標題: 去星際買行貨新機烏龍事件分享 [打印本頁]

---

作者: smartlam    時間: 2025-11-25 19:43     標題: 去星際買行貨新機烏龍事件分享

較早時去星際某店買部行貨機身，返到去睇番收據印錯 seal number，今日先有時間由新界搭車去改單，去之前 whatsapp 預告一下，下午去到間店好旺人山人海，等左一陣終於有職員幫我搞。佢話只能印多張今日新收據，寫明係因第一張錯 seal number，根據保用證更改番正確 seal number，俾番我時我只睇清楚 seal number 冇問題就走。

點知返到新界屋企，拎張新收據諗住掃蕩存檔時，俾我發現佢將我第一張單內，描述【全新行貨】、無端端改成【全新水貨】! 我就即 whatsapp 聯絡番，講出又再次出錯，及我住新界及時常離港，近來較少到九龍區。好在間店服務確係唔錯，起碼售後 whatsapp 真係好快回覆，就算非工作時間以外都好快回覆，比我以前黃金高登買電腦嘢，俾完錢番到去有問題，whatsapp 問係從來唔回覆，但用分身扮問買嘢就秒覆不同。店定主動話叫我唔需要出嚟多一次，話重新印一張收據聽日寄俾我，我當然覺得係好安排。其實由第一次印錯seal number開始，我都想佢寄過新單俾我，但我對呢類店有心理陰影，怕俾佢小我所以唔好意思提出。既然佢願意我求之不得，我亦要求寄出時，先 whatsapp 張新單我核對下，唔好寄出後又再錯，佢都應承及一直好客氣，都算抵讚 !

其實我唔怕拎去行維修時有問題，係我平時中意成日換機，放二手補貼少少又換新型號，試過一年最多換三部機。最怕係放二手時遇著唔熟悉，見到我有兩張單奇奇怪怪，當我係騙徒臨場交收唔成就唔好。

呢個 post 只係想同大家講，購物時尤其有保養物品，臨場交收時收據睇清楚，以免之後又要費時失事。

---

作者: HighLamb    時間: 2025-11-25 20:19


有咁多買機經驗都犯錯？

---

作者: smartlam    時間: 2025-11-25 20:27

本帖最後由 smartlam 於 2025-11-25 20:34 編輯


就係冇諗住行貨有保用證，掃 code 都會錯 !? 問清楚雖然用電腦打單、但原來冇裝掃 code 儀，乜都人手入單，而且系統冇得複製及更改，每換一張單都要逐個字打。小店始終都係小店，唔夠連鎖店系統咁完善

主要佢第一張單只打錯機身 seal 號碼，今次出去佢只需幫我改番啱號碼就得，但佢改啱號碼後 ... 又無端端將原來(全新行貨)改成(全新水貨)，因我自己都係做前線銷售，改單只改某一項係唔會搞到另一項，事後先知佢系統咁落後，係要自己逐個字輸入出新單，唔怪之得佢幫我出張新單，見佢電腦前都搞好耐

---

作者: raystation    時間: 2025-11-26 09:59

會唔會賣比你件貨係水…用個行既SN開住張單先，等你冇為意…
當你留意到，改返單時，電腦食返個SN原來係水貨，咪出返水貨內容

---

作者: smartlam    時間: 2025-11-26 14:45



唔係，有香港原代理保用證、而且我已成功官網登記咗一段時間。我離遠見佢打單打好耐，似乎唔係一個完善 Format 打單、即係好大可能係用 Word 或 Excel 打單，而佢又話明唔可以 copy & paste，再只修改某部份，佢每開或更改重印一張單，都係要重新開一個新單號，所有內容都係手逐個輸入。所以佢今次雖然只改 Seal 就得，但因為佢要全部逐個字輸入，加上經手人唔係開單果個，給果行貨打成水貨 !

佢打好張單用手指住個 Seal 號碼，我用保用證核對啱我就走，真係冇諗到佢冇錯部份... 都俾佢改到有錯 ! 我十五年前做某連鎖銷售店，打單系統都已經好成熟，可以重印單及只改某部份，而且唔酬要另開新單號，總之就非常人性化

---

作者: Auk    時間: 2025-11-26 15:42

題外話, 想問聲 smart兄搶唔搶到 WTT 12月 紅磡嘅飛? 我差唔多已經放棄.

---

作者: smartlam    時間: 2025-11-26 18:02




你好，出售第二日我有入電腦售票網睇，好似近千第8行有位，但因我平時喜歡帶相機、影演唱會及運動，現在8行已經唔係廿年前咁近，因依家舞台前會加臨時摺櫈約十行，係最貴近兩千門票，加上我果第8行唔係通道單邊位 ... 何解我要單邊位 ? 因我手拖喼或背囊，如果坐左右都有其他人之間，腳底下空間係擺唔入，我要刻意揀近行人通道單邊位放隨身物品，同埋可以側身舉機拍攝，既方便自己又冇咁怕前面頭遮到，亦都冇咁怕遮到後面，所以我放棄了 ! 你可以去 FB 某桌球中港台群組，有人原價放門票 [/code]

---

作者: Auk    時間: 2025-11-26 18:19

回覆 7# smartlam

唔該哂師兄, 我見第一日入唔到, 跟住話賣哂, 第二日就無試囉. 而家似乎只有等搶多咗飛嘅人, 下個月攞到實體飛後, 睇佢地點放出嚟.

---

作者: smartlam    時間: 2025-11-26 18:26

本帖最後由 smartlam 於 2025-11-26 18:30 編輯


不客氣，頭幾日先有人喺呢個群放飛，但近來唔見，你留意下

仲有你可在 FB 輸入 (演唱會)，加入有關出售門票群組，最好用網頁版搜尋輸入(WTT)，都有好多人放

桌球(Table Tennis)愛好者聯盟

---

作者: Auk    時間: 2025-11-26 18:34

唔該哂, 啱啱真係search唔到, 只係搵到個"M4/3系統中港台攝影聯會"

---

作者: goalsp    時間: 2025-11-27 14:32

桌球愛好聯盟真係教人打抬波？

---

作者: smartlam    時間: 2025-11-27 18:39



台灣稱乒乓球為【桌球】，日本稱乒乓球為【卓球】，不要誤會

---

作者: goalsp    時間: 2025-11-27 20:35

明白,   thanks

---

作者: Auk    時間: 2025-12-14 14:06

回覆 12# smartlam

結果去到紅館，限制寫明200mm以上, 俾老婆帶GH5 搭最細嘅45-175都唔俾入，師兄以後都要留言意吓。[attach]2508578[/attach]

---

作者: smartlam    時間: 2025-12-14 17:11

本帖最後由 smartlam 於 2025-12-14 17:17 編輯


香港沒有最搞笑，'只有更搞笑、蠢人艙理做蠢事相信陸續有來。我從沒聽聞世界任何國家、包括香港以往演唱會、限制要長焦距先准入場 ! 反而只會限制 300mm 以下先准入場，以免影鄉鄰座其他觀眾 !

WTT 管理及直播系統本身已經差，直播成日卡頓、黑屏、或計分顯示時常錯誤。如果 Youtube 直播時，在即時通訊留言區，批評 WTT 言論都會遭封鎖不能留言。

我不明白為何大會希望入場觀眾，反其道而行要求入場觀眾，攜帶攝影器材及鏡頭，鏡頭焦距越長越好? 是否怕觀眾拍攝不清晰，上傳到網上社交媒體、會影響 WTT 大會聲譽 ? R 哂頭真係不知所謂 !

建議下次你再同太太入場睇乒乓球，你同太太分開入場，一個只拿機身、另一人只拿鏡頭。遇查時就解釋說器材不是今次使用，是散場後自己在外私人使用。到入場後才坐在一起，插入鏡頭再拍攝，到時保安都不會懷疑及再查問 !

現場是否有 Locker 供租用暫放器材?

---

作者: smartlam    時間: 2025-12-14 17:17



咦、我睇清楚你應該誤會咗喎 ! 英文係寫明超過 200mm 先唔俾入，你老婆 GH5 連支鏡最長焦距 175mm，唔超過 200mm 何解唔俾入? 係咪保安根本唔識?

Flash photography, camera focal length more than 200mm =「禁止使用閃光燈攝影，禁止鏡頭焦距超過 200 毫米的相機。」

---

作者: Auk    時間: 2025-12-14 18:40

回覆 16# smartlam

無錯 限制 200 以上唔俾入，個保安唔知係咪自己以全片幅焦距去同我老婆計，香港今時今日係咁㗎啦，我係外面接返部機，佢重新入場就算

---

作者: smartlam    時間: 2025-12-14 21:56



其實 M43 又好、APS-C 又好、以名中片幅又好，理據上夾硬去解釋，都應寫明『以全片幅等效為準』。但我個人覺得，應該不論任何片幅，應以鏡身資訊為準先公平。

我覺得個職員識啲攝影，但又唔識啲果種，相信好多人帶相機及鏡頭入場被拒，實會有人提出抗議及爭拗，我覺得佢拒絕唔俾你老婆入場，原則及道理上都係錯

---

作者: PC147    時間: 2025-12-15 09:39




    咁攪會唔會遲D講到像數唔俾多過600萬 驚你crop相

---

作者: Auk    時間: 2025-12-15 13:18

佢哋幾時會玩埋像素唔知，但除咗我部機鏡佢地唔被俾入外，連老婆自己買細細盒嘅電話增距鏡都唔入得，都係由我接返走，呢次好在我唔熟窿路，兩場都搶唔到A或B嘅飛，如果唔係真媽媽聲。

---

作者: calvin83    時間: 2025-12-15 18:13

回復 20 #Auk

新款嗰啲高級電話增佢鏡，加咗效果隨時好過m43平鏡影。

---

作者: Auk    時間: 2025-12-15 18:20

回覆 21# calvin83

咁你又啱

---

作者: smartlam    時間: 2025-12-15 20:44



香港依家真係搞乜衰乜，佢標示焦距，就唔可以用各種等效焦距去限制 ! 學樓上 CHing 話齋，不如直接限制像素較易控制啦 !

因為就算我帶 200mm 鏡頭，我知好多人帶 4千萬像素以上機身入場，離廿幾行影都好清楚，好似最前排五行咁清。但你帶 M43 入去，乘 x2 都係等效約 350mm，其實都係等於全幅、拍攝後 Crop 效果。但佢限制用焦距真係貽笑國際，如果有識法律或法律行內人士，向大會提出抗辯或訴諸法律，相信跪低及影響聲譽。

最敝有影開相都唔一定、熟悉各種系統鏡頭等效焦距，何況好多一般市民，好多都買中階以上專業機鏡，下下咁俾佢地無理拒絕入場，一來已經超無癮，二來又冇提供 Locker，隨時搵唔到親朋接走器材，到時自己趕返屋企擺低，之後再入場可能已經完場一半，離哂譜 !

我得閒 E-mail 去 WTT投訴先，否則出年啟德搞仲大鑊

---

作者: Auk    時間: 2025-12-15 21:04

本帖最後由 Auk 於 2025-12-15 21:07 編輯

回覆 23# smartlam


咁Smart兄真係要睇吓呢邊啲post, 入面怨聲載道,
[attach]2508759[/attach]
好在你呢次買唔到心水位就唔去影, 出年我可能都寧願陪老婆去第二度入場, 都唔係香港買飛比佢睇

---

作者: smartlam    時間: 2025-12-15 21:49



其實應該係 WTT 自身問題，你唔睇 WTT 搞國際賽事，實則佢背後係好多華人，包括常駐職員、大會攝錄、拍攝、直播、轉播、控制室、及網上監察都好多華人。連 Youtube 直播即時通訊留言，見到感敏字都會設定過濾、或直接封鎖你唔俾你留言。但某國熱情粉絲、粗俗咒罵、及攻擊性留言則豁免，你就明 !

我已妁觀眾角度，去信 WTT 投訴、反映、及建議，希望來年 WTT 會聽建議改善，不過我覺得機會好微。另話手機增倍鏡都唔俾帶，職員借意疑似非禮，如果你早啲同我講，我都一拼寫埋入去。

我已 PM 你俾投訴信你參閱，我係用英文投向 WTT、特俾中文你睇方便啲

---

作者: smartlam    時間: 2025-12-15 22:11



去果個專頁睇一睇，觀眾留言都幾驚人，唔知以為三年零八個月戒嚴

---

作者: Auk    時間: 2025-12-15 22:23

本帖最後由 Auk 於 2025-12-15 22:24 編輯

回覆 25# smartlam

其實明知無咩用都Voice Out, 已經係一種愛護關心嘅表現.
如果傳說中嘅大紅書(本人未接觸過), 有多啲人按事實反映, 會唔會比香港人出聲有效果得多.
算喇, 再講落去就可能遠離咗攝影呢區嘞

---

作者: smartlam    時間: 2025-12-15 22:28



係，相信平時都好多人 Email 申訴，申訴接受、態度照舊。總之以後 wtt 香港辦賽事，我都唔會購票入場，寧願去深圳、廣州或澳門

---

作者: calvin83    時間: 2025-12-15 22:46


今年有轉播, 我都係係屋企睇

---

作者: smartlam    時間: 2025-12-15 22:50



其實屋企睇最舒服，多角度遠近鏡。估唔到紅館都模仿埋啟德咁嚴，連帶樽水及一粒朱古力入去都唔得，嚴過機場安檢，好彩我冇購票入場睇，留錢去深圳、廣州或澳門更好