北西貢, 都計到下數, 公路行幾十公里無乜損耗, 里數去得快都係低轉定速, BRAKE 都唔駛踩.

---

作者: ChingTszHong    時間: 2021-8-20 15:37

提示: 作者被禁止或刪除 內容自動屏蔽

---

作者: mo9394    時間: 2021-8-20 15:41

本帖最後由 mo9394 於 2021-8-20 15:43 編輯


幾萬蚊可以話唔好諗太多... 彩數多數睇數字比較.

壞起黎就係壞, 人地未必有人呃你, 就算車主自己好俾心機打理, 但D 野到期老化突然間壞左就係壞左.

---

作者: ckkong97    時間: 2021-8-20 15:42


我舊年俾人撞過車頭，豐田個原廠燈罩三四千一個 2014年車

via HKEPC Reader for Android

---

作者: mo9394    時間: 2021-8-20 15:45



其實原廠計零件可能間間差唔多, 架車新, 仲值十幾萬時當然整番好好睇睇喇, 原廠換最安心

但當你部車值萬零兩萬蚊, 爛左燈罩, 可以點搞, 番原廠佔左一半車價就唔多想.

---

作者: ChingTszHong    時間: 2021-8-20 15:45

提示: 作者被禁止或刪除 內容自動屏蔽

---

作者: mo9394    時間: 2021-8-20 15:47

本帖最後由 mo9394 於 2021-8-20 15:48 編輯


我自己渣緊部車, 年年有保養, 都一樣會壞風扇, 唔夠冷氣之類. 因為除左原廠乜都同你報, 想你整, 大部車房都唔會咁詳細叫你預先換定D 零件. (唔壞叫你換即係湯客, 變黑店)

去到一定年份的車, 如果好認真所有野都CHECK, 人地俾份報告你, 基本上都係同你講, 乜乜零件有老化, 有機會要換, 乜乜力度唔夠, 有機壞咁, 就架架都唔駛買.

如果HEA 做, 淨睇大野, 就多數唔會講D 風扇摩打電動野之類

---

作者: ckkong97    時間: 2021-8-20 15:50


最慘係舊年單野剛剛收錢，到個尾俾人撞左，上果單唔肯私了，告入完cd,最後公証行追，我輸公証收費,前後九個月收錢
今次個尾呢單就收倒錢，交通個case 我唔追究就完左，都攪左成個月...

via HKEPC Reader for Android

---

作者: ChingTszHong    時間: 2021-8-20 15:51

提示: 作者被禁止或刪除 內容自動屏蔽

---

作者: mo9394    時間: 2021-8-20 15:52

本帖最後由 mo9394 於 2021-8-20 16:04 編輯


我自己有插開黎玩, 其實唔會睇到太多野.

我之前部錢七有系統過稀問題, 行到走得, 但渣一排會出engine 燈, 大約估計係入氣位有D 裂, 不影響安全, 但燒得無咁靚. 去車房CHECK 佢地意見係舊車一定有 D, 唔覺得無力就可以照用, 消CODE 就俾我走. 我後期自己買機消CODE 方便D.  

我插住部機睇數字, 其實問題唔明顯, 數字上唔會睇到.

---

作者: kennyleunghk    時間: 2021-8-20 16:00

其實燈罩哩D係咪有得淘寶?

---

作者: mo9394    時間: 2021-8-20 16:03



左駕右駕可能唔同.

---

作者: arrychiu    時間: 2021-8-20 16:03


要注意有無右舦版，同埋有D車係要成支換。

---

作者: ChingTszHong    時間: 2021-8-20 16:04

提示: 作者被禁止或刪除 內容自動屏蔽

---

作者: ckkong97    時間: 2021-8-20 16:06


大陸有完全一樣就係，大陸版同港版唔同都未必一樣，就算同一款車都係咁話，大陸版個樣唔同parts 都會唔同

via HKEPC Reader for Android

---

作者: mo9394    時間: 2021-8-20 16:07

本帖最後由 mo9394 於 2021-8-20 16:11 編輯


我可以自己消CODE, 消完CODE 睇數字係睇唔出

當然, 有CHECK 好過無CHECK



而到最後我要湯部錢七, 都係同電有關. 我估中控台老化, 所以會令成架車電壓不穏. 十次有一兩次有事. 一般渣車唔覺, 無CODE. 但中控台BOOT 機會整熄個冷氣好煩, 死火機會好細, 但有一次死過. 唔打算整, 所以湯車.  
而嗰一個, 不論去車房/我自己插機睇, 都係無任何ERROR CODE

---

作者: kwliu    時間: 2021-8-20 16:08



一定唔同，個燈影有分別。
有時去淘寶買parts除咗要睇車款大陸有無外，左右軚版有時幾煩，窗控，中央鎖，玻璃升降器。
試過買右邊非司機位玻璃機，同自己司機位玻璃機玩二合一。

---

作者: ChingTszHong    時間: 2021-8-20 16:13

提示: 作者被禁止或刪除 內容自動屏蔽

---

作者: kwliu    時間: 2021-8-20 16:14



非常認同，架車正常粗咪事少，最多換啲有限錢耗材，但係高手數就特別驚，唔知係咪架車有暗病唔想整放車，正常一般人換車唔會咁密。

---

作者: mo9394    時間: 2021-8-20 16:17

本帖最後由 mo9394 於 2021-8-20 16:20 編輯

數字睇, 最好零手, 低咪數. 不過可能代表佢新手, 唔識玩車. 可能係乜都無換過, 幾年無換油死得.

少出車, 唔熟, 都可能會撞花過下.


合理咪數, 合理使用, 車主係肯駛錢的人, 日常要用, 用夠悶就換車, 反而合理.  (對喜歡新車車主計, 好多理論話 3-4 年換車係最好, 價錢都仲收得一半, 使用過程好少壞野)

---

作者: kwliu    時間: 2021-8-20 16:17



有得十年以上睇漆面同膠邊都估到。

---

作者: mo9394    時間: 2021-8-20 16:18



我上架十七年車自問保養得幾好. 另外我見我停車場好多頭文字D 年代的JDM, 都保養得好好.

---

作者: ChingTszHong    時間: 2021-8-20 16:20

提示: 作者被禁止或刪除 內容自動屏蔽

---

作者: kwliu    時間: 2021-8-20 16:21



成月咪快囉，我追康文署等咗八個月。

---

作者: mo9394    時間: 2021-8-20 16:22



呢個買幾萬蚊車有 D 無謂.

---

作者: ChingTszHong    時間: 2021-8-20 16:24

提示: 作者被禁止或刪除 內容自動屏蔽

---

作者: kennyleunghk    時間: 2021-8-20 16:25

咁睇落架0手i20 都真係幾唔錯
今晚睇睇佢保養成點先, 唯一缺點就係韓國車啫

哩度D師兄真係好幫到手, 萬分感謝

---

作者: ckkong97    時間: 2021-8-20 16:26


呢次交通部阿sir做倒野，開頭話貴唔賠，最後都係俾
政府，有排攪啦

via HKEPC Reader for Android

---

作者: kwliu    時間: 2021-8-20 16:30



泊露天好難keep得好，日日落車cum?

---

作者: mo9394    時間: 2021-8-20 16:32

本帖最後由 mo9394 於 2021-8-20 16:41 編輯


我室內, 好多年前買左車位, 少用車.

無乜成本, 少用車, 見部車無乜野要打理又繼續平養咁.

最近有需要七人車, 唯有換. 一換一quota 拎去賣仲值錢過賣車, 所以湯車快手搞左就算.  其實架車都真係好健康.

---

作者: mo9394    時間: 2021-8-20 16:35

本帖最後由 mo9394 於 2021-8-20 16:48 編輯


牌子香港計唔好(二手車計), 車的ENGINE / 自動波技術落後 (好處係易整唔多會壞), 車內裝備唔豪華 (近年韓仔好豪華). 以一般養車要比較高成本的買家計 (例如停車場一年要三四萬), 唔算特別好的選擇.

你話村屋泊車唔計錢, 粗用, 甚至可以泊幾架, 呢架係其中一架粗用腳車, 就幾好.  如果我要租停車場, 我無理由每年拎四萬蚊停車場, 但養一架幾萬蚊唔夠好睇唔夠好用的車仔. 搵架大 D 好睇D 實用D.

但係韓仔計, 新車 KIA SORENTO 我又覺得可以推介, 特別係柴油版 (特別係你地無NCP, 少一個考慮因素), 廿幾萬真係又豪華又好力又平油錢.

---

作者: kwliu    時間: 2021-8-20 16:36

本帖最後由 kwliu 於 2021-8-20 16:38 編輯


最低死係我只係claim佢唔夠一萬，個外判打電話嚟話可唔可以收順啲，條友好彩自己唔知，如果"坡"樹擲到人/貴車隨時賠多幾十倍。

---

作者: 罪大惡極    時間: 2021-8-20 16:48

計唔掂數, 一陣又好似搭的士, 條仔係咁話4千蚊呀...  

---

作者: ChingTszHong    時間: 2021-8-20 16:54

提示: 作者被禁止或刪除 內容自動屏蔽

---

作者: mo9394    時間: 2021-8-20 16:56

本帖最後由 mo9394 於 2021-8-20 16:57 編輯


逢星期六日都出足兩日街, 每次都一定係由香港最東去最西/最南去最北之類. 五年個個星期一樣.   如果父母/外家係住大西北, 一日男家呢邊, 一日女家嗰邊, 都可以OKAY

---

作者: ChingTszHong    時間: 2021-8-20 16:58

提示: 作者被禁止或刪除 內容自動屏蔽

---

作者: kennyleunghk    時間: 2021-8-20 16:58

本帖最後由 kennyleunghk 於 2021-8-20 17:02 編輯



    我12年响澳洲同朋友夾份買二手車,
當年d 0幾年車閒閒地都廿幾萬公里

---

作者: ChingTszHong    時間: 2021-8-20 17:00

提示: 作者被禁止或刪除 內容自動屏蔽

---

作者: kennyleunghk    時間: 2021-8-20 17:01




係, 我都唔係好理解
車行車聲稱9年車得3萬5公里, 私人0手5年聲稱7萬

---

作者: mo9394    時間: 2021-8-20 17:02



我都係經驗所談. 我假日車, 筲箕灣去屯門/元朗為主. 有一排一星期來回一次左右.  
其實車程都有 D 長, 可以固定每個星期走咁樣兩轉其實有 D 累.

我假日車渣到湯都係八萬左右.