作者: dcc2000 時間: 昨天 14:37 標題: P記一拖三變頻分體機重生篇
本帖最後由 dcc2000 於 2026-6-14 16:16 編輯
4月尾屋企人嗰部P記一拖三分體機有一晚無啦啦突然死亡, 3部掛機嘅TIMER燈長閃, 試咗熄大制斷電、撳遙控或掛機嘅reset制, 重開機後故障依舊。
用遙控check error code 為 F90, 室外機嘅自檢LED亦顯示為F90, 指PFC電路故障, 原因可以係室外機主板甚至Compressor壞。
當年裝修時, 因有雪種喉入咗傢俬及假天花, 要重新拉喉, 家具好難無損, 或多或少都要執手尾, 用返舊喉又唔太理想, 原本打算嚟緊一、兩年會大裝修, 若依家裝新機, 到時又要就位或移機, 所以傾向寧愿維修。
[attach]2529807[/attach]
[attach]2529808[/attach]
[attach]2529809[/attach]
[attach]2529810[/attach]
作者: dcc2000 時間: 昨天 14:37
本帖最後由 dcc2000 於 2026-6-14 14:41 編輯
揾P記代理信X, 檢查費980, 仲要等一、兩星期, 之後轉折揾到位師傅, 佢話信X仍有零件可提供, 報到大概維修價格, 換主板、濾波板、壓縮機、維修人工等等各項價格, 屋企人最終搭咗棚, 師傅拆開檢查後有講過部機比較舊(用咗13年), 要維修當然可以, 報咗個總維修價, 但值唔值得整就自行考慮。
最終, 當然(省卻千字), 無奈之下要選擇換機, 因位置所限, 只能裝返一拖三, 機 + 裝工, 預計至少兩萬七、八。
[attach]2529812[/attach]
[attach]2529813[/attach]
作者: dcc2000 時間: 昨天 14:38
本帖最後由 dcc2000 於 2026-6-14 14:52 編輯
其實部機一直正正常常用緊, 個死亡跡象似係電路(電子零件)問題, 雖然師傅有講過壓縮機三組線圈阻值低於官方spec, 可能導至主板損壞。
喺揀新機其間, 部舊機反正擺喺度, 為何唔做吓科研？
首先search吓淘佬有無主板, 完全一樣嘅就預咗冇喇, 外觀相當近似嘅(一拖四)型號就有, 但PCB形狀及螺絲位亦有分別, 賣家話用唔到。
[attach]2529815[/attach]
作者: dcc2000 時間: 昨天 14:38
本帖最後由 dcc2000 於 2026-6-15 01:55 編輯
喺外國揾到拆機主板, 運費仲貴過三塊板, 總計要成兩千幾蚊。
都係拆開睇吓先, 安裝嘅位置確係刁鑽, 感謝之前嘅師傅將最難拆嘅螺絲擰鬆咗。
部機嘅狀況, 銅管表面當然有氧化, 畢竟十幾年機, 同時發現當年師傅並無搣開底盤去水口鐵片, 及做去水(淨冷機好多師傅唔做), 因高低壓銅管嘅倒汗水會被旁邊膠冚導入機壳底部, 若冇開去水口, 即係養水喺鋅鐵底盤, 導至生銹係必然, 情況類似冇做去水嘅窗口機。
[attach]2529816[/attach]
[attach]2529915[/attach]
先檢查壓縮機, U-V-W 3組線圈阻值均為0.9Ω, 未知是否符合官方規格, 絕緣錶500V檔, U-V-W 3組對地(約790MΩ)無短路, 有冇內傷就唔知了。
檢查幾粒sensor阻值, 基本符合官方規格。
[attach]2529817[/attach]
[attach]2529818[/attach]
[attach]2529819[/attach]
若要將整個模块(主板及濾波板)拆下都幾大工程, 要甩晒旁邊主供電、及3部掛機嘅電源線, 唯有偷雞只拆機頂主板, 主板與黑色膠框有封膠, 拆走6粒螺絲後, 用cutter界開主板與膠框位置嘅封膠, 取出主板。
[attach]2529820[/attach]
[attach]2529821[/attach]
[attach]2529822[/attach]
[attach]2529824[/attach]
[attach]2529823[/attach]
作者: dcc2000 時間: 昨天 14:39
本帖最後由 dcc2000 於 2026-6-14 19:15 編輯
主板零件冇明顯燒毀痕跡, 初步檢查發現PFC電路嘅IGBT管燒毀(E、C短路), 而兩隻橋式整流器, 及IPM模块(推壓縮機)均正常, 若壓縮機有問題, IPM通常會燒埋, 鬆5粒螺絲拆下散熱器就見到以上4個零件, 導熱膏似乎都乾硬化了。
拆下GT30J122 IGBT, 確定E、C短路, 再測其它位置電路有無異常, 特別係6粒連接IPM模块嘅680Ω電阻, 及IGBT嘅電路(Zener、三極管、光耦、電阻、電容)。
[attach]2529839[/attach]
[attach]2529840[/attach]
[attach]2529841[/attach]
[attach]2529843[/attach]
部機仍能出到error code, 理論上CPU控制電路, 及低壓供電係正常, 更換IGBT後, 及重新塗上導熱膏, 裝好散熱器, 封返螺絲位, 接220V測試, 因為冇接主要組件, 所以只能check到最基本嘅低壓供電是否正常。
[attach]2529844[/attach]
[attach]2529845[/attach]
[attach]2529846[/attach]
作者: dcc2000 時間: 昨天 15:03
本帖最後由 dcc2000 於 2026-6-14 15:36 編輯
搏一搏, 單車變摩托, 裝返落室外機, 開大制, 按遙控開機, 壓縮機及風扇正常啟動, 室外機嘅自檢LED亦顯示正常, 室內掛機亦可用遙控清除F90 error code。
[attach]2529850[/attach]
熄大制, 主板噴返保護漆, 等幾個鐘乾固後再開機, 一切正常。
[attach]2529851[/attach]
飽歷十多年日晒雨淋嘅豬腸喉已老化開裂, 劏幾條豬腸喉暫時紮住頂檔, 試吓長Run兩三日部機有冇問題。
3芯電線再加一條, 以前裝機師傅嘅手工, 自行評價。
[attach]2529852[/attach]
[attach]2529853[/attach]
[attach]2529854[/attach]
[attach]2529855[/attach]
作者: dcc2000 時間: 昨天 15:28
本帖最後由 dcc2000 於 2026-6-14 17:49 編輯
Run咗幾日冇問題, 淘埋其它材料, 開口自粘豬腸喉, PVC紮帶, 鋁箔膠紙, EVA膠水, 索帶, 喉馬等進行修補。
[attach]2529860[/attach]
洗機, 拆舊豬腸喉, 整理電源線, 裝不銹鋼去水盤, 套上新豬腸喉, 每條喉接駁位用膠水及鋁箔膠紙封好, 先包一層PVC紮帶, 之後連埋電線一齊再包一層, 再油SIKA防水油(係其它地方用剩的), DIY級別, 手工麻麻, 部機捱到幾耐得幾耐, 嚮應環保。
[attach]2529861[/attach]
[attach]2529863[/attach]
[attach]2529872[/attach]
[attach]2529862[/attach]
[attach]2529864[/attach]
[attach]2529873[/attach]
[attach]2529865[/attach]
[attach]2529866[/attach]
[attach]2529867[/attach]
[attach]2529868[/attach]
[attach]2529870[/attach]
順便買咗隻玩具。
[attach]2529869[/attach]
淘豬腸喉時然發現呢種室外機 “隔塵網”, 若室外機位置手可觸及, 可以試試, 畢竟一般用家要洗室外機比較困難(排走污水)。
[attach]2529877[/attach]
[attach]2529878[/attach]
[attach]2529879[/attach]
作者: dcc2000 時間: 昨天 15:33
本帖最後由 dcc2000 於 2026-6-14 18:03 編輯
順手整埋兩隻黑屏遙控(換偏光底膜)
更換時要試角度, 我呢張銀面白底需要左轉45°
[attach]2529880[/attach]
[attach]2529881[/attach]
[attach]2529883[/attach]
[attach]2529882[/attach]
[attach]2529884[/attach]
[attach]2529885[/attach]
[attach]2529889[/attach]
[attach]2529886[/attach]
[attach]2529887[/attach]
[attach]2529888[/attach]
作者: ricoyoki 時間: 昨天 16:16
無功底做唔到, 佩服.
作者: 1qwer 時間: 昨天 17:16
多謝師兄分享。
作者: tomchen 時間: 昨天 17:16
擒棚出去搞，配服
作者: Miipp 時間: 昨天 18:10
松下 d 電子板係易壞 d
我以前部 r410a 變頻幾年就壞室內機底板，洗左千幾蚊。十零年機齡時再壞就無再整直接換機
至於佢個碳膜搖控係好易壞 (唔計偏光片老化) ，我個幾年就壞左，逃佬個陸版鍋仔片版搖控，用到換機都無壞
作者: dcc2000 時間: 昨天 18:55
本帖最後由 dcc2000 於 2026-6-14 19:09 編輯
松下 d 電子板係易壞 d
我以前部 r410a 變頻幾年就壞室內機底板，洗左千幾蚊。十零年機齡時再壞就無再整直接換機
至於佢個碳膜搖控係好易壞 (唔計偏光片老化) ，我個幾年就壞左，逃佬個陸版鍋仔片版搖控，用到換機都無壞
Miipp 發表於 2026-6-14 18:10
部室外機用咗13年先至壞, 算唔錯了, 若果當年嘅所謂師傅, 喺安裝時有做埋去水, 部機嘅鋅鐵底盤理論上唔會生銹咁嚴重, 依家散熱器最底嗰排鋁鰭片都銹爛了。
維修過幾部P記變頻分體室內機, 試過供電IC燒毀, 低壓供電MLCC電容短路, 導至電源供電保護著唔到機, 亦試過係面板嗰粒reset制有二百零Ω電阻(好多牌子嘅室內機都出現過), 導至無啦啦自動開關機。而舊款定頻機壞風扇或壓縮電容, 就經常見。
[attach]2529890[/attach]
作者: vtrchan 時間: 昨天 22:55
本帖最後由 vtrchan 於 2026-6-14 23:24 編輯
依D一拖幾嘅機最怕就係壞室外機，一壞就全屋無冷氣，師兄會唔會在新裝修時考慮分番開佢哋？
作者: TH30 時間: 昨天 23:17
本帖最後由 TH30 於 2026-6-14 23:27 編輯
依D一拖幾嘅機都怕就係壞室外機，一壞就全屋無冷氣，師兄會唔會在新裝修時考慮分番開佢哋？ ...
vtrchan 發表於 2026-6-14 10:55 PM
咁「睇唔開」要裝一拖幾，甚至換機都換返一拖幾的，好可能是本身環境限制或不可抗力因素。同意一拖(死)幾，個壞機風險太大
PS. 俾讚樓主，好詳細的分享。可以同行家爭飯食
作者: ken2004 時間: 昨天 23:28
好勁 ! 要俾一百個讚
呢個遙控賣兩舊幾好個去腸，俾金8王漏汁蝕爛銅皮整唔到硬食
作者: Miipp 時間: 昨天 23:41
好勁 ! 要俾一百個讚
呢個遙控賣兩舊幾好個去腸，俾金8王漏汁蝕爛銅皮整唔到硬食 ...
ken2004 發表於 2026-6-14 23:28
識逃就唔使硬食
國行係用鍋仔片，好過行貨多多聲 (無論手感同壽命)
[attach]2529909[/attach]
作者: dcc2000 時間: 昨天 23:58
依D一拖幾嘅機都怕就係壞室外機，一壞就全屋無冷氣，師兄會唔會在新裝修時考慮分番開佢哋？ ...
vtrchan 發表於 2026-6-14 22:55
正有此打算, 但始終位置所限, 到時應該會裝兩部, 一拖一 + 一拖二。
冇冷氣嗰兩星期, 屋企人相當困擾, 就算買新機, 都唔係三、兩日可以搞妥。
結論, 一拖x分體機慳位確係優點, 好耐之前試做過對比, 較獨立兩、三部分體機稍稍慳電, 不過缺點亦相當明顯, 外機有事就。。。
作者: dcc2000 時間: 1 小時前
當時有同屋企人相量過, 揾師傅維修, 棚錢俾(輸)硬, 上嚟嗰位師傅之前都有提過, 舊機位置若只係拆機及重新裝機, 不一定要搭棚, 可以慳返棚錢, 不過屋主已預算短期內會大裝修, 整到就暫時用住先, 亦預算萬零蚊維修費。
只係壞咗一粒零件, 足以產生一筆近三萬蚊嘅新消費, 大多數人可能會選擇換新機, 又可促進經濟, 其實一套仍可使用嘅大型家電, 係咪應該就咁淘汰, 都幾矛盾。
作者: shingzhk 時間: 1 小時前
比個讚師兄, 能人所不能
其實廠家做得detect error code, 已經有條件對應地方個module換
未去到#1呢種高手, 一般中手只要配到module成塊換可以救返好多機
印象中歐盟已經有法例要求廠家要有維修件出售, 耐何香港....
作者: dcc2000 時間: 1 小時前
電器產品, 香港依家基本上已冇真正嘅 “維修”, 只係做裝拆工, 換組件、換模塊而已, 追求高效, 但過咗保養期呢, 維修費用會直接/間接引導你買新機。
作者: hkils2001 時間: 1 小時前
樓主真勁, 不過自己整始終有風險, 此舉實屬藝高人膽大, 若有事故輕則死機, 重則觸電致命, 短路引起火災云云, 在此都係幫樓主帶帶頭盔, 電器出問題維修需由持牌專業人士處理
作者: aazz 時間: 1 小時前
樓主真勁, 不過自己整始終有風險, 此舉實屬藝高人膽大, 若有事故輕則死機, 重則觸電致命, 短路引起火災云云 ...
hkils2001 發表於 2026-6-15 00:15
人兄
政府什麼時候發過牌;
比維修電器的人;
電線固定電力裝置就有;