標題: 被一位不負責任而且態度惡劣的 model 爽約 [打印本頁]

---

作者: botsang    時間: 2008-12-20 03:52     標題: 被一位不負責任而且態度惡劣的 model 爽約

小弟現為一影會之工作人員, 協助影會籌辦攝影活動, 供會員參加
在約大半個月之前, 我們影會約了一位 model 於今天作聖誕節主題攝影活動

然而, 到了今天活動舉行日子 (原定於晚上 6:45 於尖沙咀集合), 該位 model 於下午大約 4:45 突然致電影會負責人, 聲稱 "老板" 要她今天加班, 故此不能出席

由於這個通知實在來得太遲 (大約還有兩小時, 活動便要開始) .... 影會認為這件事很可能會引起會員的強烈不滿, 於是由小弟致電該位 model 交涉, 有三個目的:
1) 表明本會對事件的關注
2) 尋求折衷方法 (例如稍為延遲開始時間), 盡量讓活動如常舉行
3) (如真的沒有折衷方法) 商討善後安排, 例如盡量將會員的不滿減至最低

在電話中, model 一開始便說自己已經盡早通知本會, 已經做了應做的事, 自稱對事件已經沒有責任. 並說她有自己的工作, 不能不顧工作.

小弟於是便說明今次事件對本會聲譽的影響.......... 該位 model 便突然發難, 說 : "我已經算好了. 如果我衰一點, 索性連電話也不打給你們, 讓你們乾等好了"

小弟於是表明, 既然約定合作搞活動, 雙方均有責任在約定的時間來實行承諾. 如因為突發事件而不能如期舉行, 亦應合作一點, 一起想想補救方法, 而不是簡單一句 "我已經通知了你們" 便將責任推得一乾二淨

該位 model 於是便說 : "我沒有收你們錢, 亦沒有簽合約, 我沒有責任"
(註 : 該位 model 並非免費為本會工作, 只是尚未收錢而已; 本會事先已經與她談好報酬)

小弟於是表明, 在法理上, "口頭承諾" 也是有效的.

該位 model 於是說 : "你們給我的錢有多少? 還不是數百元而已~"
(她在不夠一分鐘前才剛將自己扮演成義務客串性質, 現在才露出真面目)
接著, 她再說 : "你們影會即管唱衰我好了, 反正我也打算不幹了~"

小弟至此已經忍無可忍, 於是嚴肅地言明, 她這種態度極不負責任

該 model 見自己理虧, 反而更加橫蠻, 說 : "你是不是神經病?? 居然罵我???"

小弟於是連番反問 : "你是不是沒有責任感"

model 之後居然說 : "我覺得你很不尊重我" (她不到一分鐘前才罵我是不是神經病..........現在反倒說我不尊重她............)

小弟於是反問 : "你又何曾尊重我們影會?"

接著大家再談下去也沒有意義, 談話就此結束.

---

作者: Volunteer    時間: 2008-12-20 04:00

提示: 作者被禁止或刪除 內容自動屏蔽

---

作者: botsang    時間: 2008-12-20 05:38



小弟將今次事件道出, 目的並非 "唱衰" 該位 model, 而是讓一眾攝影同好知道, 一些所謂 model 可以這樣 "離譜"
另外, 有見於多數攝影愛好者多沉默寡言, 不擅長與口齒便利的女孩辯論, 所以籍此讓大家先了解一下, 這些不負責任的 model 為爽約而抗辯的籍口 (例如 : "我沒有收你的錢" "我沒有和你簽約" 等等)................. 好讓大家作好心理準備

至於那位 model......... 如師兄真的希望得知其身份, 不妨自行在各大影會網頁看看, 相信師兄會見到不少這種個案

---

作者: fresh_banana    時間: 2008-12-20 08:38

真係算好啦, 成兩個鐘前搵你

有"老板" 照, 使鬼比你地左影右景咩

---

作者: jerrychan    時間: 2008-12-20 10:00

呢個世界靚女大晒嘛, 睇開d啦

---

作者: nickychan    時間: 2008-12-20 10:01

咁吾負責任既個model  真系...吾得..

---

作者: dee329    時間: 2008-12-20 10:11

而家愈黎愈多靚少少既都話走出黎做MODEL, 搵零用錢, 專業操守難免下降, 再說, 如果佢地見到另一個搵佢比多一百幾十, 即是過檔啦, 你有你感受, 佢有佢自由
小弟都試過約D咁既MODEL, 令到我方寸大亂
果次仲要係公司要用

[ 本帖最後由 dee329 於 2008-12-20 10:12 編輯 ]

---

作者: tunster    時間: 2008-12-20 10:17

其實你有無認真諗過人地嘅難處?
Just put yourself into her shoes
如果老細突然叫OT,喺哩個時勢緊係保住份工,佢都兩個鐘前通知你仲想人點?唔通佢O到十一點你地又等?

---

作者: Kc-Pro    時間: 2008-12-20 10:23

白紙黑字寫好先
得唔得ga

[ 本帖最後由 Kc-Pro 於 2008-12-20 10:24 編輯 ]

---

作者: dee329    時間: 2008-12-20 10:29


佢要爽約已經無辦法, 但d態度

---

作者: dee329    時間: 2008-12-20 10:31


可以架, 好似employment letter咁囉, 唔到罰錢
但有無人肯同你簽先?

---

作者: initials    時間: 2008-12-20 10:35

港女...

---

作者: Kc-Pro    時間: 2008-12-20 10:50


做壞晒~就係件件都因為口頭
以為唔駛負責任

---

作者: 008325    時間: 2008-12-20 11:03

老實講，唔睇佢咩態度，
2個鐘前打俾你話真係俾老板捉住黎唔到其實已經算唔錯
呢d係突發既事

另一方面，你基本上打去之前已經持有固有態度 （希望保住名聲 ）電話中步步進逼，係人地大把野做既時候打去 ，其實一個細路女發難其實都係正常不過既事

其實我覺得樓主既說話技巧有待改善
model 黎唔到，佢唔會唔知自己錯，佢亦唔會好開心黎唔到，佢黎唔到已經係事實，再強調責任問題，其實根本無助解決問題，當佢真係 say sorry ，佢都對唔到你d 影友 say sorry 。 其實呢d 情況俾著係我，我一定先站係 model 的難處上面，講一番體諒佢既說話，再食住個勢
要求佢出一個日要再加時間 ～ 呢d時候 冇 100％ 都有 90％ 應承你

當然你仲可以強調係佢錯唔係我錯，
點解我要就佢之類之類，咁我都冇辦法
睇下你係咪個想r 贏人，定想解決問題

---

作者: initials    時間: 2008-12-20 11:28

我之前都攪過一排呢d活動, 係好麻煩...
酬勞話多唔多, 但又唔係冇俾錢佢...
咩都係口頭承諾... 佢黎唔到都吹佢唔漲...
所以冇再攪lu...

---

作者: dee329    時間: 2008-12-20 11:41

我諗樓主果時一定係好心急啦, 講野語氣未必可以做到好似你講咁perfect
搵model責任係樓主身上, model甩底佢要負責任, d會友問到佢都會十分唔好意思, 所以佢都好想叫個model盡量黎

---

作者: Xy    時間: 2008-12-20 11:55

算la......今時今日有得番工, 好過做散工,

---

作者: tunster    時間: 2008-12-20 11:58



當時個女仔0既態度我唔清楚 (樓主無提及), 但直覺已經感受倒樓主 "有無搞錯呀" 咁0既 feel. 我相信女仔唔會咁理直氣壯一開口話 "我唔0黎啦, 唔關我事" 咁樣, 最多咪 "唔好意思, 有急事唔0黎" 之類, 如果人0地真係以咁0既禮貌致電, 我會覺得個 model 已經好好人了.

---

作者: dee329    時間: 2008-12-20 12:01


咁樓主既心情都要體諒下, 一個電話唔黎就唔黎
佢都要同人交代架, 人地成日既活動告吹
總有會友會埋怨

---

作者: DarkHero    時間: 2008-12-20 12:16

樓主應該有危機意識

---

作者: tunster    時間: 2008-12-20 12:19

如果個 model 無理由唔出現就話0者, 宜家人0地加班都唔夠理由嗎? 哩0的係突發事件, 無人想發生, 或者咁, 如果人0地要去醫院探親, 你又想人0地出席影會? 搞得活動點可以連哩0的0野都唔考慮先?

---

作者: chrisyip9999    時間: 2008-12-20 12:44

個MODEL 又未必錯得晒 , 人地都話左比你知黎唔到 , 重想點 ?
而且我相信閣下既語氣一定唔會好似你打出黎 , 好可能係爆粗加問候個MODEL屋企人 .
同埋搞呢D 活動 , 你唔係冇預特發情況出現時點算呀....

---

作者: DarkHero    時間: 2008-12-20 14:23

就算俾你講掂個model 遲d 黎or 第日補返
你都未必講得掂班影友

---

作者: 年青人    時間: 2008-12-20 14:38

提示: 作者被禁止或刪除 內容自動屏蔽

---

作者: 1banana    時間: 2008-12-20 15:09

靚女大晒咩,
如果有contract 告佢啦

---

作者: kyecall    時間: 2008-12-20 15:51


我又想知道如果你係個model你又會點做？？？

---

作者: T-49    時間: 2008-12-20 16:13





同埋所謂既折衷方案都行唔通, 加班又點知加到幾點先???
你係成件事都只係顧住會員利益, 自己個聲譽,又有冇理下人地既利益先?
唔同比老細炒都要黎喇WOR, 都唔知邊個唔分輕重
雖然唔知件事幾時發生, 但你唔會考慮下個MODEL本身使唔使返工就約人?
老實講, 就算唔使OT, 放左工個人都冇咩精神啦(正常一般人, 唔排除你同個MODEL係另類),比人影都唔係最好狀態.

你覺得佢唔負責任
可能佢又覺得你故意刁難
玩下手,  唔知係邊就有個POST "被某態度惡劣影會故意刁難"

又, 唔知你地影會本身又有冇PLAN B?
冇就真係....

---

作者: licgfg    時間: 2008-12-20 16:30

我就咁睇
你接得呢個job就確定自己係出席到
如果我係咪都接左先,到時唔得閒咪放飛機lor
雖則話加班係突發事件,但接job之前有冇考慮過潛在加班風險而導致不能出席?
而家咁既情況係唔係輸打贏要?
至於影會方面
有冇做風臉管理?有冇後備方案?
搞手唔係咁易做既

---

作者: 年青人    時間: 2008-12-20 16:35

提示: 作者被禁止或刪除 內容自動屏蔽

---

作者: 年青人    時間: 2008-12-20 16:41

提示: 作者被禁止或刪除 內容自動屏蔽

---

作者: rickee    時間: 2008-12-20 16:59


er…我諗我會表明左唔好意思先，問佢搵唔搵得切第二個model，如果唔得，我搵自己d frd/model frd頂得唔得。

相信咁樣ge態度應對樓主會gur d，因為而家唔係講緊「事件」，而係model態度問題…
(我理解係咁~)

---

作者: 年青人    時間: 2008-12-20 17:04

提示: 作者被禁止或刪除 內容自動屏蔽

---

作者: T-49    時間: 2008-12-20 17:09



如果係講態度, 咁冇咩好講
又冇證據, 又冇人格證人
兩邊都唔信

---

作者: rickee    時間: 2008-12-20 17:09


咁呢個又係另一個問題喇啵~
我只係講緊個人修養問題，但如果講到權力分佈，咁又真係冇野好講嚕

---

作者: rickee    時間: 2008-12-20 17:10


所以都係呢句呢…
「你身處在吹水區」
大家咪理性討論下囉

---

作者: ivan15    時間: 2008-12-20 17:20

提示: 作者被禁止或刪除 內容自動屏蔽

---

作者: Xy    時間: 2008-12-20 17:41

突然有job ,  原諒人la ,  
如果係我一頭煙, 第一時間熄電話, 咪鬼理你.........
呢個時間最緊要份工.....份長工......

不過.....你可以要求半價搵日再影既.......如果我係你.......

---

作者: 米路    時間: 2008-12-20 18:02

提示: 作者被禁止或刪除 內容自動屏蔽

---

作者: DarkHero    時間: 2008-12-20 19:57

樓主不如講下個結局最後點啦

---

作者: botsang    時間: 2008-12-20 22:38

(註 : 以下陳述可能較為複雜. 希望了解事件的各位朋友, 請耐心慢慢看 ; 如有寫得不夠簡潔易明的地方, 請多多見諒)

其實在致電該位 model 之前, 小弟已經有心理準備, 她說不來, 就多數不會來的了.
所以, 小弟沒有花太多唇舌來嚐試說服 model 在原定時間出席 ; 小弟與 model 的爭執, 在於另一個原因 (容後詳述)

當時, 小弟只可以做三件事 :
1) 向 model 表示, 影會方面對事件高度關注 (目的是讓接下來的談話嚴肅一點, 希望 model 能以認真態度來商談)
2) 即管問問 model, 能不能約晚一點時間
3) 嚐試建議改期 (但不是單純將日子更改 ; 希望 model 同意收取較低報酬, 好讓我們能夠以較低的收費來讓受影響的會員再參加, 以減低會員的不滿)

第 1 點方面, 算是做到了.
第 2 點方面, 也順利向 model 提議; 但 model 說她應該會很夜才完成工作, 所以這個提議並不可行

第 3 點方面, 才是問題所在
正如很多人都知道, 要讓受影響會員的不滿減低, 除了 "致歉" 之外, 還必需讓會員有一些較實質的補償才成
所以, 小弟原本打算向 model 建議, 在改期之餘, 亦希望 model 會同意收取較低報酬, 讓我們能夠將成本降低, 讓會員能以較相宜的費用來 "補回" 是次活動
而為了讓 model 明白為何要將其報酬減低, 則必需先讓她明白今次事件對影會及會員所造成的影響 ; 所以, 小弟打算先向 model 說明這一點
然而, model 一聽到 "今次取消活動, 本會及參加者都會有所損失" 這句說話, 便覺得受到指謫, 其態度亦立即變得不合作. 小弟還沒有機會說出正題 (改期及減報酬), 該位 model 便已經自顧說出一大段說話來抗辯. 例如 :

"我已經算好了. 如果我衰一點, 索性連電話也不打給你們, 讓你們乾等好了"
"我沒有收你們錢, 亦沒有簽合約, 我沒有責任"
"你們給我的錢有多少? 還不是數百元而已~"  

其實當小弟聽到 model 第一句說話 ("我已經算好了. 如果我衰一點.............."), 小弟腦裡立即有另一個想法 :
"看她態度, 即使提出改期及減收費, 她多數也不會同意. 即使她說同意, 也怕她只是敷衍. 到時候如果她存心靠害, 再來一次臨時取消, 那可糟糕極了. 還是另覓方法向會員交待為上"
所以, 小弟立即打消了 "改期及減報酬" 的想法

然而, 該位 model 好像沒有停口的意思, 還在不斷說出詆譭小弟影會的說話.
至此, 小弟涵養再好, 也不禁動氣. 於是嚴肅地言明, 她這種態度極不負責任
而至於接下來的情況, 大家也已經知道了

事件到最後的結果是, 我們只聯絡到部份會員, 還有兩位會員聯絡不上
於是, 小弟及另外一位工作人員便在原定時間, 去到集合地點, 碰碰機會 ; 結果是有一位會員真的不知活動取消而來到現場
我們便一再向該位會員致歉, 並即場退回其所繳付的款項
而且, 為消除會員的不滿, 我們便立即表明, 將會在短期內為各受影響之參加者籌辦一個免費攝影活動 (經費當然由本會支出), 以補償他們時間上的損失, 並作為讓他們失望的致歉

---

作者: o()o    時間: 2008-12-22 03:57

咁可能佢做文職，
老細岩岩同佢講完：今晚死都死掂份野去，話知你通宵OT，如果唔係打停resign letter………

咁將心比心……正職緊要定係幾百蚊兼職緊要喇！

---

作者: 668668    時間: 2008-12-22 04:56

感覺上 比較不支持樓主

唔好問原因,  我都唔知點解

---

作者: 小鋼砲    時間: 2008-12-22 06:00

其實最兩個鐘打電話通知已經好好,
如果個event真係咁重要,
樓主點解唔聯絡多d model, 做後備都好吖,
有時就算佢想黎但係有意外黎唔到, 咁你就搞唔成個活動

---

作者: Mace Windu    時間: 2008-12-22 09:23



這是另一回事，影會活動可以算是她的一份兼職。她是有責任給予對方充足的時間作安排的。

---

作者: Mace Windu    時間: 2008-12-22 09:28

我反而覺得，睇到呢度大部份人都是傾向幫 model 的心態，開始明白為何現在 model 放飛機的情況越來越嚴重，可說是有跡可尋。

---

作者: botsang    時間: 2008-12-22 12:35



反而我諗到點解.........
可能因為多數人覺得, 影會攝影只係一份工餘 / 課餘活動, 應該以 "唔影響工作" 為前提, 所以覺得影會攝影係唔重要既......

不過, 影會而家所辦既, 其實都係商業性質既生意, 與客戶 (會員) 同 partner (model, 化粧師) 亦係真金白銀既交易.

我地辦攝影活動 / 團, 同康 x, 永 x, 旅行社辦旅行團差唔多
如果臨到出團前兩個鐘, 導遊 / 領隊通知話自己另外有事而嚟唔到, 要取消, 旅行社都要做 :
1) 取消並退錢俾客戶, 白白浪費事前既準備工夫, 時間 (呢啲都係錢嚟)
2) 提供致歉性質既禮品 , 優惠俾受影響既客戶 (亦都要錢)
3) 商譽受損 (呢樣更加係錢..... 因為要建立一個良好商戶影象, 要花好多人力物力; 而且, 一旦損壞咗, 就未必可以回復得返)

如果 partner (model, 化粧師) 要旅行社體諒........... 旅行社呢啲損失, 又有誰會體諒..........

另外, 有師兄問為何唔準備後備 model
其實我地係有呢個打算既. 老實講, 我地亦有相熟 model 可以頂替

不過, 由於三個原因, 我地唔能夠咁做 :
1) 以前某一個影會都同相同經驗, 結果反而俾會員鬧 : 掛羊頭, 賣狗肉; 搵個靚女做招牌, 但貨不對辦
2) 由於距離開始活動只有兩小時, 好多參加者已經帶備沉重器材在身, 甚至可能已經出發前往現場途中; 呢個時換 model, 反而有瓜田李下之嫌. 會員更加會以為, 我地影會係刻意咁樣安排, 焗佢地接受不對辦既 model (以為影會迫佢地 : 一係接受, 一係就唔影 - 浪費時間, 及舟車勞頓之苦)
3) 想先問問參加者既意願, 都唔得......... 因為有部份人無留聯絡電話. 人地亦可能外出工作, 睇唔到 網站

[ 本帖最後由 botsang 於 2008-12-22 12:48 編輯 ]

---

作者: leofong2022    時間: 2008-12-22 16:25


x2
d人文化水平低落左
樓主, 只能同情你, 呢d咁ge model根本唔係出來撈. 係通知唔該早d等其他人可以及早攪手尾 , (呢)d人連"負責任"呢3個字都唔識, 唔係是是但但唔理timming和道理同人講就叫負責任

---

作者: licgfg    時間: 2008-12-22 16:31


簡單黎講
因為model係女人
睇下#42就知

---

作者: 008325    時間: 2008-12-22 16:36

其實第一句已經顯示你理解錯
我地應為係 model 係副業，所以係突發又無何奈何之下，model 作出一個以正業為重的決定
係絕對正常。

並唔係你所講既攝影只係一份工餘 / 課餘活動所以我地支持個 model

我相信將心俾己，如果你都有番工，你都係突然俾人叫 ot
自己問下自己會唔會因為你所講既攝影活動而同老闆抗行，甚至唔做呢?

---

作者: botsang    時間: 2008-12-22 16:52



其實小弟深明呢種情況, 亦並無堅持要 model 照原定計劃出席; 小弟都係打工仔, 唔會唔知 model 既處境
小弟既不滿, 只有小部份出於呢個原因 (小弟於先前既陳述之中, 亦講述過呢一方面)

小弟既不滿, 最大程度在於 model 並無表現出 "一起合作善後" 既誠意 ; 由始至終, model 只表現出一個立場 -
我已通知你們. 失約對你們造成的損失, 我不會理會, 也不會和你們善後

---

作者: Mace Windu    時間: 2008-12-22 17:10



無人話佢突然黎唔到係有問題，只係要負責任的問題。當事人起接呢份兼職的時候已經知道當日係要番工，咁即係亦都知道有機會會 OT。我相信突然黎唔到佢都唔會開心，但當日係佢自己願意接受呢份工作的，黎唔到在情理上有責任要負。當然唔可以 expect 佢會得罪老板走去同人影相，但也不致於說那樣的話吧？

我覺得這是一條非常好的應徵問題，因為這確切反映了回答者的處事方針和態度。這不是正職是否比兼職重要的問題，而是對人對事負責的問題。今日你可以覺得兩小時前給我通知已經是格外開恩，明天你也大可以同樣道理的對待自己的正職 。

「我阿媽/老婆/阿妹/隻狗有事，我今日番唔到工，我而家打電話比你已經算仁至義盡勒，我大可以人間蒸發架。你比幾千蚊人工我之嘛，我唔鐘意番工咪唔番囉！我阿媽/老婆/阿妹/隻狗點都比你份工重要咪呀！」

---

作者: byleung    時間: 2008-12-22 17:12

根本係果model 有問題
1) 唔理收幾多錢, 有無落訂, contract 等等, 應承左出現唔出現就係唔o岩
2) 黎唔到, 提前話比對方知, 係應該要做o既最最最基本野
3) 後面o既對話, 果model 係唔係態度唔好, 我無聽到唔評價
4) part time job 都係job, 有無人會諗下點樣做好份工, 正職有事, 做唔掂份part time, 好明顯係果model 自己time managment 有問題.
5) 如果果model 唔再撈呢行, 我無野講, 但只要佢重係做part time model, 我相信佢都會有呢個情況出現

---

作者: T-49    時間: 2008-12-22 17:24



唔係話幫邊個唔幫邊個, 因為我兩邊都唔熟, 亦都從未/唔會參加呢種活動, 但係試過係呢D活動幫下手
不過正如CHING所言, 而家所辦既, 已經係變左一盤生意.
咁係咪亦都要提升下D 計劃質素, 準備多一兩個後補計劃
與其係個個MODEL身上糾纏, 不如諗下有冇其他方法好過
又例如CHING話唔係個個參加者都留低電話, 呢個又係問題
影會有咩事又搵佢唔到, 佢遲到影會又搵佢唔到都係煩
呢方面又係唔係要改改?
又好似呢件事咁, 會唔會約個MODEL 係活動個日係如無意外(真係意外個D)一定出現到既會比搵個放工黎既好呢

---

作者: T-49    時間: 2008-12-22 17:26



所以我想知攪手當初點解會約呢個MODEL

---

作者: Mace Windu    時間: 2008-12-22 17:33



Model 未必會話比人知佢果日要番工，好多時只會答你果段時間得唔得閒。

---

作者: T-49    時間: 2008-12-22 17:41



咁咪係問題, 如果問個個淨係問人得唔得閒, 答個個又係咁答
變左大家都係靠估, 咁就
可能樓主下次要問得再詳細D先決定

---

作者: Knight    時間: 2008-12-22 18:10

請問樓主, 你說你做呢D影會活動已經係一盤生意 ,
咁即係你從中會有利潤 ? 如果係既請繼續睇. 唔係就請當我冇講野.

你同這個模特兒合作了幾多次, 第一次 ?
點解唔找 d 行內有名聲有責任的模特兒 ?
係因為呢個女仔平就搵返來定係成團人指定要佢 ?
你約日子既時間你冇考慮佢要"放工"後先來得 ?
既然係一盤生意點解會冇其他後備 plan.

我睇你的 post, 只見你文中一直只將責任推落個女仔佢身上,
字中對自己既責任一點都冇提過.
或者個女仔係時間管理,責任心,態度係有問題.
但也不見得你可以將今次事件整個責任推落佢身上.
你係負責人,令個活動正常舉行以至完成是最基本的責任,
所以一開始整個責任已經係你身上,你不想負責就請不要賺錢.

如果我係當天參加了的會員, 我只會覺得閣下及影會所辦既活動服務差
以及你們當天所提供的模特兒的責任感都非常之差.

睇完你呢幾個 post, 我只會覺得閣下只會將責任推向他人身上, 不會知自己錯既人.

---

作者: botsang    時間: 2008-12-22 18:29



小弟係義務性質幫影會手
影會有利潤, 但小弟唔會有一分一毫落袋; 因為所賺取既利潤, 影會係將會用作辦免費活動, 或者買道具 (例如晚裝)

唔找知名 model 合作, 係因為其收費高昂
小弟影會希望, 我地活動既對象, 唔應該只限於能夠付出高昂費用既影友 ; 經濟能力較低既影友, 我地亦希望可以為他們提供活動

後備 model, 我地的確有 ; 問題係, 當只剩低兩個小時既時限, 後備 model 雖然可以勉強令活動如期進行, 但用之根本無益, 反而大有機會招致更多不滿 (小弟於先前曾經講述過呢一方面, 師兄如希望了解, 請看看並指教)

至於會員唔留電話, 呢一點的確有需要改進, 多謝師兄既提點 ; 小弟會建議影會負責人, 以後凡報名者, 一定要留電話, 否則不接受其報名

而至於師兄認為, 不論如何, 我地唔能夠 "交貨" 俾會員, 影會有責任. 對於呢一點, 小弟絕對認同!!
正因為如此, 小弟才對今次事件如此看重
亦正如小弟於之前提及, 影會亦認同應為事件負上責任,  所以我們除了立即退款給會員之外, 還立即承諾為會員提供一次免費攝影活動 (成本當然由影會付出), 作為補償會員的損失

如果師兄有其他更好提議, 敬請提出. 小弟而家亦正頭痛地思考, 目前所做既補償是否足夠.............

[ 本帖最後由 botsang 於 2008-12-22 18:37 編輯 ]

---

作者: licgfg    時間: 2008-12-22 18:37


既然有後備model,點解唔用呢?
我覺得活動可以如常舉行,但就優惠價俾會員,亦可以選擇退錢
總好過掃興吧

---

作者: botsang    時間: 2008-12-22 18:41



當時選擇不用後備的原因, 剛才已經講解了 ; 由於前車可鑑, 我們不敢貿然冒險

不過, 立即將今次活動減價, 優惠給會員, 的確是好的提議!!!
我們當時想不到有這個方法
多謝師兄指教

[ 本帖最後由 botsang 於 2008-12-22 18:50 編輯 ]

---

作者: 笨孩子    時間: 2008-12-22 19:34

我係另一個forum都見到你同樣既post 我覺得如果有損失的話 應該採取法律行動 呢d港女 唔俾後果佢知道佢唔會知道咩係責任

---

作者: DMAN    時間: 2008-12-22 19:52

遇到呢d咁不負責任既港女小弟都好同情你
樓主亦無需再浪費時間響呢d人度,呢d人咁既工作態度就算黎得成都未必係好事
相信你影會既兄弟都會睇諒你
另外可以講下你地係咩影會嗎?

---

作者: botsang    時間: 2008-12-22 19:57

我們只是一個沒有太多餘錢的小影會，難以支付高昂的律師費用。

---

作者: lijk1    時間: 2008-12-22 20:11

睇到呢度, 都幾好笑, 咁多人撐個 model, 只因為個 model 係靚女, 如果係件豬扒或者係男 model, 唔知又會點睇呢?   

如果換個情景, 樓主唔係影會而係結婚辨喜事, 約咗個攝影師, 但佢喺行禮前兩個鐘至打電話來話有野做來唔到, 咁又算唔算有交帶, 兼盡咗責任呢?

---

作者: Mace Windu    時間: 2008-12-22 20:55



後備 model 是絕對不管用的。因為現在的影會的活動，有一半以上的參加者其實志不在影相，而是在睇女。如果你買了某歌手的演唱會飛，臨時宣佈改變歌手，你還會覺得無問題照去嗎？

---

作者: licgfg    時間: 2008-12-22 22:52


原來係咁...

---

作者: zeroken    時間: 2008-12-22 23:35

睇完呢個POST..我唔好講邊個岩邊個錯..但個POST好多人系偏幫個MODEL...
吾講對錯..呢D事件損失系邊一個?.好明確.系影會.系負責人.吾系個個影友都會諒解.亦吾會理會MODEL咩原因..佢只會覺得個影會處理得吾好.失當.
影會.損失了金錢同信譽.呢個先係最大問題.
雖然大家可以講到好諒解當時人不能出現的原因..咁你又沒念下影會個角色..E+要咩黑獲果個系你.你又會點?


還有就系.系未有好多人放飛機.連電話都吾通知..就可以將本次事件合理化?

---

作者: jason5    時間: 2008-12-22 23:51

提示: 作者被禁止或刪除 內容自動屏蔽

---

作者: ivan15    時間: 2008-12-22 23:55

提示: 作者被禁止或刪除 內容自動屏蔽

---

作者: byleung    時間: 2008-12-23 00:07



咁果model 唔應該係要返工o既日子接job囉
知道自己返工有機會要ot, 而又接job
到真係要ot 就早兩個鐘通知你, 就當無責任
full time job 係job, part time job 都係job, 唔係錢多錢少o既問題, 接左job 唔該get the job done (都唔係要求get the job well done), 尊重下份job 喇

---

作者: jason5    時間: 2008-12-23 00:20

提示: 作者被禁止或刪除 內容自動屏蔽

---

作者: DMAN    時間: 2008-12-23 00:36



無人話正職優先有錯,只係覺得佢個人人格有問題姐!
甩底通知你係人情唔通知你係道理

---

作者: DarkHero    時間: 2008-12-23 01:06

一日用part time model
始終都會有較大機會發生呢類事件
我相信無乜人會為份副業而放棄正職

一係你開團時講明呢個係兼職
有較大甩底風險
俾影友自己去決定參唔參加
亦俾影會去考慮下用唔用

而甩底的細節安排最好一早講清楚
跟足指引做

---

作者: 997997    時間: 2008-12-23 01:46

其實都慣左...........   你咁火都冇用..........

我就試過影會時.....  model 1 遲 90 min 先來到......  重要之前打定電話叫佢準備.....佢話來緊....來緊......其實就行緊街....   遲 90 min 先來到.......
又試過model 2私影時話訓遲左.....唔識起身.....來唔到......
model 3 <---  最得係依個  , 話有幾年model經驗 , 約了佢私影.......之後影過日話.....[乜唔係下個星期咩....?我有急事.....XXXXXXXXXX  N 字 來唔到 )  <---   上網睇返 , 原來果日佢去了其他地方私影      

---

作者: botsang    時間: 2008-12-23 02:22

小弟以影會工作人員的身份, 本來只適宜敍述事件, 不適宜評論 model 的為人
今次之所以會在標題寫上 "不負責任" "態度惡劣" 的字眼, 是因為 model 在電話裡真的以小弟難以容忍的方式來說話

有師兄可能認為, 電話沒有錄音, 小弟現在說什麼都不能作準

不過, 該位 model 事後居然還在小弟影會網站上不斷出言侮辱小弟影會及工作人員
小弟目前還不能將這位 model 的發言直接以 hyperlink 讓大家親眼看, 由於 :
1) 小弟目的並非 "公審" 該位 model
2) 小弟有幾位朋友將會與那位 model 有所合作; 這幾位朋友, 都是為人耿直, 腦中想什麼, 口便說什麼的人. 所以小弟暫時並不想讓他們知道這件事, 以免他們在自己的活動中直腸直肚, 和該位 model 發生口角.

所以, 目前小弟唯有轉貼. 以下為一部份節錄:
___________________________________________________________
如果你們認為這事是我錯，那可以接受 : )
因為人的判斷能力是由他的為人決定。
畢竟大家層次不同 : )
說到底你們還是覺得我令你無緣故被罵。
還有就是，你輸不起 :p 給一個小妹妹串到無聲出是甚麼感受 ? ^^

你寬的為人有問題，判斷事情的是非黑白的能力自己有問題 ^^
這個人人都知的道理，你沒理由不明白吧 : )

這群大男人，我祝你們一世影爛相
___________________________________________________________

相信各位看到之後, 可以想象該位 model 在電話裡的態度, 不會好得到什麼程度

如果師兄認為小弟應將該位 model 的帖子拿出來, 証明她真的說過這說話, 則請等待小弟幾位朋友的工作完成後, 小弟 pm hyperlink 給希望看的師兄

[ 本帖最後由 botsang 於 2008-12-23 02:32 編輯 ]

---

作者: siupy    時間: 2008-12-23 02:29

提示: 作者被禁止或刪除 內容自動屏蔽

---

作者: byleung    時間: 2008-12-23 08:33



我都祝佢一世做model 仔

---

作者: AAA1    時間: 2008-12-23 08:59

I think a better backup plan and having more models rather than just one and only one would avoid similar incidents in the future.
Even a model has the right for urgent leave, just like you and me.

---

作者: omecon2000    時間: 2008-12-23 09:13

下次簽好約 and  找朋友的朋友的朋友那些比較好
唔來就說明會出demand notice

---

作者: lio    時間: 2008-12-23 10:36

上面幫MODEL(話對事唔係對人WO)的人掂解好似理解唔到樓主佢講GE野 , 仲有上面的人唔知有無係拍賣場買賣野, 試下你係賣家個MODEL係買家 , 交易糾紛有好多道理唔該自己去睇睇先

---

作者: jason5    時間: 2008-12-23 11:00

提示: 作者被禁止或刪除 內容自動屏蔽

---

作者: jason5    時間: 2008-12-23 11:04

提示: 作者被禁止或刪除 內容自動屏蔽

---

作者: Mace Windu    時間: 2008-12-23 11:17



此言差矣，多數越紅的先越串。

---

作者: T-49    時間: 2008-12-23 13:25



個MODEL當係PART TIME都仲好
我估, 唔少都係搵快錢心態

因為另一方唔可信,
所以樓主更應該係籌備上做好D, 保障自己同影會

---

作者: botsang    時間: 2008-12-23 14:20



先前見佢喺其他影會都有活動 (雖然唔算多, 但一向無聽過有出事), 而且笑得幾甜, 所以小弟影會負責人先至搵佢
的確, 唔可以太信任初相識既人, 呢次當買咗一個教訓

---

作者: onkit    時間: 2008-12-24 07:03



說得好

---

作者: loklokxp    時間: 2008-12-25 00:29

要計就計最得益者

人地都要搵食

---

作者: kame    時間: 2008-12-25 06:37

其實冇需要甘炆....pt model 又好FT MODEL又好  佢要放您飛機都吹佢唔脹

正如您果日要開工知好多野做您唔想返射波都係甘啦 我又真係見慣哂

我反而覺得最大問題係點解唔諗定PLAN B/C 人生不如意事情十常八九 冇野話一定做到.....

不過MODEL個語氣又真係有D過份  只可以話個MODEL係說話上唔識修色

今次事件雙方都有責任 唔係話單方面一面衰哂....

---

作者: hkepckk    時間: 2008-12-25 10:28

樓主唔駛咁唔開心啦, 唔岩既咪冇下次羅,model 多的是,今次咪當俾自己吸取exp下次搞好d羅

呢個世界好細既, 等佢出去碰下釘啦.

ps. 可以既請pm

---

作者: 997997    時間: 2008-12-25 19:45

係的話順手 pm 來   等我都小心d先

---

作者: CQB_R    時間: 2008-12-25 23:11

下....我覺得你有問題多D,如該位model真的有工作在身咁點???另外你係協助影會籌辦攝影活動,點解沒有兩手準備?個model出現吾到;你個活動咁就無左...

---

作者: X-Fi    時間: 2008-12-26 13:42

提示: 作者被禁止或刪除 內容自動屏蔽

---

作者: lio    時間: 2008-12-26 16:52


樓主都已經答左, 唔好同上面D人不斷重複問題

---

作者: botsang    時間: 2008-12-31 04:13



呢幾日好忙, 無上嚟幾日, 而家先睇到師兄既問題, 唔好意思  

小弟雖然先前已經回答過類似師兄既提問 ; 但既然師兄已經發問, 禮貌上小弟亦唔介意再次回答
不如這樣.......... 請容許小弟換個方式, 請師兄思考兩方面的問題~ 或者師兄反而比較容易了解小弟既論點

1)
"有沒有時間擔任 model ?" 這個問題, 應該由影會判斷? 抑或應該由 model 自己判斷?
假如判斷錯誤 (不論是故意或是無心), 是影會的責任? 抑或是 model 本身的責任?
這種錯誤判斷所引致的後果, 道理上應該由影會承受? 抑或由 model 承受?

2)
借用先前一位師兄的比喻 ; 假如早已經買了容祖兒的演唱會門票, 但開場前兩小時才突然被告知容祖兒另有工作, 改由 yumiko 頂替, 可以嗎?
(就小弟而言, 如果在數日前收到通知, 則還不至於非常不滿 - 因為我還有數日時間來為自己另外安排其他娛樂 ~ 但如果只有兩小時......... 想安排也很難了,  白白損失了一個晚上 )

________________________________________________________________________
有師兄認為, 既然辦影會, 便要負責讓活動順利進行~ 如迫不得已取消 / 更改, 亦要負責作出補償
小弟的影會十分明白這種責任, 絕對同意, 沒有懷疑~ 亦已經作好準備來承擔這份責任
(事實上, 正如小弟亦已經提及過, 影會已經立即退款給會員, 並且承諾為受影響的會員安排一次免費活動, 作為補償. 影會亦已立即在網頁上公開對會員交待事情, 並表明樂於接受會員對於這次事件的意見)
但請留意, 這是 "影會對會員的責任"

小弟在這裡的發言, 是談論 "影會與該位 model 之間的責任問題"
影會要對受影響的會員負責, 但這絕對不應成為該位 model 脫除責任的借口.

希望各位能夠明白這一要點. 謝謝 !
________________________________________________________________________

[ 本帖最後由 botsang 於 2008-12-31 04:15 編輯 ]