標題: [測試] POCO 手機解鎖 bootloader 問題 [打印本頁]

---

作者: hk133    時間: 2023-12-23 16:52     標題: POCO 手機解鎖 bootloader 問題

本帖最後由 hk133 於 2023-12-27 18:43 編輯

POCO X3 Pro，本來諗住解鎖刷機玩下，上星期喺手機登入小米帳號之後，用官方解鎖工具嘗試解鎖，
每次撳「unlock anyway」都要等 5 秒，撳咗兩次之後就開始申請解鎖，
然後官方解鎖工具拒絕解鎖，話「帳號與設備的綁定時間太短」，要等多 168 小時，ok，
等過咗七日，我又開官方解鎖工具嘗試解鎖，結果佢又 reject 我，
同樣理由，而且等待時間變成 175 小時，咩玩法？

去官網問官方客服，一問三不知，甚至一開始同我講第三方解鎖唔關小米事，
個解鎖工具係小米提供，連個時間限制都係小米 set 嘅，唔關小米事？
再問，就話冇任何方法可以提供到協助，叫我按照解鎖軟件嘅指示繼續等。

之後小米客戶服務嗰邊打三次電話俾我，即日打俾我嗰兩次我冇聽，
三日後再打俾我，照道理 72 小時足夠佢哋問返技術部門再答覆我，我就接聽咗。

點知接聽之後，又係錄音帶式重複返網上客服寫過嘅嘢。
問埋打俾我嗰個客服，部機係我本人購買，提供購買證明（官網 & 同一個帳號買嘅）都唔可以解鎖，
話係佢哋冇任何方法可以幫手取消佢哋設定嘅時間限制，亦冇任何指引，無資料可以提供俾我，
叫我睇返解鎖工具指示。

但係網上就可以俾錢用小米員工製作嘅解鎖工具，利用佢哋員工權限取消時間限制。

————————

好神奇，一講小米有咩唔好，即刻有幾個人跳出嚟，又話可能係我操作錯誤、又講好少牌子有得解鎖⋯⋯

首先，其實係人都知依家做得大、多人識嘅 Android 手機牌子唔算多，
用瘋宅 app 作為參考，計埋佢哋啲子品牌，都係得 16 個，唔計子品牌其實就得 11 間，計埋香港冇得賣嘅都唔多得去邊，
其中香港有得賣、可以解鎖 bootloader 而又係大家都識嘅牌子佔其中多數：htc、moto、nothing、oppo（oneplus）、samsung、sony、小米（POCO、redmi）。計埋子品牌 10 間，唔計子品牌都有 7 間。
當中不設有任何時間限制嘅有 6 個：htc、moto、nothing、oneplus、samsung、sony。
咁都叫少，咁點先算多呢請問？

冇事先講明就設置限制，其實係侵犯用戶知情權，尤其係時間限制，時間其實都係一種無形成本。
小米自己生產、銷售，軟件、硬件都由小米掌控，如果係為商品當中任何功能設置限制，佢有責任解釋清楚限制嘅詳情，比如規則、機制，因為呢樣限制實質上會對消費者造成不利影響，有可能影響消費者作出交易決策。

當然，唔鍾意可以唔用，但呢句說話嘅前提，係消費者知情，而作為生產商及商戶，佢亦有盡佢講解嘅義務。

---

作者: jackwong717    時間: 2023-12-23 17:03

回復 1 #hk133

你可能又入開發者度再按解鎖，
所以又重新計過7日

Note 11 pro 5G

---

作者: jackwong717    時間: 2023-12-23 17:18

回復 1 #hk133

解鎖同部機屬唔屬於你，應該都唔關事，佢係提供軟件畀你解鎖，而唔係可以幫你解鎖，

唔知係唔係遇到太多類似你嘅情況，所以而家新os澎湃解鎖就困難重重！
vol.5+答題，
我話晒都解過10幾部機，
都唔識答佢d題目，難到飛起！

Note 11 pro 5G

---

作者: hk133    時間: 2023-12-23 17:25




    好肯定冇，而且 175 小時係唔止 7 日（≈7.19 日），
    根本就唔應該有呢啲限制，部手機係用家嘅私人財產，除非好似 L 豬咁摺埋個手機部門，否則提供解鎖係佢義務。

---

作者: jackwong717    時間: 2023-12-23 17:46

回復 4 #hk133

排除人出錯，你可以得閒去解鎖，
睇下時間有冇進度！

另外以我所知，香港機解鎖出事係唔會負責任，以前有師兄話番大陸會幫你重刷，至於會幫你解鎖從來冇聽過，同埋你個觀念或者理解應該有錯誤，解鎖從來不是他的責任。
（以前睇社區所得知識，唔一定啱）

Note 11 pro 5G

---

作者: jk1399    時間: 2023-12-23 17:48




    唔好搞算啦, 係咁煩膠

---

作者: jk1399    時間: 2023-12-23 17:49




絕大多數牌子都不提供解鎖
即係大部份牌子都無義務???

---

作者: jk1399    時間: 2023-12-23 17:50




    一般解下鎖, 刷下機既人, 點會識答個D問題, 小米分明玩野, 曬氣

---

作者: penay    時間: 2023-12-23 18:08

擺明佢玩嘢呀 唔畀 使用者改 其他系統延長手機壽命

---

作者: hk133    時間: 2023-12-23 18:55




    其實係你嘅理解有問題，無人話要佢為刷機行為負責任，而係佢有義務提供刷機途徑。
    另外責任同義務係有些微區別，責任係“必須>應該”，義務係“應該>必須”。

---

作者: hk133    時間: 2023-12-23 19:00




    三叔有，L豬摺埋手機部門之前都有，罪大有，Google 有，help this company 有，牙石有，
    你嘅絕大多數係邊啲？

---

作者: iamredfox    時間: 2023-12-23 19:08

有聽過話同一個account解鎖過多會加監

---

作者: C-Leung    時間: 2023-12-23 19:09

好奇樓主會唔會覺得apple都有義務同你解鎖(JB)部機

---

作者: hk133    時間: 2023-12-23 19:21




    第一部咋，甚至之前未試過解鎖小米啲機，我刷機玩開三叔、htc 同 L豬，仲有 google nexus 機。

---

作者: iamredfox    時間: 2023-12-23 19:26




    唔清楚師兄會唔會操作錯誤，但我咁多年都係7日解鎖。

---

作者: hk133    時間: 2023-12-23 19:27




    提供途徑 ≠ 幫埋手解鎖，唔好混淆概念。
    況且一間靠刷機起家嘅手機廠禁止人刷機，本身就相當可笑。

---

作者: hk133    時間: 2023-12-23 19:30




    我都想知衰咩，綁完 acc、入開發者模式將 acc 綁定手機之後我冇搞其他嘢，無啦啦加我監係咩玩法？

---

作者: C-Leung    時間: 2023-12-23 21:16

本帖最後由 C-Leung 於 2023-12-23 21:46 編輯

回復 16 #hk133

其實我就冇諗住要混淆概念嘅

況且你自己#4係咁講
部手機係用家嘅私人財產，除非好似 L 豬咁摺埋個手機部門，否則提供解鎖係佢義務。

所以我先問你覺得apple係咪都應該有義務提供解鎖(方法同查詢)


其實小米限制刷機都唔係一、兩日嘅事
由佢鎖bootloader果一刻、解鎖要等7日果刻，已經打爛咗自己招牌啦
咁好笑嘅品牌點解你仲要買？

當年刷機都係綽頭來，同當年刷機風氣的確比較盛行同有需要
到今時今日好多人都話刷來做乜，root來做乜


利申 我都有刷機同root機。純粹有需要咪flash有需要咪root

---

作者: jk1399    時間: 2023-12-23 21:35

本帖最後由 jk1399 於 2023-12-23 21:40 編輯


唔比人解就=/=自己私人財產
什麼邏輯??

而家可以解鎖, 得以下牌子

---

作者: a652311279    時間: 2023-12-23 21:59

回復 19 #jk1399

新機realme同oppo都解唔到鎖咯


via HKEPC Reader for Android

---

作者: hk133    時間: 2023-12-23 23:55




    我買 X3 Pro 嗰時仲係有方法可以唔使等就解鎖到，係後來先改咗。
    你事實上就係喺度混淆概念，我已經講咗提供解鎖途徑不等於要幫埋手解鎖，相信智力正常嘅人應該能夠明白呢句說話係咩意思。況且 Android 本來就係自由度高先有人買，如果同 iPhone 冇分別，都係咁多限制，大家買 Apple 就得，使乜買 Android 旗艦機？

---

作者: hk133    時間: 2023-12-23 23:57




    其實睇張圖就知係講緊大陸買到嘅手機，喺大陸以外嘅地方，呢張圖冇討論價值。

---

作者: hk133    時間: 2023-12-24 00:38




    其實係人都知依家做得大、多人識嘅 Android 手機牌子唔算多，

    用瘋宅 app 作為參考，計埋佢哋啲子品牌，都係得 16 個，唔計子品牌其實就得 11 間，計埋香港冇得賣嘅都唔多得去邊，

    其中香港有得賣、可以解鎖 bootloader 而又係大家都識嘅牌子佔其中多數：htc、moto、nothing、oppo（oneplus）、samsung、sony、小米（POCO、redmi）。計埋子品牌 10 間，唔計子品牌都有 7 間。

    當中不設有任何時間限制嘅有 6 個：htc、moto、nothing、oneplus、samsung、sony。

    咁都叫少，咁點先算多呢請問？

---

作者: 1punchman    時間: 2023-12-24 02:05

估計同acc解鎖太多有關，之前第一次解鎖部F3都係reject，個acc之前解鎖過幾部機，所以第二次用新acc就解鎖成功，仲有sim卡都有綁定次數太多又唔畀用。

---

作者: iamredfox    時間: 2023-12-24 02:29



唔係wo，官方除了有內測Account，好早己經改了要最少7日解鎖

---

作者: hk133    時間: 2023-12-24 02:43

本帖最後由 hk133 於 2023-12-23 18:48 編輯



    曾經係可以入開發者模式，喺已插入 SIM 卡嘅情況下將小米帳號綁定手機嚟得到即時解鎖。亦可以用舊版嘅官方解鎖工具即時解鎖。
    可以參考以下一篇於 2023 年 9 月發佈嘅小米手機解鎖 bootloader 教程：
https://blog.csdn.net/u011283906/article/details/133199200

---

作者: hk133    時間: 2023-12-24 02:44




    要我講幾多次之前未解鎖過任何小米手機呢？

---

作者: mkcs    時間: 2023-12-24 02:52

提示: 作者被禁止或刪除 內容自動屏蔽

---

作者: hk133    時間: 2023-12-24 02:57

本帖最後由 hk133 於 2023-12-23 19:05 編輯



    依家唔係「維持 168 小時」，
    而係「加到目前為止仲剩 175 小時」。

    好慶幸我最後一部小米手機係香港官網特價清貨嘅 11 Lite 5G NE，
    經過今次之後，如果唔係再有大幅度劈價，我都唔會再考慮任何小米手機。
    依家小米、紅米港行價錢已經貴到同買三叔同級配置機型幾乎冇分別，仲整埋啲咁嘅核突嘢勸退買家，真係哪來的勇氣。

---

作者: iamredfox    時間: 2023-12-24 03:10

本帖最後由 iamredfox 於 2023-12-24 03:27 編輯



    官方解鎖用舊版已經廢了好耐，除了內測資格，近年都無乜見過有非官方方法可以加快解鎖真係work

利申：跟呢道師兄由小米一玩到而家

---

作者: hk133    時間: 2023-12-24 06:49

https://github.com/MlgmXyysd/Xia ... s-bootloader-bypass

參考上述小米解鎖工具嘅使用教程，我似乎終於搵到死因：



首先 use the device normally 就好難做到，部機都退役咗一排，為咗廢物利用先打算刷機，未刷之前幾乎冇任何事情需要用到佢，官方嘅解鎖工具更加未曾提及過呢個條件，我自然就冇做到，甚至為咗慳電而關機等咗一個禮拜。

keep the SIM card inserted 就更難，張卡我用緊，冇理由放落一部非主力機度持續一個禮拜，亦冇理由為咗 unlock bootloader 而特登買張 SIM 卡畀佢用。退一萬步嚟講，就算我有多餘嘅 SIM 卡喺手，佢唔講我又點知佢有個咁麻煩嘅規定？

turn off Find My Phone 都係，佢冇提醒，而默認係關閉，需要手動開啟，如無必要開嚟都多餘。

整咁多規矩同限制，增加用家嘅時間成本，呢間垃圾公司真係不知所謂。

---

作者: mkcs    時間: 2023-12-24 07:17

提示: 作者被禁止或刪除 內容自動屏蔽

---

作者: C-Leung    時間: 2023-12-24 12:03

本帖最後由 C-Leung 於 2023-12-24 12:05 編輯

回復 21 #hk133

我只可以講我一開始表達得唔好，始終手機app唔同電腦可以睇住你講嘅野去抄去覆
實際我係想問你覺得apple係咪都應該有義務提供解鎖(*方法同查詢)
估唔到解釋咗仲要俾人屈智力正唔正常，同focus去幫埋你解鎖呢d咁天才嘅諗法

不過我真心覺得你先係混淆概念果個
明明係你講手機係用家私人財產，提供解鎖(方法)係佢義務
而家又話android自由度高，apple多限制，所以拒絕回答apple有冇義務解鎖(方法呀唔係幫你解埋呀)
同埋我想講揀得android嘅大部分用家並唔係因為有得解鎖刷機，希望你唔好以偏蓋全啦

---

作者: jackwong717    時間: 2023-12-24 12:13

本帖最後由 jackwong717 於 2023-12-24 04:18 編輯

回復 33 #C-Leung

我放棄同佢討論了，
佢以主觀地是小米問題，
排除了人為問題，
所有問題都是廠方問題！
自己全是對的。

“講第三方解鎖唔關佢哋事，
個解鎖工具你哋提供㗎。
況且部機係我本人買嘅，提供購買證明（官網 & 同一個帳號買嘅）都唔可以解鎖，
話係佢哋冇任何方法可以幫手取消佢哋設定嘅時間限制，
叫我睇返解鎖工具指示。
即係我畀錢買咗部機，但部機都唔屬於我？”
呢段嘢我睇咗幾次，
我確定再回答佢是我白痴！

Note 11 pro 5G

---

作者: C-Leung    時間: 2023-12-24 12:25

本帖最後由 C-Leung 於 2023-12-24 12:27 編輯

回復 34 #jackwong717

我就冇睇晒佢嘅最新發現
不過老老實實，其實應該都係解釋唔到點解唔係reset 168而係變175

我知道解鎖果下要用sim唔可以用wifi
唔可以等168期間轉第2個小米acc
不過幾年先刷一次機，其實都係會唔記得同重覆犯錯

同意小米解鎖set咗d唔user friendly嘅rules
可能某程度都係為咗唔好俾人做賺錢工具(賣水貨、代解鎖、代刷機)

小米解鎖的確係煩，但佢n年冇用刷機做賣點都係事實
有心玩解鎖刷機嘅，睇一睇佢forum都知咩料
總之樓主話唔再買小米就得啦


我覺得樓主呢個咁special嘅case應該去miui forum問
Epc基本上冇乜人會遇到佢問題。開post都只係對牛彈琴

---

作者: jk1399    時間: 2023-12-24 12:28

又變成膠post

via HKEPC Reader for Android

---

作者: jackwong717    時間: 2023-12-24 12:30

所有會員都錯了，
樓主是來抱怨小米的不是，
不是向你們請教，
成班7頭衝出嚟畀人插！


Note 11 pro 5G

---

作者: iamredfox    時間: 2023-12-24 12:31

本帖最後由 iamredfox 於 2023-12-24 12:37 編輯

係175真係未見過,一直都係168,同一account解鎖過多再加168

我估175似bind 完account後隔幾小時又做過某D操作令到佢重新計過

---

作者: jackwong717    時間: 2023-12-24 12:42

回復 35 #C-Leung

我最近解左部note12turbo=poco 5f
插左張年卡無號碼數據卡，
我同1日入面綁兩個account
因為我以前試過秒解，
嘗試去秒解，當然係失敗啦。
之後每日都試下解鎖，睇下時間進度，7日正常解鎖！
來緊hyperos真係自己解唔到鎖，
可能真係會放棄小米了！


Note 11 pro 5G

---

作者: hk133    時間: 2023-12-24 16:08

我以為我喺度批評緊某個新興宗教，信徒好積極為教主辯護，
強調教主冇可能有錯，一定係我做錯嘢，
又要不斷捉字蝨，目的就係證明我錯、我惡意中傷佢哋偉大光明正確嘅教主。

---

作者: hk133    時間: 2023-12-24 16:16




    個解鎖工具佢哋提供㗎，連個時間限制都係佢哋 set 嘅，好好奇你哋幾位用咩邏輯覺得唔關小米事。
況且部機係我本人買嘅，提供購買證明（官網 & 同一個帳號買嘅）都唔可以解鎖，
話係佢哋冇任何方法可以幫手取消佢哋設定嘅時間限制，
叫我睇返解鎖工具指示。

但係網上就可以俾錢用小米員工製作嘅解鎖工具，利用佢哋員工權限取消時間限制。

即係唔係做唔到，係特登唔做。呢個都唔叫做廠方問題？抑或你同廠方有任何利益關聯？

---

作者: hk133    時間: 2023-12-24 16:25




    咁我就諗唔到有咩係關事，跟足佢解鎖工具嘅指示做都俾佢耍。

---

作者: mj001415    時間: 2023-12-24 18:54

其實樓主會唔覺得你想做既野同買部sony 既PSP 或者任天堂既switch 返黎破解黎用係同一件事呢？

另外，小米解鎖加監又唔係未有過，網上有人直接加成三年幾都見到過，你一個人加監好出奇？

仲有，關客服咩事，佢地又唔係技術人員，點會知咁多野？叫你睇返個說明跟著步驟做咪正常lo ，點解會覺得佢地需要幫你手解除個時限？

見你所謂基於事實係度亂噏廿四，你不如講下有邊部手機可以拎著同一個AC 同購買證上門就可以叫人幫你解鎖，西客之名都俾你坐實la

via HKEPC IR 5.1.14 - Android(5.1.2F)

---

作者: jk1399    時間: 2023-12-24 19:24




    係, 膠到爆炸
樓主, 下次唔好買小米啦, 一肚氣

---

作者: hk133    時間: 2023-12-24 19:40




   
其實樓主會唔覺得你想做既野同買部sony 既PSP 或者任天堂既switch 返黎破解黎用係同一件事呢？
》android 本身就係 open source 嘅，冇可比性。

另外，小米解鎖加監又唔係未有過，網上有人直接加成三年幾都見到過，你一個人加監好出奇？
》加監呢件事本身就不合理，輪到我遇到，我咪出 po 講囉。將一件不合理嘅事合理化，你幾條友係咪心理有咩問題？

仲有，關客服咩事，佢地又唔係技術人員，點會知咁多野？叫你睇返個說明跟著步驟做咪正常lo ，點解會覺得佢地需要幫你手解除個時限？
》講“客服唔知/唔識”呢個事實都唔得？係咪要講客服無所不知、無所不能先滿意？

見你所謂基於事實係度亂噏廿四，你不如講下有邊部手機可以拎著同一個AC 同購買證上門就可以叫人幫你解鎖，西客之名都俾你坐實la
》因為我其他手機根本唔需要等，直接就解鎖到。

---

作者: hk133    時間: 2023-12-24 19:42




    叫你間小米唔好學人用 Android 囉，又要限制人只可以用官方解鎖，又要整咁多限制，又加監。
    港行已經貴過國行，仲整埋啲麻煩嘢，以為自己好巴閉？

---

作者: jackwong717    時間: 2023-12-24 20:18

回復 44 #jk1399

公道d講，有咩機解bl後中有保養？
就咁睇小米比7日你申請，就係想呢7日無得比你換過部，
官方比你解鎖正常就要繼續保養1年，我好多年前玩3星，
解鎖後是沒有保養的，要等過保先玩！

Note 11 pro 5G

---

作者: jackwong717    時間: 2023-12-24 20:32

本帖最後由 jackwong717 於 2023-12-24 12:36 編輯

回復 43 #mj001415

好攪笑，我睇你回文，
好溫和，同帶有相關知識，
反而當惡性攻擊！

文字沒帶語氣，
任何善意文字，
只要用惡意語氣讀出...都是惡意！



Note 11 pro 5G

---

作者: mj001415    時間: 2023-12-24 20:34


android 本身就係 open source 嘅，冇可比性。
> 行為係一樣，又點會冇可比性

加監呢件事本身就不合理，輪到我遇到，我咪出 po 講囉。將一件不合理嘅事合理化，你幾條友係咪心理有咩問題？

>加監依點又點樣唔合理，又冇一個人會知你係解鎖等待期間做過啲咩，達成加監既條件，不過見你咁鐘意將問題推晒俾人，自己可以係冇問題既，原本都“鄧”你唔抵，依家覺得你抵加

講“客服唔知/唔識”呢個事實都唔得？係咪要講客服無所不知、無所不能先滿意？
>你本來就係講緊客服無所不知無所不能，依家答唔到你要求，所以咪特別指明客服唔知/唔識呢個係人都知既“事實” 。打手都唔會咁打啦

因為我其他手機根本唔需要等，直接就解鎖到
>所以你咪就係無理取鬧lo，你答唔到話邊間可以拎晒啲野上去就叫到人解鎖，依家就係度話小米客服幫唔到你解鎖，其他手機直接解鎖到，但都唔可能拎俾客服就幫到你解鎖

via HKEPC IR 5.1.14 - Android(5.1.2F)

---

作者: mj001415    時間: 2023-12-24 20:36


沒辦法，習慣咁講野，所以有啲人會嬲咗我，覺得我惡意攻擊佢，有啲人會冇乜嘢

via HKEPC IR 5.1.14 - Android(5.1.2F)

---

作者: hk133    時間: 2023-12-24 20:43






不如兩位夾下口供先？見到兩位喺度互相吹捧，好尷尬下喎。

---

作者: hk133    時間: 2023-12-24 20:46




    我部 X3 Pro 過咗保好耐，麻煩叫你同事跟進下。

---

作者: C-Leung    時間: 2023-12-24 20:53

係呀，android係開源呀
不過落咗唔同廠商手上就由廠商話事
樓主應該用pixel先啱

---

作者: mj001415    時間: 2023-12-24 20:57


樓主呀，知識唔係一定要技術上，可以係常識，我係見你跳開常識走去挑毛病先提一提你，如果要技術上知識，我幫唔到你，你咁有主見，就算有人教得你再多你都唔會入耳。

而且用“亂噏廿四”同“西客”來形容樓主你，其實已經係好溫和

via HKEPC IR 5.1.14 - Android(5.1.2F)

---

作者: hk133    時間: 2023-12-24 21:23

本帖最後由 hk133 於 2023-12-24 13:26 編輯



    我：android 本身就係 open source 嘅，冇可比性。
    你：行為係一樣，又點會冇可比性

咁講，iOS、PSP、switch 佢哋都係自己開發嘅操作系統，等於私人會所、私人地方。除咗使用到 open source 代碼部份有責任公開之外，佢哋係「擁有者」，確實冇理由開放自己專有系統俾人亂整。佢哋有放任民間方法解鎖/越獄，已經係仁至義盡。

而 android，成個系統都係 open source 嘅，而原生 android 亦無限制解鎖 bootloader。等於一個公共遊樂場，小米都只係一個「使用者」，但佢將公共遊樂場幾個遊樂設施用圍板圍住、加把鎖鎖住，美其名曰「保障用戶」，實則限制咗用戶嘅選擇權。（就算你話 MIUI 嘅部份係佢自己整嘅，咁咪學三叔囉，一解鎖 bootloader 就令部份自己獨家功能作廢，冇問題喎。）

—————

我：加監呢件事本身就不合理，輪到我遇到，我咪出 po 講囉。將一件不合理嘅事合理化，你幾條友係咪心理有咩問題？
你：加監依點又點樣唔合理，又冇一個人會知你係解鎖等待期間做過啲咩，達成加監既條件，不過見你咁鐘意將問題推晒俾人，自己可以係冇問題既，原本都“鄧”你唔抵，依家覺得你抵加

欲加之罪何患無辭？無啦啦幾條友跳出嚟，不斷質疑用家係咪「自己整咗其他嘢」導致解鎖時間限制延長，正常人都會認為係某公司/機構喺度「做緊嘢」。

最主要嘅理由我已經講過，呢個時間限制 android 本身係冇嘅，係小米私自加上。解鎖 bootloader 時間限制嘅規則不透明、不公開，無任何途徑申訴，覺得合理嘅人係咩心態？

—————

我：講“客服唔知/唔識”呢個事實都唔得？係咪要講客服無所不知、無所不能先滿意？
你：你本來就係講緊客服無所不知無所不能，依家答唔到你要求，所以咪特別指明客服唔知/唔識呢個係人都知既“事實” 。打手都唔會咁打啦

我如實講出嚟就叫「特別指明」，好難想像同該公司無關嘅人會咁激動，見不得任何負面言論。
恐怕如果我冇講嗰句，你又可能話「做乜唔問咗客服先，雖然佢哋唔係專業，但話唔定提供到解決方法？」

—————

我：因為我其他手機根本唔需要等，直接就解鎖到
你：所以你咪就係無理取鬧lo，你答唔到話邊間可以拎晒啲野上去就叫到人解鎖，依家就係度話小米客服幫唔到你解鎖，其他手機直接解鎖到，但都唔可能拎俾客服就幫到你解鎖

其他廠商根本冇私自設置時間限制，又點樣「聯絡客服處理官方解鎖工具嘅時間限制問題」呢？
你問一個根本不存在嘅問題，你想我點答你？係你無理取鬧喎。
仲有，走入人哋個 post 撩是鬥非，一嚟就話人「亂噏廿四」、「西客」，一啲家教都冇。


見到你講：
用“亂噏廿四”同“西客”來形容樓主你，其實已經係好溫和

我好難想像你生活面對嘅人有幾口臭，你先會覺得咁樣叫「溫和」。

---

作者: hk133    時間: 2023-12-24 21:36

本帖最後由 hk133 於 2023-12-24 13:37 編輯



    有人話好少品牌有得解 bootloader，其實係人都知依家做得大、多人識嘅 Android 手機牌子唔算多，

    用瘋宅 app 作為參考，計埋佢哋啲子品牌，都係得 16 個，唔計子品牌其實就得 11 間，計埋香港冇得賣嘅都唔多得去邊，

    其中香港有得賣、可以解鎖 bootloader 而又係大家都識嘅牌子佔其中多數：htc、moto、nothing、oppo（oneplus）、samsung、sony、小米（POCO、redmi）。計埋子品牌 10 間，唔計子品牌都有 7 間。

    當中不設有任何時間限制嘅有 6 個：htc、moto、nothing、oneplus、samsung、sony。

    咁都叫少，咁點先算多呢請問？

---

作者: mj001415    時間: 2023-12-24 22:32


簡單啲，啫係話小米，作為拎Android os二次創作，唔應該係擁有者同有自主權，所以講多都無謂，等於我公開個煮好食既麵既秘方，你睇到之後加入自己意思去修改，之後我見到你整出嚟都唔錯好食, 所以我係咪應該要你公開個途徑要俾其他人知道個你既秘方修改版，唔理係俾錢定係免費，係咪咁樣先啱？

另外，你開post發表意見冇問題，但人地入去發表意見就係撩事鬥非，我覺得係亂噏廿四，係西客，難道又唔係意見？你既理由同意見實際真係俾我有依個感覺，難道我要好似個跟班咁附和你才對？,所以我先話有啲人會覺得我惡意攻擊佢，發表意見=撩事鬥非，當然我唔介意你咁諗，所以就係撩事鬥非lo!?


或者你需要係個標題上面寫明相反意見既人發表意見，論壇係個公共場所，開個post都只係間個階磚出嚟俾人睇同說話，唔駛去圍住圍板加告示


對了，最後嗰個，我講既一直都係唔係“聯絡客服處理解鎖工具既時間限制問題”，而係直接拎去叫客服解鎖。唔好搞錯。

等待時間係解鎖既步驟之一，你想要做既唔係解決等待嗰個時間，而係解鎖。
當然依個post你可能係想係源頭解決依個“解鎖等待時間”

via HKEPC IR 5.1.14 - Android(5.1.2F)

---

作者: hk133    時間: 2023-12-24 23:09

本帖最後由 hk133 於 2023-12-24 15:13 編輯



    你呢個煮麵嘅比喻好有趣，竟然可以完全離題，真係好難得。
    你驚人偷你改良配方，ok，咁解鎖完 bootloader 直接變原生無添加 Android 囉，應該更受歡迎添。
   
    另外，你入嚟發表意見冇問題，但一嚟就話人「亂噏廿四，係西客」就係撩事鬥非，
    用返你個所謂「道理」，我覺得你係撩事鬥非，都係意見，你點解要咁激動呢？
    「你既理由同意見實際真係俾我有依個感覺，難道我要好似個跟班咁附和你才對？,所以我先話有啲人會覺得我惡意攻擊佢，發表意見=撩事鬥非，當然我唔介意你咁諗，所以就係撩事鬥非lo!?」回力鏢又中~

    或者你需要喺你個回覆度加個標題上面寫明不准反駁。「論壇係個公共場所，開個post都只係間個階磚出嚟俾人睇同說話，唔駛去圍住圍板加告示」呢句說話我原封不動還俾你。

    最後嗰個，我講得好清楚，我從來冇要求客服「幫我解鎖」。要解決嘅問題，由始至終都只係「官方提供嘅解鎖工具所設置嘅時間限制」。
    你持續誣衊我，我唔知你有咩意圖，又冇家教又鍾意砌人生豬肉，為咗幫小米辯解而去到咁盡，至於嗎？
    我想要做嘅一直都只係解決你所講嘅「等待嗰個時間」，「解鎖」呢個動作唔需要任何協助。

    你係得最後一句講得中，無錯，我出呢個 post，係想從源頭解決「解鎖要等最少 7 日」呢個問題。
    能夠引起關注，製造到 noise，自然可以逼使廠商出面回應，甚至作出讓步。
    假如可以推動小米解除 bootloader 解鎖嘅時間限制，咁對開發者社群而言係一件好事，始終小米嘅市場份額都唔細。

---

作者: mj001415    時間: 2023-12-24 23:59


算了，你覺得正確好難有人改變你，不過誣衊依樣野，純粹係你想多，我估你係指「自己整咗其他嘢」依個，但實際依度咁多位ching都只係提出過一次既疑問，你就升華成誣衊，依個唔係一個好現象，，同前面一樣你認為係誣衊就誣衊la，我又唔會介意。而且你前面有句係話正常人都應該認為係某公司/機構「做緊野」，依個顯然係有點問題，正常人係會諗邊度做錯左，而唔係第一時間將問題推俾人，係唔好既習慣，幾個想幫手解決問題既ching 都已經唔想理。

仲有，我諗，係論壇開post講，唔係要搵幫手，推走晒幫手既人，除咗係黑子，仲會係咩？我係唔理解接受唔到對方既要求又要求對方迎合自己既人既想法，又要威又要戴頭盔？

via HKEPC IR 5.1.14 - Android(5.1.2F)

---

作者: hk133    時間: 2023-12-25 00:13

本帖最後由 hk133 於 2023-12-24 16:23 編輯



    我從來冇要求客服「幫我解鎖」，而你好堅持話我有，咁唔係誣衊我？

    怕你又失憶，quote 返畀你自己睇：





    我再重申，我想要做嘅一直都只係解決你所講嘅「等待嗰個時間」，「解鎖」呢個動作唔需要任何協助。

---

作者: b-29    時間: 2023-12-25 00:28

本帖最後由 b-29 於 2023-12-25 00:29 編輯

勁 好鬼長文貼 睇到頭云  可能血压又升高  走人 閃  

---

作者: hk133    時間: 2023-12-25 00:31




    承上，或者我換一個再溫和啲，或者叫做「formal / 官腔」嘅講法：
    你嘅言論可能會導致他人誤解我嘅目的係「由小米搵人幫我完成 unlock bootloader 嘅所有步驟」。

---

作者: hk133    時間: 2023-12-25 00:31




    幾好呀，有人幫我推 post

---

作者: b-29    時間: 2023-12-25 00:38

唔走  要叫白車  再閃

---

作者: mj001415    時間: 2023-12-25 00:54


你quote嗰啲都叫誣衊既話，你身邊應該都唔唔少人誣衊緊你，補充，依句都係誣衊緊

第二句我接受，本身只打算橫插幾句，幫手糾正一下問題，不過樓主咁正確，同你對話講到我都會繼續誤會你唔識整搞到加監要搵官方幫手解鎖，(繼續誣衊緊~)

而且，幫你推post 呀，說句謝唔過份吧！

白車黎啦！！閃人

唔駛再回我，你要就再開新既回覆，唔想理你了

via HKEPC IR 5.1.14 - Android(5.1.2F)

---

作者: iamredfox    時間: 2023-12-25 01:08



我心血小，怕死，同師兄一樣，閃

---

作者: jackwong717    時間: 2023-12-25 01:53




    我一早閃咗啦

---

作者: C-Leung    時間: 2023-12-25 11:37

本帖最後由 C-Leung 於 2023-12-25 11:38 編輯

一句講晒
究竟google有冇限制到廠商用android系統嘅時候唔可以鎖boot loader？
冇咁嘅限制的話，鎖唔鎖係廠商話事
今日唔鎖唔代表聽日唔鎖
樓主最好都係玩pixel，以免日後勞氣了

---

作者: hk133    時間: 2023-12-25 15:30




    現時多數廠商都對 bootloader 解鎖不設限制，
    但當小米之類嘅廠商開咗個壞先例，而大家都選擇啞忍、妥協，
    難保其他廠商唔會效仿。

    一句講曬，bootloader 解鎖限制一日唔取消，呢間公司就係害群之馬。

---

作者: C-Leung    時間: 2023-12-25 18:54

回復 69 #hk133

搞清楚，鎖唔鎖係廠話事
你唔鍾意就唔好買，完

---

作者: R大魔王    時間: 2023-12-25 21:24



記憶中vivo1路都無開放解鎖，每個品牌有佢公司政策.
應為佢加監七日，不合理就以後不買小米，曹都無辦法，
     (一句講曬，bootloader 解鎖限制一日唔取消，呢間公司就係害群之馬。)

---

作者: C-Leung    時間: 2023-12-25 21:33

回復 71 #R大魔王

講真，個廠唔會prefer用家刷機
用家刷機刷壞咗，拎去保養，維修又要花功夫去分辨你係咪人為，其實呢d都係額外成本

另外鎖bootloader有助減少水貨問題

其實可以話鎖bootloader嘅廠家先係醒目果個tim

而醒目嘅用家，揀返d唔會鎖bootloader嘅品牌就得
Winwin啦

---

作者: YANG    時間: 2023-12-25 21:41




    即係得Pixel可以買

---

作者: xader    時間: 2023-12-25 22:37




    pixel 都有分 電訊商貨同 google 貨

---

作者: hk133    時間: 2023-12-26 03:09

本帖最後由 hk133 於 2023-12-25 19:28 編輯



    56# 自己睇，我費事變成 copy & paste 無限 loop。
    啱啱發現 1# 我一早已經加咗嗰段嘢，CHing 好明顯睇完標題就 skip 咗內文喎。

---

作者: hk133    時間: 2023-12-26 03:24




    你唔想保嘅，可以寫明刷機後保修作廢，或者索性禁止刷機，設置規則不透明嘅時間限制，純粹係刁難用家，而且做得好肉酸。

    寫就寫保障用戶，實質只係想焗人買行貨，唔好買平價國行再刷國際版 ROM。根本佢哋都知國際版對比大陸版係冇乜吸引力。

    我買嘅絕大部分手機都係無需等待、可以直接解鎖 bootloader 嘅品牌，比如 ASUS、Samsung、Sony、Google nexus/pixel。

    會買小米，純粹係因為好耐以前佢哋嘅政策都係咁開放，自從我首發落小米門市買嘅 MIX2S 死 mon 之後已經好少留意小米，最多睇下佢哋有咩新機。 2 年前呢部 X3 Pro 都算係抵玩，冇留意佢哋依家解鎖 bootloader 多咗時間限制呢回事。呢部 POCO X3 Pro 我係首發嗰時買嘅，官網落單。

---

作者: hk133    時間: 2023-12-26 03:25

本帖最後由 hk133 於 2023-12-25 19:28 編輯



    56# 自己睇。
    啱啱發現 1# 我一早已經加咗嗰段嘢，CHing 好明顯睇完標題就 skip 咗內文喎。

---

作者: hk133    時間: 2023-12-26 03:42

其實我攞部舊機出嚟，想刷機玩下 Windows on ARM 啫，你整咁多嘢阻鬼住晒，何必呢？

新機，你怕用家刷壞咗搵你哋麻煩，怕影響國際版銷情，鎖 bootloader 我理解。
所以我一路以為唔關舊機事，我記得有段時間都係話舊機解鎖 bootloader 冇時間限制。

舊機過晒保，你哋都一早冇得賣，配置又比唔上新機，唔會影響你銷情，更加唔使擔心售後問題，個時間鎖仲有咩意義呢？

當初你起家都係靠刷機，依家做大咗，就忘本，當以前啲發燒友係 condom，用完即棄呀？

shame on you。

---

作者: kichiku    時間: 2023-12-26 08:49


我都係用到變後備機先考慮刷 rom
新機冇必要搞咁多麻煩野

via HKEPC Reader for Android

---

作者: mkcs    時間: 2023-12-26 11:50

提示: 作者被禁止或刪除 內容自動屏蔽

---

作者: YANG    時間: 2023-12-26 12:10




    廠商戴頭盔保障自己無可厚非，況且手機要嚟用，唔係要嚟刷。

---

作者: C-Leung    時間: 2023-12-26 12:30

都係果句，要嘈就應該去miui forum度嘈
隨時一呼百應

---

作者: R大魔王    時間: 2023-12-26 18:35




    突然諗起潑婦罵街，罵死雷軍條茂利，加我監

---

作者: hk133    時間: 2023-12-26 19:30




    啱，放喺度冇用，連後備都有更好嘅替代品，唔攞嚟刷機玩下就嘥曬。
    佢哋打過 3 次電話俾我，之前兩次我冇接聽，因為我唔覺得佢會有咩解決方法畀到我，
    今日第三次，我接聽咗，果然又係搵人做人肉錄音機，講返差唔多嘅嘢，
    真係聽君一席話，勝似一席話。

    最後兩分鐘對話錄咗音，我都係重複前五分鐘我問過嘅問題，佢又係重複前五分鐘佢講過嘅標準答案。
    冇指引、冇方法，唔去搵返有關部門問下，反正敷衍咗我就夠。

---

作者: hk133    時間: 2023-12-26 19:36




    我選擇問候雷軍。（x
    現時喺 X（Elon Musk 買起咗嗰個）出 post & 整 hashtag 呼籲佢哋解除舊機解鎖 bootloader 嘅時間限制，
    亦喺 X乜A forum POCO X3 Pro 討論板出 post 呼籲其他人加入，
    各位 CHing 有興趣可以一齊嚟玩，有冇效我唔保證，至少有嘗試爭取過，好過咩都唔做。

---

作者: YANG    時間: 2023-12-26 20:55

距離2023年完結仲有123小時，而呢個帖係3日前出，即係如無意外今年內會放監。
其實每個廠商都有對用戶嘅約束條款，唔鍾意唯有唔用。

---

作者: hk133    時間: 2023-12-26 21:46

本帖最後由 hk133 於 2023-12-26 13:48 編輯



    冇事先講明其實係侵犯用戶知情權，尤其係時間限制，時間其實都係一種無形成本。
    小米自己生產、銷售一樣嘢，軟件、硬件都由小米掌控，如果係為商品當中任何功能設置限制，佢有責任解釋清楚限制嘅詳情，比如規則、機制，因為呢樣限制實質上會對消費者造成不利影響，有可能影響消費者作出交易決策。

    當然，唔鍾意可以唔用，但呢句說話嘅前提，係消費者知情，而作為生產商及商戶，佢亦有盡佢講解嘅義務。

---

作者: hk133    時間: 2023-12-28 02:32

原來係嗰幾條友見到又有 post 講小米解鎖 bootloader 問題，於是又走咗過去嘈，難怪呢度咁靜。