標題: [操作疑難] 華碩 PG278Q 話咁快就壞了！ [打印本頁]

---

作者: botsang    時間: 2014-11-19 01:05     標題: 華碩 PG278Q 話咁快就壞了！

8月底買，用咗只2.5個月，每星期開唔夠20小時......
早幾日，開著唔夠5分鐘，畫面一部份出現幼細既橫線，閃閃吓，啲字又崩晒爛晒
起初以為 displayport 線有問題
但試過唔駁電腦，淨開 mon，畫面都有同樣問題

大佬呀..... 賣到咁貴，咁快壞.....
最攞命既係，部 mon 我係喺台灣買！香港無保養

問過華碩，香港可以俾錢整，但人工零件逐樣收費
我試過同台灣華碩講，人工照俾唔係問題（因為人工係俾香港華碩，應該既！）
但希望零件由台灣華碩免費俾出嚟，由我負責俾錢運送到香港（因為如果成個 mon 寄返去台灣整，台灣華碩本來就要免費出零件；我只係提議將零件寄到香港，而唔係將個 mon 寄回台灣）
但台灣華碩客服只係識講「要依香港政策」；唔諗吓部 mon 咁快出事，台灣華碩都有責任
唉，呢排真黑仔

---

作者: mba75317531    時間: 2014-11-20 15:44

明知台灣買,香港無保都照買,人地唔幫你都正常喎.

---

作者: Lethant    時間: 2014-11-20 15:52

點解要買水貨？ 上網睇返都好似同香港差唔多價

---

作者: ridickidonky    時間: 2014-11-20 16:06

過 5 千既野我都會係返香港買
好似師兄你咁唔好彩都可以快手 d 搞掂

---

作者: 問題大2011    時間: 2014-11-20 16:49

我對牙石不嬲都有介心.平野以無好.今次........仲貴

---

作者: 100065    時間: 2014-11-20 18:41

本帖最後由 100065 於 2014-11-20 18:43 編輯

網上都唔少話asus d電話咁大問題
好易壞

---

作者: botsang    時間: 2014-11-20 22:32

唉，總之黑仔係啦
今日報咗價，零件費港幣3589

---

作者: tatgor    時間: 2014-11-20 22:49

睇完都唔明你做乜要台灣買.

---

作者: botsang    時間: 2014-11-20 23:07



初出時，香港無貨
問過香港啲舖，話唔知要等幾耐

---

作者: tatgor    時間: 2014-11-20 23:12




有無心急到咁.....

---

作者: botsang    時間: 2014-11-20 23:17



以為要排隊幾個月

---

作者: iamgozilla    時間: 2014-11-20 23:29

哎真黑仔, 不如你係香港買過部, 台灣呢隻整番就賣咗佢

---

作者: issachar    時間: 2014-11-20 23:30

有時 D 野就係咁... 有保唔會壞, 冇保就出事....

---

作者: tatgor    時間: 2014-11-20 23:49




呢個都係一個solution

---

作者: botsang    時間: 2014-11-20 23:50



諗住遲啲拎過台灣，交低俾嗰邊既同事處理，整好就通知我
到時一係就叫佢喺台灣幫我賣咗去，一係就再拎返嚟香港用

---

作者: iamgozilla    時間: 2014-11-21 00:01


下次咪再買D貴到死又無國際保的玩具返香港

---

作者: botsang    時間: 2014-11-21 14:13

不幸中之大幸......
CHECK 過, 佢隻腳架原來好易拆, 可以淨帶 MON 過去台灣
咁會易運送好多

---

作者: kan2816    時間: 2014-11-21 18:30

師兄！我都係起8尾起中田到入貸，我都奶左野，我關淨個Mon 有時左邊變左宗色，右邊就黑色正常

---

作者: DUP    時間: 2014-11-21 20:16

提示: 作者被禁止或刪除 內容自動屏蔽

---

作者: botsang    時間: 2014-11-21 22:39



咁奇異？？
睇嚟華碩啲野真係信唔過，旗艦級都咁多問題

---

作者: Hermit    時間: 2014-11-21 23:48

華碩除底板外,全部入黑名單,屋企部mx239h一年整兩次.

---

作者: botsang    時間: 2014-11-22 02:08



咁大鑊.......

---

作者: ~你好嗎~    時間: 2014-11-22 17:11

回覆 20# botsang


電子野....
我都係信撞手神~

我朋友買左MX同VX各一
用左接近一年都無穿無爛~

我俾佢地吹多兩咀
都入左部VX279H~~

---

作者: DUP    時間: 2014-11-22 19:27

提示: 作者被禁止或刪除 內容自動屏蔽

---

作者: botsang    時間: 2014-11-22 20:08



師兄比小弟好彩得多

---

作者: botsang    時間: 2014-11-23 20:38

今日落場行咗半日，發覺都係只有 PG278Q 符合我既要求
唯有整返之後繼續用，直到市面出現更佳選擇罷.......

---

作者: kan2816    時間: 2014-11-23 22:43




   我完全明白師兄你既感受，我都有諗過好唔好買過部～因為拿去漢科到整實有排先比返我～

---

作者: kamcm    時間: 2014-11-24 00:00

本帖最後由 kamcm 於 2014-11-24 00:06 編輯


最驚係原本只壞其他零件........ (用用下死電源)
最後就連塊PANEL 都比人換左塊有光點的....
=======
試過件貨新買番來只係用左年半....因為有保... 拿上代理....
等左半個月.....拿番件貨....PANEL 被換了....
之後仲話我原本話PANEL 壞...又話塊PANEL 早就SEND 走左..... 要求換回原本的都不行
遇到呢D三流維修真係會比佢激死...
=======


如果樓主真係搵香港代理整.:.. 一定要他們保証唔會換走原本沒有壞的部份.....
唔係好快又會壞另一PART....

---

作者: botsang    時間: 2014-11-24 00:30



小弟打算拎返台灣華碩
香港要3500，實在太唔值得

---

作者: TH30    時間: 2014-11-24 00:30



表面症狀係花屏，換panel都好正路丫
維修部邊有咁好心機走＂歪＂路換其他野　　　

---

作者: kamcm    時間: 2014-11-24 00:36



如果香港收完你3500. 肯把保用由台灣改成香港... 保用跟台灣購買日起計....都值得諗

如果唔係就唔值得整了...

---

作者: botsang    時間: 2014-11-24 00:42



相信無咁好死了

---

作者: kamcm    時間: 2014-11-24 01:11



如果MON 只係小問題, 例如個MON 制, 有時按第二下先有反應....即使在保用期內....我都唔敢拿去整...

依家D維修好流....不論香港定台灣

http://www.hkepc.com/forum/viewthread.php?tid=2144355
http://www.mobile01.com/topicdet ... p;t=4116631&p=1

---

作者: kan2816    時間: 2014-11-24 02:23


師兄！我既情況就係咁樣了

圖片附件: [奶晒野～] 10432101_10152540648673831_3164463585141304047_n.jpg (2014-11-24 02:22, 88.44 KB) / 下載次數 60
https://h0.hkepc.com/forum/attachment.php?aid=1738473&k=719835b04ccefd7620243e2cd2030c5c&t=1782200354&sid=28jJaxAVIU

---

作者: kamcm    時間: 2014-11-24 05:14




算小事了....

http://www.amazon.com/PG278Q-27- ... mp;showViewpoints=0

你看D 一星二星REVIEW 就見到大把人同樓主一樣咁死....
I am an owner of this monitor from Europe (got it from Amazon.de) and initially was really happy with it despite the pixel inversion issue which i can live with. Unfortunately all of a sudden i started facing the blurry text, flickering and severe artifacts problem so heads up people!

MORE:
http://rog.asus.com/forum/showth ... ality-overall/page3
   
====

---

作者: botsang    時間: 2014-11-24 09:44



唉...... 有無搞錯, 咁好明顯係本身呢個產品線製造上出問題, 唔係個別事件咁簡單
不過睇死華碩唔會負責任進行回收........ 財到光棍手, 幫你修理就當係盡咗責任了

---

作者: kamcm    時間: 2014-11-24 09:49



所以唔好再買呢隻MODEL...等其他牌子好過...

---

作者: ~你好嗎~    時間: 2014-11-24 14:11

回覆 35# kamcm


我睇到一兩星就十個唔到...
4-5星就廿幾三十個....

樓主唔係香港買機....
香港買就4年上門保.....
時, 地, 人......撞手神.....

---

作者: mba75317531    時間: 2014-11-24 15:58

本帖最後由 mba75317531 於 2014-11-24 16:00 編輯

樓主其實自己都有責任喎.
明明係台灣機就係台灣保.如果你係明知都要買返來多多少少就係自己抵死.
你係美國買部未解鎖的IPHONE來到香港死左,香港APPLE都唔保俾你啦.
講真,對香港華碩來講,你部機就係過保機.要整就要報價.
如果你部機返到台灣一樣可以有返保養.受佢保養條例可以免費維修.
當然你可以投訴佢部機質素差.因為你用左唔長時間就壞左.
但係係售後服務方面我又唔覺人地有咩問題.
似係你自己問題多D.
有時忠言係逆耳D...

---

作者: botsang    時間: 2014-11-24 16:01



如果照師兄所言，即係35-40個當中，就有6-8個喺三個月內出事

---

作者: botsang    時間: 2014-11-24 16:07



或者你睇清楚小弟之前寫乜，先至話小弟抵死罷
我完全無話香港華碩有問題，亦話我絕對同意香港華碩要收錢
我係話，台灣華碩自己品質有問題，卻唔肯幫少少忙，寄零件嚟香港 （郵費我願意俾）
不過我都知，宜家啲人睇 post 唔係真係睇字，而係估人講乜

---

作者: ~你好嗎~    時間: 2014-11-24 17:23




我只係比照返根上位師兄所講好多一兩星.....
朋友同我用華碩MON(香港行貨)
都無病無痛....

同埋, 我都係O個句
撞手神.....

---

作者: botsang    時間: 2014-11-24 17:48



明白
其實小弟係用數字嚟表示出事既比率到底有幾高`
一兩個星期固然係差, 但三四個星期都唔代表係好
因為一個 MON 由新開到出事, 搞到要以 "星期" 或 "月" 嚟計, 已經係十分離譜

---

作者: ~你好嗎~    時間: 2014-11-24 18:39




希望我d 電子野都生生性性.....

---

作者: kid^    時間: 2014-11-24 18:47

雖然電子嘢係撞手神
但係留意翻新貨機皇率真係幾高
仲要唔係cheap嘢

---

作者: Prorock    時間: 2014-11-24 19:07

買mon我會買dell
事關隻2407 2006年入手到依仲用到

---

作者: newmember    時間: 2014-11-24 20:27

My philxps ... almost 6 yrs...

---

作者: kamcm    時間: 2014-11-24 21:21

本帖最後由 kamcm 於 2014-11-24 21:50 編輯

其實大家有冇諗過, 香港ASUS仲有冇員工有冇能力維修呢D MON呢?
定係其實呢D貨最終都係SEND 番國內/ 台灣果邊整....
如果都係最終運到台灣/國內整..... 香港代理收3500 只係負責運件貨來回.. 呢個價就認真貴...
我都覺得最多只應收千元以下 的象徵式的行政費 + 檢查費 ... 而不是零件費

======

BTW,,,
以前死雞HDD 出過固件門... 固件門之後一年... 見好似解決左... 自己又大手買左幾十隻2~3TB.. 點知惡夢來了....之後果2年...隻隻HDD行RAID 1 用番一年半載, RAID 就離奇地DROP.. 再REBUILD 隻HDD 仲消失埋... 重新比電行單隻就正常........隻隻都係咁死... 認真吹漲.. 仲要大部份都沒沒過BS...

依家諗番... 其實固件門... 可能係廠家想SET果定時詐炸彈令HDD在商用時(用RAID 來判斷)不正常地提早報廢 (如RAID 失效).. 從而增加銷售額, ..但唔知點解... 正常使用都觸發了炸彈.. 結果出了固件門, 鬧災情, 搞到要更新FIRMWARE.....

====
好啦... 呢單野咁壞法... 會唔會係令一個死雞翻板呢?
就係提早 觸發了應該幾年後才觸發的東西... 結果又鬧災情了....
換句話說... 一至兩年後... 當技術成熟了... 觸發就更得心應手了... 至少在保用期時不會壞掉.不會錯誤地觸發..但之後呢

至於點解要係高階MODEL 做試驗? 因為多D零件.. 可以玩多D唔同花樣
如果呢單野真係可以用FIRMWARE 更新去解決9成個案...就同死雞如出一轍了

至於我的猜想是否正確... 黎緊5年就有答案了

---

作者: tata211    時間: 2014-11-25 10:41

寄返台灣整囉
再唔係自攜過去當旅行囉

---

作者: babywa1119    時間: 2014-11-25 14:44

乜華碩d QC咁差ga??
不過電子野都係撞手神既....

---

作者: rayw    時間: 2014-11-25 16:32

PB278Q新既都可以有一光一死
粒光仲要話黑色底見到先換比你
PB系列都咁搞, 你以後咪叫我再買佢d mon

---

作者: botsang    時間: 2014-11-25 21:18



今日已經拎咗去台灣華碩了

---

作者: tata211    時間: 2014-11-26 16:43

回覆 41# botsang


    其實你有咁既唸法, 你就已經錯哂, 個個好似你咁, 走去台灣買完返黎有問題就叫香港代理只收維修費, 零件叫人係台灣代理運免費既俾你, 咁咪即係叫D代理唔使開飯去食屎一樣, 俾你做代理你制唔制先?

---

作者: botsang    時間: 2014-11-26 21:12



咁樣等於叫香港代理唔駛開飯去食屎？你有無計清楚條數呀？

（我拎返台灣整的話）
香港代理一毫子都無得賺
台灣代理要免費出 man-hour 及零件
我本人就更加要費力抬部機去台灣
根本三方都無著數

（照我個方法的話）
香港代理可以賺人工費
台灣代理唔駛出 man-hour，淨係出零件
我本人又唔駛抬部機去台灣
結果三方都有得著

另外，你認為會個個都會走去台灣買嗎？
台灣賣得仲貴過香港，而且又要抬過嚟香港；100個香港用家當中，都未必有1個會喺台灣買

---

作者: kan2816    時間: 2014-11-26 21:22


今日我都打左去香港華碩到，佢話三日內會上門維修

---

作者: botsang    時間: 2014-11-26 21:38



希望師兄早日搞掂

---

作者: dieago    時間: 2014-11-27 17:55

早排d ching吹到牙石mon點正, 後來一批一批出事
最慘我都受托買過隻22"平野, 大半年後到會覆疹發現左右兩側... 好彩用家不發覺。見巨接授到就算。

其實比左合理$就有合理正常使用期,樓主有無? 咩系主?咩系客?

---

作者: indigo    時間: 2014-11-27 18:36



呢個係你自我中心嘅三贏方案啫, 到最後其實係三輸局面.
如果以你嘅方案, 代理除左要同本地嘅其他品牌競爭之外, 變相要仲要同世界其他地區同一品牌嘅代理競爭, 競爭即係比之前大左, 售價自然無可能太過進取, 咁樣地區代理變成輸家.
另外因為可以喺其他地區買到同一件貨品, 而代理又只會好似你咁講收人工同零件運費, 作為一個買家, 因為貨品無左差異化呢個因素, 著眼點就只會睇不同地區嘅貨品價錢, 咁總公司就唔可以根據不同地區嘅消費能力以去作出不同嘅市場銷售策略. 總公司又變左做輸家
一個高稅率嘅地方售價一定會比低稅率嘅地方貴, 因此高稅率地區嘅買家唔會喺本地買, 咁地區代理生存唔到, 就唔會喺該地區引入產品及保用服務, 到時買家買左有咩問題未又係要運番去外地維修. 可供選擇嘅產品少左, 買家自然就會成為輸家.
最後結果就係個個都輸.

---

作者: botsang    時間: 2014-11-27 18:44

本帖最後由 botsang 於 2014-11-27 18:53 編輯


你睇咗我之前最後嗰兩句未呀？

仲有，宜家個 case 係涉及香港及台灣，唔係你所講什麼高稅國家，對嗎？
夾硬扯去根本不符合本 case 、而係由你自己一心構思出嚟既情況，似乎更加示範出何謂「自我中心」

---

作者: royngai    時間: 2014-11-27 18:44

我買三隻三隻都壞..PA248Q..VN289Q...MX279H...

---

作者: indigo    時間: 2014-11-27 18:54

本帖最後由 indigo 於 2014-11-27 18:56 編輯



   

咁又點呢?? 成個市場唔係睇你一個買家, 係睇全個世界.
好似你咁講, 歐美基本上唔會有呢隻 mon 賣, 因為佢地一定貴過台灣香港. 作為一個大公司會唔會咁蠢.

---

作者: botsang    時間: 2014-11-27 19:33

本帖最後由 botsang 於 2014-11-27 19:37 編輯


所以我都話，呢個 case 只係香港與台灣
你講歐美市場的話，得！咁你等歐美用家作出與我相同要求時，你向佢地講啦～

根本唔同情況下，有唔同既方法可以達到共贏；死都要全世界嚟拉埋一齊講，根本無謂

---

作者: indigo    時間: 2014-11-27 20:20



    我都講過, 用你嗰個概念, 只會共輸唔會共贏.
假設全世界真係好似你咁講, 都係水貨只收人工運費唔收零件, 個模式就會好似 Apple 咁唔會有代理自己做番晒, 但係間公司要好大先得, 結果細嘅公司死晒, 剩低嘅因為供應少左, 價格就會上升.
又或者好似 EIZO 咁, 全球保用, 但係要做到呢樣野係要錢, 所以個價錢會賣到好貴好貴.
結果都係消費者受害.

你嗰個所謂共贏方案, 其實只係短時間嘅你得到好處, 因為你唔使搬部機過去台灣.
你以為香港代理賺左你維修費, 其實變相佢存倉嘅零件賣少左, 你以為維修費最好搵?? 最多未收你嗰幾百蚊, 收得貴你都唔整啦, 佢 D 又要運費又要倉租又要人管理, 結果人地蝕嘅仲多過你以為賺嘅.
你又以為台灣公司慳左人工, 其實人地本身都要請維修人員, 整多一部機唔會用多左公司資源, 反而用你個方案仲要額外人手處理你呢 D 零件運送, 你自己話賺定蝕啦!
你唔係仲以為自己嗰個方案真係咁好呀??

---

作者: botsang    時間: 2014-11-27 20:42



你仲係要將「全世界」拎埋一齊講
宜家呢個方法，唔係俾「全世界」用架，你真唔明定扮唔明？

仲有一樣本來唔想講既，宜家都講埋出嚟：
乜原來你認為，一間公司造咗一件本身有問題既貨品出嚟，俾機會分公司賣零件，係一個天經地義既賺錢方法？你講到彷彿賺唔到呢種無良錢，就係一種損失

咁好吖~ 如果要客戶每事依正廠方政策嚟做的話，FINE!
唔該借問聲，廠方又是否應該依正做生意既操守嚟經營？
從廠方賣出有問題既產品嗰一刻開始，已經唔符合做生意既應有操守！
自己無做好應做既事，卻要求對方樣樣做足，你唔係仲以為咁樣真係合理呀？呃鬼食豆腐咩？

---

作者: indigo    時間: 2014-11-27 21:06



我下面嗰度已經只講台灣同香港, 你要選擇性咁睇我都無辦法.

仲有你要分清楚 Asus HK 同 Asus TW 喺原則上係兩間公司, 喺法律上兩間係獨立無關係嘅. 更何況香港代理應該係(看 4), 更加只係合約上嘅伙伴關係, 唔存在總公司分司嘅關係.
人地保用條款就係保障你所講嘅問題, 保障一段合理時間內有問題產品嘅責任, 只係你超出左人地負責嘅範圍, 但係你就要人地去做超出佢地責任嘅問題. 你話嗰 D 係無良錢, 你要人地蝕錢幫你做野, 等於你老闆叫你假期返工不過無補水, 甚至乎係你工作範圍以外嘅野, 你會唔會覺得呢樣合理先?

---

作者: Lethant    時間: 2014-11-27 21:33

其實如果真係下下都好似你咁 買咗水貨可以叫行貨代理出師傅整 零件分開叫水貨所屬國家既代理免費出返 就算你出運費， 都係消費者着數晒。某程度上 地區性價格係當地既税項，貨倉既租 同 保養既budget。 每個地方既零件價格同維修員人工都唔同。你買件貨 比咗錢台灣華碩， 當中就一部份係比售後服務，即係保養。香港代理一毫子都冇， 你依家要整梗係每見零件同你計啦， 所有嘢都係成set買抵啲，你依家散開買佢個保養服務一定貴啲，佢都冇謂方便你 正常人會肯成部寄過去又要寄返嚟咩？郵費又唔平，又有機會再有問題。你所謂3嬴局面邊係咁呢？ 台灣代理唔理你唔洗出零件可以慳啲，香港收晒3500，一定多過你淨係俾維修費

---

作者: botsang    時間: 2014-11-27 21:57

本帖最後由 botsang 於 2014-11-27 22:16 編輯


(如果你本來要貼近返個 CASE, 就唔駛用 "全世界" 嚟嘩眾取寵啦~
你一開始就強調 "全世界", 想營造先入為主既效果, 然後就逐少逐少地轉返香港台灣~
你唔係以為真係無人知你玩梗乜方法呀?)

講返正題先~ 我逐樣嚟回你~~

佢 D 又要運費又要倉租又要人管理
依我個方法, 零件係台灣即時寄過嚟既, 唔係香港華碩既存貨; 香港華碩自己既零件, 只係俾香港行貨修理用, 根本與我無任何關連, 何解要算在我頭上?
我既方法, 根本就係等同於付費聘請香港華碩為我提供一項 "技術服務"; 我根本唔會動用佢既 "硬件", 唔該唔好借啲意將 "硬件" 既成本入埋我數
你去搵人整電腦, 唔通對方會話 "你買我服務, 唔買我硬件, 我蝕俾你"?

其實人地本身都要請維修人員, 整多一部機唔會用多左公司資源
反而用你個方案仲要額外人手處理你呢 D 零件運送, 你自己話賺定蝕啦!
你都幾飄忽喎!
一時又唔當整機既 MAN HOUR 係資源消耗, 嚟強調我個方法慳唔到對方資源
一時又話寄野既 MAN HOUR 係資源消耗, 嚟強調我個方法浪費對方資源
你搬龍門都唔該唔好咁明顯啦! 好嘛?

更何況香港代理應該係(看 4), 更加只係合約上嘅伙伴關係, 唔存在總公司分司嘅關係
唔該你自己睇: http://www.asus.com/tw/Pages/Investor/
華碩既財政報告當中, 整個中國連同香港都納入財務報表入面~~
唔存在總公司分司嘅關係??? 老作都唔該唔好咁離譜吖
(另外, 請問一下, 就算無關係又點?? 我宜家係想付費聘請香港華碩提供 "技術服務", 又唔係要佢為台灣華碩負責, 有乜問題?)

你話嗰 D 係無良錢, 你要人地蝕錢幫你做野, 等於你老闆叫你假期返工不過無補水, 甚至乎係你工作範圍以外嘅野
第一, 你所講既 "蝕錢", 上面已經講過, 你一時又當 MAN HOUR 唔係資源, 一時又當 MAN HOUR 係資源~ 証明你呢個 "蝕錢論" 根本係搬龍門玩出嚟既
第二, 我已經講過 N 次, 香港華碩要收我人工的話, 我絕願意俾! 你唔好屈我話我唔俾錢 (無補水), 亦請你搞清楚, 華碩係可以將行政費計入人工之內 (呢個亦係好多公司一向收費時既計算方法)

---

作者: botsang    時間: 2014-11-27 22:00



我係俾錢香港代理既師傅整, 唔係叫行貨代理免費出師傅整
你知唔知當中既分別?

---

作者: Lethant    時間: 2014-11-27 22:17



你有冇睇我最後嗰句呀 香港收晒3500、一定多過你淨係畀維修費

你買個水貨電話壞咗，可唔可以淘寶啲零件 拎上香港代理話唔洗你啲零件，我淨係要你個師傅維修得喇。
售後服務係保養維修，你唔可以就咁同台灣代理話我個mon壞咗 要lee幾樣零件因爲仲有保養，唔該你寄過嚟我自己去搵人整。最多我俾返郵費。台灣驗都冇得驗你話你要咩零件佢就比你啊？點都要check係咪人爲啩。如過係咁、我得閒去香港代理攞返啲零件返嚟啦，唔洗錢呀ma。 香港同台灣代理根本就冇關係，你咁樣都得搵鬼投代理權返嚟

---

作者: botsang    時間: 2014-11-27 22:23

本帖最後由 botsang 於 2014-11-27 22:33 編輯


你最後嗰句我當然有睇啦~
我可以話你知: 你錯咗
因為喺我拎咗部機嚟台灣之後第二日, 香港華碩已經打電話俾我, 話接受我既提議, 而且郵費及人工加埋, 遠遠不及 3500

另外, 台灣華碩唔係無得驗, 而係根本唔駛驗
點解? 因為我晨早已經俾咗港幣300香港華碩代佢驗, 有晒紀錄!
如果你認為香港華碩驗過, 都唔夠可信的話, 咁你不如唔好當香港華碩係 OFFICIAL DISTRIBUTOR 好了

另外我想講多樣野:
來自淘寶既零件, 廠方可以唔受理; 原因係來歷不明, 如果係假野, 有乜意外, 廠方就要負責
你認為由台灣華碩直接寄俾香港華碩既零件, 會有呢個問題嗎?

---

作者: botsang    時間: 2014-11-27 22:28

啱啱今日收到通知, 台灣華碩已經整好, 我聽日就可以去攞
好彩可以趕得及返港前攞到, 否則要等過兩個月再嚟台灣時先至有得攞

---

作者: angus;]    時間: 2014-11-28 01:24




    恭喜曬~~

---

作者: kan2816    時間: 2014-11-28 01:52


恭喜師兄！希望今次你部pg278q生生性性

---

作者: tata211    時間: 2014-11-28 01:53

算吧啦巴打們，樓主活在自我中心世界之中，你地無謂打擾佢，不如望樓主幾時拎個良心出黎做代理，益下我地好過啦

---

作者: botsang    時間: 2014-11-28 01:56

多謝樓上兩位師兄先～

---

作者: botsang    時間: 2014-11-28 02:20



算吧啦
廠方產品有問題，被輕描淡寫帶過
用家既折衷方案，根本無對任何一方構成任何損失，卻被搬龍門老屈話令公司蝕錢

如果係打手的話，望佢有啲良心，呢幾個 post 就唔好收老闆既錢嘞
因為越描越黑，幫倒忙呀～

---

作者: Lethant    時間: 2014-11-28 03:34



恭喜晒
點解啲人後尾完全無視咗個產品問題係因爲你對代理處理水貨保養既睇法好傻。 你開頭喺度話 代理幾衰唔肯用你個方案， 幾個網友都同時指出佢唔係老奉咁做 而原因已經上面寫晒 我亦都唔重覆。 好喇，到最未雖然你已經送咗部機去台灣整，香港既代理都好心咁肯聽你既方案。 我只係想講你唔係次次都可以咁好彩，唔關打唔打手時，你試吓其它電器咁做，大把代理彩你都傻。明明可意賺埋零件點會同你慳？開善堂呀？

咁樣做唔係令公司蝕錢，係賺少咗。 你自己都話原本收3500，依家香港代理用你方案唔晒洗lee個價，賺少咗 都唔係代理既損失？ 其實你話代理肯咁做都係啲人插晒你之後 你先講既，佢地都係在商言商咁解俾你聽點解佢地唔即刻應承。

到最後我都好希望多啲代理好似你咁識埋你啲所謂“三嬴”局面，令到我地可以買平啲既水貨同時可以以廉價享受行貨代理既售後服務。

---

作者: indigo    時間: 2014-11-28 04:45

本帖最後由 indigo 於 2014-11-28 04:46 編輯

我當初用全世界唻做例子，係想宏觀咁睇一件事，你係要講台灣同香港嘅，我未同番你講台灣香港囉。
咁又叫嘩眾取寵？因為你所講嘅”理由”，係可以套落去世界上其他唔同嘅地方，係你唔承認會引伸到咁嘅問題啫。

第一：
或者你唔明我講咩啦。而家你部機壞左，照正常做法，香港華碩係可以賺你零件費連人工；但係用你嘅方法嘅話，香港華碩就只可以賺你人工，零件就賣唔出，而香港華碩要管理呢 D 零件係要成本，賣少左就即係賺少左，即係我口中所講嘅蝕左。的確你無用到佢嘅硬件，你應該無責任去負責佢呢方面嘅成本，但係作為一係商業公司，無乜可能會提供一個服務係影響到自身嘅利潤，所以我一直都係話你嘅方案只係得你有得益，而其他兩個角色都係輸。

第二：
台灣華碩本身已請左一批維修人員喺度，整一部機又係咁多人工，整十部機又係咁多人工，咁整多你一部機係咪唔會用多左資源呀？而你要求台灣華碩為你寄件到香港，一來要台灣華碩去搵人處理呢個工序，二來香港華碩都要搵人處理，咁係咪額外用多左人地嘅資源呀？你一而再話比左錢，不過你係比錢香港華碩囉，唔係台灣華碩，我係話你要求台灣華碩負佢本身唔需要負嘅責任，而又講到幾咁天經地義。

第三：
呢度我係搞錯左，我以為 asus 嘅 LCD 係漢科保用，原來係香港華碩保用。
台灣華碩係叫華碩電腦股份有限公司
香港華碩係叫華碩科技(香港)有限公司，係台灣華碩嘅子公司，不過佢地的確喺法律上係兩間公司。
同埋你口口聲聲話比錢香港華碩提供服務，但係你又唔面對夾硬要求台灣華碩提供額外嘅服務。同埋保用就係為左防止你所講嘅品質有問題而由廠方提供維修責任，你又講到人地應該負責云云，咁人地講左負責台灣地區，你就走左唻香港，跟住嘈話台灣嗰邊唔負責，人地係負責呀，不過麻煩你負番本身嘅責任拎番去台灣，你又唔多願，你自己話講唔講得通先？

第四：
首先你自己睇清楚第二點所寫，我係講緊兩樣唔同嘅工作，關係到兩個唔同嘅人力資源，維修人員係已付出左嘅人力資源，幫你處理零件寄到香港係額外嘅人力資源，或者呢個工作係本身已經有嘅文員做，但係呢個工作本身係無嘅而係你希望台灣華碩額外提供，所以應計入額外人力資源。不過你係鐘意混淆視聽我都無辦法。
人地白紙黑字寫明嘅保用條款，你購買同使用已經代表你同意左。台灣華碩只提供本土維修，而家你係要台灣華碩負佢條款以外嘅責任，不論佢嘅零件係咪本身係咪都應該要用作維修你部壞機，但係你部機唔喺台灣，台灣華碩的確係無責任要幫你做野。一間廠提供左合理嘅保用期比你，保用期間壞左就話人地質素有問題，咁保用期都係咁嘅用途，如果新機唔會壞嘅咁保用呢類野係無意思，當然壞嘅次數好頻密就另作別論。

---

作者: indigo    時間: 2014-11-28 05:01



我只係用少少經濟同埋市場嘅理論去解釋你件事，無論套落去邊一個公司，都應該講得通。如果唔同意你所講嘅就係打手，咁呢個世界就真係好多打手。
水貨行貨本身就係一間公司因應唔同地區嘅情況做一個市場區間，唔提供支援就係防止好似樓主呢類咁奇特嘅要求，因為一開先例，會影響到自身同代理嘅利益。如果真係如你所講真係三贏，應該所有公司都係行你嗰套，而唔係而家呢套。定係你自以為自己嘅智慧比諗出專營權嗰條友更加聰明呢？

---

作者: tata211    時間: 2014-11-28 09:18

回覆 77# Lethant


唉吔~ 你上面講到好地地, 做乜下面又提返水貨係平呢, 咁樣樓主又會講佢買返黎係貴過香港, 咁佢又可以無視你上面講既任何野, 只反駁你呢句都有排寫架喇

---

作者: botsang    時間: 2014-11-28 09:45



所以我一早已經問咗一個問題：
一間公司造咗一件本身有問題既產品出嚟 > 分公司於是可以賣零件
如果唔能夠用呢個方法賺錢，原來係「損失」甚至係「蝕錢」架？

真係為宜家啲人既營商思維覺得可怕！
如果你賣食品，你個仔賣藥....... 祝你地賺大錢啦

---

作者: kan2816    時間: 2014-11-28 09:54

其實樓主都好無奈下，咁遠買個mon返黎用唔夠三個月就出事，跟住出post分享下自已，又比一大堆唔係解答到樓主問題既人回答，最令我開心既就係樓主個mon有得整返有得用，真心希望樓主個mon唔好再有事，如果唔係飛機票錢都幾金下

---

作者: botsang    時間: 2014-11-28 10:24



1）照你咁講，如果部機無病無痛，正正常常咁運作的話，咁香港華碩就無得賣零件，會損失，係嘛？

2）你都幾搞笑！整機人員又好，文職寄件人員又好，根本都係一早已經請咗喺喥；華碩係唔會為咗我呢個要求而登報請多個人。點解你只計一樣，卻唔計另一樣？慳咗兩個鐘整機就當無一回事，多咗半個鐘寄件就呱呱嘈？同埋話俾你知，台灣華碩本身就為維修物件提供收送服務，所以本身佢地就預咗要為客戶寄件；處理我個 case，對於佢地而言，只係寄既物品唔同（寄零件，而非成件貨物）包裹上寫上既地址唔係台灣，而係香港而已（國際郵費，係由我俾既）

3）你所謂額外服務，上面已經講咗。另外，我想問你一個問題：台灣華碩造咗有問題既產品出嚟，令用家受困擾；莫講話佢本身已包括寄件服務，就算無，又點？大把負責任既公司，會直情回收添！唔通你又話咁做係對公司唔公平？

4）請你睇第2及第3點。

---

作者: botsang    時間: 2014-11-28 11:03



你見我邊句鬧香港華碩，話佢老奉要咁做？

---

作者: 黃昏    時間: 2014-11-28 13:19



樓主講既產品品質問題
原則上你比左既錢，已經有包呢個風險，同埋風險管理 (保養服務)

產品壞左，而家係「台灣 ASUS 代理」(應該係「聯強」) 既問題
因為收左錢既係「台灣 ASUS 代理」

你希望香港代理 (即「漢科」) 幫你整部野，而「台灣代理」就寄件比「漢科」
好似講緊兩間公司既問題，其實根本就係唔同公司，因為個代理商唔同

即係你係百佳買左個新奇士橙
然後壞左，你見惠康都有賣，就叫惠康幫你換，你比返車錢
其實根本都唔關事

你提出既方案係對消費者最方便既方案
即係你邊度買都好，例如 AMAZON 做特價買到野
壞左又去香港代理整
咁樣係得，不過其實成本最尾都係消費者受返

你既方案係可行
不過代理唔接受亦係應份，肯幫你就人情

---

作者: botsang    時間: 2014-11-28 13:42



多謝師兄，承你貴言

---

作者: botsang    時間: 2014-11-28 13:46

本帖最後由 botsang 於 2014-11-28 13:54 編輯


建議你搞清楚台灣華碩及香港華碩既身份先
第二, 我唔係唔俾錢去要求服務既; 我一直都話, 絕對同意香港方面要收我錢
另外，我講咗好多次，我無鬧香港華碩，ok?

---

作者: indigo    時間: 2014-11-28 14:06




1. 你唔好又混淆視聽啦。而家大前提係你話部壞左，現行政策係你要香港華碩幫你提供技術服務嘅話，佢嘅要收 labor + parts （假設一千蚊），而家你要人地改政策去遷就你，變相只收  labor （假設五百蚊），咁人地係咪賺少左先？

2. 你仲搞笑啦，你都識講台灣華碩維修物件收送服務係只限本地，咁你要人地改寄零件，改寄香港就唔覺得係額外嘅服務唻嘅？額外嘅服務自然要額外嘅人手，額外嘅人手即係用左額外嘅公司資源。計 labor 無得拉上補下，你唔會話個文員多野做，叫個維修人員去幫手做文員嘅工作。正如一間餐廳，樓面好忙碌洗碗無野做，你都唔會叫洗碗出樓面幫手。

3. 首先我建議你去學習下咩叫 QC，設計問題同品質問題係兩件完全唔同嘅事，設計有問題影響到可用性嘅，回收係應該，而品質問題台灣華碩都負左嘅應付嘅責任係提供左佢嘅保用服務，係你唔負作為買家應負嘅責任帶番去本地。
無一間公司生產嘅產品係 100% 無問題，如果你覺得保用期內有問題嘅產品，全部歸入去設計問題應該回收，我相信你乜都唔使用，因為壞同唔壞只得機會率問題，係不可能完全避免。莫講話 LCD 呢 D 幾千蚊貨仔嘅野，就算幾十萬嘅車未一樣會有 QC 問題，唔通又話佢設計問題要回收呀？

其實講到尾，你都係想人地幫你整，等你呢位貴客慳錢慳時間啫。

---

作者: botsang    時間: 2014-11-28 14:48

本帖最後由 botsang 於 2014-11-28 15:04 編輯


1) 你咪混淆視聽先至係呀!! 宜家邊條政策話, LABOR + PARTS 係 HARD BUNDLE 架? 你作架? 我由第一日聯絡華碩開始, 佢地都話, 人工係一回事, 零件係當有需要訂購時先至買! (既然台灣華碩有責任出零件, 點解要逼我買香港既?) 你以後搵人整電腦, 如果你只買服務唔買零件, 唔通間舖頭就因此而損失?

2) 真係笑你都費事~ 寄本地同外地, 分別只係寫唔同地址, 以及郵費 (國際郵費由我俾)。如果你寄一封信, 會唔會因為個地址係寫外地, 兼且唔入三張紙 (成部機), 而只入兩張紙 (零件), 而令你做多咗野? 大話都唔該作得好啲啦, 唔該~

3) 宜家有人要求佢100%無問題咩? 你自己睇吓網上有幾多人, 用呢個 MODEL 出事? 宜家唔夠三個月就壞, 你夠膽話廠方無出錯咩? 唔該你唔好刻意淡化成個問題既嚴重性

其實講到尾, 即使產品有問題, 你都係想消費者唔好責怪呢間 "信譽優良" 既廠方啫~
好可惜, 你反而幫倒忙~

仲有一點想講:
你話我想慳錢慳時間 << 請問一下, 由根本而言, 我點解要慳錢慳時間?? 乜唔係我買一件產品返嚟, 本來就唔應該要咁快就花精神去整機架咩??? 邊個既錯呀??

---

作者: Lethant    時間: 2014-11-28 15:02


根本件貨真係本身有問題，如果你係行貨，香港代理多多都肯免費同你換，因爲佢有個責任喺度 同銷售條款有關。完全唔明你講食品同藥做乜，lee啲有問題要保養？要換零件？
最笨實就係你當初驚香港冇行貨，然後去台灣買。根本係你自己買水貨之前 已經知道要承受冇保養個風險，同件貨有冇問題無關，依家自己買完返嚟，有問題喇，又唔甘心要俾貴咗買同保養要咁多錢。 明明一早知道風險 依家又受唔落要畀咁多。
   
冇人話你鬧香港代理 依家啲人係恥笑緊你乞衣 又想慳錢又想慳時間。當初自己係因爲想有早買早享受lee個回報，但係又唔gur個風險。

3）你所謂額外服務，上面已經講咗。另外，我想問你一個問題：台灣華碩造咗有問題既產品出嚟，令用家受困擾；莫講話佢本身已包括寄件服務，就算無，又點？大把負責任既公司，會直情回收添！唔通你又話咁做係對公司唔公平？
根本就係反智，冇問題既貨洗鬼去搵代理整。任何人喺保養期内壞電器都係件貨出咗問題先會壞㗎啦。我買部水貨日版sony ps4 保養期内壞咗，可唔可以話係件貨本身有好大問題叫日本sony回收呀。佢令到我好困擾呀。行貨咪就係保障返行貨客既權益。你講到全世界華碩件貨個個都有問題  令到全部用家困擾要全面回收咁款。你明唔明你本身張單係台灣出你係受台灣銷售條例保障，唔係受香港保障，香港代理冇義務幫你。

---

作者: botsang    時間: 2014-11-28 15:18

本帖最後由 botsang 於 2014-11-28 15:19 編輯


你都幾好笑, 好似講到用家買華碩產品, 應該要預佢三個月就壞, 係合理風險

無人話我鬧香港華碩???? 你唔敢認你自己寫過乜呀?
"你開頭喺度話 代理幾衰唔肯用你個方案"

最後, 如果部機用咗一年先出事, 你估會唔會有人話佢本身有問題?
三個月就咁多人出事, 係你呢亭人先至會埋住良心嚟與一般正常 case 相提並論~

另外, 錢我肯俾, 但唔代表我任賣方老屈, 屈我去買本來就唔駛買既野
所以乞衣呢兩個字, 原封奉還
因為起碼, 我並無好似一啲人咁
收咗人錢卻俾有問題既貨 / 計數亂搬龍門 / 以及講野後又唔認~~
呢啲先至係大種乞衣~~

---

作者: kevin169    時間: 2014-11-28 15:21

2.台灣同香港你唔會見到有大問題.
係其他地方,變相係入口電子零件,要打稅.
人地條款寫到明,保養包D咩,地區,人工,零件.
台灣區全包.其他全不包,呢個係常識.
郵費用者自付,呢個一定係架啦.(咁你有沒有俾來回運費啊?)
之不過佢獨立收定包埋係維修費入面.(字眼上分別,實際分別不大)
品質或良率 係一件事.
水貨要求香港區代理代為維修又係一件事.
人地收你天價係合理,你一係整,一係唔整.
幫你整係人情,唔幫你整係道理.
品質或良率差,你可以要求台灣提供台灣當地維修.
甚至投訴都可以.

---

作者: botsang    時間: 2014-11-28 15:29



我個 CASE 係唔係香港台灣? 好明顯係
郵費我亦一直都話由我俾

---

作者: kevin169    時間: 2014-11-28 15:38



係咁又點,你肯俾錢咁又點.
人地一定要要按你要求幫你架?
你憑咩?
憑呢個POST啊?
憑你唱衰ASUS?
你宜家同D雙非有咩分別?
著數識得拿,公院咁平,因為有津貼.
人地公司收你公價好合理,人地係商業機構來.
現在你要台灣覆行保養義務,提供優惠價給你.

---

作者: botsang    時間: 2014-11-28 15:41

本帖最後由 botsang 於 2014-11-28 15:49 編輯


所以話啫, 你有見我針對香港華碩嗎?
由始到終, 我鬧梗都係台灣華碩
(呢一點, 我喺之前既 POST 都已經講過了)

另外, 你有見過我問佢地攞優惠價咩???
我淨係堅持一點: 如果我本來就唔應該買既野, 我就唔會買 (零件, 因為台灣華碩有責任俾出嚟, 但郵費應該由我負責)

另外仲有一樣野要講:
華碩係俾我唱衰, 定係佢自己產品差而做衰自己? 你搞清楚先罷

---

作者: kevin169    時間: 2014-11-28 15:48



台灣華碩差,你咪去番台灣個邊講.
台灣都有幾個電腦BBS.
咁你上來呢到想講D咩?
問題機既圖又冇,單又冇.
有證據係投訴,冇證據係摸黑誹謗.

---

作者: Lethant    時間: 2014-11-28 15:53


其實就算真係台灣代理既錯 （你鬧邊個其實唔係重點），佢肯免費寄埋，咁多post想帶出一點 就係點解你覺得香港代理有個義務一定要聽你講 用台灣零件唔逼你用公價收你零件錢呢？其實冇人老屈你錢、你係可以自己寄成部嘢過去或自己拎過去整、一係就係食香港零件價。

---

作者: botsang    時間: 2014-11-28 15:54



呢個論壇係唔係唔可以講台灣品片架??
呢條規矩係你新加入架?
你憑乜呀?

如果你話我誹謗, 得! 我就俾證據出嚟!
你等我今晚返酒店就 POST 出嚟!

---

作者: kevin169    時間: 2014-11-28 15:55



中point   

---

作者: botsang    時間: 2014-11-28 15:56



我有話香港代理有義務咩?
我係話, 台灣嗰邊起初唔肯寄零件過嚟