標題: Arduino 資料小整理 [打印本頁]

---

作者: dulllou    時間: 2009-5-23 13:22     標題: Arduino 資料小整理



其實 arduino.cc (官網), arduino.tw (台灣同好網頁) 同 blog.arduino.cn 都已經有好多相關資料. 但感覺上 2 個中文網站 (台灣同大陸) 都係就住網主自己本人o既 level 來寫, 對新手來講其實會相當唔明白. 我就晌呢度以一個完全新手o既角度去介紹下呢樣小玩具

Arduino 係乜 ?
Arduino 係一種 MCU (Micro Controller Unit, 微型控制器), 可以控制各樣裝置. 由一粒 LED 到家庭電都可以控制到. 另一方面, Arduino 亦可以成為 Physical Computer (中文我偏向叫佢做"體感電腦") 可以通過唔同o既 sensor (感應器) 作為輸入介面 (如電阻, 電壓, 去到光暗, 溫度, 壓力, 濕度, 以至水流, 風速). 同時亦可以用各式奇怪o既物品做輸出界面 (如 LED, LCD, 摩打, servo, stepper motor, 甚至 output 去電視,  mon 同埋用 wireless, 藍牙, ethernet (LAN) 等等)

MCU 又係乜 ?
Micro Controller Unit, 微型控制器其實係一個小小o既晶片, 去操控電子零件甚至大型電器. 同一部電腦一樣, 佢都係有齊 input, processing, storage 同 output 的 (輸入, 處理, 儲存, 輸出).

咁即係點 ? MCU 又關我咩事 ? 可唔可以具體 D 講下 MCU 可以做乜 ?
MCU 可以做o既野, 幾乎係你諗得出佢就做得到. 由我初學時用佢來控制幾粒 LED幾時發光幾時閃幾時熄, 到後來整一個 "機械 Gmail notifier", 當有 gmail 時就會控制個 servo 扯旗, 同埋控制指針錶頭來 display 各式數據 (如 CPU 溫度, download speed, 恒指, 溫度, 天氣等)

又或者掉返轉頭, 可以經由各式 sensor 將外界o既數據機傳入電腦. 例如用一支十蚊雞o既鴨記 laser pointer 加一個 LDR 做laser 防盜 當有人行過, laser 被切斷, 電腦就會記低幾時有人經過. 又或者晌地毯底裝一個壓力 sensor 有人行過時就會通知你部電腦等等

咁多比 Arduino (更好用/更微型/更快/更多功能/更多 memory...)o既 MCU 唔用, 點解要用 Arduino ?
因為 Arduino 十分適合初學者. 簡易o既 IDE 界面, 再加上 arduino.cc 官網上極度人分享各式各樣o既  idea 同 code, 令初學者可以更快上手

Arduino 係俾咩人用的 ?
Arduino 原作者話, Arduino 設計出來係俾冇programming (寫 program) 同冇電子根底o既人用的. 作者希望俾一d 冇電子/programming 能力o既人如藝術家或者設計師可以晌佢o地o既作品或者設計上加入一d 電子元素同時亦唔駛花好多好多時間去學寫 program 同電子

Arduino 最低限度要識d 咩先用到 ?
以下係我o既個人見解 -
1. 識得虛心, 有禮貌地去 forum 請教人
2. 識用 google
3. 極度基本o既 programming 常識 (例如睇得明以下呢一小段 code) :
if (input == HIGH)
{
  LED = on;
}
else
{
LED = off;
}
4. 極度基本關於電的常識, 最少要知道電池有分正負極, 一粒 AA 電係 1.5V,  一粒白光 LED 用 3v 即係要用 2 粒 AA 電, Arduino 輸出o既 5V 電壓會燒左你粒 1.6V 的紅色 LED, 想唔燒就要加電阻等等

要開始學用 Arduino, 我駛唔駛識______先得 ?
用辣雞 - 唔駛
寫 program - 唔駛

我應該點樣開始 ?
雖然直接買一粒 ATMega168 (Arduino 的心臟, 亦可以叫佢做 arduino 的 CPU+RAM+HDD) 自己砌一個 arduino 一d 都唔難, 甚至連辣雞都唔識識渣. 但新手我建議都係直接買 Arduino o既成品. 如果你晌香港, 我建議你上淘寶網買. 大概一百蚊多少少, 另外加多約三十蚊速遞運費. 如果你晌外國, http://arduino.cc 官網上有好多 link 指你去唔同o既地方買

晌淘寶買, 會唔會買到盜版 Arduino ?
Arduino 軟件是以 GPL 授權, 而硬件是以 CC 授權的, 換言之是可以自由使用, 唔會存在盜版問題

上左淘寶, 見到好多種唔同o既 Arduino, 我應該買邊種 ?

Arduino 的確有好多種, 由細細件, 專 for 整手提小 device 用o既 mini, mini pro, nano, 到防水又可以屈曲, 可以縫晌衫或者袋上面用o既 lilypad, 仲有最常用o既Duemilanove (最多現成擴充界面) 同功能強大o既 Arduino Mega (更多 ram, 更多 storage, 更多 I/O (input / output 插位)

新手用, 我建議用 Duemilanove. 因為大小適中, 而且多現成擴充界面, 所有插位已經齊晒
mini pro 雖然細, 但為左慳位, 接位用一個先焊一個
lilypad 雖然防水又可以縫晌衫, 但要用專用o既導電線來縫
Mega 雖然功能強大, 但價錢較貴
另外有一種叫 barebone 的, 功能分別唔大 (RAM/ROM 少一點), 但只有 serial (com port)插位 , 雖然平d, 但因為而家電腦多數冇 serial port, 唔建議買.

我已經買左喇, 然後又點 ?
上 http://arduino.cc download Arduino IDE 同 USB driver. 安好左, 插好 USB 線就可以開始喇

[ 本帖最後由 dulllou 於 2009-5-27 00:06 編輯 ]

---

作者: dulllou    時間: 2009-5-23 13:24

大家的第一個 Arduino Program :


int ledPin = 13;                // LED 插係 13 號插位 (因為 13 號插位已經內置電阻, 唔駛另外加)

void setup()                    // void setup 內o既野就好似 windows startup 咁, 開機o既時候 run 一次
{
  pinMode(ledPin, OUTPUT);      // 話俾 arduino 知, ledPin (即係 13 號腳) 而家係用來 output
}

void loop()                     // 晌 void loop 入便o既野就會不停重覆喇
{
  digitalWrite(ledPin, HIGH);   // 晌 Arduino, digitalWrite HIGH o既意思就係俾 DC 5v 電佢. 呢句
                                                  //成句o既意思就係 "向 ledPin (即係 13 腳) 輸出 5v 電壓"

  delay(1000);                  // 等一秒. delay () 入便個數字係 ms. 1秒 = 1000ms
  digitalWrite(ledPin, LOW);    // 同上, digitalWrite LOW 就即係輸出 0v (接地)
  delay(1000);                  // 又等一秒
}                                        // 呢個 loop 已經完左, 會由 void loop 開始又由頭做起. 咁樣粒 LED 就會閃啦

---

作者: dulllou    時間: 2009-5-23 13:30

Arduion 的入門介紹 Video :

閃  LED video
http://www.youtube.com/watch?v=pMV2isNm8JU&feature=fvsr

用 Arduino 簡易控制 Servo
http://www.youtube.com/watch?v=FKj9jJgj8Pc&feature=channel

Arduino 插插樂
http://www.youtube.com/watch?v=NGRqWaIECm8&feature=channel

Arduino + 加速儀 (Wiimote 啊啊啊啊...)
http://www.youtube.com/watch?v=HYUYbN2gRuQ&feature=channel

Arduino Lilypad 初試用
http://www.youtube.com/watch?v=Yj639_ez6TM&feature=channel

Lilypad 閃燈袋 (其實好娘...鬼妹先會用)
http://www.youtube.com/watch?v=0cRKdzIhbZM&feature=channel

仲有好多好多...自己慢慢睇啦

---

作者: qazwsxedcrfv000    時間: 2009-5-23 13:49

英文ok ge
CC呢兩個Site
http://www.arduino.cc/playground/
Arduino playground - HomePage (Official)
http://www.ladyada.net/learn/arduino/index.html
Arduino Tutorial - Learn electronics and microcontrollers using Arduino! (by Ladyada)

---

作者: 薯餅v.v    時間: 2009-5-23 14:09

樓主好長細,,多謝曬

---

作者: Offer    時間: 2009-5-23 14:10

CHING, good job!!!   

fit for 新手

---

作者: haro2003    時間: 2009-5-23 14:30

我又幚手
艺术系的互动入门－3－硬件类,Arduino(Wiring)概述
艺术系的互动入门－4－非代码编写类软件－Max/Msp,PD
无线交互 Xbee Pro VS Arduino
艺术系的互动入门－5－非代码编写类软件－VVVV简介
简单易用，给Arduino用的传感器扩展版出现！
艺术系的互动入门－6－开工前的最后一关:工具准备
艺术系的互动入门-7-组建人生中第一个电路(图片2有待勘误)
Arduino与Flash通讯工具比较:Serial Server VS Tinkerproxy
艺术系的互动入门-8-Flash实例:吹个球-A:模拟输入与传感器
艺术系的互动入门-9-Flash实例:吹个球-B:Arduino与Flash通讯程序
艺术系的互动入门-10-Flash实例:吹个球-C:互动开始
艺术系的互动入门-11-Flash实例:吹个球-D:代码详解
艺术系的互动入门-12-物理设备交互-Servo马达
艺术系的互动入门-13-为什么学习使用Arduino
艺术系的互动入门-14-Arduino语言-语法结构
Arduino 模拟输入（analog input）

---

作者: haro2003    時間: 2009-5-23 14:41

加多個Arduino language簡單說明
Arduino language

---

作者: haro2003    時間: 2009-5-23 14:50

一個好正的互動裝置制造教程
關於[雙打] – (2)互動裝置你也會
關於[雙打] – (3)Max/MSP˙實現你任何想像（吧）！
關於[雙打] – (4)硬體裝置製作
關於[雙打] – (5)給我code之一
關於[雙打] – (6) 給我code之二

---

作者: vichkvic    時間: 2009-5-23 23:02

nice for me  

---

作者: BurnDuck    時間: 2009-5-23 23:54

多得樓主, 又要去促進經濟發展

講真, 好多謝樓主 d 資料

---

作者: tobyho91    時間: 2009-5-24 02:53

樓主有冇可能可以開個團
幫手係大陸訂個堆野落來
最BASIC  個Arduino+片中既板,電線,LED 咁  屋企乜都冇,但又想玩
http://www.youtube.com/watch?v=k ... eature=channel_page

---

作者: vichkvic    時間: 2009-5-24 06:45




請叫埋我去　

---

作者: jackli    時間: 2009-5-24 07:48

版主唔該精華個post

---

作者: dulllou    時間: 2009-5-24 09:58



haha, 我已經有齊我需要o既野喇, 所以短時間內都唔會再淘寶, 如果有人攪, 我可以幫手提供 vendor 資料 (係我之前買野買過覺得 OK 的淘寶店, 我同佢o地冇任何關系, 我亦唔會從中得到金錢上或任何其他利益)

新手的話, 我建議買以下呢幾樣野 (以下係我上次買o既時候o既價錢, 只供參考, 以下價錢都是人民幣)
1 x Arduino $128@
2 x 額外的 atmega168 $10@  (完成左一件野之後用粒 atmega 獨立 run, free 返件 arduino 出來)
2 x 16mhz crystal $0.5@
1 x Protoshield (可以直接裝晌 Arduino 上的 breadboard) $38
1 x LCD Keypad shield (2*16 LCD + 五粒buttons) $70
2 x 平價 digital servo $30@
1 x wii nunchuk connector $10

然後呢, 如果人夠多, 可以夾份入一堆常用o既電子零件來share (比起晌香港一粒粒買平好多好多好多好多好多...) 如各式常用數值o既 resistors (100ohm, 470, 1k, 47k, 10k 等等等等), LDR, VR (100ohm, 500, 1k, 10k 等), 各式常用數值o既 Caps, Zener, diode (1N4001), transistors (9012, 9013), regulator (LM317), FET (TIP120) 單色/三色/全彩LED......

毒__死你班友

---

作者: jackli    時間: 2009-5-24 10:10



lm317.....
效率太低喇.....
用lm2576啦

[ 本帖最後由 jackli 於 2009-5-24 10:37 編輯 ]

---

作者: 薯餅v.v    時間: 2009-5-24 10:50

多謝樓主係hkepc推廣arduino,令到我地毒死吾少人

吾係樓主  可能我真係搵吾到arduino e種係香港咁少人玩但係咁好玩既bootloader

---

作者: edwardfcy    時間: 2009-5-24 10:57     標題: 回覆 12# 的帖子

我有興趣！我都想參加。如成事，請預埋我！THX！

---

作者: sony_eng    時間: 2009-5-24 11:17

Thanks Ching.  Any Ardunino books in Hong Kong?

---

作者: cli    時間: 2009-5-24 11:18



好有興趣成事的話預我一份！

---

作者: dulllou    時間: 2009-5-24 11:22



新手試用包, 普普通通o既夠啦... LM317 晌 taobao 一粒粒買都係 $2... 2576 貴兩倍都唔只, 而且 317 對新手來講, 317 2 粒 resistor 就得, 易用好多

---

作者: jackli    時間: 2009-5-24 11:27



另外問一問, 香港邊度可以買到Switch Regulator?
好似好少咁......
比如話lm2576 咁普通, 華x 都無

[ 本帖最後由 jackli 於 2009-5-24 11:30 編輯 ]

---

作者: dulllou    時間: 2009-5-24 11:31



有. 最新一本叫 "Making things talk" (2009 出版), arduino 個原作者寫的
http://oreilly.com/catalog/9780596510510/

Amazon US$19.9, Pageone $280, 黃金地庫訂的話係 用原價 (US$30 再打返八折, 但訂要等個半月)

如果唔想睇英文書, 有一本叫《交互式系統原理與設計》, 大陸翻譯 (原書叫 Physical Computing (2004 出版), 都係 arduino 個原作者寫的), 大陸價 $45. www.amazon.cn 有折 (留意, 少年宮個書城個 web 話呢本書有貨, 去到又話冇, 白行左一趟 )

如果唔想俾錢買書, "Getting Started with Arduino" 原價 US$12.9, Arduino 官網 http://arduino.cc 有 PDF 版本 (Full version) 免費 Download. 另外 Arduino programming notebook 亦都有 PDF 版晌官網

---

作者: dulllou    時間: 2009-5-24 11:33



我上次去__輝好似連 317 都唔見有...
呢d...有朋友做呢行就靠朋友, 冇就 taobao 把啦
你嫌連費費o既 (其實都只係 $30...), post 上來 (記得寫多幾隻字話有幾好有幾好放下毒) , 大把人爭住同你 share 運費

---

作者: jackli    時間: 2009-5-24 11:35



lm317 一定有... 係集成電路ic 果度......好多,,,,,
另, taobao係咪要信用卡果D嫁?
$30唔算貴 , 最怕係收唔到貨姐
我依家都係等你搞share運費  

---

作者: dulllou    時間: 2009-5-24 11:42



我記得晌 regulator 度搵過冇....不過 anyway... 我已經晌 taobao 買左 10粒 317 10粒 TIP120 學緊用

taobao 多數唔用信用卡的, 用"支付寶". 晌大陸銀行有 account 的話會好方便, 買野時直接晌 ebanking 過錢落支付寶俾錢.

taobao 唔太驚收唔到貨, 佢抄 paypal -- 先入左錢落支付寶, 支付寶收到錢就會通賣家出貨, 你收到貨去支付寶 confirm 收貨支付寶先會放數俾個賣家. 有少少似 LC 形式.

講時講, 我有8粒 8MM RGB 全彩 LED 同一件 8*8 RGB dot matrix 多, 一舊水有冇人要 ? :

---

作者: jackli    時間: 2009-5-24 11:46



你用黎玩  穩壓擴流  不過電壓降太大真係熱到high high

係中國(香港)銀行有acc 就得?

似paypal ,咁真係好似幾安全

一舊水有哂全部?

---

作者: dulllou    時間: 2009-5-24 11:56



唔係中銀香港 (BOCHK), 而係大陸o既銀行戶口+ebanking
其實晌香港o既大陸銀行都得, 不過會變左 wiretransfer, 次次都要扣手續費
我係走上深圳開左個戶口, 入左幾千蚊 HK$ 落去, 你見幾時匯價 OK 就 log 上 ebanking 轉佢做人仔. 到要買野時先用幾多過幾多落支付寶

係啊, 一舊水八粒8MM RGB LED加一片 8*8 RGB dot matrix 啊 (冇記錯應該件 8*8 係 5MM). 2 樣都係全新未用過, 而且 D 腳都幾靚仔冇氧化冇

[ 本帖最後由 dulllou 於 2009-5-24 11:58 編輯 ]

---

作者: jackli    時間: 2009-5-24 12:26



姐係返大陸的中銀開戶口?

---

作者: dulllou    時間: 2009-5-24 12:36



係. 我開左個招商銀行... 開戶口o個陣記得要加埋 ebanking (留意, 大陸 ebainking 舊 usb dongle 多數都要錢, 冇記錯招行係 $40)

---

作者: jackli    時間: 2009-5-24 13:05

dulllou's link:

youtube: http://www.youtube.com/user/dulllou
blog: http://blog.diedie.net/

[ 本帖最後由 jackli 於 2009-5-24 13:20 編輯 ]

---

作者: 薯餅v.v    時間: 2009-5-24 13:10

"Making things talk"  E本書係吾係based on arduino 嫁 內容大約講d咩有冇ching 知

---

作者: jackli    時間: 2009-5-24 13:19



preview有好多.,..,.,.

http://oreilly.com/catalog/9780596510510/preview.html

---

作者: dulllou    時間: 2009-5-24 13:19



唔係仲可以係邊個 ?

---

作者: jackli    時間: 2009-5-24 13:21



http://blog.diedie.net/2009/04/1 ... iny-toothbrush.html
依個點整?

---

作者: dulllou    時間: 2009-5-24 13:22



1. 係, 成本書包括埋 D example 都係 base on arduino. 不過就算唔係用 arduino 都可以用佢d idea 來整玩具~

2. amazon 有preview, 其實淨係睇個目錄已經大概知道本書講咩. 再唔係去 pageone 打書釘都可以 (本書包左膠的,不過你可以同d 職員講想睇, 佢o地會開俾你睇的) 不過 times square 冇貨, 又一城得返 2 本一本俾我買左

---

作者: dulllou    時間: 2009-5-24 13:24



哈..起我底 ?
呢個..咪一個牙擦頭, 一粒手機 vibator, 一粒鋰電痴埋囉...

---

作者: jackli    時間: 2009-5-24 13:25



vibator邊度買
唔好諗邪

---

作者: 薯餅v.v    時間: 2009-5-24 13:25


睇左preview了 直情arm曬我ed 從0 開始咩都吾識電子野but 既自己吾抄code 自動diy arduino 既人,,
可吾可以pm話我知黃金邊間有得訂

---

作者: dulllou    時間: 2009-5-24 13:30



就係樓梯底o個間. 先俾 30% 書價, 個半月後找尾數
用 amazon 原價 (即係唔係特價o個個價錢) * 0.8 就係佢賣o既價錢, 不過要等個半月

如果訂開, 我介紹你訂埋本 "Physical computing", 呢本我覺得先係精華所在

---

作者: dulllou    時間: 2009-5-24 13:32



1. 拆手機
2. 新昌 (舊式, 一個小 motor 加一舊鐵) $5
3. 新昌左邊有一間賣我 video 入便用o個種, (晌收錢櫃檯 demo), $5
4. 先達成人用品店買來拆 拆完個 motor 仲有條假 J 留來「真正DIY」

[ 本帖最後由 dulllou 於 2009-5-24 13:33 編輯 ]

---

作者: jowong    時間: 2009-5-27 15:38

my arduino and Xport




圖片附件: DSC07972.jpg (2009-5-27 15:38, 100.18 KB) / 下載次數 286
https://h0.hkepc.com/forum/attachment.php?aid=856976&k=3b08f2e0951c182c95954f78dd06fb77&t=1781388090&sid=28juaODAAW



圖片附件: DSC07917.jpg (2009-5-27 15:38, 111.84 KB) / 下載次數 311
https://h0.hkepc.com/forum/attachment.php?aid=856978&k=273c1138a7442b9cc8de7cc54aa0db16&t=1781388090&sid=28juaODAAW



圖片附件: DSC07967.jpg (2009-5-27 15:38, 113.3 KB) / 下載次數 266
https://h0.hkepc.com/forum/attachment.php?aid=856980&k=202dde1e0e2a52a7b0fdfe3cf124bbcb&t=1781388090&sid=28juaODAAW

---

作者: jackli    時間: 2009-5-27 15:46



又發毒

---

作者: qazwsxedcrfv000    時間: 2009-5-27 15:52



Where do you buy your XPort??

---

作者: jowong    時間: 2009-5-27 15:56     標題: 回覆 43# 的帖子

我仲學緊點用咋

我係個d又唔識 program 又唔識電子但係又鐘意試新野個d人 haha

---

作者: jowong    時間: 2009-5-27 15:57



香港

搵佢地香港代理

---

作者: BurnDuck    時間: 2009-5-27 19:34

  Arduino 就黎送到
係 taobao 買左 HKD$170   (shipping incl.)

btw 想問下樓主, 話可以拆個 micro controller 出黎自己 run, 但係之前要 (燒?) 左個 (bootloader?) 落去先
其實個步驟係點 ga? 係唔係燒左先擺到落 arduino 寫 程式?

新手咩都唔識..  

[ 本帖最後由 BurnDuck 於 2009-5-27 19:34 編輯 ]

---

作者: qazwsxedcrfv000    時間: 2009-5-27 20:03



The Arduino you bought in Taobao should be burnt with Arduino bootloader
If you want to buy alternative MCUs to run Arduino program, you can download the bootloader into the MCUs by programmer
I will quote more details later on

[ 本帖最後由 qazwsxedcrfv000 於 2009-5-27 20:05 編輯 ]

---

作者: 薯餅v.v    時間: 2009-5-27 20:06


希望6月中左右可以開到團 7月頭到貨  我就黎忍吾著了

---

作者: 阿死    時間: 2009-5-27 21:30

支持

我都曾經玩過~~~以前做proj, 宜家收左係床下底

[ 本帖最後由 阿死 於 2009-5-27 21:31 編輯 ]

圖片附件: IMG_0196.jpg (2009-5-27 21:30, 112.26 KB) / 下載次數 292
https://h0.hkepc.com/forum/attachment.php?aid=857240&k=7ac18cb1b0a76df31d503bfd287853f6&t=1781388090&sid=28juaODAAW



圖片附件: IMG_0181.jpg (2009-5-27 21:30, 80.22 KB) / 下載次數 297
https://h0.hkepc.com/forum/attachment.php?aid=857242&k=d35fa69c46caee65ad45136a217d10f8&t=1781388090&sid=28juaODAAW



圖片附件: IMG_0177.jpg (2009-5-27 21:31, 86.14 KB) / 下載次數 257
https://h0.hkepc.com/forum/attachment.php?aid=857244&k=1b37ed58cc20d677ec2bbbd9f92d2e2f&t=1781388090&sid=28juaODAAW



圖片附件: IMG_0180.jpg (2009-5-27 21:31, 102.24 KB) / 下載次數 220
https://h0.hkepc.com/forum/attachment.php?aid=857248&k=818ca7742efb8b49994971b8af7a7296&t=1781388090&sid=28juaODAAW

---

作者: lucas    時間: 2009-5-27 21:40

如果真係開團就通知聲，我都想加埋一份。

---

作者: edwardfcy    時間: 2009-5-28 09:33     標題: 回覆 49# 的帖子

我舉腳贊成及支持！！Count on ME pls!!

---

作者: eh    時間: 2009-5-28 22:06

有冇6v range既voltmeter?

---

作者: dulllou    時間: 2009-5-28 22:15



大多數指針 voltmeter 都係 1volt 左右就已經可以推盡佢的. 只係入便有粒 resistor 所以先會出現唔同 volt 數. 你買隻返來, 自己換左粒 resistor 咪得囉. FYI, 指針 voltmeter 一般大概用 1ma

[ 本帖最後由 dulllou 於 2009-5-28 22:15 編輯 ]

---

作者: Motti_sir    時間: 2009-5-29 13:50

好正
好有興趣想試下用!!!
多謝樓主!!!

---

作者: sony_eng    時間: 2009-5-30 13:44

Any good news on 開團?

---

作者: qazwsxedcrfv000    時間: 2009-5-30 13:46



I may register today
I will post more details later

---

作者: 薯餅v.v    時間: 2009-5-30 13:49


GD QUICKQUICK
我要解毒

---

作者: lun5    時間: 2009-5-30 23:37

支持!支持!
我都想玩下!

---

作者: eh    時間: 2009-5-31 01:22


我指佢輸入
可唔可以直接度volt?

---

作者: dulllou    時間: 2009-5-31 01:37

你講緊 voltmeter 定 Arduino ???

Arduino 可以度到啊. Analog in pins的 10-bits (0-1023) ADC 會讀 voltage, input 0v 就出 0, input 5v  就出 1023如此類推...

---

作者: qazwsxedcrfv000    時間: 2009-5-31 20:35



已經send咗info俾A君+註冊
等A君批準就可以咨詢

---

作者: 薯餅v.v    時間: 2009-5-31 20:41


a sir 見diy 咁多人對arduino有興趣  又點會吾批

---

作者: lucas    時間: 2009-6-1 08:29


等待中.....

---

作者: jackli    時間: 2009-6-1 11:46

整個大沙發係度, 慢慢等

---

作者: gulakpi    時間: 2009-6-1 21:38

This is good stuff!

---

作者: qazwsxedcrfv000    時間: 2009-6-2 16:42

有組團咨詢啦
請移玉步至:
http://www.hkepc.com/forum/viewt ... &extra=page%3D1
THX

---

作者: silvester    時間: 2009-6-3 16:53

快d成團

---

作者: 撒卡    時間: 2009-6-7 18:17

好多謝樓主 d 資料

---

作者: 風之小文    時間: 2009-6-8 02:59

我想問個人o係香港
o係陶寶買野點比錢？

---

作者: iodine    時間: 2009-6-8 11:55

超有興趣啊
學下先

---

作者: good16    時間: 2009-6-8 13:10

請問

1)ATmega168-20PU同 ATmega328P-20PU有何分別?個version 唔同?

我見團購 [套餐-04] 兩樣都有

2)Arduino Bootloader 又係咩

---

作者: 薯餅v.v    時間: 2009-6-8 13:23


容量吾同 一個18k 一個32k
Arduino Bootloader姐係你電腦既開機選單  冇左佢就吾可以開arduino

---

作者: good16    時間: 2009-6-8 14:39


原來係咁

咁我想問．．．唔燒粒MCU，就咁玩得唔得?最多我每次再整過d 線

燒完粒MCU 可唔可以重燒?

---

作者: 薯餅v.v    時間: 2009-6-8 14:43


可以的

---

作者: good16    時間: 2009-6-8 19:51


燒完粒MCU 都可以重燒?

---

作者: 薯餅v.v    時間: 2009-6-8 19:52


可以

---

作者: good16    時間: 2009-6-8 20:57


咁正

Thanks

---

作者: cfl1008    時間: 2009-6-11 16:46

Very interesting. I will try next next I have time.

---

作者: tintin117    時間: 2009-6-14 00:26

唔知　Arduino　是否atmel 贊助呢？
反應好似幾好喔.

---

作者: jackli    時間: 2009-6-14 20:23



唔係贊助,,.,. 係ardui 用左atmel 姐.,..,,..,,.

---

作者: Hulk    時間: 2009-6-17 16:45

如果一個新手, 請問應該買什麼組合??

---

作者: dulllou    時間: 2009-6-18 00:13

Duelilanove (即係 arduino 件板)
protoshield
電子零件組

---

作者: cehk    時間: 2009-6-19 00:55


你陰咗我... search唔到
用咗幾分鐘 , 先知道講嘜

如果我唔買Duemilanove , 而係自己組的話,  是不是只要跟足arduino-duemilanove-schematic.pdf就無死?

有沒有一些這麼複雜的方法, 便能開始試玩 (或者有無用breadbroad砌好的成品, 可以比新手照住砌)

----
睇漏咗, 唔好意思
http://www.hkepc.com/forum/viewt ... &extra=page%3D4
不過是否要有FT232先燒到?
圖上"USB Power"個part是DTA+/-是否為USB的DATA+/-?

[ 本帖最後由 cehk 於 2009-6-19 03:36 編輯 ]

---

作者: Sora    時間: 2009-6-20 18:44



借問聲個pdf係邊頁？搵極都搵唔到....

---

作者: Sora    時間: 2009-6-21 01:28

請問粒ATmega168放落arduino之前係咪要先寫左bootloader係入面？

定係咩data都無都可以同arduino去燒佢？

---

作者: Offer    時間: 2009-6-21 09:03



粒ATmega168放落arduino之前係要先寫左bootloader係入面

---

作者: pch0113    時間: 2009-6-21 10:07


居然俾我搵到PDF

---

作者: Sora    時間: 2009-6-21 10:56



咁如果粒野無bootloader要點搞？

---

作者: pch0113    時間: 2009-6-21 11:30


自己燒入去

---

作者: Sora    時間: 2009-6-21 12:57

用基本電路+isp cable燒？
唔好意思，細佬係新手……

---

作者: pch0113    時間: 2009-6-21 13:33


參考
http://www.hkepc.com/forum/viewthread.php?tid=1249056

---

作者: Sora    時間: 2009-6-21 13:36

唔咳哂！pch0113兄！！
另外，你搵到果個pdf pm比小弟得嗎？

---

作者: dulllou    時間: 2009-6-21 23:12

唔買板, 就要買野燒粒 M168, 結果又係要駛錢
不如買一件 Arduino, 之後先再買  m168 直接玩會比較方便


圖片附件: DSCF4563.jpg (2009-6-21 23:12, 113.12 KB) / 下載次數 271
https://h0.hkepc.com/forum/attachment.php?aid=878927&k=a5fe3f495a574584bea7ef28868508ef&t=1781388090&sid=28juaODAAW

---

作者: lauki    時間: 2009-7-24 12:48

明天將會上華強
如果想玩Arduino 請問邊到有呢d item買
同埋要買咩basic野

---

作者: lmk810    時間: 2009-7-25 12:32

好似好好玩咁

[ 本帖最後由 lmk810 於 2009-8-1 09:58 編輯 ]

圖片附件: arduino.jpg (2009-7-25 12:38, 15.9 KB) / 下載次數 150
https://h0.hkepc.com/forum/attachment.php?aid=911118&k=77d3e98f23ad5eadefca8e4c3d558494&t=1781388090&sid=28juaODAAW

---

作者: 風之小文    時間: 2009-7-31 18:25

I  want to ask that,
I should use the "mini USB >> USB" or "mini USB >>  serial port" to connect the  PC and Arduino????

---

作者: kenneth06    時間: 2009-10-31 21:16

請問華強北路那一間鋪有得買?

---

作者: bigcowboy2    時間: 2009-11-7 00:03     標題: 回覆 98# 的帖子

提示: 作者被禁止或刪除 內容自動屏蔽

---

作者: kenneth06    時間: 2009-11-8 22:55     標題: 回覆 99# 的帖子

多謝回覆,

請問你自己上去買? 定返來???